براق الجنوب
14-06-2008, 08:44 PM
انشاء الله ساحاول ان انقل لكم اجمل قصائد الشاعر الامير محمد بن احمد السديري هذا الشاعر الفذ الذي تميز بصدق المشاعر وقوة المعاني والذي عبر شعر عن واقع حياته وعن تاريخ عاشه وحكم ونصائح ستجدها قد صيغت باسلوب رائع ومؤثر . في هذا المنتدى وله هذه القصيده الرائعه
يقول من عدا على راس عالي = رجمن طويلن يدهله كل قرناس
في راس مرجو من عسير المنالي = تلعب به الارياح مع كل نسناس
في مهمهن قفرن من الناس خالي = يشتاق له من حس في القلب هوجاس
قعدت في راسه وحيدن لحالي = براس الطويل ملا بقه تقل حراس
متذكر في مرقبي وش غدالي = وصفقت بالكفين يا على ياس
أخذت اعد ايامها والليالي = دنيا تقلب ما عرفنا لها اقياس
كم فرقت ما بين غالي وغالي = لو شفت منها ربح ترجع للافلاس
يا ما هفا به من رجال مدالي = ما كنهم ركبوا على قب الافراس
ولا قلطوهن للكمين الموالي = ولا صار فوقهن قطف الانفاس
ولا ردد واصم الرمك للتوالي = كلن يبي من زايد الفعل نوماس
من بينهم سمر القنا والسلالي = مثل البروق برايحن ليله ادماس
يقطعك دنيا مالها اول وتالي = لو اضحكت للغبن تقرع بالاجراس
المستريح الى من العقل خالي = ما هو بلجات الهواجيس غطاس
ما هو بمثلي مشكلاته جلالي = ازريت اسجهلن بحبر بقرطاس
حملي ثقيل وشايله باحتمالي = واصبرعلى مر الايام والاتعاس
وارسي كما ترسي رواسي الجبالي= ولايشكي ضلع عليه القدم داس
يا بجاد شب النار وادن الدلالي = واحمس لنا يا بجاد ما يقعد الراس
ودقه بنجرن يا ظريف العيالي = يجذب لنا ربعن على اكوار جلاس
وزله ليا منه رقد كل سالي =وخله يفوح وقنن الهيل بقياس
وصبه ومده يا كريم السبالي = يبعد همومي يوم اشفه بالانفاس
فنجال يغدي ما تتصور إببالي = روابع ناخذ بها اخماس واسداس
لا خاب ظني بالرفيق الموالي = مالي مشاريهن على نايد الناس
يا عل قصرن ما يجي له ظلالي = ينهار من عالي مبانيه للساس
لا صار ما مدهل للرجالي = وملجا لمنهو يشكي الظيم والباس
بحسناك يا منشي حقوق الخيالي = يا خالق اجناس ومفني اجناس
تجعل مقره دارس العهد بالي = صحصاح دو دارس ما به اوناس
البوم في تالي هدامه ايلالي = جزاك يا قصر الخنا وكر الانداس
مته تربع دارنا والمفالي = وتخضر افياض عقب ما هي ايباس
نشوف فيها الديدحان متوالي = مثل الرعاف بخصر مدقوق الالعاس
وينثر على البيدا سوات الزوالي = يشرق حماره شرقة الصبغ في الكاس
وتكبر دفوف معبسات الشمالي = ويبني عليهن الشحم مثل الاطعاس
وشكرا :157:
يقول من عدا على راس عالي = رجمن طويلن يدهله كل قرناس
في راس مرجو من عسير المنالي = تلعب به الارياح مع كل نسناس
في مهمهن قفرن من الناس خالي = يشتاق له من حس في القلب هوجاس
قعدت في راسه وحيدن لحالي = براس الطويل ملا بقه تقل حراس
متذكر في مرقبي وش غدالي = وصفقت بالكفين يا على ياس
أخذت اعد ايامها والليالي = دنيا تقلب ما عرفنا لها اقياس
كم فرقت ما بين غالي وغالي = لو شفت منها ربح ترجع للافلاس
يا ما هفا به من رجال مدالي = ما كنهم ركبوا على قب الافراس
ولا قلطوهن للكمين الموالي = ولا صار فوقهن قطف الانفاس
ولا ردد واصم الرمك للتوالي = كلن يبي من زايد الفعل نوماس
من بينهم سمر القنا والسلالي = مثل البروق برايحن ليله ادماس
يقطعك دنيا مالها اول وتالي = لو اضحكت للغبن تقرع بالاجراس
المستريح الى من العقل خالي = ما هو بلجات الهواجيس غطاس
ما هو بمثلي مشكلاته جلالي = ازريت اسجهلن بحبر بقرطاس
حملي ثقيل وشايله باحتمالي = واصبرعلى مر الايام والاتعاس
وارسي كما ترسي رواسي الجبالي= ولايشكي ضلع عليه القدم داس
يا بجاد شب النار وادن الدلالي = واحمس لنا يا بجاد ما يقعد الراس
ودقه بنجرن يا ظريف العيالي = يجذب لنا ربعن على اكوار جلاس
وزله ليا منه رقد كل سالي =وخله يفوح وقنن الهيل بقياس
وصبه ومده يا كريم السبالي = يبعد همومي يوم اشفه بالانفاس
فنجال يغدي ما تتصور إببالي = روابع ناخذ بها اخماس واسداس
لا خاب ظني بالرفيق الموالي = مالي مشاريهن على نايد الناس
يا عل قصرن ما يجي له ظلالي = ينهار من عالي مبانيه للساس
لا صار ما مدهل للرجالي = وملجا لمنهو يشكي الظيم والباس
بحسناك يا منشي حقوق الخيالي = يا خالق اجناس ومفني اجناس
تجعل مقره دارس العهد بالي = صحصاح دو دارس ما به اوناس
البوم في تالي هدامه ايلالي = جزاك يا قصر الخنا وكر الانداس
مته تربع دارنا والمفالي = وتخضر افياض عقب ما هي ايباس
نشوف فيها الديدحان متوالي = مثل الرعاف بخصر مدقوق الالعاس
وينثر على البيدا سوات الزوالي = يشرق حماره شرقة الصبغ في الكاس
وتكبر دفوف معبسات الشمالي = ويبني عليهن الشحم مثل الاطعاس
وشكرا :157: