برق الشمال
18-08-2008, 04:46 AM
السلام عليكم ورحمة اللة وبركاته
اعزائي اعضاء الاماكن الكرام
صباحكم ورد
بعد انقضاء مرحلة استقبال قصائد الشعراء
بسم الخالق نبدأ
مرحلة التصويت لمسابقة نبض القصيد
إحدى فعاليات حكايا امتاع تلبس وجه الأفق
لـ الأماكن 2008
ولكن قبل ذلك أعزائي الكرام الأفاضل
لا يسعنا إلا أن نتقدم بالشكر الجزيل لكل
من تفاعل معنا وشاركنا هذا المهرجان الرائع بقصائدهم وحضورهم
وأيضا لا ننسى من شاركونا بردودهم وتشجيعهم أو حتى من شرفنا بالمتابعة
بين أيديكم 11 قصيدة
ومدة التصويت خمسةأيام
وما كان منا إلا أن نشعل فتيل الهمة
في ميادين المشاعر والأحاسيس الدافئة ليسابق الركب بانطلاق
التصويت على اجمل ثلااث قصائد
سددوا سهام أصواتكم لمن يستحق الفوز بـ اللقب
( 1 )
أصيح بليل مابه من الشعاع نور = كيفك يا العذاب أشتقت تعال وخذني
تعال وأتركني بظلام والا خلف سور = دام الوله نومي من خليل ما رحمني
طبعه اللوعه على قلبي المكسور = وطبعي أحبه وعن هواه لا تسألني
عشقته بحب ماحكت عنه السطور = وملت الاوراق وانا اكتب أفهمني
عارف بتقول بحبه منت مجبور = لكن قلبي بمناده حبيبي ذبحني
خذني من الوهم لظلمة القبور = دام الحبيب بحياتي ما سمعني
*
( 2 )
توك تجي من عقب مامات ماضيكــ = توك تعرف الشوق بالحيل فيني
ماتذكر اني ذبت بالحب اناديكــ = وينك انا يومي عطيتك حنيني
تزعل واذا جيتك من الهم اواسيكــ = توك تجي تمسح دمـــوع عيني
ماتدري اني كنت بالحيل مغليكــ = وفي مامضى كنت احسبنك تبيني
واليوم قلبي مايبي اليوم طاريكــ = مات الغلا واقفت طواري سنيني
واليوم مالك في غلا النفس يرضيكــ = اببتعد وارجوك لا لا تجينـــــــــي
ماني مثل ماكنت يازين هاويكــ = النفس لاعافت عطاها يشيني
ومادام مات الحب ماظني اعطيكــ = ولا ظن قلبي لو عطيته يزيني
*
( 3 )
بــخلّي دمعتي ع الخد وبسبل تالي العــبرات = عســاك ابدمعتي تقدر تحــس بكل معاناتي
ولــو انـــي بغيت اسأل ابتساءل وسط دمعــات =بقلبي يــاترى قلبك يليــن بشــوف دمعاتي
ولـو هذا اهو يومي وجـــاني هـــادم اللذات = بدونــــي يـــــاترى تقدر تعيش افباقي لحضاتي
انا خـــوفي قبل لامــــوت تدفني مع الاموات =وتتـــركني بـــلا حبك وتهجر قلـــــبي وذاتــــــي
تـــرى من دون حبك لـــي انا كتله من الاهـــات=وجثه مـــــابقا فيها ســـــوى الذكرى ومافاتي
احبــــك كثر نجمات السمــــا يا مطول الغيبـات=وانـــا مشتـــاق لك بالحيل واسأل عنْك واحاتي
بـــــقلبي شـــي يدفعني ابوصف اجمل الاوقات =لالا هـــــــــوّنت يــــــــــــاعمري انا بوصفلك الآتي
عيــونك..نظرتك..صوتك..وتالي بوصف الهمـــسات= وفتّحـــلي اذونـــــك زيين ولايشغـلْك ونـــــاتي
عيونك حيــل تذبحني وانا مقدر على النظرات=نظــــراتك تعلقني مــــابين ارض وسمـــــــاواتي
وصوتك واااي من صوتك جميل واعذب الاصـــوات=وهمســـاتك امــوت بها لاصارت بعد كلماتي
وسلااامة قلبك الطيب عطــاني بعض من لحظات=اعبّر عــــن كثر حبي واسرد فيها اهــــاتي
*
( 4 )
ادفــعــيــهـا يــاهـبــوب الــحـب يــمــه ادفـعـيها=ادفــعــي حـلـو المشاعر قـالـو أن الــحـب بـلـوا :
لـجـل قــلـبـه لـجــل زولـه الـقــوافـي اعسفيها =وبـيـنـي لــه واشـرحـيـلـه الـقـوافــي بــه تحلوا
بــالــرشـا مـــربـوط دلـوي يــايــديـنـي جـوديـها =دلــو قلبي فــي قليب الــي خــذا قـلـبي تدلوا
شـرقـت بـي غربت بـي واحسب اني محتويها =احسب اني في هواها احسب اني طير شلوا
اجـمـعـيـهـا اظــربـــيــهـا قــسـمـيـها نـقـصــيـها = لاوقــفـت دقــات قـلـبـي مـن يقول انـي بسلوا
بـمـتـطـي خـيـل الـمـحـبـه بـركـبـه لـينن اجيها =مـا انـثـنـي مـن قـربـهـا قـربـها للــقـلـب ســلوا
ابـصـم أنـه هـو يـبـيني وابـصـم انـي هـم أبـيها=بالـطـريـق الهاشمـيـه بـالـنـقـاء مـن دون مـلـوا
وصـلـو لـه هــالـرســالــه قـولــوا يـعني افهميها =الــرسـايــل لا لــفـت مــن يـمـكـم قـلـبي تهلوا
*
( 5 )
ياغايبآ طااال الهجر .. واتحرااك= من سبتك زاد السهر في جفونـي
اسألك باللي اخلقك ثــم سـواك = وابدع محاسن صورتك في عيونــي
والله مابه في ذرى الكون يسوااك=لا أنس لا جنًآ ولايحزنونــــــــــــــــي
اموت انا واحيآ في رجوات لقيآاااك =ماهمني الناس لو كذبونــــــــــــــي
بأكتب انا ابيات .. بكتب مزاااااياك =والله مدري كيف وصفك فتونــــــــي
اخاف لاوصًفتك الناس تهـــــــواااك=واخاف منهم كونهــــم يحسدونــــي
يامهجتي نذرٍ علي اني منسـااااااك =لو يدفنونـــــي حي لو يذبحونــــــــي
ابيع كل الكون لاصرت ويااااااااك =واشري ثواني فرحتي في سكوني
تدري في قلبي عايش لجل طريااااك =وادري ولا يرضيك قلبك بدونــــــــي
البارحه مريت انا ادور اخطــــــــااااك =ماشفتك وضاق الصدر ياعيونــــــــي
جيتك احاتي يابعد عمري واتنــااااك=واعض ابهامي بحدة سنونــــــــــــي
بسألك تدري وش يعني لي فرقااااك=يعني لي الموت المصفا يهونــــــــي
خذها عهد مني على كف يمنــــااااك =امشي معك لو البشر حاربونـــــــــي
ياغايبآ طال الهجر واتحرااااااااك =من سبتك زاد السهر في جفونـي
*
(6 )
غريبه حـــالة قلوبنــا ألم = غريبه حالة مشاعرنا ندم
همني همــــك قبل هـــمي= وهمني ضحكك قبل دمعي
هـــمي إنك مسـتانس بقلبي= ودي أعرف وش تقول بغلاي
غالي ولا من غلاه ماتدري= قديم وشكلك ماتصارحني
من بعــيد أسمـع صوت غدري=عن قريب أترك حبك على قبري
تذكر و إذا تذكرت خبرني = أنا ماضي حتى بعد فرحي
أنا نهايه بقت معك تعذبنـي= أنا احبك لاوحبـي لك بدري
إذا بـــايع أنا شــاري إذا تدري=إذا ناوي أنا جرحي تحت أمري
إنسى و إجرح بس لا تزعل مني=فكر بقـلبك قبل ماتفكر بــغدري
طلبأخير قبــل جرحــك لــقلـبي=عانيت بحبك وتأكد قــضى عمري
أدري بعد الندم بتمسح على قبري= وش يفــيد البـكا بعد صمتي
وش يفيد الحزن بعد هجري=تحيه مني لا فوقها بعض نبضي
يالــــــيت ماتـــنفع بعد فقـــدي=ياليت وقتها كان في وقتي
ليتها بوقتك بتعرف ليش عذري=دامني ماضي بحبك أنا ميت بعزي
*
(7 )
أبوي اللي يساوي بالملا ديـره ولـي عنـوان= رحل عنـي وخلانـي وحيـد وحالتـي حالـه
تمنيت الزمن يرجع وأن اللـي حصـل ماكـان= ويرجـع بيتنـا ألاول ويصيـر أبـوي رجالـه
وأحس بقرب أبوي إني أعيش الأمـن والأمـان =وأبوي يصير لي ذخر(ن) عن الدنيا وعن أحواله
الا يا ابوي يا تاج(ن) على راسي مدى الأزمان= فقدتك ياخلف كل البشر عـم(ن) علـى خالـه
فقدت الوالد اللي في وجـوده أقهـر العـدوان= حماً لي أحتمي بقربه ومن الضيقات يشكى لـه
فقدت أبوي لاكنـي رضيـت بدبـرة الرحمـن = وأنا أكثر شخص محتاجه(( لإني أصغر عياله
*
( 9 )
للربـع مـنـي سـلام =ســلام لـلـطيـبـين
آخص النشاما الكـرام =وآخــص ذرب اليـمـين
ربعي ليـوث ضـخام =تــزآر آسـود العــريـن
حـريبـهم مـايـنـام=قلـبـه آمشـق حــزيـن
وجانـي باليالي حـلـم=نهضني من نومتي دون غريـن
ولاجـاءنهـار الزخـام =كل بفعله والغـموض يبـيـن
وصديق كان حبيب بالقديم= مانسيته وهو بالعداوه يشيـن
من برهه عـرفة آعلـوم=الصديق بالفـقر صـار وكـان
قلبي بالوجع صـار بعلم = عن صديق تربية معه آصبح كوين
آخباره وعلومـه بـدوم= همتني لآنه مثل الآخو رضيعـن
ياربع تفجر بركان الفرح الحميم = ابرجوع الصديق بذكره لله الغفران
والبن ياااناس كـآس المدام = صبـوه للربــ ع آطيبـين
*
(10)
لاتــقول اني اجامـــل الشعــــور=مستحيل اني اجامل في غلاك ..!
اعذرني لوحصـــل مني قصــور=صدقني ما اقـــدر اتحمل جفاك..!
ماتجاهلـــتك ولاطبـــعي الغرور= والقلب وربي ماقصـد ينســـاك..!
لاتظن في غيابك كنت مسرور=لا وربـــي الا مجـــنون بهـــواك..!
احبك واعشقك وانا كلي فخور=بان القــلب ماعشق الامـــلاك..!
(احبك) انتظرتها منـك شهــور=وخاطري اسمعـــها من شفاك..!
ليه المشاعرصار ابهابعض الفتور=عسى ماقصرت في حبي معاك
غريبه طباعك بها بعض الجور=أهديك الورد تهديني الاشواك..!
كنك غديت على وصلي مجبور=ماعادت البسمه تعرف محياك..!
طالبك اشرح لي اسباب القصور=انا مابي اعـيش الدنيــا بلــياك..!
*
( 11 )
اسمع ترا السمع في حالتك يشفيكـ=وشوف ترا الشوف بعيونهـ يعافيكـ..
لا يهمكـ كلام الناس لا الحقد يكويكـ=فكم عيون في سوادهـ تجافيكـ..
واذا جاك الحب وحاول بقلبهـ يحويك=ترخص وقل وش باقي افداه فيكـ..
صغير السـن لكن مواقفـهـ بتبكـيـكـ=ماعرف حبهـ وشك فيه تشكيك
اعتبــر الحب كوره وطلعوله تكتيكـ=مادرى ان الحب يجيبه ويوديك..
*
ولكم جزيل الشكر والامتنان
تقبلوا فائق حبنا واحترامنا ,,
جووري &برق الشمال & انوو & عازفة اوتار الحزن
دمتم بكل محبه
اعزائي اعضاء الاماكن الكرام
صباحكم ورد
بعد انقضاء مرحلة استقبال قصائد الشعراء
بسم الخالق نبدأ
مرحلة التصويت لمسابقة نبض القصيد
إحدى فعاليات حكايا امتاع تلبس وجه الأفق
لـ الأماكن 2008
ولكن قبل ذلك أعزائي الكرام الأفاضل
لا يسعنا إلا أن نتقدم بالشكر الجزيل لكل
من تفاعل معنا وشاركنا هذا المهرجان الرائع بقصائدهم وحضورهم
وأيضا لا ننسى من شاركونا بردودهم وتشجيعهم أو حتى من شرفنا بالمتابعة
بين أيديكم 11 قصيدة
ومدة التصويت خمسةأيام
وما كان منا إلا أن نشعل فتيل الهمة
في ميادين المشاعر والأحاسيس الدافئة ليسابق الركب بانطلاق
التصويت على اجمل ثلااث قصائد
سددوا سهام أصواتكم لمن يستحق الفوز بـ اللقب
( 1 )
أصيح بليل مابه من الشعاع نور = كيفك يا العذاب أشتقت تعال وخذني
تعال وأتركني بظلام والا خلف سور = دام الوله نومي من خليل ما رحمني
طبعه اللوعه على قلبي المكسور = وطبعي أحبه وعن هواه لا تسألني
عشقته بحب ماحكت عنه السطور = وملت الاوراق وانا اكتب أفهمني
عارف بتقول بحبه منت مجبور = لكن قلبي بمناده حبيبي ذبحني
خذني من الوهم لظلمة القبور = دام الحبيب بحياتي ما سمعني
*
( 2 )
توك تجي من عقب مامات ماضيكــ = توك تعرف الشوق بالحيل فيني
ماتذكر اني ذبت بالحب اناديكــ = وينك انا يومي عطيتك حنيني
تزعل واذا جيتك من الهم اواسيكــ = توك تجي تمسح دمـــوع عيني
ماتدري اني كنت بالحيل مغليكــ = وفي مامضى كنت احسبنك تبيني
واليوم قلبي مايبي اليوم طاريكــ = مات الغلا واقفت طواري سنيني
واليوم مالك في غلا النفس يرضيكــ = اببتعد وارجوك لا لا تجينـــــــــي
ماني مثل ماكنت يازين هاويكــ = النفس لاعافت عطاها يشيني
ومادام مات الحب ماظني اعطيكــ = ولا ظن قلبي لو عطيته يزيني
*
( 3 )
بــخلّي دمعتي ع الخد وبسبل تالي العــبرات = عســاك ابدمعتي تقدر تحــس بكل معاناتي
ولــو انـــي بغيت اسأل ابتساءل وسط دمعــات =بقلبي يــاترى قلبك يليــن بشــوف دمعاتي
ولـو هذا اهو يومي وجـــاني هـــادم اللذات = بدونــــي يـــــاترى تقدر تعيش افباقي لحضاتي
انا خـــوفي قبل لامــــوت تدفني مع الاموات =وتتـــركني بـــلا حبك وتهجر قلـــــبي وذاتــــــي
تـــرى من دون حبك لـــي انا كتله من الاهـــات=وجثه مـــــابقا فيها ســـــوى الذكرى ومافاتي
احبــــك كثر نجمات السمــــا يا مطول الغيبـات=وانـــا مشتـــاق لك بالحيل واسأل عنْك واحاتي
بـــــقلبي شـــي يدفعني ابوصف اجمل الاوقات =لالا هـــــــــوّنت يــــــــــــاعمري انا بوصفلك الآتي
عيــونك..نظرتك..صوتك..وتالي بوصف الهمـــسات= وفتّحـــلي اذونـــــك زيين ولايشغـلْك ونـــــاتي
عيونك حيــل تذبحني وانا مقدر على النظرات=نظــــراتك تعلقني مــــابين ارض وسمـــــــاواتي
وصوتك واااي من صوتك جميل واعذب الاصـــوات=وهمســـاتك امــوت بها لاصارت بعد كلماتي
وسلااامة قلبك الطيب عطــاني بعض من لحظات=اعبّر عــــن كثر حبي واسرد فيها اهــــاتي
*
( 4 )
ادفــعــيــهـا يــاهـبــوب الــحـب يــمــه ادفـعـيها=ادفــعــي حـلـو المشاعر قـالـو أن الــحـب بـلـوا :
لـجـل قــلـبـه لـجــل زولـه الـقــوافـي اعسفيها =وبـيـنـي لــه واشـرحـيـلـه الـقـوافــي بــه تحلوا
بــالــرشـا مـــربـوط دلـوي يــايــديـنـي جـوديـها =دلــو قلبي فــي قليب الــي خــذا قـلـبي تدلوا
شـرقـت بـي غربت بـي واحسب اني محتويها =احسب اني في هواها احسب اني طير شلوا
اجـمـعـيـهـا اظــربـــيــهـا قــسـمـيـها نـقـصــيـها = لاوقــفـت دقــات قـلـبـي مـن يقول انـي بسلوا
بـمـتـطـي خـيـل الـمـحـبـه بـركـبـه لـينن اجيها =مـا انـثـنـي مـن قـربـهـا قـربـها للــقـلـب ســلوا
ابـصـم أنـه هـو يـبـيني وابـصـم انـي هـم أبـيها=بالـطـريـق الهاشمـيـه بـالـنـقـاء مـن دون مـلـوا
وصـلـو لـه هــالـرســالــه قـولــوا يـعني افهميها =الــرسـايــل لا لــفـت مــن يـمـكـم قـلـبي تهلوا
*
( 5 )
ياغايبآ طااال الهجر .. واتحرااك= من سبتك زاد السهر في جفونـي
اسألك باللي اخلقك ثــم سـواك = وابدع محاسن صورتك في عيونــي
والله مابه في ذرى الكون يسوااك=لا أنس لا جنًآ ولايحزنونــــــــــــــــي
اموت انا واحيآ في رجوات لقيآاااك =ماهمني الناس لو كذبونــــــــــــــي
بأكتب انا ابيات .. بكتب مزاااااياك =والله مدري كيف وصفك فتونــــــــي
اخاف لاوصًفتك الناس تهـــــــواااك=واخاف منهم كونهــــم يحسدونــــي
يامهجتي نذرٍ علي اني منسـااااااك =لو يدفنونـــــي حي لو يذبحونــــــــي
ابيع كل الكون لاصرت ويااااااااك =واشري ثواني فرحتي في سكوني
تدري في قلبي عايش لجل طريااااك =وادري ولا يرضيك قلبك بدونــــــــي
البارحه مريت انا ادور اخطــــــــااااك =ماشفتك وضاق الصدر ياعيونــــــــي
جيتك احاتي يابعد عمري واتنــااااك=واعض ابهامي بحدة سنونــــــــــــي
بسألك تدري وش يعني لي فرقااااك=يعني لي الموت المصفا يهونــــــــي
خذها عهد مني على كف يمنــــااااك =امشي معك لو البشر حاربونـــــــــي
ياغايبآ طال الهجر واتحرااااااااك =من سبتك زاد السهر في جفونـي
*
(6 )
غريبه حـــالة قلوبنــا ألم = غريبه حالة مشاعرنا ندم
همني همــــك قبل هـــمي= وهمني ضحكك قبل دمعي
هـــمي إنك مسـتانس بقلبي= ودي أعرف وش تقول بغلاي
غالي ولا من غلاه ماتدري= قديم وشكلك ماتصارحني
من بعــيد أسمـع صوت غدري=عن قريب أترك حبك على قبري
تذكر و إذا تذكرت خبرني = أنا ماضي حتى بعد فرحي
أنا نهايه بقت معك تعذبنـي= أنا احبك لاوحبـي لك بدري
إذا بـــايع أنا شــاري إذا تدري=إذا ناوي أنا جرحي تحت أمري
إنسى و إجرح بس لا تزعل مني=فكر بقـلبك قبل ماتفكر بــغدري
طلبأخير قبــل جرحــك لــقلـبي=عانيت بحبك وتأكد قــضى عمري
أدري بعد الندم بتمسح على قبري= وش يفــيد البـكا بعد صمتي
وش يفيد الحزن بعد هجري=تحيه مني لا فوقها بعض نبضي
يالــــــيت ماتـــنفع بعد فقـــدي=ياليت وقتها كان في وقتي
ليتها بوقتك بتعرف ليش عذري=دامني ماضي بحبك أنا ميت بعزي
*
(7 )
أبوي اللي يساوي بالملا ديـره ولـي عنـوان= رحل عنـي وخلانـي وحيـد وحالتـي حالـه
تمنيت الزمن يرجع وأن اللـي حصـل ماكـان= ويرجـع بيتنـا ألاول ويصيـر أبـوي رجالـه
وأحس بقرب أبوي إني أعيش الأمـن والأمـان =وأبوي يصير لي ذخر(ن) عن الدنيا وعن أحواله
الا يا ابوي يا تاج(ن) على راسي مدى الأزمان= فقدتك ياخلف كل البشر عـم(ن) علـى خالـه
فقدت الوالد اللي في وجـوده أقهـر العـدوان= حماً لي أحتمي بقربه ومن الضيقات يشكى لـه
فقدت أبوي لاكنـي رضيـت بدبـرة الرحمـن = وأنا أكثر شخص محتاجه(( لإني أصغر عياله
*
( 9 )
للربـع مـنـي سـلام =ســلام لـلـطيـبـين
آخص النشاما الكـرام =وآخــص ذرب اليـمـين
ربعي ليـوث ضـخام =تــزآر آسـود العــريـن
حـريبـهم مـايـنـام=قلـبـه آمشـق حــزيـن
وجانـي باليالي حـلـم=نهضني من نومتي دون غريـن
ولاجـاءنهـار الزخـام =كل بفعله والغـموض يبـيـن
وصديق كان حبيب بالقديم= مانسيته وهو بالعداوه يشيـن
من برهه عـرفة آعلـوم=الصديق بالفـقر صـار وكـان
قلبي بالوجع صـار بعلم = عن صديق تربية معه آصبح كوين
آخباره وعلومـه بـدوم= همتني لآنه مثل الآخو رضيعـن
ياربع تفجر بركان الفرح الحميم = ابرجوع الصديق بذكره لله الغفران
والبن ياااناس كـآس المدام = صبـوه للربــ ع آطيبـين
*
(10)
لاتــقول اني اجامـــل الشعــــور=مستحيل اني اجامل في غلاك ..!
اعذرني لوحصـــل مني قصــور=صدقني ما اقـــدر اتحمل جفاك..!
ماتجاهلـــتك ولاطبـــعي الغرور= والقلب وربي ماقصـد ينســـاك..!
لاتظن في غيابك كنت مسرور=لا وربـــي الا مجـــنون بهـــواك..!
احبك واعشقك وانا كلي فخور=بان القــلب ماعشق الامـــلاك..!
(احبك) انتظرتها منـك شهــور=وخاطري اسمعـــها من شفاك..!
ليه المشاعرصار ابهابعض الفتور=عسى ماقصرت في حبي معاك
غريبه طباعك بها بعض الجور=أهديك الورد تهديني الاشواك..!
كنك غديت على وصلي مجبور=ماعادت البسمه تعرف محياك..!
طالبك اشرح لي اسباب القصور=انا مابي اعـيش الدنيــا بلــياك..!
*
( 11 )
اسمع ترا السمع في حالتك يشفيكـ=وشوف ترا الشوف بعيونهـ يعافيكـ..
لا يهمكـ كلام الناس لا الحقد يكويكـ=فكم عيون في سوادهـ تجافيكـ..
واذا جاك الحب وحاول بقلبهـ يحويك=ترخص وقل وش باقي افداه فيكـ..
صغير السـن لكن مواقفـهـ بتبكـيـكـ=ماعرف حبهـ وشك فيه تشكيك
اعتبــر الحب كوره وطلعوله تكتيكـ=مادرى ان الحب يجيبه ويوديك..
*
ولكم جزيل الشكر والامتنان
تقبلوا فائق حبنا واحترامنا ,,
جووري &برق الشمال & انوو & عازفة اوتار الحزن
دمتم بكل محبه