مهندس الكلمه" أكتب له أو عنه "

[دـدـدــراب الليل]

مهندس الكلمه بدر بن عبد المحسن
هذا البحر الفائض بأجمل المعاني والاقوال

قوله حكمه و شعره نبض
حرفه جمله و بحره عذب

في كلامه حروف تتساقط مثل الرذاذ
نعم انه المهندس نعم انه الاستاذ

أكتب ما تحب
عن مهندس الكلمه
أكتب ما تحب
لمهندس الكلمه

[دـدـدــراب الليل]

المرايا.. وجهي اللي تمليت
آه يا وجه المرايا ..
انت انا .. والا سوايا ..
محدٍ خذا وجهي
لبسوني قناع ..
وانت .. لا تسال .. ولا ترتاع ..
كدر حصاهم صفحة الما ..
لا ياصلون القاع
أعرف أنا نفسي
بس ودي تقول .. من أنا
إلى متى صمتك يطول .. مين أنا
كلٍ يسميني بإسم .. ما هو اسمي ..
وانته تناظر .. تبتسم ..
آه .. يا وجه المرايا ..
لا انت أنا .. ولا إنته سوايا
هذا وجهي يالمراة .. ورده وصارت حصاة
قمت أقلبها بنظر .. وآه يا كثر الحصى
ذا حجر .. وذا حجر ..
وينك إنتي يالصور ..
ذكرىوجهي اللي فات .. وجهي الباقي
اللي في أعماقي .. وجهٍ عرفته غير ..
آه .. يا وجه المرايا ..
إنتي أنا .. وأحدٍ سوايا ..

مهندس الكلمه

[صـدى الوجدان]

آه يالجــــــراح ..

لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
فصل الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..

[ذكرى قديمه]

اوراق الزمن

ادفن يدي .. تحت الثرى ..
واسقيها من جفني ارق ..
يذبل مابين اصابعي ..
عشب و ورق ..
ادفن يدي .. فوق الثرى ..
يلفها برد وسموم ..
واحس بعروقي يبست ..
ما توصل عروقي الثرى ..
ولا تشرب عروقي النجوم
وينبت على جفني سهاد ..
يذبل ورا صدري الشجن ..
اشقق اوراق الزمن ..
وانام ..
في حلقي الليله جفاف ..
شربت أيامي .. ومضت ..
واللي بقى جرحي الوفي ..
في خاطري باب يرد ..
وسراج دوبه ينطفي ..
اغطي الظلمه بظلام ..
كل ما اشد اصابعي ..
على العيون المتعبه ..
جرحٍ ينام .. وجرحٍ شعر بي وانتبه ..
قام وتبعني لشرفة ظلمه بعيد ..
جاني يقاسمني السهاد .. جاني قصيد ..
ادفن يدي تحت الثرى .. فوق الثرى ..
واعيش انا بباقي يدي ..
نصفٍ يموت .. ونصفٍ درى انه يموت ..
يا سيدي .. ربي انا نقطه فـ بحر ..
علمني كيف اهوى الحياه ..
علمني كيف اهوى القدر ..
علمني بإماني اكون ..
يارب .. اكثر من بشر ..

[دـدـدــراب الليل]

في أخر الصفحه يسار
خبر صغير
حادث قطار
مات اربعة
مكتوب في السطر الاخير
باقي التفاصيل في الصفحة العشرين
على الثرى..وبين الورق..أجسادهم مقطعه
الأربعة..لجل المساحة ما تشيل
وفي باقي الصفحة صور
فنان
وحصان
وكور
وابحث عن الخبر الحزين
في نهاية الصفحة يمين
حادث قطار
ماتوا ثلاثه وطفل
وبإختصار...شديد...شديد
كان القطار هو الوحيد
اللي بأسم
بلا ملامح..أو أسامي
ليه كلنا نموت
ليه نهمل الجثه
ونتذكر التابوت
لأقدامنا صوت...من يسمعه
من يسمع الاقدام
هم مرو من تحت الكلام
الاربعة
وصاروا ارقام...أرقام
أنا رقم..اصقه ضرير
المشكله..مثلي كثير
يجمعنا حب الهاويه
أحلامنا.. أنا نضير
وقاماتنا متساويه
تركض على ورق الحياه
لين ننمحي
المشكله ما نستحي
إنا نمر
ما شافنا أنسان
ولا سمعنا أنسان
اكتبني بالنسيان
أنا رقم

[أعشق حياتي]

http://www.alanan.net/shu3ra/albader/bader3.htm

ادخلوا هذي كتابه له فضيعه ..

[ثقة شاعر]

أنا بدوي .. ثــــوبي عـ(المتن)مـشـقـــــو ق ومــن الجـــبال الســمــر صــبري ثبـــــاتـي

ومثل النخيـل خلقت أنـا و هــامـتي فـــــوق وما إعتــدت أنا أحـني قـامــتي إلا فـصلاتي

ولا إفتخر بأفـعــال يـمنــاه مــــخـلــــــوق يـــا بـنـت أنـا فــعــلـي شــهـودة عداتــي

الله خلقني وكـــلمة الـحــق بــوفـــــــوق وملكت الارض وراس مالي..عصاتي

بدر بن عبد المحسن

[admin]

وش خليت
شاعر راقي
ومهندس كلمه محترف


لو تغيبي .. ولو رحل وجهك حبيبي
في غيابك عنك اشوفك ..
و في عذابي منك اشوفك ..

صدقيني مل نقص هالليل بعدك الا قمرا ..
و ما فقدت من النهار الا شعاع الشمس بكرا ..

لو تغيبي .. ولو رحل وجهك حبيبي ..
في غيابك عنك اشوفك .. و في عذابي منك اشوفك ..

يعطيك العافيه

ولي عوده باذن الله :)

[أسامر الليل]

الأرض





انا من هالأرض .. أمي الصحراء .. احضنتني رمالها
وارتويت بطهرها .. أطعمتني تمرها .. وفرشت لي ظلالها
انا من هالأرض اللي مال عيالها .. غيرها أرض

***
عاشقٍ هالرمل .. من خلقني الله .. لين أموت
عاشقٍ جرد الروابي .. والفيافي والخبوت
عاشقٍ طين البيوت .. وفتلة خيوط الوبر
عاشقٍ مافي البشوت .. من عطا وطيب وفخر

***
حبيبتي .. ما أجملك ..
العشق لك .. والمجد لك ..
يكفي القصايد فخر .. لو توصلك ..
امد لك .. زهرة خزامى .. وامد لك غيمة تهامى
وفنجال .. من كف النشامى
يا مجدّله شعرك نفود .. وعالي جبينك هالنجود
وقلبك هضابٍ بينها .. أطهر مكانٍ في الوجود

***
قالوا : البيت الحرام .. قلت : ارضي
قالوا : الشرع الامام .. قلت : ارضي
قالوا : الحب السلام .. قلت : ارضي
قالوا : في مدحك نزود .. قلت : يفداها الحسود
ما على هالارض .. ارض مثل أرضي

[Cristall]

لاجيــت انـا باسامــحــك
تبكي الجــــراح مـاودهــا
مشتــاق ودي اصــافحك
وعيـــت يــــدي لامــدهــا

بدر بن عبد المحسن

[Cristall]

صعب السؤال


صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد


بدر بن عبد المحسن

[εïз..جَنْآئِنْ..εïз]

http://www.al-amakn.net/up2/uploads/1409cd8f57.jpg

ما أطولك ليل ...
ليل البعاد .. والإنتظار ..
ما اطولك ليل ...
سارق من عيون النهار ...
ناسي زمانك ...
زمانك .. يا شجوني ...
عارف مكانك ..
مكانك.. في عيوني ...
يا ليل .. يا ليل ..
يا ليل أنا ربعي هناك ...
وداري ورا الدمعه .. وراك ...
الله على شمس الأصيل ..
من ضيها مثل الذهب ..
الله على سمرا تقول ..
الى متى الفرقا .. تطول ..
في صوتها .. شوق وعتب ..
ما أطولك ليل .. ما اطولك ..
طال .. طال بي وجد ..
قلبي يا هواي ..
يا دفا نجد ..
في عيون الصبايا ..
ليتني نسمه .. على عالي عسير ..
أو على جده .. على الشط الحرير ..
ليتني نفحة أريج .. عطرت ريح الشمال ..
يا ليتني موجة خليج .. ترتمي فوق الرمال ..
ما أطولك ليل ... ما اطولك ..

ܓ سراب الليل ܓܨ

يعطيكـ العافيه ع النافذه لشاعر أعشق بوحه

مهندس الكلمه أبوووووووووووخالد

ـ
وُد... وَ ..جَنائِن يَاسمِينْ .

http://www.al-amakn.net/up2/uploads/e8a4d7872c.gif

[دـدـدــراب الليل]

أنتظرتك..عمري كله..وانتي حلم
ومرت الايام والله...وانتي حلم
ليه تأخرتي علي
توهي مره واسألي
كوني في غير الزمان...والا في غير المكان
كوني عمري...عمري كله
اللي باقي...واللي كان
انتظرتك عمري كله...وانتي حلم
كل نجمه شعشعت والقلب عتمه...كانت انتي
كل حرف حرك شفاهي بكلمه...عنك انتي
وكل حبي اللي مضى والحب قسمه...منك انتي
كانوا الاحباب ظلك..بعض أحساسك ونورك
ما عرفتك يوم كلك..ياللي في غيابك حضورك
انتظرتك عمري كله...وانتي حلم
هذا انتي...قولي والله إنه انتي
وين غبتي؟!..عني هذا الوقت كله
وين كنتي؟!
شيبت عيني طيوفك..وما أصدق إني أشوفك
ياللي قلبي في كفوفك..نقش حنا
وفي جديلك عطر ورد
أتمنى..لو تكوني في فراغ
اعيوني وعنى
وفي سموم ضلوعي برد..ليه تأخرتي علي
وماطرى لك تسألي
انتظرتك عمري كله..وانتي حلم

[Cristall]

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

[Cristall]

قالوا سألتي .. عني سألتي ..
وأنا ما ادري ويني .. ضايع ياعيني ..
ما ادرى وش اللي ذكرك ..
مقطع شعر في دفترك ..
والا الكلام عن صاحبك ..
وانت عقدتي حاجبك ..
قلتي كلام كله كذب ..
وليه اتصلتي .. عنى سألتي؟
آخر لقانا في الخريف
تذكري الثوب الخفيف
والبرد .. يوم خفتى علي من البرد..
وامطار الخريف..
ومرت سنة يمكن سنين
ويني أنا ووين السنين؟
قلتي كلام كله كذب
ليه اتصلتي.. عني سألتي ..
صوتك طيور مهاجره ..
مرت في قلبي مسافره ..
والحب .. لو طال الغياب اول مداك وآخره ..
غيبي سنه والا سنين ..
بااجيك انا .. والا تجين

[دـدـدــراب الليل]

مري علي قبل الرحيل .. مري علي
مثل الوفا .. مثل الجميل ..
مري علي .. ابكي حياتي وارحلي ..
مري علي .. من بعد شوفك ما عليّ ..
مري لو الفرقا قهر .. قولي قدر ..
يمكن زماني اللي بك غدا .. ظنك غدر
عذر العيون السود .. دمعه ما تفيد
تمحي الظلام وتجود يا امل الغريق
مري علي .. ابكي حياتي وارحلي ..
مري علي .. من بعد شوفك ما عليّ ..
وش فيل الجفا غير الجفا
غير الوفا لك والحنين ..
كان الامل انك تجين ..
وتسألين..
الله يعين الصابرين .. الله يعين ..

[εïз..جَنْآئِنْ..εïз]

http://www.elbader.net/marsam/big_images/2.jpg

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره

[Cristall]

سـلامــة رمـاحــك الـلــي جـرحـهـا غــالــي
طعنتـنـي غـاضــب لـيــن أنـكـسـر رمـحــك
لــو قـلـت لــي كــان أجــرح حـالـي بحـالـي
لا عـاش قلـبٍ جـزع وارتــاع مــن جـرحـك
لاجـلــك جـروحــي غـــدن الـيــوم عـذالــي
ذمـيـت ظلـمـك وأنــا مــن عـادتـي مـدحــك
يالـيـت لــي ذنــب وألـقــى علـقـمـك حـالــي
وياليت بك عدل .. وأرضى ف الهوى ذبحك
يـاسـيــدي وإن نــويــت تــزيـــد غـربــالــي
قلـي وأنـا أبعـد ظلامـي عــن سـنـا صبـحـك
لــو مــا يـسـرك أطــو ل الشـمـس بجـبـالـي
مـايـكـفـي إن عـشـقــت جـبـالــك وسـفـحــك
كـــل الـهــوى بـالـهـوى يـزهــى ويخـتـالـي
وأنــا الــذي فــي خـسـارة عـزتــي ربـحــك
يــاعــل ماتـزهـرالأشـجـار فــــي رمــالـــي
لـو أعتـذر عـن شموخـي فـي رجـا صفـحـك
سـلامــة رمـاحــك الـــي جـرحـهــا غــالــي
طعنـتـنـي غــاصــب لــيــن أنكـسـررمـحـك

[Cristall]

ياحروفنا الملح.. في شفاهنا الحنضل ...

كان السكوت أفضل .. ولا الكلام ؟

قلت اللي في قلبي ..

وخرج الحكي..من الحكي وما عاد..

اخيامنا طويت ..كافي ندق اوتاد

الكلمه .. ماهي انتصار

ولا انكسار ..

كانت حقيقه ..

يوم انقطع حبل الحوار

يا حروفنا الحنضل.. في شفاهنا الملح

زعلوا حبايبنا..كان السكوت أفضل

[انثى الاسد]

:122: هذا القلم مبــــــــــــــــــــــــــــــــــــــــــــــــ ـــــــري



وهذا الالـــــــــــــــــــــــــــــــــــــــــــم حبــــــــــــره




كاني علي خبــــــــــــــــــــــــــــــــــــــــــــــــ ـــري




بـــــ ذكرك بختبــــــــــــــــــــــــــــــــــــــــــــــ ــــره




هو ينهمر شعــــــــــــــــــــــــــــــــــــــــــــــــ ري؟!





أو تشتعل فكــــــــــــــــــــــــــــــــــــــــــــــــ ــــــره؟!

[شيزون]

.. كفـــــاكِـ غرور ..
صحيح ان السحاب انتي ..
واعشاب الربيع انتي ..
وأجمل من على هذا التراب .. انتي
وفـ عز الليل لو بنتي يطير الصبح ..
من كف الربى عصفور ..
ولكن الليالي تدور ..
كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار
سألتك عن هواي .. أخبار
سألتك كلمتين أعذار .. ولكن ما تعذرتي ..
وحقك لو تكبرتي ..
صحيح ان السحاب انتي ..
واعشاب الربيع انتي ..
وأجمل من على هذا التراب انتي ..
انا جرح .. وحنين وهمس
وقلبٍ ينبض بصدري ..
ولا ادري من حبيبي .. الشمس
ولا ودي بعد ادري ..
يكفيني دفى انسان ..
يشاركني فرح واحزان ..
ونورك فـ السما لو بان .. أشوفه مثل كل الناس
وأحسه .. مثل كل الناس
وصحيح ان السحاب انتي ..
واعشاب الربيع انتي ..
وأجمل من على هذا التراب انتي ..
وفـ عز الليل لو بنتي .. يطير الصبح ..
من كف الربى عصفور ..
ولكن الليالي تدور كفاك .. غرور
..... •
..... /
..... •
• سرابـــ الليل •
فكرهـ رائـــــــــعهـ من المعجيبن

بـ شعر البـــــــدر ..

يعطيكـ ربي العــــافيهـ

ما ننحرم من جديدكـ
دمـتـ بنقــاء ،،.......
مع دوام الإخــاء
•.....
/ .....
•.....

[دـدـدــراب الليل]

ينزع الحر .. للعالي المنيف
عادة الحر .. لطام يعاف
ذلني الشوق يالقاسي اللطيف
ولحظة الوصل .. من صدك تخاف
انا قلبي .. جناحٍ له رفيف
يتبع الشمس في الريح الصلاف
للوعد جيت من لون الخريف
وللوعد جيت من طعم الجفاف
ومر في ساعتي وقت ونزيف
ومر في خاطري حزن وزفاف
آه وينك انا مثلك كفيف
وليه قمراك تطلع ما تشاف

[جوٍوٍري]

http://9or.cc/data/thumbnails/70/57.jpg




ياسواد العين .. فـ عيوني سواد ..
النظر دخان.. وأنفاسي لهب
من نثر في مطلع الشمس الرماد
ومن جمع في موقد اللوعه حطب
كانها الفرقا .. فهي همٍ وكاد
مير اظن الياس ياخل السبب
ياالبعاد اللي ورى طولك بعاد
ماورى الدرب العسير الا الصعب
وش بقي لي من الرجا كود العناد
وش جنيت من الهوى غير التعب
لو يرد العشب لومي للجراد
كان لمت السحب في جرد الحدب..




ســرآب الليــل ..


تــسلم على الفكرهـ الرآئعه
لــ/ شآعر يستحق أن ننثر أبيآته
ونستمتع بــ/ حروفه

[Cristall]

أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب

[جوٍوٍري]

‘,


ياحروفنا الملح.. في شفاهنا الحنضل ...
كان السكوت أفضل .. ولا الكلام ؟
قلت اللي في قلبي ..
وخرج الحكي..من الحكي وما عاد..
اخيامنا طويت ..كافي ندق اوتاد
الكلمه .. ماهي انتصار

ولا انكسار ..
كانت حقيقه ..
يوم انقطع حبل الحوار
يا حروفنا الحنضل.. في شفاهنا الملح
زعلوا حبايبنا..كان السكوت أفضل..!

‘
,

[دـدـدــراب الليل]

رشاش يتاسقط على القلب
وهذا عصفورك وباقي الصدر اعشاش
أبتل هالعصفور .....ريشه غدى أثقل
مروا الاوباش.... أو مروا الأجمل
صادوه.... وما أسهل من صيد عصفورك
طير وعليه رشاش
وبردٍ على الاحراش
وفوق الغصن طيرك يشكي من الامطار
مري علي مشوار
لو جاء أحد غيرك دفاه بالأخبار
ولف الجروح بشاش
غشاش وبشعل الغيره في قلبك البارد
ماقوى أخونك ماش
انا قلبي عصفورك

[دـدـدــراب الليل]

لكل قصة حب أحلام ومدينه....ليل ونخيل وهبوب
لكل قصة حب لو كانت حزينه...أجمل ألوان الغروب
ناظري ضي الحواريث القديمه
ونقش أبواب البيوت
كلها شعر ومواعيد قديمه
وصوت قلبي اللي يموت وما يموت
لكل قصة حب عذال وحسود
ليه تخدعنا الاماني والليالي السود سود
أشعلي جمر العناد قربي ما عاد أشوفك
لا يفرقنا السواد أرسمي وجهك كفوفك
ولا تجرحنا عيون الليل وحروف النميمه
ولا يعذبنا السكوت
أن عطشنا أو شربنا الدمع ديمه
للهوى بنحيا ونموت
لكل قصة حب أشواق و ورود
وليه نصرخ من ألمها وكلها تنبت في عود
ناظري هذا قمرنا لو تغطيه الغيوم
وناظري هذا شجرنا مهما تحرقه السموم
ولو تجرحنا عيون الليل وحروف النميمه
أن عطشنا أو شربنا الدمع ديمه
للهوى بنحيا ونموت

[شيزون]

http://poetsgate.com/sound/b70bc2d7cd27ace482042334250378a6.rm




أحبك ذا ترى أول كلامـي .. وآخـره كلـه=ولكن وش يضر اليوم لو تدري عن احوالـي
وخذ ما جاز لك من هالحكي واللي تبي خله=انا لا قلت ما في خاطـري والله مـا بالـي
وتقدر تغمد السيف الرهيـف وتقـدر تسلّـه=ولكن عنـد خـلاّق البريـة علـم الأجالـي
وتقدر تطوي الـدرب البعيـد وتقـدر تفّلـه=ولكن صعب تمنع في الهوى صبري وترحالي
حبيبي من يعزك في الهوى ما تقـدر تذلـه=ترى قربك يزيدك بالغلا وان عفتنـي غالـي
متى عمرك سمعت بعاشق قد مات من غلّـه=هذاك الحاسد وراعي الهوى تتلفـه الأمالـي
أحبك كلمةٍ لو هي خطا تغفـر لـي الزلـه=وردتك ظاميٍ وان عز وصلك بااقطع حبالي
ظلال العاشق جروحه ومن ما يتبعـه ظلـه=أمانة يا شعاع الشمس لا تغضب من ظلالـي

[!! عابر سبيل !!]

http://www.21za.com/pic/decoration004_files/65.gif


بٌَِسٌِِّمً آللهٍَ آلرٌٍحٍّمًنْ آلرٌٍحٍّيَمً

آلسٌِِّلآمًـِِّ عًٍليَكَمًـِِّ وٍرٌٍحٍّمًة آللهٍَ وٍبٌَِرٌٍكَآتُِِّْهٍَـِِّ

شكرا جزيلا لك

الله يعطيك الف عافيه

ما ننحرم من جديدك

http://www.21za.com/pic/decoration004_files/65.gif

[دـدـدــراب الليل]

كل ما حث الخطى .. ينبت
الطلح في عيوني
تبني الرمال رمال
كل ما حث الخطى .. يولد
من رحم السراب جبال
أثر الظما عشق
وردت يا بير السما
الشمس دلوي والشعاع حبال
أثر الظما عشق
يا ربعي الخالي
وأثر الأماني جمال
ترعى عشب بالي
والشمس ترس نحاس
وأثر الشعاع نصال
وراعي الهوى خيال
يفكها من الياس
واحث الخطى .. ينبت
الطلح في عيوني
تبني الرمال رمال
يكبر الطلح في عيوني
ويغيب ..
يسيل من تحت القدم
رغم الجفاف .. شعيب
اقطع تجاعيد السهال
بسيف الظلال ..
ويشرق سواد بيوتكم
في ( مرو ) التلال
وغيم الخريف
البرق له وميض .. ورفيف
يشرب الطلح في عيوني
وتسقي الرمال رمال

[دـدـدــراب الليل]

لاإانتي وردة .. ولا قلبي مزهرية من خزف
صدفه وحده جمعتنّا .. شوفي وشلون الصدف
التقينا في مدينه .. وفرقتنا الف ميناء
اغفري للريح .. والموج .. والسفينة
كانت الرحلة حزينة .. للاسف
كنت أحلم لما ناديتك بسافر
مع عيونك في شعاع الفجر باكر
والله اعلم إني صادق
كنت أحلم إني عاشق
لاأخاف ولا أضيع .. ولاأفارق
ويش اقول غير إني آسف ويش اقول
انا خانتني العواصف والفصول
آه .. ياتعب المسافر
في أراضي الجرح و في بحر المحاجر
مالهذا الحزن آخر .. او لهذا الجرح آخر
ياشمسي الأخيرة .. في اللحظة الأخيرة
أنا .. لي كلمة أخيرة
إغفري لي إبتسامي .. قبل جرحي
حاولي تنسي كلامي .. قبل صمتي
ولو زعلتي .. ياأعز الناس إنتي

[دـدـدــراب الليل]

قال مجروح ... جاوبته نعم
قال ماشوف بك ... اثار ...دم
قلت وان كان في ذاتي النزيف
قال ما به نزيف ... من عدم
قلت وان خان بي اغلا حبيب
قال وهم ... بنيته وانهدم
قلت ماعذبك يوم الفراق
قال درب وتمشيه القدم
قلت ما به سوى جلدك شعور
قال غيره فلا احس ... بالم
ياوسيم الناس لو قلبك وسيم
واكرم الناس في غير الكرم
عندك الظلم عدل ٍ في الهوى
واعدل العاشقين ... اللي ظلم
انت لو كان في حبك حياة
كان خلى حياتك له طعم
اتعس الخلق من يرجي ... هواك
ما اضيع النبض في ... قلب الصنم

[εïз..جَنْآئِنْ..εïз]

•••http://www.al-amakn.net/up3/uploads/db493ea382.gif•••

http://www.elbader.net/marsam/big_images/5.jpg

.......لا تردين{ الرسايل}.......
.........ويش اسوي بالورق ؟
و كل معنا للمحبه
.........ذاب فيها و{ احترق }
لو تركتيني في ليله
......... بسمتك عند الرحيل
دمعة العين الكحيله
.........عذرها الواهي دليل
.......و ليله كانت الفرقا .......
و قالت لي:
فـــــ آآآآآآآ مان اللهـ...!



•••http://www.al-amakn.net/up3/uploads/db493ea382.gif•••