روح روحي

[نـزف الـمـشـاعـر]

روحي

تعالي معي في رحله جميله وتخيلي إنك راكبه معي

ولا يروح فكرك بعيد .. وتتخيلي إنك راكبه فياقرا أو ميركوري

لا ياروحي

تخيلي إنك راكبه معي في كامري

لاني بسيط .. وفي شئوني ماعندي ذاك الوسيط

زين ياروحي ؟ :)

هالحين كيف الوضع ؟

رايقه .. وإلا ضغطك مرتفع

حلو إنك رايقه :157:

لأن الخيال ما يكتمل .. إلا وإنتي رايقه وفايقه

هالحين تخيلي إنك أنا وإنتي نسير بذاك الطريق .. إللي على خط الحريق

وتأملي بذيك الجبال الشاهقه .. إللي العبت فيها الرياح

ولا تزال هاك الجبال بوجه الزمن .. هي صامده

صحيح العبت فيها أيادي بعض البشر

بس ترى هذا قدر

ودققي فيها شوي

كيف ماتزال ذيك الجبال هي شامخه

تدرين ليه ؟

لأنها بشموخها

قاهره ذيك الرياح العاتيه

وذيك الأيادي العابثه

روحي

ماشربتي كاس العصير !!

وهو في يدك .. من بدينا بالمسير !!:8b48593a21:

روحي

شفيك نزلّتي العصير :o

طيب

مو مشكله

بس نبهيني لا يصادفنا بعير

لان النظر .. للأسف عندي قصير :090:

هالحين .. تخيلي ذيك الجبال .. وتأملي باطرافها

شفتي كيف هي رائعه بشموخها ؟

شئ جميل .. لو تصيري مثلها

روحي

تخيلي ديراب .. وتخيلي هيت الأحباب

وتخيلي جبال الهدا .. وجبال شمرخ وشدا .. وتأملي

تخيلي جبال سلمى وأجا

وهم بعد فيها تأملي

وتخيلي كيف هي صامده في وجه هذيك الرياح

وكيف قلوبنا تهتز للأسف .. مع أدنى ريح

روحي

نواصل .. والا نوقّف ونستريح ؟ :)

باختصار

مافي بهادنيا شجر .. إلا وهبّتها ريح

وحنا شموخنا بيديننا

بس مشكلتنا حنا البشر .. إن عواطفنا ماهي بدينا

صدقيني .. شئ جميل بعد ما وصلنا لبيتك .. تنزلين :)