⌠اڶـﮪـاوٍيـﮯ™⌡
20-01-2009, 03:32 PM
....: هههههههههه ,, ضحكة عفوية طلعت لما شفت طفل صغير يا حليله ماسك بيده حلاوة نظارة (
كنا نسميها زي كذا زمان ) هذيك اللي تجي على شكل دواير وملونه ,, ما ضحكت على شكله وهو يجري فيها ,, لا ضحكت لما تذكرت إننا زمان كنا نمووت على الحلاوة هذي ,, وحبه حبه بدت الكلمة يبان منها شيء بسيط من الصور المعلقة فيها ,, هالكلمة اللي تلازم الإنسان طول عمره ,, " ذكريات " ..
هالذكريات فيها صور ما تقدر تنساها ,, وفيها الصور اللي باقي باهته ,, وفيها الصور اللي انعدمت من وجودها وصار لونها أبيض ..
وهالصور فيها لحظات ما تقدر تنساها ,, من براءتها ,, من خبالها ,, من حلاوتها ,, من ومن ومن ...
اذكر ..
في الديرة ,, زمان لما كنت أروح أجمع أولاد جيراننا نلعب سبع حجر ما أدري إذا تعرفونها ,, بس كنا محترفين فيها ,, وكنا نلعب ألعاب كثيرة ,, طيرة ( مطاردة أو صيده ) كنا نألف فيها قوانين ,, حسيسرة ( هههه ما أدري وش تسمونها بس اللعبة هي عبارة عن إننا ناخذ شيء صغير ملون وواحد منا يخبيه في مكان ما نشوفه وهو يخبيه وبعدها يقولنا " حسيسرة " ونطلع ندورها كأننا ندور على قطعة ألماس ) ,, ولعبة حجل ( وهي إننا نرفع رجل ونجري بالرجل الثانية ونتسابق ) ,, يااااه ,, بريئة طفولتنا ...
اذكر ..
في الديرة ,, زمان لما كانوا أهلي يقولولي لا تطلع في الليل عشان النمنم ما ياكلك وكنت مسكين على نياتي أصدق وأخاف من هالنمنم إنه يطلع وياكلني ,, كنت أنا وأولاد الجيران نتحدى بعض مين اللي ما يخاف من النمنم ,, وكل واحد يقول أنا ما أخاف أنا أقوى واحد فيكم ,, واذكر في يوم كنا في وقت العصر ونلعب جانا واحد من أولاد الجيران طاااااااير وهو يصيح يقول النمنم جا النمنم جا ,, وما تشوف إلا غبار طاير من ورانا كأنه غبار جيب ربع ماغط الطبلون في البر ,, ياااه ,, خبلة وهبلة طفولتنا ...
اذكر ..
في الديرة ,, زمان لما كنت أروح مع أخوي الكبير الدكان " البقالة " ,, كنت انشب في حلقة عشان يشتريلي حلاوة نظارات ( كنا نمووووت عليها هههه ) والجدة ( إسمها الجدة حمامة ) تبيع في البقالة وكانت بعض الأحيان تعطيني حلاوة بلاش وكنت أطير فرح ,, اذكر يوم من الأيام وأنا في صف أولى ابتدائي كان فيه بطاطس شيبس يجي فيها فلوس نسيت إسمها والله لأنها ألحين انقرضت أكيد ,, المهم كان هذا اليوم يوم السعد رحت اشتريت الشيبس هذا وفكيته ,, توقعوا كم لقيت داخله؟؟؟؟ هههه عارف بعضكم ما راح يصدق بس والله لقيت خمسين ريال مقرطسة ( كنت أشوفها كثيرة مرة علي هذاك الوقت وحسيت نفسي إني غني ) ,, يااااه ,, حلوة طفولتنا ...
اذكر قليل ,, لأن أكثرها باهته للآسف ,, الكلمة مو مكتملة ولا أعتقد راح تكتمل في يوم واللي باين منها رؤوس حروفها بس ...
نتأوه على هذاك الزمن ,, ونتأفف من هذا الزمن ..
سبحان الله ..
الدنيا تلعب في الناس لعب ,, أحياناً تحزنهم , تفرحهم ,, تبكيهم , تضحكهم ,, تزعجهم , تريحهم ,, تكبرهم , تصغرهم ,, تبعدهم , تقربهم ,, تقويهم , تضعفهم ,, تعليهم , تنزلهم ,, وفي لحظة تقتلهم ,, بس ما تحييهم ...
هذا هو زماننا ,, وهذي هي دنيتنا مغويتنا ...
هذا الموضوع الأول لي بقلمي في القسم أتمنى أن يعجبكم مع أرق تحية ..
كنا نسميها زي كذا زمان ) هذيك اللي تجي على شكل دواير وملونه ,, ما ضحكت على شكله وهو يجري فيها ,, لا ضحكت لما تذكرت إننا زمان كنا نمووت على الحلاوة هذي ,, وحبه حبه بدت الكلمة يبان منها شيء بسيط من الصور المعلقة فيها ,, هالكلمة اللي تلازم الإنسان طول عمره ,, " ذكريات " ..
هالذكريات فيها صور ما تقدر تنساها ,, وفيها الصور اللي باقي باهته ,, وفيها الصور اللي انعدمت من وجودها وصار لونها أبيض ..
وهالصور فيها لحظات ما تقدر تنساها ,, من براءتها ,, من خبالها ,, من حلاوتها ,, من ومن ومن ...
اذكر ..
في الديرة ,, زمان لما كنت أروح أجمع أولاد جيراننا نلعب سبع حجر ما أدري إذا تعرفونها ,, بس كنا محترفين فيها ,, وكنا نلعب ألعاب كثيرة ,, طيرة ( مطاردة أو صيده ) كنا نألف فيها قوانين ,, حسيسرة ( هههه ما أدري وش تسمونها بس اللعبة هي عبارة عن إننا ناخذ شيء صغير ملون وواحد منا يخبيه في مكان ما نشوفه وهو يخبيه وبعدها يقولنا " حسيسرة " ونطلع ندورها كأننا ندور على قطعة ألماس ) ,, ولعبة حجل ( وهي إننا نرفع رجل ونجري بالرجل الثانية ونتسابق ) ,, يااااه ,, بريئة طفولتنا ...
اذكر ..
في الديرة ,, زمان لما كانوا أهلي يقولولي لا تطلع في الليل عشان النمنم ما ياكلك وكنت مسكين على نياتي أصدق وأخاف من هالنمنم إنه يطلع وياكلني ,, كنت أنا وأولاد الجيران نتحدى بعض مين اللي ما يخاف من النمنم ,, وكل واحد يقول أنا ما أخاف أنا أقوى واحد فيكم ,, واذكر في يوم كنا في وقت العصر ونلعب جانا واحد من أولاد الجيران طاااااااير وهو يصيح يقول النمنم جا النمنم جا ,, وما تشوف إلا غبار طاير من ورانا كأنه غبار جيب ربع ماغط الطبلون في البر ,, ياااه ,, خبلة وهبلة طفولتنا ...
اذكر ..
في الديرة ,, زمان لما كنت أروح مع أخوي الكبير الدكان " البقالة " ,, كنت انشب في حلقة عشان يشتريلي حلاوة نظارات ( كنا نمووووت عليها هههه ) والجدة ( إسمها الجدة حمامة ) تبيع في البقالة وكانت بعض الأحيان تعطيني حلاوة بلاش وكنت أطير فرح ,, اذكر يوم من الأيام وأنا في صف أولى ابتدائي كان فيه بطاطس شيبس يجي فيها فلوس نسيت إسمها والله لأنها ألحين انقرضت أكيد ,, المهم كان هذا اليوم يوم السعد رحت اشتريت الشيبس هذا وفكيته ,, توقعوا كم لقيت داخله؟؟؟؟ هههه عارف بعضكم ما راح يصدق بس والله لقيت خمسين ريال مقرطسة ( كنت أشوفها كثيرة مرة علي هذاك الوقت وحسيت نفسي إني غني ) ,, يااااه ,, حلوة طفولتنا ...
اذكر قليل ,, لأن أكثرها باهته للآسف ,, الكلمة مو مكتملة ولا أعتقد راح تكتمل في يوم واللي باين منها رؤوس حروفها بس ...
نتأوه على هذاك الزمن ,, ونتأفف من هذا الزمن ..
سبحان الله ..
الدنيا تلعب في الناس لعب ,, أحياناً تحزنهم , تفرحهم ,, تبكيهم , تضحكهم ,, تزعجهم , تريحهم ,, تكبرهم , تصغرهم ,, تبعدهم , تقربهم ,, تقويهم , تضعفهم ,, تعليهم , تنزلهم ,, وفي لحظة تقتلهم ,, بس ما تحييهم ...
هذا هو زماننا ,, وهذي هي دنيتنا مغويتنا ...
هذا الموضوع الأول لي بقلمي في القسم أتمنى أن يعجبكم مع أرق تحية ..