صرخة معاقه

[{خَجوُلة آلمَبسْمِ ~]

http://h-shrqia.com/up/uploads/627f19c98a.gif


يجينا الفرج بكرا.. يا بنتي بس لا تبكين
انا مااستحمل دموعك .. وهمساتك تبكيني


نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني


يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني


تعالي واحظني فرحي .. وقولي للفرح اهلين
وخلي حزنك بقلبي .. دخيلك يابعـد عيني


اشوف الدنيا بعيونك .. واشوف الفرحة بك يا زين
وانا مالي سواك إنتِ .. وإنتِ شمعة تضويني


علام الهم في قلبك .. يابنتي ليه ماتحكين
ابيك تكسري همك وانا امك قولي حاكيني
يايمـه حالتي صعبة.. انا والفقر صرنا اخوين
اعيش بظلمة همومي والاقي الهم يكويني


معاقة يمه من صغري .. معاقة تشتكي حق مين
مدام ان البشر تنظر لحالي بعطف يعميني


اناظر هالبشر واسال ..انا وش موقعي الحيــن؟؟
وش اللي يميز الأعمى عن اللي شوفهم زيني


فقيرة حظ يا يمـه وحالي تعمي العينين
من اللي يعشق ويهوى معاقة حظها شيني


سألتيني وش اتمنى يايمه منيتي شيين
يكون الفرح اولهم بعدها تعيش رجليني


انا ودي ومنا عيني يكون لجسمي بس رجلين
تساعدني على برك .. وبرك غايتي وديني


يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني


تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني


معاقة يمه قوليلي علامك ساكتة تبكين
كلامي ازعجك ادري .. وادري الدمع يشكيني


دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!


طلبتك يمه هاتيلي عروسة مالها رجلين
وابيها تكون في كرسي .. ( معاقة ) مثلي ترثيني؟؟

[برق الشمال]

اسيرة حبه..

تسلمين على احساسك وشعورك الجميل

تجاة الفئة الغالية على قلوبنا..

قصيدة حزينة حملت في اركانها كل الم

عسى ربي يعافي كل معاق ومعاقة

اسيره ربي يديم انسانيتك الرائعة..

دمتي بود


برق الشمال

[ريشهـ بيضآء]

كلمآتهآ قويــهـ ومؤثرة
مشكلة نظرة النآس للمعاقـ /ـه
هذي بحد ذاتهآ إعــآآقهـ..!!
وعموماً الاعاقة بالعقل ..!!
عندهـ عقل وانعم ربي عليهـ
ويعصي الله بهم .. كالانعام بل هو اضل ..!!

سلمتي على النقل الرآئـ ع

تقبلي مروري
لك تحيااتي واحترآآمي

[{خَجوُلة آلمَبسْمِ ~]

اخواني

برق الشمال

ريشه بيضاء

شاكره لكم مروركم العطر

تقبلوا مودتي

دمتم بحفظ الله ورعايته

[عـطـ الليل ـر]

لا ح ـول ولا قوّة إلا باللهـ طرح يقطع أوتار القلوب فتدمي

ح ـزناً


دمتي بود ودام نقلكـِ الج ـميل


مودتي

عـــطـــ الليل ـــر

[{خَجوُلة آلمَبسْمِ ~]

اخوي عطراليل

شاكره لك مرورك

تقبل مودتي

[السهم]

دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!




قصيدة رائعة في فئة تستحق الوقوف بجانبها

اسيرة حبه

كلمات جميلة ورائعة

سلم لنا نقلك

تقبلي مروري

لكي ودي

[{.. غَسْق]

اسيرة حبه

يع ـطيك الع ـافية

على القصيدة الأكثر من رائعة

دمتي كما تحبين

فيض الحنان

[{خَجوُلة آلمَبسْمِ ~]

اخواني

السهم

فيض الحنان

نورتوا:)

اسعدني مروركم العطر

دمتم بحفظ الله ورعايته

تحياتي