ساعدوني انا محتاره ارجوكم

[محتاره 2008]

بسم الله الرحمن الرحيم

والله ماادري شلون ابدي الموضوع بس طالبه مساعدتكم وموقعكم ممتاز بمعنى الكلمه فيه اشياء مفيده
المهم ما اطول معاكم موضوعي محيرني ومتعبني نفسيا ومخليني ما انام الليل انا احب شخص واهو يحبني وتقدم لخطبتي بس اهله رفضو عشان انا صغيره طالبه واهو ارمل وعنده ولد عمره 3سنين بس اهو بعد صغير عمره 24 وانا عمري 20 بس امه ارفضت وهم زاد الرفض منها لما درت انه ولدها يعرفني هذا الكلام من شهر اغسطس وطول ذيك الايام واهو يكللمها لدرجة يصير زعل ويطلع من بيتهم اكثر من اسبوع والمصيبه اللي صارت اللحين بأول نوفمبر انه ابوه صارت عليه قضيه ونسجن واهو يأس قال خلاص لا توقفين حياتج مع انسان نفس ظرروفي وقال هذا الكلام واهو متحطم وصارلي اسبوعين ما نكلم بعض يا ناس شنو الحل انا ابيه وارضيه بظروفه والعيشه معاه ابي الطريقه اني اقنعه انه هذا مو عدل انا احنا نفترق وانا ربنا موجود وما ابيه يضعف ابي اقنعه شلون يا ناس حالة الله يعلم فيها بموت من غيره ما اقدر واهو انسان محترم بمعنى الكلمه وانا عارفه انا ما يصلحلي غيره وابيه ومستحيل اقدر اتنازل عن حبنا ساعدوني وادعولي وابي الحل جزاكم الله خير:0010:

[محتاره 2008]

اتمنى القى ردود منكم انا بحاجه لكم :0010:

[مهاجرة إلى ربها]

حبيبتي اتمنى ان تتقبل كلامي بصدر رحب وهاذي نصيحه من اخت محبه لكي اولا بدايتك معاه اساسها غلط في غلط تدري ليش لا نك تكلمي شخص ما هو محرم لكي واذا يبغاكي يدخل مع الباب ما هو الشباك اذا كان يبغى يتزوجك ونيته سليمه 100% وامه ما تلام اذا رفضت تدري ليش لانها تبغى ولدها يبداء حياته صح ما تقبل ان ولدها يتزوج وحده كان يعرفها قبل كذا لانه بتفكيرها بتقول زي ما كلمت ولدي راح تكلم غيره ولا راح تصون ولدي بغيابه والمفروض تنسيه وربي يعوضك بانسان يسعدك وتوبي الى الله كيف تبغي ربي يوفقك ويسهل طريقك وانتي تكلميه شي طبيعي راح تحصل عقبات ويشهد الله اني اقول الكلام هذا ابغى لكي الخير وانتي صغيره توك ادعي ربي وربي يعوضك بانسان يجي يخطبك بطريقه شرعيه ترضي رب العالمين واما انك تقولي ما تقدري تتركيه هذا شي طبيعي لانك تعلقت فيه ونصيحه اتركيه ولا تجعليه يكون عاق لامه بسببك واتمنى وجهة نظزي فهمتيها وهاذي نصيحتي لكي اما انك تعملي بها او تتجاهليها ولكي حرية الاختيار ولكي مني خالص الحب والاحترام



اختك المحبه لكي (همسةاحساس)

[انثى الاسد]

اختي العزيزه



اولا موضوعك هذا الكثير يعاني منه اللي يحب وامه معترضه عشان يتزوج قريبته واللي يحب وابوه رافض عشان واللي يحب ويفضل انه يتزوج وحده ما كان له علاقه فيها
الحقيقه مره والامر انك تحبين انسان وفاالاخير يتخلي عنك















بس انا فاعتقادي انه لو كان متمسك فيك يقدر يسوي المستحيل عشان تكونين زوجته
والواقع انه يحاول يقنع اهله بزواجه منك :064:



الله يوفقك ويحقق الامنيه اللي تمنينهافي حياتك بدون ما يغضب والدينه :122:

[الـــجـــوري]

:d1133cc6fc::51:نصيحه لك يااختي الغاليه
لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا تتزوجين عن حب لان هذا الزواج نهايته طلاق طلاق صدقيني اختي والله اني اقولك هذا الكلام من واقع تجربه مره

[شيطونه ½]

انا رائي زي رائي انثي الاسد

لو يحبك من جد و متمسك فيك يقدر يسوي المستحيل عشان تكونين زوجته

والواقع انه يحاول يقنع اهله بزواجه منك

ياريت تجي علي كذا الخوف انه اهلك مايقبلو فيه لانه متزوج وعنده اطفال

وفي حكاية انه البنت الي تكلم معناه انها حتكلم غيره وغيره

علي الاقل يتزوج واحده تحبه مو يتزوج وحده حبة غيره

عليك بدعاء صلي في الليل وادعي وكلميه وحوالي تقنعيه انه مافيه شي على ربنا بعيد

مااقول الا ربنا يوفقك وينولك الي تبغيه

،،شيطونه،،

[تؤبر تسبدي]

اي حب تكلمين عنه ماكو حب بيامنا

الحب راح مع قيس وليلى

وهذي نزوة وبتروح عادي لاتخافين

ولاتعذبين عمرك اهو لويبيك جاءك مع باب بيتكم

وعمر 20 سنة مناسب لزواج غيرك بتزوج وعمرة 16 سنة

وعقلك في راصك تعرف خلاصك

تحياتي لك

[العـطــشان]

كفو ووفو الأعضاء الأفاضل الي ردو قبلي

( الحر تكفيه الإشاره )


تحياتي




العطشان

[محتاره 2008]

مشكوررررره اختي
«®°·.¸.•°°·.¸¸.•°°·.¸.•°®»انثى الاسد«®°·.¸.•°°·.¸¸.•°°·.¸.•°®»
و «®°·.¸.•°°·.¸¸.•°°·.¸.•°®»شيطونه«®°·.¸.•°°·.¸¸.•°° ·.¸.•°®»
على ردودكم الحلوه

[محتاره 2008]

ومشكوره اختي
|؛¤ّ,¸¸,ّ¤؛|همسة حنان |؛¤ّ,¸¸,ّ¤؛|
بس ليش العلاقه بينا اول شي كانت شريفه وشلون مادش من الباب واهو خطبني اذا انتي تبين زواج تقليدي هذا شي ثاني وكلام شيطونه صح على الاقل اتزوج واحد احبه مو احب غيره ومشكوره على الرد

[محتاره 2008]

مشكوره
|--*¨®¨*--|الجوري |--*¨®¨*--|
بس مو كل زواج على حب نهايته طلاق انا بنت خالي متزوجه عن حب والحمدالله مرتاحه وعنده عيال والله لا يغير عليها ومشكوره على الرد

[محتاره 2008]

مشكور اخوي
×?°تؤبر تسبدي×?°
وابي اقولك للحين الدنيا بخير وفي حب لا تحكم من تجربه يمكن انت مريت فيها او سمعتها اصابعك مو نفس الشي:095:

[محتاره 2008]

~*¤ô§ô¤*~*¤ô§ô¤*~العطشان~*¤ô§ô¤*~*¤ô§ô¤*~
اشكرك اخوي بس بصراحه ما عرفت ردك الان راي الاعضاء مختلفه :095:

[مهاجرة إلى ربها]

ومشكوره اختي
|؛¤ّ,¸¸,ّ¤؛|همسة حنان |؛¤ّ,¸¸,ّ¤؛|
بس ليش العلاقه بينا اول شي كانت شريفه وشلون مادش من الباب واهو خطبني اذا انتي تبين زواج تقليدي هذا شي ثاني وكلام شيطونه صح على الاقل اتزوج واحد احبه مو احب غيره ومشكوره على الرد

ليش اجل امك رفضتك لانها عرفت ان ولدها يعرفك وانا ما اساعدك على الاستمرار بالغلط انا نصحتك ويبدو والله اعلم انك منت من السعوديه عشان كذا عاداتكم تختلف عن عاداتنا عشان كذا ماعندي تعليق لانه واضح كلامي ما ناسبك وانتي حره سلام

[محتاره 2008]

لا بلعكس اختي
«®°·.¸.•°°·.¸¸.•°°·.¸.•°®»همسة حنان «®°·.¸.•°°·.¸¸.•°°·.¸.•°®»
رايك على راسي وهذي وجهة نظرك انا ما زعلت بالعكس بس صح عادات السعوديه تختلف عن الكويت بس لاتزعلين مني انا ما اقصد:)

[محتاره 2008]

سوري اقصد همسة احساس

[مهاجرة إلى ربها]

لا بلعكس اختي
«®°·.¸.•°°·.¸¸.•°°·.¸.•°®»همسة حنان «®°·.¸.•°°·.¸¸.•°°·.¸.•°®»
رايك على راسي وهذي وجهة نظرك انا ما زعلت بالعكس بس صح عادات السعوديه تختلف عن الكويت بس لاتزعلين مني انا ما اقصد:)

حبيبتي يشهد الله اني ما زعلت منك بس تمنيت لو وضحتي برسالتك انك من الكويت لان كل بلد لها عاداتها وتقاليدها انتم عندكم الحب عادي قبل الزواج احنا ما هوعادي الابحالات نادره واتمنى لكي التوفيق في حياتك وما تكوني محتاره في بناء مستقبلك ولكن نصيحه من اختك لا تتعجلي في اتخاذ اي قرار بحياتك :):)