دقات قلبي تزيد بحره فيها

[(...شوووق...)]

دقات قلبي ...


دقات قلبي تزيد بحرة فيها ××× والدمع من مهجتي بالحزن ذرافي

من لوعة يا عسى ربي يجليها ××× حمى غشتني بغم وتنفض أطرافي

ليت الليالي تعود بحلو ما ضيها ××× هيهاتي ترجع بما روَّح وما طافي

كل(ن) يعزي وأنا روحي أعزيها ××× لرحيل أبوي اللي بالأفضال معطافي

آهـ من الوقت والدنيا أثنِّيها ××× دنيا تفرق شمل بالحيل تنعافي

بسمتك يا والدي ما ني بناسيها ××× تضحك إذا شفتني بالخير متعافي

ليت العمر ساعته تنباع وأشريها ××× بأغلى ثمن يايبه للعمر تنضافي

مسجدك مشتاق للآية وتاليها ××× ومنبرك من عقب ما فارقت له طافي

غرشة دهن عودك بدرجك أغطِّيها ××× أشم ريحه وكنك مقبل(ن) لافي

نظارتك شلتها حزني يبكِّيها ××× حتى المساويك ناحت بين الأرفافي

وعصاك مسنودة(ن) جيت أبحاكيها ××× تقول يكفيني ما فيني ترى كافي

وبستانك اللي به النخلات تسقيها ××× يبست سواقيه تمره دون خرافي

يبه .. يبه .. يا يبه لمن بأطرِّيها ××× هني من له أبو حي(ن) وينشافي

فنجال قهوة معاك أوقات نغليها ××× ويضمني بالشتاء في مشلح دافي

همزت رجليك أنا أفدى مواطيها ××× أرجي لبرِّك عسى ما تشكي خلافي

الارض ضاقت علي باوسع فيافيها ××× ماذقت نوم هني والانس متجافي

فضايلك يا يبه عجزان أوَفِّيها ××× لو وصلت بالشعر بيت الألف من قافي

يا ربي تجعله للفردوس ناصيها ××× ومن ثمار الجنان الاخضر قطَّافي

[المانشستراوي]

يبه .. يبه .. يا يبه لمن بأطرِّيها ××× هني من له أبو حي(ن) وينشافي


هني من له أبو حي(ن) وينشـآفي


هني من له أبو حي(ن) وينشـآفي


شــوق

يسلم ذوقك على إنـتـقـآء الــحزن ( الأجمل )

حروف تتقـآطر حــزنـآً ...لمن يستحق أن يـُـحزنَ عليه ...

لآ آرآكِ الله مكروهاً بعزيز

يسعدك ربي


ولآتحرمينا جمال إنتقآئك

[سيف العشق]

.!
بَينَ نَفحَاتُ سُطُورَكِ عِطْراً إسْتِثْنَائِيَّاً ونَغَمَاً يُجبِرُنا عَلى الإنْصَاتْ والإبتِسامْ .,
حيَّا بِكِ هَلا يَامَطرْ ولِذَاكَ العَزفْ الإبدَاعِي يَشغَفُنا الإنتِظَارْ والتَرَقُّبِ حَتى حِينْ .!

لَكِ الْوُدَ والْوَرد

,’

[بالغيمــه ضمــا]

كلمات جدا رااائعه
أبدعتٍ في إنتقاءك ياذوووق

[نـــ ج ـــد]

شوق

سلمت غاليتي على الانتقاء الرائع

لاعدمناك ولاعدمنا جديدك

لكِ ودي

[متميزه]

كلمااات مررة رووعه ..~

تسلمين ع الاختيآر الذوق .. ~

لاعدمنآ رووعه جديدك ..~

تحيآتي لك .. ~

[العـطــشان]

شوووق


انتقاء وكلمات ولا اروووع

يعطيك الف عافيه




مودتي



العطشان

[(...شوووق...)]

يعطيكم ربي الف الف الف عافيه على المرور


يسلمووووووو