عزيل حالي

[صـ م ـت أنـ س ـان]

تحياتي للجميع********اجوا ان تنال رضاكم




يمكن تقولون وش به طايـرً عقلـه ما باقي الا يقـوم ويفصـخ ثيابـه

ماهي غريبه كثيـر عقـول منهبلـه وإن مت قالوا قبر مجنـون باحبابـه

ياما نسيت بصلا تي وجهـة القبلـه واستغفر الله واعوذ بشرّ مـن جابـه

ودّي اعرفه عشان اقعد واسولف لـه عن سربي اللي فشل في صدة اسرابه

واجاوره مثل من جاور نهـر دجلـه يخاف يبعـد ويفقـد شـي يحيابـه

يارمشه اللي رمانـي والنظـر نبلـه والله يامنيتـي امــوت واحيـابـه

لا من مشى قلت ياليتي انـا ِرجلـه لجل ابعده عن عيون الناس واحظابه

يمشي بشارع تشوف الناس منذهلـه ومن زوّد الشوف ضّيع حسبة احسابه

في صوت مشيه يحاكي نقرة الطبلـه يشّد من يسمعه حتى عـن اصحابـه

في جيته ضايع اللـي واصـل قبلـه وتبقى وجيه الحضور إن راح تتشابه

ياسيد عيني تمهّـل وانتظـر لحظـه اللي تعديت واحـد تعبـت اعصابـه

حتى كلامـه الا قالـه علـى مهلـه مثـل القصيـد الـذي ودّك تغنابـه

ياناس قولو من اللي مايبي وصلـه ويسعد بشوفه وينوّخ عنـده ركابـه

ورده ونعرف مصير الـورد للذبلـه ومن يسقي الـورد لا بـد يتهنابـه

عزيّل حالي إذا ما صار لـي عبلـه و ياويل قلبي علـى فرقـاه وانيابـه

الحب جرح وشقا واحذر من الغفلـه في سّنة الحب كنّـك عايـش بغابـه