براق الجنوب
24-06-2008, 06:19 PM
وهو من الشعراء الذين لم يأخذو حقهم في الشهره في الاعلام الا ان قوة شعرهم ومعانيها السهله الممتنعه كانت هي الوصل لكل محبين هذا الشاعر وغيره من النخبه .
أيامنا والليالي كم نعاتبها =شبنا وشابت بعض الاحوالي
تاعد مواعيد والجاهل ما يكذبها = والي عرف حدها من همها سالي
إن اقبلت يوم ما تصفى مشاربها = تقفي وتقبل ومادامت على حالي
في كل يوم تورينا عجايبها = واليوم الاول تراه احسن من التالي
أيام في غلبها وايام نغلبها = وايام فيها سوا الدهر ميالي
جربت الايام مثل من يجربها = تجريب من ذاق المر والحالي
نضحك مع الناس والدنيا نلاعبها = نمشي مع الفي طوع ٍ حيث مالي
كم من علوم وكم آداب نكسبها = والشعر موزون مثقال بمثقالي
اعرف حروف الهجا بالرمز واكتبها = عقل ومجنون حاوي كل الاشكالي
لا شك حظي ردي والروح متعبها = ما فادني حسن تأديبي مع امثالي
ان جيت ابي حاجة عزت مطالبها = العفو ماأحد من المخلوق يالوالي
قوم إلى جيتهم رفت شواربها = بالضحك وقلوبها فيها الردا جالي
وقوم إلى جيتها صكت حواجبها = وابدت لي البغض في مقفاي واقبالي
ما كني الا مسوي حال مغضبها = والكل في عشرتي ماكر ودجالي
يا حيف تخفى امور كنت حاسبها = والى على بالهم كله على بالي
الجار جافي وكم قوم نحاربها = ولأهل واصحابنا والدون والعالي
والروح وش عذرها في ترك واجبها = راح الحسب و النسب في جمع الاموالي
نفسي تبي العز والحاجات تغضبها = ترمي بها بين اجاويد وانذالي
المال يحي رجال لاطباع لها = كالسيل يحي الهشيم الدمدم البالي
عفت المنازل وروحي يوم اجنبها = منها غنيمه وعنها البعد اولا لي
لا خير في ديرة يشقى العزيز إبها = يمشي مع الناس في هم واذلالي
دار بها الخوف دام ما يغايبها = والجوع فيها معه من بعض الاحوالي
جوعا سراحينها شبعا ثعالبها = الكلب والهر يقدم كل ريبالي
عز الفتى راس ماله من مكاسبها = يا مرتضي العون لا عز ولا مالي
أكتفي بهذا القدر من القصيده والقصيده طويله وجميله
وهنا وردة كلمة ريبالي بمعنى (الاسد )
والسلام عليكم
أيامنا والليالي كم نعاتبها =شبنا وشابت بعض الاحوالي
تاعد مواعيد والجاهل ما يكذبها = والي عرف حدها من همها سالي
إن اقبلت يوم ما تصفى مشاربها = تقفي وتقبل ومادامت على حالي
في كل يوم تورينا عجايبها = واليوم الاول تراه احسن من التالي
أيام في غلبها وايام نغلبها = وايام فيها سوا الدهر ميالي
جربت الايام مثل من يجربها = تجريب من ذاق المر والحالي
نضحك مع الناس والدنيا نلاعبها = نمشي مع الفي طوع ٍ حيث مالي
كم من علوم وكم آداب نكسبها = والشعر موزون مثقال بمثقالي
اعرف حروف الهجا بالرمز واكتبها = عقل ومجنون حاوي كل الاشكالي
لا شك حظي ردي والروح متعبها = ما فادني حسن تأديبي مع امثالي
ان جيت ابي حاجة عزت مطالبها = العفو ماأحد من المخلوق يالوالي
قوم إلى جيتهم رفت شواربها = بالضحك وقلوبها فيها الردا جالي
وقوم إلى جيتها صكت حواجبها = وابدت لي البغض في مقفاي واقبالي
ما كني الا مسوي حال مغضبها = والكل في عشرتي ماكر ودجالي
يا حيف تخفى امور كنت حاسبها = والى على بالهم كله على بالي
الجار جافي وكم قوم نحاربها = ولأهل واصحابنا والدون والعالي
والروح وش عذرها في ترك واجبها = راح الحسب و النسب في جمع الاموالي
نفسي تبي العز والحاجات تغضبها = ترمي بها بين اجاويد وانذالي
المال يحي رجال لاطباع لها = كالسيل يحي الهشيم الدمدم البالي
عفت المنازل وروحي يوم اجنبها = منها غنيمه وعنها البعد اولا لي
لا خير في ديرة يشقى العزيز إبها = يمشي مع الناس في هم واذلالي
دار بها الخوف دام ما يغايبها = والجوع فيها معه من بعض الاحوالي
جوعا سراحينها شبعا ثعالبها = الكلب والهر يقدم كل ريبالي
عز الفتى راس ماله من مكاسبها = يا مرتضي العون لا عز ولا مالي
أكتفي بهذا القدر من القصيده والقصيده طويله وجميله
وهنا وردة كلمة ريبالي بمعنى (الاسد )
والسلام عليكم