زعيم نص الارض
30-07-2006, 02:39 AM
شكلي ابي اقلبها مادة تعبير
قصتي انا والاسد وسائق الطائره
في يوم من الايام سمعت عن قرية يتعرض اهلها للخطر وعند سوالي عن نوعية هذا الخطر عرفت انهم مواشيهم واطفالهم يتعرضو للهجوم من قبل اسد ضخم لم يعرفو كيف يقتلونه وقد عرضو مكافاه قيمتها 2000 سهم في الغذائيه (تدور ليش في الغذائيه لانهم سهم مضاربه ) المهم وانا اضرب يدي في صدري وقلت لهم انا لها واجهز عدت الصيد واحرك على المطار واركب الطياره متجهين للمنطقه التي يوجد بها الاسد طبعا وانا في الطياره صرت احس ان الطياره قام تطامر انفجعت وش فيه الطيار هذا ما يعرف يسوق والله حاله والا واسمع نداء من الطيار يقول اسمع انتي وياه اربطو الحزام سوف نمر على مطبات هوائيه وانا التفت على الي جنبي واقوله وش سالفتهم هذولاء في شوارع مطبات حتى في الهواء يحطو مطبات والله حاله عدمو سياراتنا وطيارتنا المهم عدينا من المطبات شوي الا وقفت الطياراه في الهواء وانادي في اعلى صوت وشفيكم وقفتو واذا الطيار يتكلم نعتذر لكم اخواني واخواتي المسافرين على هذا التوقف المفاجاء نظراً لان الطياره غرزت في غيمه ومحتاجين واحد كفؤ يفزعلنا ويطلع الطياره وانا اقوم اضرب صدري بيدي واقول انا لها ( اخس يا طرزان يا انا ) واروح عند الطيار واقوله افتح الباب ويلتفت علي وقالي تعرف لها وانا ارد عليها بكل ثقه على الاقل احسن منك يا وجه النحس وانا انزل من الطيار و اروح عند كفر الطياره واقعد احفر وبعدها التفت للشباك طيار واشر له بيدي قالي وشفيك تاشر لي قلت بريك بنزين بريك بنزين عشان تطلع الطياره قالي ابشر شوي شوي وطلعنا الطياره وكملنا طريقنا لما وصلنا المنطقه الي فيها الاسد والطياره في مدرج المطار اطلع في الشباك الا امة محمد جايني يستقبلوني ( والله لو اني كوفي عنان ) اولا ما طلعت من الطياره وهم يهتفون بالروح بالدم نفديك يا زعيم :o
المهم ونروح المكان الي دايم يتهجم عليه الاسد واجلس اتابع اثاره الاسد عشان اعرف كيف اخطط واصيده واقول للشيخ القريه نامو وامنو الاسد صايده صايده المهم وانا اجلس فوق نخله انتظر الاسد جاء الليل وانا اراقب الموقف وانتظر الاسد واذا بي انتبه للشيء جاي للجهت النخله على بعد 20 كيلو واركز واركز والا وهذا الاسد جاي للموته شوي والاسد غير اتجاه وانا اطمر من النخله واقد اركض بين النخل ( الي يشوفني يقول الثنيان على غفله ) تعرفون اموه على الاسد واجي من واره وامسكه مع راسه و واحط وجهه جهة القبله واطلع السكين وانا ابي اذكيه قالي الاسد يا زعيم وقف وانا اوقف قلت وش تبي قالي انا داخل على الله ثم عليك انك ماتذبحني قلت اذا ما ذبحنك راح تذبح حلال الناس قالي خذني وحطني في حديقة حيوان واكسبي اجر قلت ابشر وطلع الصبح واكلم شيخ القريه عن الاسد واقوله خلاص انتم في آمان واخذت الاسد وحطيته في حديقة حيوان وتزوج لبوه وجابو اسد وسماه زعيم نصف الارض وعاشو في سعاده وهنا وحتى القريه بعد ما ابعدت عنهم الاسد عاشو في سعاده وهنا وآمان .
وهذي قصتي مع الطياره وسائقها والاسد .
تشاتشا تشاااااااااااااااااااااااااااااااااااااو
قصتي انا والاسد وسائق الطائره
في يوم من الايام سمعت عن قرية يتعرض اهلها للخطر وعند سوالي عن نوعية هذا الخطر عرفت انهم مواشيهم واطفالهم يتعرضو للهجوم من قبل اسد ضخم لم يعرفو كيف يقتلونه وقد عرضو مكافاه قيمتها 2000 سهم في الغذائيه (تدور ليش في الغذائيه لانهم سهم مضاربه ) المهم وانا اضرب يدي في صدري وقلت لهم انا لها واجهز عدت الصيد واحرك على المطار واركب الطياره متجهين للمنطقه التي يوجد بها الاسد طبعا وانا في الطياره صرت احس ان الطياره قام تطامر انفجعت وش فيه الطيار هذا ما يعرف يسوق والله حاله والا واسمع نداء من الطيار يقول اسمع انتي وياه اربطو الحزام سوف نمر على مطبات هوائيه وانا التفت على الي جنبي واقوله وش سالفتهم هذولاء في شوارع مطبات حتى في الهواء يحطو مطبات والله حاله عدمو سياراتنا وطيارتنا المهم عدينا من المطبات شوي الا وقفت الطياراه في الهواء وانادي في اعلى صوت وشفيكم وقفتو واذا الطيار يتكلم نعتذر لكم اخواني واخواتي المسافرين على هذا التوقف المفاجاء نظراً لان الطياره غرزت في غيمه ومحتاجين واحد كفؤ يفزعلنا ويطلع الطياره وانا اقوم اضرب صدري بيدي واقول انا لها ( اخس يا طرزان يا انا ) واروح عند الطيار واقوله افتح الباب ويلتفت علي وقالي تعرف لها وانا ارد عليها بكل ثقه على الاقل احسن منك يا وجه النحس وانا انزل من الطيار و اروح عند كفر الطياره واقعد احفر وبعدها التفت للشباك طيار واشر له بيدي قالي وشفيك تاشر لي قلت بريك بنزين بريك بنزين عشان تطلع الطياره قالي ابشر شوي شوي وطلعنا الطياره وكملنا طريقنا لما وصلنا المنطقه الي فيها الاسد والطياره في مدرج المطار اطلع في الشباك الا امة محمد جايني يستقبلوني ( والله لو اني كوفي عنان ) اولا ما طلعت من الطياره وهم يهتفون بالروح بالدم نفديك يا زعيم :o
المهم ونروح المكان الي دايم يتهجم عليه الاسد واجلس اتابع اثاره الاسد عشان اعرف كيف اخطط واصيده واقول للشيخ القريه نامو وامنو الاسد صايده صايده المهم وانا اجلس فوق نخله انتظر الاسد جاء الليل وانا اراقب الموقف وانتظر الاسد واذا بي انتبه للشيء جاي للجهت النخله على بعد 20 كيلو واركز واركز والا وهذا الاسد جاي للموته شوي والاسد غير اتجاه وانا اطمر من النخله واقد اركض بين النخل ( الي يشوفني يقول الثنيان على غفله ) تعرفون اموه على الاسد واجي من واره وامسكه مع راسه و واحط وجهه جهة القبله واطلع السكين وانا ابي اذكيه قالي الاسد يا زعيم وقف وانا اوقف قلت وش تبي قالي انا داخل على الله ثم عليك انك ماتذبحني قلت اذا ما ذبحنك راح تذبح حلال الناس قالي خذني وحطني في حديقة حيوان واكسبي اجر قلت ابشر وطلع الصبح واكلم شيخ القريه عن الاسد واقوله خلاص انتم في آمان واخذت الاسد وحطيته في حديقة حيوان وتزوج لبوه وجابو اسد وسماه زعيم نصف الارض وعاشو في سعاده وهنا وحتى القريه بعد ما ابعدت عنهم الاسد عاشو في سعاده وهنا وآمان .
وهذي قصتي مع الطياره وسائقها والاسد .
تشاتشا تشاااااااااااااااااااااااااااااااااااااو