ابيات تصويريه لقصتي مع نــــاديـــــــه (كل بنت تعتبر)

[آآآسر القلووب]

[size=3][align=center]

طبعا كل شخص في الحياة يصادف اشياء كثيره ويعايشها فيه منها اللي ينبسط ويفرح انه يعيشها والاغلب ان كل اللي حواليه اشياء تزعله وتقهره لدرجة انه ممكن تثيره لدرجة انها تخليه يكتب شعر!!!!!!!!!
مثل ماصار لي (والشعر ماينبع الا من المواقف) !!!!!!


هذا موقف حصل لي في يوم من الايام وكل ما اشوف البنت اتذكر الموقف ( هذا يحصل مع غيري كثير وهذا الامر ماهو سهل والكثير تهاون به وماادري ايش السبب (والا الحرام علينا بس )وايش وجهة نظرهم في الموضوع ؟؟؟؟؟


كل عضو يدخل ابي يعطيني وجهة نظره في الموضوع المسرود في الابيات (وخصوصا البنات )



في فــتـرة الـتدريب عايشت أمور ٍصـعاب = يـصـعـب عـلي وصـفها واسـرد مـواقـفــهـا
أشـيـا تـحـز في الـنفـس وراسي لها شاب = وتـنـدى لهـا جـفـونـي وتـذرف مـدامـعـهـا
أبـكــتـب في نـــــــاديه بـنــــت الأشنــاب = أبي شـي تـسمـعه ويـاْثر في مـشـاعـرهــا
بـنـت حبــــوبه مـا فيـــــهـا شـي ٍيـعـــاب =غـيـر أمرٍ ٍغريــبٍ ســـوته ماهـو لصالحـــهـا
البنت مسئوله بمركز التدريب والانتسـاب =وشاء الـقـدر صـدفه ادخـل فـي مـكـاتـبهـا
دخـلت وعامـلها أجنبي واقـف على الباب = وهـي كـاشـفـه وجـهها وهو أجمل مفاتنهـا
يـوم شـافـتـني ارتـبكت وغـطت بالـحجاب = وادارت وجـهـها والـدهــشه في مـلامحـها
قــلـت سـبــحــان ربـي خـــالـق الأربــاب = يدري بمـكـنـون الصدور وأدرى بمخـافـيــهـا
البنـت تـستـر نفـسها في حضـرة الشاب = إن كـان من نـفس ديـرتها وإلا من أجانبـهــا
وإن كـان لابـد من كشفها ونزعة الجـلبـاب =لاتكشف إلا مع جنسـها أو مع مـحـارمـهـا
ربي أمـرها بالـحـيا والستر باطـهـر كتــاب = وتـــلزم لــباس الــعــفـاف وتخـفي محـاسنها
ممـكـن كـلامي صـعـب وأنا تـوني شاب = ولاني رجـل دولـه ولاني مـن مـشـايـخـهـا
بس الخطا مرفوض ونـطلـب الخالق ثـواب = ونرجيه جنات النعيم ونمشي في مـرابـيهـا
هــذي نهاية قـصتـي مع بـنــت الأشناب = ربي يسامحها ويحفـظها ويستر معـــايـبهــا


اتمنى اني قدرت اصور لكم الموقف لدرجة انكم فهمتم القصه واتمنى تكون عجبتم ابياتي المتواضعه


آآآسر القلووب

[تؤبر تسبدي]

تسلم اخووي آسر بس مافهمت انت تركت البنت عشان فاتشة
عند هندي طيب عادي ابوي لاشافنانتغطى عن هندي يقول تراه هندي لاتغطون>> ابوها زاحف ههه
انت تشوف انها اخطت وانتوا بااكبر خطاء طيب انت تعرفها
موهذا اكبر خطاء بعدين خذها مني وانااختك وحدة تعرفت عليها ببتعرف
على مليون زيك بختصار الطريق اصلن هذا اكبر غلط
واتمنى من كل بنت تحفظ نفسها وسمعة اهلها وتفكر بااهلها موبنفسها
وتخلي ابوها يمشي رافع راسة ماتجي توطية على اخر عمره
هذا رائي اتمنى تحترمة وعن ابياتك ابيات جميلة تسلم اخوي

[آآآسر القلووب]

نونه تحب فطووومه>>>>>>مافهمتي القصه وتوقعك غلط>>>>>>>>>اللي بعدك يحاول

[عاشق سراب...]

نونه القصه سهله ومفهومه
السالفه ومافيه

خوينا اسر دخل في احد مراكز التدريب حلو
وبعدها لقى الاخت ناديه فاتشه
ويم شافت اسر تغطت وخافت على نفسها يشوفها اسر
المصيبه كان عندها عامل اجنبي
ما حسبت له حساب
يعني حرام علينا حلال عليهم
طيب هذا اولى وولد ديرتك يعني هو اللي بيخاف عليك اكثر من هالاجنبي
وان بغيتي الجد غلط اللي سوته ناديه
كون انها تفتش عند العامل الاجنبي وتتغشى او تتغطى عن اسر
ترا كلهم رجال وكلهم ربهم واحد
والحرام واضح من عنوانه
الله يصلح ناديه
وانت يا اسر قصيده من جد رائعه تسل اخوي
واتمنى اني وصلت للمفهوم وقدرت اصور الموقف
ولك ارق تحيه
وسي يوووووووو

[تؤبر تسبدي]

تسلم اخوي عاشق على التوضيح انا راح بالي بعيد<<كان الجهاز العقلي معطل عندي
اعتذر اخوي ااسر واسفة على اللبس الي صار اما من ناحية موضوع الكشف عند الاجانب
هذا واقع يخطأن فيها البنات حتى بالمطعم لادخل القرصون يقدم الاكل ماتغطى وبعض اولياء الامور الله يهديم
يتساهلون في هذا الشي اليوم فتشت عند الهند ببكرة تفتش لغيرة بس هذولا البنات
ياخذون فكرة ان الهندي اوالاجنبي ان صح التعبير عادي تكشف عنده لان من وجهة نظرها
الاجانب شايفين بنات ومتعودين عليهم يعني ماراح يخزها مثل السعودي هذي فكرتهم فيرتاحون لهم اكثر
اما عن ابوي الله يعطية الصحة والعافية ترا وربي يقول لاتغطون عن هندي بس امي ترد علية بان الهندي مورجال ماله رب واحنا مع امي نستحي اصلن اكرر اعتذري لك اسر وشكري وتقدير واحترامي لعاشق على راسي والله

[عاشق سراب...]

تسلمين ننونه
الله يعطيك الصحه والعافيه
وانتي فخر للفتاه اللي تحافظ على حجابها
بس وين أآآآآآسر كأني فقدته وما جا
مع ارق تحيه للجميع
وسي يووووووو

[آآآسر القلووب]

من طول الغيبات جاب الغنايم

عاشق سراب>>>>>>>>>> لايكون كنت معي وانا ماادري >>>هو انت هاذاك اللي كان واقف يمين ؟؟؟

بصراحه انت اللي ابدعت في وصفك للحادثه اللي صارت ووضحت الصوره بالتمام من غير زود ولانقصان يسلم لي فكرك ومو غريب عليك>>>> شاعر بمعنى الكلمة وعسى ان شاء الله استفيد واصير مثلك اكتب اشعار


انا يوم كتبتها صراحه كنت مقهور ((مو عشان ماشفتها او ابغاها تكشف وجهها عندي مثله ,)لان كلنا رجال ,والحرام علينا كلنا اجنبي او سعودي مافرقت ))

مافكرت في اهلها اللي اعطوها الثقه >>>>>!!!!

ولو حتى نحنا الشباب نسوي كذا ( يعني مانسوي اي شي غلط مع بنات بلدنا <<<هل هذا يخلينا نقول جايز او عادي نسويه مع بنات مو من بلدنا ؟؟؟؟!!

(الشاب المحترم والبنت المحترمه )>>>>>اذا فيه شي حرام >>>يكون حرام على اللي من نفس جنسيتي وحلال مع الاجانب >>>>> حرام في السعوديه مثلا الكشف , الشراب >>>وبرى السعوديه لاعباه ولا حياء وخراب ؟؟؟؟

مدري كيف الناس تفكر ؟؟؟؟؟>>>>>>>>>>>>>>> والا لايكون انا لحالي كذا (( زين معي انت ياعاشق سراب واخت نونه تحب فطونه (لايروح فكرك بعيد مررهه ثانيه :icon_wink:


تسلمون على مروركم الطيب

دمتم بخير

آآآسر القلووب

[انين الصمت]

اللي فهمته ان البنت ناااديه كانت كااشفه قدام الاجنبي ويووووم شافتك غطت

ذي كثير بنات الله يهديهم يسوونها اذا اجنبي تقول عااادي ليش اغطي قدامه

ماخذين فكره ان الاجنبي مو رجال وللاسف تلقي الاهل واقفين معها وهي فاتحه

والاجنبي مثل السعوودي

دامه رجال المفروض ماتبين حتي طرف يدها عاااد مو مره وحده وجهها

وصح لساانك اخووي قصيده راااائعه

اختك انين

[آآآسر القلووب]

مشكورة اخت انين الصمت على مرورك

وربي يهديينا ويثبت كل مسلم على كل حق

[( النرجسيـــة )]

آآسر القلوب ,,,,,,,

صح لسانك وتسلم يمينك على القصيدة

الابيات جدا واضحه ,,,,, رسالة بعثتها بقلبك قبل لسانك فوصلت

وان شاء الله تجد صداها وكما ذكرت التهاون فى الحجاب من الاجانب شىء مرفوض ,,,,,

وهذا اساس التربية ,,,,,,وما نشأت عليه البنت

لك فائق تقديرى واحترامى

النرجسيــــــــة

[آآآسر القلووب]

اسعدني مرورك الرائع وتعقيبك الاروع

ولاننحرم من تشريفك لمواضيعنا المتواضعه

[عذووبه]

آآآآسر جيت على الوتر الحساس ,,,

تصدق اني شفت ناس من جماعتنا وقرايبنا إذا جت تكلم الأجنبي خصوصآ من اللي يشتغلون عندهم في المزرعه او السواق تكشف له وكأنه من محارمها !!!

في هالزمن صار الحجاب امر لازم مو عشانه فرض لا للأسف لإنهم صاروا يخافون من كلام الناس ...

مااقول إلا الله يهدي ويصلح جميع بنات المسلمين ... ويثبتنا على الطريق المستقيم ....

تسلم اناملك الذهبيه على روعة طرحك ... وروعة اسلوبك في الطرح ...

[صهيل الخيل]

الموضوع بسهوله عادي جداً

معضم البنات الأن ما يغطون من الأجنبي

بحجة أنه أجنبي لا يهش ولا ينش وأكبر المصايب اليوم

ما تجي الأ من الأجانب ليتهم يعرفون بنات ديرتنا ..

الله لطيف بعباده يا أأأســر ..

دع الخلق للخالق وبتعيش كثير وبتشوف كثير والله يرحمنا برحمته..

تقبل تحياتي ومروري .. والله يوفقك..

[آآآسر القلووب]

آآآآسر جيت على الوتر الحساس ,,,

تصدق اني شفت ناس من جماعتنا وقرايبنا إذا جت تكلم الأجنبي خصوصآ من اللي يشتغلون عندهم في المزرعه او السواق تكشف له وكأنه من محارمها !!!

في هالزمن صار الحجاب امر لازم مو عشانه فرض لا للأسف لإنهم صاروا يخافون من كلام الناس ...

مااقول إلا الله يهدي ويصلح جميع بنات المسلمين ... ويثبتنا على الطريق المستقيم ....

تسلم اناملك الذهبيه على روعة طرحك ... وروعة اسلوبك في الطرح ...


اخت عذوووبه ... اشكر مرورك الرائع وكلماتك اللتي خرجت من قلب يتمنى الخير لكل اخواتك

ويكفي الزمان ان فيه بنات امثالك وامثال اخواتك في المنتدى ...


صحيح البعض اتخذ الحجاب عاده .... والبعض اتخذه لكل مايعمله من شر وسيله

والبعض انتقص قدره وفرط في تزيينه.... والبعض لايرتديه الا عند ابناء العشيره !!

لكن سيضل للعفة مكان ..... رغم ظروف الزمان ....هكذا هي الاقدار...... لكن لايزال بيننا اخيار

[آآآسر القلووب]

الموضوع بسهوله عادي جداً

معضم البنات الأن ما يغطون من الأجنبي

بحجة أنه أجنبي لا يهش ولا ينش وأكبر المصايب اليوم

ما تجي الأ من الأجانب ليتهم يعرفون بنات ديرتنا ..

الله لطيف بعباده يا أأأســر ..

دع الخلق للخالق وبتعيش كثير وبتشوف كثير والله يرحمنا برحمته..

تقبل تحياتي ومروري .. والله يوفقك..



صدقت ان اكثر المصائب اصبحت تأتي من الاجانب... وكيف لا وهم يشاهدون استهتار البعض بالحجاب امامهم

ولو علمت كل من تستهتر بالحجاب امام هذا الاجنبي انه اخطر عليها من ابناء جلدتها ..... ابدا لن تكرر فعلتها


....اشكر مرورك الرائع اخوي صهيل الخيل ولا تحرمنا شرف مرورك....

[‏f@T@fEet]

الحمدلله بس

مشكور اخوي

في بعض الاهالي كذا

بس نسال من الله الالثبات والعفاف

[آآآسر القلووب]

f@taf@te

اشكر مرورك ... وكما قلتي الحمد لله ونسأل الله الثبات على الحق

لاتحرمينا شرف مرورك