شوفوا البنات وش يكتبون على عباياتهم

[دلـوعة نـ ج ــد]

يغمرني الأسى ويحز في نفسي أن أكتب لكم

وأصف جريمة تقترفها الفتاة في حق نفسها......




الظاهرة التي انتشرت وبشكل فظيع وهي
كتابة عبارات سفيهه ومبتذله على عبايات النساء


منهم من تكتب على العباية


Follow me


أي إلحق بي <<<< وكأن الناس مايفهمون باللغة




واللي تكتب إسمها وتزخرفه كانه نك نيم والا بطاقة جامعيه



واللي تخط حرفها بالخط العريض اللامع على ظهرها




واللي من كثر الإعتزاز بقبيلها تكتب



(اسم قبيلتها) وأفتخر



خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها




والأدهى....



والأمر....




واللي يصرع....





اللي تكتب لك





(( إذا في امك خير إلحقني ))



إما انها تهدد <<<< وكنها تقدر تطق


وأيضاً


البنت اللي كتبت عنها حتى الجرايد الخليجية



واللي كانت كاتبه على عبايتها



(( أتحداك تلمسني ))


عرض صريح.......؟؟




ماناقص الا تكتب عليه.......


تخفيضات 50% على اللي يلمسنى



والي عباتها عليها صورة الملك عبد الله وسيفين ونخله ...


طبعاً بالألوان .......... !!


اذا انتي وطنيه لهدرجه سوي العبايه وخليها بالبيت ؟؟؟





أعزائي



القضية هنا ماتمس العادات والتقاليد فقط تمس الدين أيضاً.......



الظاهرة هذي نتاج شخصيات تافهه غير واعية فاقدة للتمييز


شخصية يطلق عليها مايسمى بالإمعه........



فهي بدأت ومن ثم انتشرت



وكيف انتشرت.........؟؟




كل هذا نتيجة لسطحية التفكير وضعف الوازع الديني



وفقدان السيطرة على زمام الأمور وإيجاد حل للمشكلة بعقلانية وتروي وإنضباط



هذي نتيجة ........ ارخاء العصا وعدم مسكها من النص


ماهي الفتاة بدون عفه وحياء وشرف؟؟



وماهو الحجاب إن لم يكن يؤدي الغرض الذي شرع من أجله؟؟.....
السؤال...


اين اولياء الامور...اين الاب؟


...من اشترى تلك العباءة؟....



اسئله اثارت فضولي وحبيت اتكلم عنها ..؟؟؟


فهل من منااااقش ... ؟؟؟


ملاحظــه /

أخــي / أخــتي رواد هذا المتصفح اتمنى الاقي تفاعل ليــسى فقـط لمجــرد الــرد
وإنمــا للنقاااش (( الهــادف ))
اللي راح يرد بكلمة يسلمو وشكرا وغيره من العبارات السطحيه لمجرد انها مشاركه وتنحسب (( لاااااااا يـــرد )) وإلا ايش فرق هذا القسم عن باقي الاقسااام ...!!


تحيااتي للجميييييع

دمتم بسعااده وحب

[&مشاعر_-_-مكسورة@]

مشكوورة حياتي موضوووع حلو مرة ليش الإفتخار بأشياء مالها داعي؟؟

[دموع الورد]

حياااك اختي ومشكورة على الطرح الراائع

مثل ما قلتي اين الاهل ولو لاحظتي ان كل

الي يلبسون هذي العبي مراهقات يعني يلبسونها لمجرد لفت الانظار ولانها موضه

لكن اين الام اين الاب اظن انهم غافلين او يتغافلون عن بناتهم واغلب الظن انهم يتفاخرون ان بناتهم على الموضه وش فيها هذ رد بعض الامهات ولا تقول لك استريحي الله يخليك يا ما فيه بنات متسرات وهن من تحت لتحت وبناتنا ما سوو منكر عادي تلبس مثلها مثل غيرها وتوها صغيرة خليها توسع صدرها لاحقه على التكمكم

ي انا واقول من شب على شاب عليه

واذ كان صاحب البيت للدف ضاربا فشيمة اهل البيت الرقص

يعطيك العافيه والله يسترنا ويستر بناتنا

تحيااتي

[دلـوعة نـ ج ــد]

مشكوورة حياتي موضوووع حلو مرة ليش الإفتخار بأشياء مالها داعي؟؟



هلا فيك
اختي اشكرك على مرورك ولكن انا كاتبه ملاحظه ... وردك رد سطحي جداً ...!!!!!
وهذا طرح للنقااش ..!!



دمتي بكل الحب والسعاده

[دلـوعة نـ ج ــد]

دمووووع الورد

يسعدك ربي على هالمروور والنقااش بهالصوره فعلا كلامك منطقي ونسمعه كثير لمجرد انكارنا لمنكر ..
وجهت نظر تستحق كل الاحترام .. لاعدمتك يالغاليه

وآآآآآميـــن الله يسترناا ويستر بناات المسلمين ..

متحرمش منك قلبو

دمتي بحب وسعااده

[شاطئ الأمان]

شكرا لك اختي الفاضله
صراحة اقبح عباره هي الحق بي
وانا اشوف ان سبب هذا الانحطاط الثقافي والاخلاقي هو ناتج تربية الفضائيات
شكرا لك اختي الكريمه

[سنـ الفضه ـا]

الله ينور دربك دلوعه ...

والله دلوعه سكتنا عن العطر.. وسكتنا عن العبايات المخصره وموديل كسرات...!!

ومدري شنو... وسكتنا ع خامة ونوع القماش العبايه وكان الطامه هذي الزخارف وحركات ولون

الداخل ع العبايه وطرحه .... اللي تقولين عبايات سهره مو عبايات حشمه

والله هذا انا وبنت بس اشوف اقعد اطالع بشكل رهيب..

بس بقولك كل هذا غزو من الخارج بس المشكله في البنت نفسها هذا اولا !!


واعتقد مافيه وازع ديني عندها وخوف من الله .

واهلها مدري اشلون يرضى ع محارمه يطلعون بهذا الشكل...

ماراح انكار واقول ماعندي عبايه ع كتف لكن خاصه بزواجات فقط لاغير .

من الحلول بنظري لو تكثف حلقات او دورات عن حكم لبس العبايه بهذا الشكل ...

وعي اولي لامور... ومراقبه ..!!

كمان مراقبه محلات بيع العبايات او حتى وضع رقابه معينه وبسيطه فقط !!


تحياتي لك وتشكرين ع طرح المفيد والهادف وتستاهلين تقيم

الله يجزاك خير

[:: سحابة أنثى ::]

لاضاع الدين عند الشخص .. ضاءت اخلاقه وحياوئها

وان لم تستحى فصنع ماشئت

هذا كل الي اقدر اقوله

يعطيك العاافيةعلى موووضوعك

وربي يهديهمويدووهم لصووب

[المنسي]

الله يعطيك العافية أختنا الكريمة
على هذا الطرح القيم
نسأل الله أن يهدي فتياتنا..
دمت بود

[احلى احساس]

أأأين الأأأأب ؟؟


الله يرحم حااال الابووووووووووو

تطلع قدااااامه بعباايه غيرهاااااااا


ولاااا ركبت مع الساااااااايق حطتهااا في المرتبه اللي ورااااهاااااااا


واذااا أأأقبلت على البيت لبستهاااااا

وشلووووون بيعرف ؟؟



العجايب الي اتصير من قلة الوازع الديني اصلن العباه للحشمه مو للفت النتباه والي تكتب كلام بعبايتها تبى تلفت الانتباه لانها حاسه بنقص بنفسها وتبى لفت الانتباه بالعكس البنت المؤدبه المحتشمه بلبسها وسترها الكل يتمناها لانها صعبة الوصول الله يكملهن بعقولهن ويهديهن ويهدينا والجميع
تحياتي للجميع

تقبلو موروي

[جــ الغلاــــرح]

هلا وغلا
بجد شي محزن

[بزوخ الفجر]

اللهم احمي بنات المسلمين .. وجنبنا المعاصي ما ظهر منها وما بطن ياااااااااااارب

عن جد ظاهره انتشرت وبكثره في هذا االزمن الحالي اول ماتلاقي هالمصخره بس الحين ..........؟؟؟

والمشكله اذا صار بالبنت شي لا سمح الله ؟؟؟ قالت الشباب هم السبب ..؟؟؟؟ من افعالكم واستهتاركم

[غريبة بدنيتي]

شفت ناس كثيير زي كذا ولمن تقولها حرام بتقولك موضه اي موضه اللي تخلي البنت تترك العادات والتقاليد واهم
من هذا دينها وحيائها وعفتها يعني بجد انا اشوف انها تخلف وظعف شخصيه وبس تبي تلفت الانتباه لان هذا
من ضعف شخصيتها ونقص عقلها

[بنوته وحيدة]

لاحول ولاقوة الابالله


اذا هي راضي على نفسها لا اهلها ولا مجتمعها

يقدر منعها الحياة صارت نفسي نفسي

حاولى اذا رايتى فتاه بهذه الموصفات

ان تنصحيها اقل رد تقولك مالك دخل فيني


دلوعة نجد

موضوع رائع وطرح مميز

لاتحرمينا تميزك الراقي

تحياتي

[أبو أسيل]

اقول هالبنات ودهن قطم ارقابهن

المشكله يقولواا الشباب هم يغازلو فعلا اي واحد يشوف هالمنظر

بيعرف ان صاحبة اللبس ماعندها حيا وو....... الله المستعان

يسلمووو على الطرح

[رايق]

واللهـ شي يهز النفس..

كلآآم مافيهـ ولا قطرة شرف..
الله يهديهم بس..
مشكوووورهـ ع الموضوع.
دوومزز هالابدآآع
تحياتي

[دلـوعة نـ ج ــد]

نسأل الله السلامه .. والله يستر علينا وعلى بنات الناس

مشكووورين على تفاعلكم مع الموضوع ...

ويعطيكم ربي ألـــف عافيه

ولاتحرمووني روعة تواجدكم

[آآحسآآآس آآنثى]

أستغفرالله بس
وشو هآآذآ صرآآآحهـ
قلت أدب

[لـ ح ـن آلمفاآرق]

يعـطيكـ آلعأفيهـ ع الموضوع ألمتميــز ,,,

مثل مآقلتي اولياء آلاآمور تآركين بناتهم يهيتون على كيفهمـ ,,

ولآ دراين شيسون من ورآهم!ـ

بس شنقول تعودنآ على هالمناظر

تقبلي مـروري

[هـلآلي فــوـوق]

ولا الي تقول اتحداك تلمسني اذا احد غازلها ولا قالها كلمه جلس تصارخ ولمت السوووق

طيب السؤال ليه تلبسين عبايه زي كذا؟؟؟

الجوااب

لانك تبين تنغازلين وتلفتين الانتباه اجل انطمي اذا احد غازلكي ولا تسوين نفسك مادبه..

يعني صراحه اشياء تقهر

والله يرحم ضعف الاباء بس...

يسلمووو خيتوو على الطرح المفيد

[ملح الرياض]

مشكوره حبيبتي دلوعه نجد على هذا الموضوع الهادف الذى يجب علينا الهتمام فيه

ليس منا نحن ولاكن من محلات البعبايات والذى ينبغي الا تبيع مثل هذى العبايات التي تجرالفتايات الى التبرج والسفور ويجب على الهيئه سحب هذى العبايات من الاسواق والقاء اشد العقوبه على بائع هذى العبايه التى ليست فيها سواءقلت الادب وسوى الاخلاق والله يهدي الجميع الى مايحب ويرضاء لكي منى كل احترام اختي وحبيبتي دلوعه نجد

[شيخة البنات]

هههههههههههههه
صراحهـ حركهـ مضحكهـ موبـ تفاخر هذيـ الاشياء
الحمدللهـ والشكر
اللهـ بس يصلحهم هذا اللي نقدر نقولهـ :)

[سآحبه على ألعآلم]

ههههههههاااااااااااااااااااااااع موتيني من الضحك ههههههاااااااااااااااااااع <<< اقول اصفطي ع جنب هع

سوري والله صادقه حبيبتي شي يقهر اما دجاج الوطنيه ههههههاااااااااااااع قصدي اللي سيفين ونخله


لا وايقالهن وخر وخر اوحسن شي الحمدلله الذي عفانا مما ابتلاهم

يعطيك العافيه عمري

تقبلي خطمتي

[إمرأه من كل العصور]

أخي كول بوي
أعتذر لكن أود أن أعارضك على كلمه وياليت تتقبلها مني
بغض النظر كون شكل العبايه اللي لا بستها البنت ...لكن مو كل بنت لبست من هالعبايات تكون غير مؤدبه مثلما أسلفت سابقا
ولا كل بنت لبست عبايه على الراس تكون ماشاء الله عليها هذي اللي لا قبلها ولا بعدها
مو شرط وربي كثاااار بنات لابسات هالعبايات وجدا أخلاق والعكس صحيح لكن همه يجارون الموضه
طبعا أنا ما تـكلم عن المسترجلات هذا موضوع ثاااااااااني مختلف تماما
تحياتي وتقبلوا مروري مره ثانيه

[حنون بس مجنون]

اشكرك اختي على هالموضوع
بصراحة نحن بزمن غريب كل همومنى الموضه وكل همومنى ماهو جديد
مانخرج عن ايطار الموضوع انا توقعاتي بعد مرور سنتين قدام مراح يكون فيه ((حجاب بالسعودية))
وربي انا بدات الاحظ هالاشياء في قناة الال بي سي اللبنانيه في برنامج احمر بالعريض
اتت سعودية قول ان لبس الفتاه بالعباية واتغطيه شعرها بي الشيله يعتبرونة السعوديين تبرج
واشرايكم يااخوان انا بصراحة ماعرفت التبرج الا بالهزمن الله يعيني واياكم على تقوا الله وانصح
اخواتي الفتياة عدم التهاون بالحجاب كنصيحة اخو واشكركم جميعا ,,,,

[الفــــــــرس]

يعطيك ربي العافيه ع الطــرح

أين اولياء الامور اين الاب؟

كل ماسوت البنت غلط يجي الذنب ع ابوها وامها

خلاص ربوها وكبرت واللي تكبر تعرف مصلحه نفسها وين؟

بس للاسف تجازي اهلها بهالشي الله يهديهم بس

من اشترى تلك العباءه؟

أكيــد هي اللي اشترتهــا وراح تكون راضيه ع نفسها

الله يعينهم ع التخلف اللي هم فيــه

ما أقول غير حسبي الله ونعم الوكيــل....


كل الشكـر لكِ غاليتي

كنــت هنــا ومضيــتْ}


تقديــري

[عـطـ الليل ـر]

أولاً

لكـِ شكري وإعج ـابي برقي طرحكـِ

ثانياً

أخ ـتي مثل هذهـ القضايا يصعب تبيينها

هنا لأنها مسئلة مبادئ لدى فاعل هذهـ

القضايا لذى لن نستطيع حصر دوافع من

يلبس هذهـ العبايات المشينهـ أخ ـتي

ولكن نحن نبدي الآراء لعل من يقراء

يعرف وجهة نظر المجتمع حول هذهـ

القضيهـ .

هنا أقول وجهة نظري لمن تلبس هذهـ

العبائات بأنها من بيئهـ منحطهـ وليس

لديها مبادئ ولا قيم لكونها عرض وشرف

مسئولهـ أمام أهلها وأمام ربها بأن تصونهـ

ولا تستهين بهـ بقصد المتعهـ أو مواكبة الموضهـ .

أعتذر إن كان ردي جارح ولكنهـ صريح .

[الملك الازرق]

أتوقع بعد سنين لا أستطيع تحديدها بالضبط أن تتحوٌل العباءة الساترة إلى فستان مـُلفت ,,

فهانحن نشهد بعد تلك المخصرٌة أشكالآ ملوٌنه ومزخرفه !!

فليس بعيدآ أن نرى يومآ عباءة ( ميني جوب ) !


:: :: ::


على فكرة حتى بعض الشباب أصبحوا يتفنون وينافسون البنات !

فهناك ثياب جديدة مطرزه ومخصرة بالتأكيد لا تليق بعنتر فارس بني عبس , فلا يصلح لها إلا عنتر فارس بني وردي !

[أثيرة الصمت]

لاحول ولاقوة الابالله
اهل العقول في راحه ...

يسلموووووووووووووو يالغـــلآ

[دلـوعة نـ ج ــد]

أخي كول بوي
أعتذر لكن أود أن أعارضك على كلمه وياليت تتقبلها مني
بغض النظر كون شكل العبايه اللي لا بستها البنت ...لكن مو كل بنت لبست من هالعبايات تكون غير مؤدبه مثلما أسلفت سابقا
ولا كل بنت لبست عبايه على الراس تكون ماشاء الله عليها هذي اللي لا قبلها ولا بعدها
مو شرط وربي كثاااار بنات لابسات هالعبايات وجدا أخلاق والعكس صحيح لكن همه يجارون الموضه
طبعا أنا ما تـكلم عن المسترجلات هذا موضوع ثاااااااااني مختلف تماما
تحياتي وتقبلوا مروري مره ثانيه


كل الشكــر مني لكـ من مر من هنــآ وعطر المتصفح بشرف مروره ورقي اسلووبه في ابداء ارائكم

احبتي لكل منكم وجهة نظر.. تستحق كل الشكر وكل الاحتراام .. لكن شــد انتبااهي رد من العضوه

>> إمرأه من كل العصور <<

احب ارد على كلامك اختي واقول .. كلام اخونا ** كول بوي ** مايختلف عليه عاقل .. بمعنى ثاني كل الردود اللي جات على هالطرح لها نفس النظره لكن بأسلوب ثاني .. اما من ناحية شكل العبايه فله دور كبير في اخلاقيات صاحبتها .. تعالي حاكيني بالعقل .. انا معك بكلامك ان مب اي وحده لابسه عباية راس تكون محترمه ولا اي وحده لابسه عباية كتف تكون غير محترمه لكن شي اشوى من شي على الاقل الأولى ساتره نفسها بعبايه راااس ومهي مخصره ولا مكتوب عليها عباراات مثل اللي مكتوب على العبايات اللي نتكلم عنها لكن حنا نتكلم في هالطرح عن العبايات اللي تجي ضيقه تبدي مفااااتن الجسم وغير كذااا فيها نقوووش وعبااارات داااعيه للفتنه يااختي انتي لو تدرين انك لو تلبسين مثل هالعبايات وينفتن فيك ولد .. يجي يوم الحسااب ويتعلق في رقبتك ويقووول >> هي اللي فتنتني يااااارب بلبسها << غير كذا وي الوازع الديني وين الخوف من رب العبااد اللي يرى ويسمع كل سكناتك وحركاتك .. آيات كثيره تتكلم عن الحجاب وفضله مع تفسير كل جزء وبيان فضله .. وبصراحه اللي حنا نشووفه اليومين هذي مب حجاااب للأسف هذا استعرااض لفساتين لكن باللون الاسود وبمسمى عبااايه ... وسبب انتشاااره في بلاد المسلمين للأسف هو ضعف الوازع الديني ولأن النااس وللأسف (( وليسى الكل )) اصبحو مثل الامعه .. يقلدون تقليد اعمى بأسم الحضاره >> او الموضه ... طيب اذا الموضه ماتناسب ديني ليه اخذها واخسر دنيتي بأني اطيح من نظر اللي يشووفني واخلي كل الناس تستحقرني وأخسر آآآآآخرتي وهذا هو الخسرااان الكبير .. وانا هنا ما اتكلم عن اخلاق احد لكن المظاهر لها دوور بالحكم على شخصية البنت .. وحسبي الله ونعم الوكيل على من صمم مثل هذي العبايات ......

يعااافيكم ربي واتمنى مايزعل حد من ردي وفي الأخير :

(( الـراى لا يـفســد للــود قــضــيه ))

دمتم بكل الحب واسعاده

[انا غير الناس]

يسلمووو على الموضوع الحلوو والصادق

وصارت العباية فستان مو لستر الله يسترنا دنيا واخره

ويهدي بنات وشباب المسلمين

[+دحووومي+]

نسسآل الله العفو والعآفيه

لآ حول ولآ قوة الآ بالله


موضوع أكثر من رآئع وهآدف للحيآهـ


أشششششششششكرك على هذآ الموضوع

[جديد الحب]

اشكرك اختي على الموضوع

اخواني دعونا من مصطلح العادات والتقاليد ولنتكلم من منطلق الدين والاداب الاسلاميه الحميده اين هذه التصرفات من الدين الاسلامي؟ اين هذه التصرفات من الاداب الاسلاميه؟اين هذه التصرفات من الاخلاق الحميده؟

فعلا هذه التصرفات الحمقاء ان دلت على شيء فانما تدل على ضعف الوازع الديني اولا ياتي بعدها حب الظهور ولفت الانتباه حتى ولو بشيء تافه مثل هذه التصرفات لو كان في اي فتاة تفعل مثل هذه التصرفات عقل رزين تفكر به وتضع لكل عمل ميزان لمى فعلت مثل هذه الامور ولكن للاسف هؤلاء لديهم احد الامراض التاليه اذا ماكانت كلها مجتمعه فهناك مرض حب الظهور وهناك التقليد الاعمى وما يسمى جنون الموضه والامعائيه( امعه) وغيرها كثير من الامراض حمانا الله منها واياكم

واخيرا وليس اخرا يقول المثل (العنز تسرح والتيس نايم بالدار)
الظاهر بيجي يوم وتحصلون وحده كاتبه( المحل للتقبيل)

أأسف على الاطاله واكرر شكري