رااح وقدره للحين عالي...

[جاد]

قصيدة لشاب متهور تعرضى لى حادث
وكان معه امه فتوفيت امه وبقي هو على قيد الحياة
..فكتب هذي القصيدة..


يـــــــــــــــقـــول:
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وأنا أبكي وأتنهد وأرسم بالحزن لوحاتي
يجبروني عشان أمشي ورجلي ما تمشيني
قتلت رعايتي بيدي قلت الحب والرحمات
حرمت النفس من حقها وأنا ابكيها وتبكيني
وكنه حلم قدامي يقيدني من الصرخات
أبي اصحى ولكني عجزت القى من يصحيني
فداك القلب يايمه ومهما قلت من كلمات
صغيرة في كبر حقك بس اتمنى تعذرينـــي
نهبت الفرحه من بيتي صحيح اني خسيس الذات
صحيح اني ولد طايش بس اتمنى تعذريني
تجول عيونهم فيني تفصل فيني قياسات
وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني
نقص قدرك بعد موتك وغابت نشوة اللذات
وصار الهم عكازي أباكيه
عطيتني بدون حساب ولاسمعك تقولي هات
وأنا اشرب حيل من دمي ودمك ما يكفيني
يايمه ارجعي كافي ابجلس معك لولحظات
وأقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
يايمه ارجعي تكفين وطفي شمعة الآهات
أبيك انتب ولا غيرك على موتك تعزيني
دخيلك بس لاتبكي اذا شفتي بي الدمعات
أنا مقــوى ابكيــك اذا انتي تبكينـــــي



.. أســـأل الله ان يغفر لها وجميع موتى المسلمين ..


منقووول
__________________