نجــــ بنت ــــد
10-12-2007, 03:58 PM
هب الهوى غرب واجتاح الضلوع وشعرت
إن الليالـي الجميلـة هـب نسناسـهـا
مدري كبـر حلمنـا ولابعينـي كبـرت
والاهي اوهـام ودي يصـدق إحساسهـا
تنسانـي أيـام وتجينـي متـى ماذكـرت
اليامتى وانت روحـي حابـس انفاسهـا
كنت أجمل احلام عمري بس ليه انكسرت
يازيـن الاحــلام لوماينكسرباسـهـا
بيديك مديت لي كاس المحبـه وصـرت
أنا اول اللي يـذوق المـر مـن كاسهـا
من يومها وانت قدام عيني ولوماظهـرت
دايـم وعينـي تشوفـك بيـن جلاسـهـا
قدرت ولا علـى نفسـي معـك ماقـدرت
لازاد عنهـا غيـابـك زادوسواسـهـا
لوشفت حال الورق والشعرعقبك عـذرت
..............................
(( خيل القصيد ))
ماكنت اصدق يجي يوم ابتسـم لانظـرت
أطلال ركـب الليالـي مـر ..ماداسهـا
والاأنت لوقلت لي نادم وجيـت اعتـذرت
كان اجمل ابيات شعري ينحنـي راسهـا
مافيه داعي توصينـي تـراي اعتبـرت
فرقاك ذكرى وشعري علـق اجراسهـا
يكفيني البارح إني فـي عيونـك سهـرت
وقفـت بيـن العيـون السـود وانعاسهـا
إن رحت ماأنت اول اللي راح وان حضرت
قلـت الليـال الجميلـه هـب نسناسهـا
.............................
((لا تنشغل فينى ))
لاتنشغل فينـي أنابحالـي ادرى () قلبٍ تعلّق فيك ينسى مع الوقـت
اكثرمن اللي صارلي ويش يجرى ()بين الرجاوالياس فكـري تعلّقـت
مثلي ولوشفته عن همومـه ازرى () ماقال ليتك في جروحه ترافقـت
هاك القصايد لاتضايقت واقـرى () شف وشكثرفيها لبسماتك اشتقـت
أثرالوفا ينبـاع عنـدك ويشـرى ()ماكنت اصدق فيك واليوم صدّقـت
يامشتهي فرقا المواليـف حـذرى ()تبعد وأنا من سكرة الحب مافقـت
لاطافت الفرصه تحريت الاخرى ()وتروح ماكنـي عليهـا تشوقـت
ساري لو إن الليل مافيه قمـرى () اشيل من حمل الهوى فوق ماطقت
لاصارحظ أقشروالايـام قشـرى ()مافيه احد عاقل يلومك إلياضقـت
صحيح بعض الناس فرقاه بشـرى()وبعض البشرلاغاب ليله تضايقـت
ليتك خذيت بليل الاحباب مسرى ()غربت من كثر الطواري وشرّقت
السيل يبقاله على القـاع مجـرى ()ويبقالـك التذكارلوكنـت فارقـت
اشوف لك من وين مارحت ذكرى()ولاشفتها صديـت عنهـا ودنقـت
ماكل جرحٍ لاخـذا أيـام يبـرى ()بعض الجروح يزيد شره مع الوقت
...................................
(((قالوا حبيبك )))
قالوا حبيبك يسمع الشعر قلـت إيـه () يقـراه بعيونـي قبـل تسمعـونـه
لولاه حتى طـاري الشعـر مابيـه ()ميراكتبه من شـان خاطـر عيونـه
هو روح شعري وامنياتـه وماضيـه()جذع الشجر وش كان لولا اغصونـه
اكتب لغيره والقصايـد تجـي فيـه ()كـن القصايـد حالفـه ماتخـونـه
هذاك لامنه زعـل قمـت اهاديـه ()حتى وهو مخطـي تعـذرت دونـه
يمكن لوانه يلمـس الجـرح بيديـه ()يستغرب ان اللـي لمسهـا طعونـه
ابطى وهو غايب وزلـت حراويـه ()وأنـا مـن العـام اتحـرى مزونـه
هومادرى اني في غيابـه محاتيـه ()ليته نشّدعـن حالـي اللـي يجونـه
وقلبي اللـي تـوه افلـت عراويـه ()كيف انسرق وضلوع صدري حصونه
عجزت ارده كـن مانـي براعيـه ()يوم انتثر شوقه وهاضـت اشجونـه
يبسن عروقـه لكـن اللـي يعزيـه ()ان اكثـر العالـم تــردد لحـونـه
خافوا مـن الله لاتجيبـون طاريـه ()لاصـرت انـا موجـود لاتذكرونـه
لو كـل غالـي جابـه الله لغاليـه ()ماشفت لك مخلـوق تبكـي عيونـه
.....................................
((( توديع الاحباب)))
توديع الاحباب مثل الموت له سكره ()ادمي جروحي وشق الصـدر منيّـا
والقلب طيرن ضلوع الادمي وكره ()لاشاقـه الطلـع لاسلـم ولا حيّـا
مصير الاحزان تنسانـي وتفتكـره ()ماكل الايام بيض وسمحـت محيّـا
قل غيرها منت لامجبر ولا مكـره ()لاصار ماهو غـلا مابيلـك احميّـا
لوفي يدي شي ماقلت الوعد بكـره ()حزمت حدب الضلوع وقلتلك هيّـا
لوكل غالي تجي دايم علي ذكـره () ماصرت اشوفك هناك وحبك هنيّـا
ياليتني لابغيت اكره قدرت اكـره () ماكان قلبي اللياجيت اكرهك عيّـا
مادامك معيف رح لكن علي فكـره () ماقلتلى ليـه دمعـك سـال منيّـا
..............................
(( دليل المحبه ))
دليل المحبه شوف عيني عليك تغار () ولاودي الحاسد عيونك يطالعها
مع إنك رحلت بعيد لكن بقـى التذكار () لياشافتـه عيني تسابق مدامعها
دفنت الغرام بخافقي والقلوب أسرار () مشاعرهقيـت إن الليالـي تضيعها
فرحت برجوعك ماطلبت لخطاك اعذار () ونفسي نست ماجرى من تواضعها
تهادت مشاعرخاطري لك بلا معيار () تجاهلتها لوكنت خابر دوافعها
يقولون جنّب درب مالك معـه معبار () يلومون نفسٍ بعد لاحباب موجعها
يقولونها قبلي يخون البحربحّار() والآمواج لاهاجت خذت ماتبي معها
تكاثرت منك الصد وأثرالعلـوم كبار () لقيتك على نفسـي تقلّب مواجعها
اقوله وأنا اللي شفت ذاك الغلا ينهار () يشوف الندم رجّال نفسه يطاوعها
مثل ماضرب جّوٍ خلا غاي محتار () يدّوج ورجله مادرى وين موقعها
تعرض سموم القيض والدار مامن دار () هليك وشعربالموت روحـه ينازعها
جحدت الغلا لين امتلا بالخفوق وثار () قصايد عساها اليوم تطرق مسامعها
غرامك مثل نارٍ حطبها الغلا النار () تموت وغلاك اللي بقلبي يولعها
غلاك بضميري واضحٍ ماعليه غبار () تشيل الغلا نفسي وأنا عاجز امنعها
يقولون ماودعّك:قلت الفراق وصار () والإنسان روحه تنسلب مايودعها !
هذيك الليالي وين أثرالزمن دوار() خذاهـا ولاظني زماني يرجّعها
طوتها السنين ولابقالي سوى التذكار () لياشافتـه عيني تسابق مدامعها
إن الليالـي الجميلـة هـب نسناسـهـا
مدري كبـر حلمنـا ولابعينـي كبـرت
والاهي اوهـام ودي يصـدق إحساسهـا
تنسانـي أيـام وتجينـي متـى ماذكـرت
اليامتى وانت روحـي حابـس انفاسهـا
كنت أجمل احلام عمري بس ليه انكسرت
يازيـن الاحــلام لوماينكسرباسـهـا
بيديك مديت لي كاس المحبـه وصـرت
أنا اول اللي يـذوق المـر مـن كاسهـا
من يومها وانت قدام عيني ولوماظهـرت
دايـم وعينـي تشوفـك بيـن جلاسـهـا
قدرت ولا علـى نفسـي معـك ماقـدرت
لازاد عنهـا غيـابـك زادوسواسـهـا
لوشفت حال الورق والشعرعقبك عـذرت
..............................
(( خيل القصيد ))
ماكنت اصدق يجي يوم ابتسـم لانظـرت
أطلال ركـب الليالـي مـر ..ماداسهـا
والاأنت لوقلت لي نادم وجيـت اعتـذرت
كان اجمل ابيات شعري ينحنـي راسهـا
مافيه داعي توصينـي تـراي اعتبـرت
فرقاك ذكرى وشعري علـق اجراسهـا
يكفيني البارح إني فـي عيونـك سهـرت
وقفـت بيـن العيـون السـود وانعاسهـا
إن رحت ماأنت اول اللي راح وان حضرت
قلـت الليـال الجميلـه هـب نسناسهـا
.............................
((لا تنشغل فينى ))
لاتنشغل فينـي أنابحالـي ادرى () قلبٍ تعلّق فيك ينسى مع الوقـت
اكثرمن اللي صارلي ويش يجرى ()بين الرجاوالياس فكـري تعلّقـت
مثلي ولوشفته عن همومـه ازرى () ماقال ليتك في جروحه ترافقـت
هاك القصايد لاتضايقت واقـرى () شف وشكثرفيها لبسماتك اشتقـت
أثرالوفا ينبـاع عنـدك ويشـرى ()ماكنت اصدق فيك واليوم صدّقـت
يامشتهي فرقا المواليـف حـذرى ()تبعد وأنا من سكرة الحب مافقـت
لاطافت الفرصه تحريت الاخرى ()وتروح ماكنـي عليهـا تشوقـت
ساري لو إن الليل مافيه قمـرى () اشيل من حمل الهوى فوق ماطقت
لاصارحظ أقشروالايـام قشـرى ()مافيه احد عاقل يلومك إلياضقـت
صحيح بعض الناس فرقاه بشـرى()وبعض البشرلاغاب ليله تضايقـت
ليتك خذيت بليل الاحباب مسرى ()غربت من كثر الطواري وشرّقت
السيل يبقاله على القـاع مجـرى ()ويبقالـك التذكارلوكنـت فارقـت
اشوف لك من وين مارحت ذكرى()ولاشفتها صديـت عنهـا ودنقـت
ماكل جرحٍ لاخـذا أيـام يبـرى ()بعض الجروح يزيد شره مع الوقت
...................................
(((قالوا حبيبك )))
قالوا حبيبك يسمع الشعر قلـت إيـه () يقـراه بعيونـي قبـل تسمعـونـه
لولاه حتى طـاري الشعـر مابيـه ()ميراكتبه من شـان خاطـر عيونـه
هو روح شعري وامنياتـه وماضيـه()جذع الشجر وش كان لولا اغصونـه
اكتب لغيره والقصايـد تجـي فيـه ()كـن القصايـد حالفـه ماتخـونـه
هذاك لامنه زعـل قمـت اهاديـه ()حتى وهو مخطـي تعـذرت دونـه
يمكن لوانه يلمـس الجـرح بيديـه ()يستغرب ان اللـي لمسهـا طعونـه
ابطى وهو غايب وزلـت حراويـه ()وأنـا مـن العـام اتحـرى مزونـه
هومادرى اني في غيابـه محاتيـه ()ليته نشّدعـن حالـي اللـي يجونـه
وقلبي اللـي تـوه افلـت عراويـه ()كيف انسرق وضلوع صدري حصونه
عجزت ارده كـن مانـي براعيـه ()يوم انتثر شوقه وهاضـت اشجونـه
يبسن عروقـه لكـن اللـي يعزيـه ()ان اكثـر العالـم تــردد لحـونـه
خافوا مـن الله لاتجيبـون طاريـه ()لاصـرت انـا موجـود لاتذكرونـه
لو كـل غالـي جابـه الله لغاليـه ()ماشفت لك مخلـوق تبكـي عيونـه
.....................................
((( توديع الاحباب)))
توديع الاحباب مثل الموت له سكره ()ادمي جروحي وشق الصـدر منيّـا
والقلب طيرن ضلوع الادمي وكره ()لاشاقـه الطلـع لاسلـم ولا حيّـا
مصير الاحزان تنسانـي وتفتكـره ()ماكل الايام بيض وسمحـت محيّـا
قل غيرها منت لامجبر ولا مكـره ()لاصار ماهو غـلا مابيلـك احميّـا
لوفي يدي شي ماقلت الوعد بكـره ()حزمت حدب الضلوع وقلتلك هيّـا
لوكل غالي تجي دايم علي ذكـره () ماصرت اشوفك هناك وحبك هنيّـا
ياليتني لابغيت اكره قدرت اكـره () ماكان قلبي اللياجيت اكرهك عيّـا
مادامك معيف رح لكن علي فكـره () ماقلتلى ليـه دمعـك سـال منيّـا
..............................
(( دليل المحبه ))
دليل المحبه شوف عيني عليك تغار () ولاودي الحاسد عيونك يطالعها
مع إنك رحلت بعيد لكن بقـى التذكار () لياشافتـه عيني تسابق مدامعها
دفنت الغرام بخافقي والقلوب أسرار () مشاعرهقيـت إن الليالـي تضيعها
فرحت برجوعك ماطلبت لخطاك اعذار () ونفسي نست ماجرى من تواضعها
تهادت مشاعرخاطري لك بلا معيار () تجاهلتها لوكنت خابر دوافعها
يقولون جنّب درب مالك معـه معبار () يلومون نفسٍ بعد لاحباب موجعها
يقولونها قبلي يخون البحربحّار() والآمواج لاهاجت خذت ماتبي معها
تكاثرت منك الصد وأثرالعلـوم كبار () لقيتك على نفسـي تقلّب مواجعها
اقوله وأنا اللي شفت ذاك الغلا ينهار () يشوف الندم رجّال نفسه يطاوعها
مثل ماضرب جّوٍ خلا غاي محتار () يدّوج ورجله مادرى وين موقعها
تعرض سموم القيض والدار مامن دار () هليك وشعربالموت روحـه ينازعها
جحدت الغلا لين امتلا بالخفوق وثار () قصايد عساها اليوم تطرق مسامعها
غرامك مثل نارٍ حطبها الغلا النار () تموت وغلاك اللي بقلبي يولعها
غلاك بضميري واضحٍ ماعليه غبار () تشيل الغلا نفسي وأنا عاجز امنعها
يقولون ماودعّك:قلت الفراق وصار () والإنسان روحه تنسلب مايودعها !
هذيك الليالي وين أثرالزمن دوار() خذاهـا ولاظني زماني يرجّعها
طوتها السنين ولابقالي سوى التذكار () لياشافتـه عيني تسابق مدامعها