برايكم ماهو الحل..بقلمي..

[تعبت اجامل]

يسعدلي مساكم..

ترددت كثير في طرح الموضوع

لاكن انا أعتبركم مثل اهلي

انا فتاة مبتعثة مع زوجي

لاكن مشكلتي ان الولاية اللي انا فيها قليل فيها عرب
بعد مرور سنه من ابتعاثي جت طالبة سعودية تعرفت عليها
طبعآ مااشوفها الا في الجامعة
بعدين قرارت اعزمهاعندي في البيت
دقيت عليها
قلت لها ابيك تزوريني
البنت واضح من صوتها انها ماصدقت ..
قالت اوكي
قلت انا خلاص وحددنا الموعد..
يوم جا قبل الموعد بساعه دقت علي
قالت انو خويتها اللي كانت بتجيبها اعتذرة
قلت لها يعني مارح تجين
قالت ودي بس ماعندي احد يوصلني قلت لها ثواني واكلمك
رحت لزوجي
وقلت له قال زوجي نروح انا وياك نجيبها
قلت انا حلو بكلمها
يوم كلامتها
قالت ماعندي مانع
رحنا لها وجبنها عندي في البيت
البنت واضح من شكلها مو طبيعية
بس قلت في نفسي لاتحكمين اصبري شوي
جلسنا شوي بعدين رحت بجيب العصير
وقدمته لها
شوي الاطلعت زقارتها انا مو مستوعبه من جدها هذي:110:
قلت لها معليش اختي وش بتسوين
ضحكت وقالت ليه انتي ماتزقري
قلت لا
قالت اجل اعذريني انا لازم
قلت لها معليش بتزقرين اطلعي برا عند الشرفة
قالت لابرد
قلت اجل تحملي لين تروحين
قالت مستحيل
قلت اجل الله معاك
قالت الحين تعزمين وبعدين تطرديني
قلت والله انا على بالي عازمة انسانة محترمة تحترم البيت اللي هي فيه
قالت وش قصدك
قلت قصدي واضح
قالت زي ماجبتيني رجعيني
قلت اوكي وكلامت زوجي
وخذنها وفي السيارة
وهي طول ما حنا في السيارة وهي تسب وتلعن
وزجي
يطالعني وش الموضوع
قالت انتو اصلن (بدو).
.قلت والله اذا اتحضر في نظرك اني امسك زقارة
فاهذا شئ ثاني ..
عمومآ
اسفه اني طولت عليكم
سوالي
س/ هل فعلآ ان اللي سوية غلط او صح..؟
س/ اذكان المجتمع اللي حولك كله كذا وش راح تسوي...؟

بنتظار ردودكم..

تحاتي
تعبت اجامل..

[الفراشه الزرقاء]

والله هالبنت في قمــــــــــــــه سوء الاخلاق:mad:
لوانها اجنبيه في نظري ماسوت كــــــذا الله يشفيها
ويكفيك شرها :212:

س/ هل فعلآ ان اللي سوية غلط او صح..؟

بالعكس يعطيـــــــــــــك الف عافيه
بس غلطتي يوم رجعتيها :mad:
لو انا مكانك اسحبها بره بيتي تقل ادبها في بيتي
وبكل وقاحه رجعوني والله هزلت ههه:212:
والمشكله تقل ادبها في السيارة كانت نطلتها من الدريشه
هههه:mad:

س/ اذكان المجتمع اللي حولك كله كذا وش راح تسوي...؟

بكل صراحه امشي بقناعتي لو الكل ضدي
ماهموني

واخيرا.... يالغاليه

اسفه على بعض الكلمات لانها قاهرتني :D

والله يرجعكم بالسلامه:)
يارب

[فواغــي]

س/ هل فعلآ ان اللي سوية غلط او صح..؟

انا من رأيي صح وعين الصواب احنا مو متعودين على مبدى انو البنت تمسك زقارة

هذا من جهة من جهة اخرى الزقاير ماوراها الى الضرر وبصراحة انا اذا شفت رجال يدخن يثير

اشمئزازي فما بالك ببنت وطالما انها ماحترمت مبادئك والبيت اللي هي جالسة فية

فانتي ماسويتي شي غلط لأن اللي مايحترم نفسة مايستحق احترام الاخرين


س/ اذكان المجتمع اللي حولك كله كذا وش راح تسوي...؟

اكيد المجتمع لة تأثير والانسان مالازم يكون شاذ عن تصرفات مجتمعة لاكن مو كل شي يسوية

المجتمع لازم نطبقة احنا لنا عقل ودين ونعرف الصح من الغلط وبعدين انتي في مجتمع جديد عليك

تصرفاتهم غير عن الاشياء اللي انتي متعودة عليها حافظي على مبادئك اللي انتي تربيتي

وتعودتي عليها طالما انك واثقة بأنك ماسويتي شي غلط وهالبنت بتشوفين من اشكالها كثير
وهالنوعية

احس عندهم نقص بالشخصية اول مايروحون مجتمع متحرر ينسون كل شي ويمشون مع السير

الجديد حلو ناخذ ونستفيد من الاخرين بس بحدود .... الله يوفقك انتي وزوجك وترجعون بالسلامة

بالتوفيق يالغلا واسفة على الاطالة ...... فواغـــــي

[تعبت اجامل]

الفراشه الزرقاء..

فواغي..يعطيكم الف عافية..

[زائره]

والله كفو !


زين سويتي فيها .. ماشالله عليك جريئه !

وبالعكس والله تصرفك حلو ومعاك حق .. بس كان لازم تعرفينها عدل

بعدين تعزمينها .. يعني تتأكدين من أخلاقها وانك فعلآ مرتاحه لها !!


اما المجتمع اذا كان كله مدخنين انا ما علي منهم .. انا علي من نفسي

وزوجي وعيالي وبس .. !!


:)


موفقه يالغاليه .. طرحك شيق للموقف

وللموضوع ..

[تميم الحكيم]

بالعكس اللي سويتيه يعجبني حتى لو كان فيه شده

ماتدرين امكن تستحقر نفسها بعدين وترجع لعقلها واخلاقها وتصير مؤدبه محترمه والسبب هاذا الموقف

لان بعض الناس مايتعض الا بالشده ومايتل الحديد الا الحديد ومن متى كانت السيجاره دليل الحضاره الله يصلح

الحال الصراحه انا مستغرب ..




والمعذره جاوبت كمبليت لاني مستعجل ورانا مباراة الاتحاد اليوم ..



تحياتي للجميع

[غروب]

طالما ماتعرفين سلوكها تمام .. ماكان مفروض تعزمينها عندك

بالبدايه ممكن قهوة معرفه بالجامعه وكم جلسه معاها عشان تعرفين سلوكها واخلاقها
وتحكمين عليها من كلامها معاك وممكن تعرفين معدنها بهذي الطريقه ..

مهما كان الملل اللي تشعرين فيه وانا مقدره حالتك بما انك بغربه بس انتِ متزوجه ولازم زوجك يكون مالي عليكِ حياتك الله يخليكم لبعض ..

وزي هذي بما انها مااحترمت البيت واهله تستحق الطرد
وانتِ كنتِ كريمه معاها وتعتبرين انك اكرمتيها وهذا من اصلك الطيب
العلاقات عموما ماتنشأ وتتقوى بفتره بسيطه لازم وقت عشان يصير فيه تقارب وتفاهم وكل واحد يعرف الشخص اللي قدامه من عادات وسلوك وكلا على البيئه اللي نشأ فيها ..


موفقه يارب

[تعبت اجامل]

البريئة

تميم الحكيم

ياسمين..)

مهما كان الملل اللي تشعرين فيه وانا مقدره حالتك بما انك بغربه بس انتِ متزوجه ولازم زوجك يكون مالي عليكِ حياتك الله يخليكم لبعض ..<< ..؟

يعطيكم العافية..

[كحيلان11]

غااااليتي / تعبت اجامل

تشرفت بالحضور لصفحتك التي فاح بها جميل عطرك وكان لي حظ أن أنتشيه وأهنئك عليه

ويسعدني أن أرى ما سطرته أناملك ولا أخفيك القول أني أحب أن يكون كل عمل يطرح هنا

من عمل الإنسان نفسه وبصياغته هو وأنت قد أحسنت الطرح وأقدم بين يديك خااالص شكري

عزيزتي الغاااالية تعبت اجامل , أستأذنك في أن أجيب عن أسئلتك وسوف أكون صادقآ في

إجابتي فأذني لي بذلك :

س/ هل فعلآ ان اللي سوية غلط او صح..؟

ما قمت به هو تصرف طبيعي لأنك لم تقبلي أن يحدث ذلك أمام عينيك ولكن كان يفضل أن

تقومي بمحاورتها والسماع منها وأن تقدمي لها النصيحة وتبيني لها مخاطر الدخان وأن ذلك

محرم وله أضرار عليها فقد تكون بعد أن تسمع منك تستجيب لك وينفع الله بكلماتك لها .

س/ اذكان المجتمع اللي حولك كله كذا وش راح تسوي...؟

سوف أقوم بالتحدث معهم وأجالسهم وأسمع منهم وأحاورهم وأبين لهم خطأ ما يفعلونه

وبأسلوب جميل وأتحمل منهم ما قد يصدر منهم لأن هدفي هو تقديم النصيحة لهم ولن

أنظر الى ما قد يصدر منهم فقد تحمل من المشركين الكثير ولم يمنعه ذلك من أن يجالسهم

ويسمع منهم فعلى كل من يريد تقديم الفائدة أن يكون ذا أخلاق عالية وأن يصبر في سبيل

ذلك كي يجني ثمار ما يريد أن يراه ويجب أن يخلص النية لله في ذلك .

الغاااالية تعبت اجامل , هذه الصفحة جمعتني بك وكنت سعيدآ أن أرها وقبل أن أتركها يجب

على كحيلان11 أن يبقي أطيب تحاياه القلبية المعطرة هنا رأجيآ أن تقبليها مني مع ما فيها

من تقصير ويحيط بها دعوات صادقة لك بكل خير وصحة وعافية وأن تنعمي بالسعادة الدائمة

وأن يحقق لك ربي جميع أمانيك .

لك من الووووووووووووووود أكمله ومن الووووووووووورد أجمله ومن الشكر خالصه وأبلغه

[نفحة العود]

حبيبتي تعبت أجامل
أنتي تربيتك وأخلاقك أثارت غيرتك على عاداتنا واسلامنا وخلاك تتصرفين بالشكل هذا
لكن لا ننسى "ولو كنت فظًّا غليظ القلب لانفضوا من حولك "
يعني هي ضيفه عندك حتى لو كانت كافره لك أجر في ضيافتها فما بالك بمسلمه ولكنها ترتكب بعض الاغلاط

تصرفك فيه نوع من القسوه والشده بنظري
فلو كنتي طيلة الجلسه تسمعين منها وتنصحينها كان افضل
اما انها تسمع لك وتكونيني اخذت بدل الاجر اجرين
او انها بتتجاهلك فتكملين معها واجب الضيافه بعدها حطي لكل شي حد

انا بصراحه أنظر لها على أنها مسكينه اما اذهلها التفتح الكبير اللي عندكم او انها لها ظروف مع رفقة سوء دلوها ها الطريق

ونصيحتي بيتك لا تدخلين فيه الا ناس تكونين عرفتيهم صح وعرفتي اخلاقياتهم


الله يردكم سالمين يارب ويوفقكم انتي وزوجك

[ملكة الهدؤ]

سلمتي عزيزتي على مافعلتي بها لو أنا مكانك كان سويت اكثر .....

[مخملية المشاعر]

اهلا اختي تعبت اجامل اولا الله يرجعك ديرتك بسلامه ان شاء الله واشوف ان تصرفك صحيح والله يكفيك شره وهذا البعد عنه غنيمه الله يوفقك وانتبهي لنفسك في حفظ الرحمان

[بصيص الأمل]

أولا
الله يرجعكم بالسلامة يارب

ثانيا

تصرفك بقدر ما هو رائع وحكيم بقدر ما هم قاسي ..فمن المفترض ان تكوني اخذتي بيدها قليلا ونصحتيها واذا رفضت هاذك الوقت .ز(من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان" متفق عليه

اطرديها من البيت ومن حياتك كلها

في زمننا أصبحت النصيحة تسمى انتقادا لذلك لا نجد التجاوب دائما

غلاتي

أشجع فيك حرصك على دينك وبيتك

كل الشكر

وكل التقدير