ملكة الهدؤ
20-12-2008, 12:33 AM
الشمس لاودعت يكتب عزاها الشفق
بحروف تقرأ خيوط الليل مضمونها ,,
وعادة الأشجار تهدي للخريف الورق
وتبقى حزينة تصيح الريح بغصونها ,,
هي المحبة كذا من قال بلوى صدق
مرات ياصعبهـا ومـرات ياهونهـا ,,
يموج قلبي ليا بـان القمـر وادرق
بالغيمة اللي فضح لون القمر لونها ,,
ياخد يامصطبـح بالنـور يامغتبـق
سولف لمفرق نحرها وجد مضنونها ,,
ياهيه سولف لشلال الشعر لااندفـق
اليا استجن الهبوب وداعب متونهـا ,,
الله خلق لكن الله بين خلقـه فـرق
عينتني يوم باحت لـي بمكنونهـا ,,
قام الخفوق يتفلت بالضلوع وخفـق
من يوم ذاب السكات وسال بعيونها ,,
تنعس بليا نعاس وجفنها مانطبـق
تهز ليل الرمـوش وتنثـر فنونهـا ,,
وانشد الليل والسارق عن اللي سرق
والوم ليلى على تعذيـب مجنونهـا ,,
لاطالعـت كنـها ريميـة تصطفـق
لدت وشافت قوانيـص يشوفونهـا ,,
أخمر حديهم وسدد بندقـه وانفهـق
وفزت من الذعر واقفت قبل يرمونها ,,
هذا هو الريم لامن هـج ماينلحـق
بعد الخريعة حشا ماعـاد يلقونهـا ,,
الشاعر/ متعب المطلق
بحروف تقرأ خيوط الليل مضمونها ,,
وعادة الأشجار تهدي للخريف الورق
وتبقى حزينة تصيح الريح بغصونها ,,
هي المحبة كذا من قال بلوى صدق
مرات ياصعبهـا ومـرات ياهونهـا ,,
يموج قلبي ليا بـان القمـر وادرق
بالغيمة اللي فضح لون القمر لونها ,,
ياخد يامصطبـح بالنـور يامغتبـق
سولف لمفرق نحرها وجد مضنونها ,,
ياهيه سولف لشلال الشعر لااندفـق
اليا استجن الهبوب وداعب متونهـا ,,
الله خلق لكن الله بين خلقـه فـرق
عينتني يوم باحت لـي بمكنونهـا ,,
قام الخفوق يتفلت بالضلوع وخفـق
من يوم ذاب السكات وسال بعيونها ,,
تنعس بليا نعاس وجفنها مانطبـق
تهز ليل الرمـوش وتنثـر فنونهـا ,,
وانشد الليل والسارق عن اللي سرق
والوم ليلى على تعذيـب مجنونهـا ,,
لاطالعـت كنـها ريميـة تصطفـق
لدت وشافت قوانيـص يشوفونهـا ,,
أخمر حديهم وسدد بندقـه وانفهـق
وفزت من الذعر واقفت قبل يرمونها ,,
هذا هو الريم لامن هـج ماينلحـق
بعد الخريعة حشا ماعـاد يلقونهـا ,,
الشاعر/ متعب المطلق