زائره
10-11-2009, 02:45 AM
ماعرفتك !! والعذر اقبح من ذنوب الخطيّه
حتى شكلك صدقيني ان قلت لك : بعضه نسيته
اذكر اعيونك حورها من الخجل زايد شويّه
بس هذا اذكره وغيره من الذكرى محيته
واذكر ان اطعونك اللي بالظهر كانت قويّه
ايه اعرفك بس اخاف الجرح يكبر لا طريته
انتي كنتي شي ثاني .. كنتي شي مني وفيّه
اقرب انسانه لقلبي حطمت قلبي في بيته
تذكرين .. الورد الاحمر يوم جبتي لي هديّه
قلتي : تكفا لايموت الورد لك غالي شريته
مات قلبي قبل يموت الورد وجروحه نديّه
في يديني جبت دم القلب للورد وسقيته
كنت احسب اني اضحي .. مادريت اني ضحيّه
كنت احسب ان العطى يثمر بعين اللي عطيته
راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيته
دايم اسمع عن خوي ٍ خان في خوة خويّه
موقف ٍ يمكن كتبته بالشعر قبل وقريته
المهم .. ماكنت احسه لين ماجتني بليّه
من يديك وحسستني وخاب كل اللي هقيته
مابقا عندي كلام ولا بقا بصدري بقيّه
من تفارقنا بصدري هالعتاب ولاشكيته
هذا كله اللي عليك .. وقولي انتي ماعليّه
بسمعك للصبح يمكن منك اسمع مابغيته
اما شكلك اعرفه عرف الموصى للوصيّه
قلت : ماعرفه .. وفي قلبي اقول: اني فديته
ايه اعرفك والعذر اقبح من ذنوب الخطيّه
انتي شكلك صدقيني راح اموت ولانسيته
للشاعر / ثامر شبيب
ان شالله ترتقي لذائقتكم
:01001:
حتى شكلك صدقيني ان قلت لك : بعضه نسيته
اذكر اعيونك حورها من الخجل زايد شويّه
بس هذا اذكره وغيره من الذكرى محيته
واذكر ان اطعونك اللي بالظهر كانت قويّه
ايه اعرفك بس اخاف الجرح يكبر لا طريته
انتي كنتي شي ثاني .. كنتي شي مني وفيّه
اقرب انسانه لقلبي حطمت قلبي في بيته
تذكرين .. الورد الاحمر يوم جبتي لي هديّه
قلتي : تكفا لايموت الورد لك غالي شريته
مات قلبي قبل يموت الورد وجروحه نديّه
في يديني جبت دم القلب للورد وسقيته
كنت احسب اني اضحي .. مادريت اني ضحيّه
كنت احسب ان العطى يثمر بعين اللي عطيته
راحت احلام العمر .. روحه كذا من غير جيّه
حتى زرعي اللي زرعته .. ماتوفقت وجنيته
دايم اسمع عن خوي ٍ خان في خوة خويّه
موقف ٍ يمكن كتبته بالشعر قبل وقريته
المهم .. ماكنت احسه لين ماجتني بليّه
من يديك وحسستني وخاب كل اللي هقيته
مابقا عندي كلام ولا بقا بصدري بقيّه
من تفارقنا بصدري هالعتاب ولاشكيته
هذا كله اللي عليك .. وقولي انتي ماعليّه
بسمعك للصبح يمكن منك اسمع مابغيته
اما شكلك اعرفه عرف الموصى للوصيّه
قلت : ماعرفه .. وفي قلبي اقول: اني فديته
ايه اعرفك والعذر اقبح من ذنوب الخطيّه
انتي شكلك صدقيني راح اموت ولانسيته
للشاعر / ثامر شبيب
ان شالله ترتقي لذائقتكم
:01001: