هل لزوجتك الحق بتفتيش محفظتك ..وماهو موقفك!!؟؟

[نيرسيسو]

فا جأني أحد الأصدقاء الحديثي الزواج بمشكلة حصلت بينه وبين زوجته بسبب تفتيشها لمحفظته ! وبصراحة كانت المفاجأة هي منطق الزوجة .. حيث يقول صاحبي أنه فوجئ بزوجته تقلب محفظته ، وعندما سألها عما تبحث قالت ببرود ،،فضول !! يقول فقلت لها وما الداعي لهاذا قالت نحن زوجين ونمون على بعض ولا أعتقد أن عندنا شئ نخفيه عن بعض !! .
يقول صاحبي وبقدر ما فاجأني كلامها إلا أنني لم أجد مبرر لتصرفها ،وفي نفس الوقت عندها شئ من المنطق ، يقول ثم سألتها وهل توافقين على أن أقوم بتفتيش حقيبتك أو جوالك بدون علمك ؟ يقول أنها قالت عادي لأن اللي بننا أكبر بكثير من هذا .
وأضاف.. أنني قلت لها إن هذه خصوصية ولا علاقة لها بالزواج أو الثقة وكل إنسان لديه خصوصية لا يريد أن يطلع عليها كائن من كان ، وأفهمتها أنني لا أوافق على ذلك سواء لي أو لك ، ولكنها أصرت على أن الوضع عادي ويجب أن يستمر ...
وصاحبي يريد المشورة ويطلب مني الحل لمثل هذه المشكلة التي يخشى أن تهدد مستقبل زواجه ..
وقد فكرت في تصرف هذه المرأة ولم أستطع أن أخرج برأي حاسم في هذا الشأن .. وهل هذا التصرف من قبلها هو نتيجة لقوة شخصيتها أو لفرض وصاية مبكرة على الزوج؟ .. أم أن ذلك يجب أن يستمر وفعلا سيقوي الثقة والمحبة بين الزوجين ؟؟
وهل ذلك الوضع طبيعي ويحصل بين الزوجين عادة؟...
وهل هناك أسباب نفسية واجتماعية أفرزت مثل هذا التصرف من هذه المرأة؟ !
والسؤال هل مثل هذه التصرفات تقوي الروابط وتزيد الألفة بين الزوجين؟ أم ان لها نتائج سلبية على مستقبل علاقتهما ؟؟
وهل يحق للزوجة أو الزوج التدخل في خصوصيات بعضهما بهذا الشكل ؟؟
بصراحة لم أخرج بنتيجة حاسمة !!

[شيطونه ½]

يسلمووو ع الطرح

انا صح مو متجوزه بس ف رائي اشوفه شي عادي من ابسط حقوقها

هادي شريكة حياته يعني شريكه معاه ف كل شي ماجات ع المحفظه او جوال

اذا اخويا بعض الاحيان يقولي جيبي شي من محفظتي خدي من محفظتي فمابالك بزوجته

سراحه قوله انه مكبر الموضوع ابدا ابدا مافيها شي وكل الزوجات يسوا زي كدا لا يتفاجأ

وهادي ماتعتبر قوة شخصيه بس هي ماتبغا بينها وبينه اي حواجز ف اعتقادي كدا

يعطيك العافيه


http://www.al-amakn.net/vb/uploaded/11473_1255041864.gif


،،شيطونه،،

[نيرسيسو]

اشكر لك مرورك يا بنت حواء لأني ما ودي اقول اسمك لأنه من وجهة نظري القاصره مايليق بك كأنثى ،،، والشيطنه خليها للشيطان الرجيم . تقبلي خالص تحياتي ،،،،،،

[نجلا العيون]

انا متزوجه لى 10 سنوات ما فكرت انى افتش محفظة زوجي
اولا ليش افتشها وش راح القى فيهاغير الفلوس واوراقه الثبوتية وصورة
للاولاد و اوراق للبنك الصراف
وهذا الشي ماله دخل بالخصوصية او قوة الشخصية هذى الزوجه يمكن تعاني من
مشكله عدم الثقة بالنفس وبالاخرين
وممكن الزوج اذا كان بخيل تضطر زوجته تفتش علشان الفلوس
اوانها بطبعها شكاكه او تبغى تفرض سيطرة من نوع ما لتكون اقرب لزوجها في
معرفة اذا كان يخبي عليها شي
من وجهة نظري مالها حق انها تفتش محفظتة مولانها خصوصية
بس لانه من المفروض يكون فية احترام وثقة متبادلة بين الطرفين
ولازم تعطي الزوجه مساحه كافية للرجل لتزرع فية ثقتها به وكذلك الزوج
ولاياخذ كلا منهما الحياة الزوجية بتعقيد ويصعب كلا منهما المعيشة على الاخر
يخلون الامور تمشي بحذر وتروي ليفهم كل منهما الاخر وكل انسان مو معصوم عن الخطاء
واللى ما يخطي عمرة ماراح يتعلم و
لان العشرة بينهم هي اللى تزرع المحبة والطمئنينة والتسامح والرضي بينهم
مشكور على الموضوع وبانتظار جديدك
وبعدين موكل الزوجات تفتش وراء رجالها

[نيرسيسو]

اشكر مروووووووروك يا نجلاء العيوووووووون ورد جميل ومنطقي ونابع من خبره عصرها الزمن ،،،،،،، كل الشكر لك وتقبلي خالص تحياتي ،،،،،

[احلى احساس]

خلها تفتش الجوال والمحفظة ماكو مشكلة بس بشرط مو من وراه او من غير مايدري الزوج

واللي بيسوي من هذا الموضوع مشكلة معليش هذا عنده شي

طبعاً لابد ولابد ولابد ولابد من الثقة بين الزوجين لكن مجرد التفتيش

أو اللقافة أو التسلية فـ ما فيه شي إذا كانت اما الزوج مو من وراه !

وبعدين مانحط من شي صغير مشكله كبيره

وعن نفسي لو كنت متزوجه

مستحيل افتش جواله او محفظته بدون علمه او من وراه

لاني اذا عندي شي اقوله على طول بدون لف ودوران

شكراً على الموضوع

تسلم إيك اخوي

أإآحترإآإمي

[نيرسيسو]

احلى مرور يا احلى احساس واشكرر لك مروووووووورك وكلامك المنطقي

[قمر الشمال]

نيرسيسو

انا اشوف انو هذا راجع للزوج نفسه اذا تفتيش محفظته من قبل زوجته

عادي بالنسبه له هنا ماراح يكون فيه مشكله بس اذا هو مايرضى بالحركه هذي

فصرآحة مايكون لها حق ابداً تفتش من غير آذنه حتى لو كان اللي بينهم اكبر من

هالآمور على قولتها يبقى بالآخير لكل انسآن خصوصيآت مايحب يطلع عليها آحد

حتى لو كانت محفظته مافيها الا فلوسه وبطاقاته واغراضة الشخصية يمكن يكون هذا

الزوج من النوع اللي مايحب آحد يفتش في اغراضه وكمان البعض من الآزواج يفهم

هالحركه من قبل زوجاتهم على انها عدم ثقة فالآولى انها ماترجع تفتش مرة ثانية في

اغراضه اذا هالحركة تزعجه ..

طرح رائع آخوي برنسيسو يعطيك العافية ,,

قمر الشمآل

[نيرسيسو]

[قمر الشمال نورتي الموضوع بمرورك عليه واشكر لك هالمرور ،،، وبمشاء الله يوم الجمعه راح اعطيه كل هالحلوووووول المطرووووحه وهو يختار اللي يناسبه بعد ما يطلع عليها كلها او ياخذ خبره نظريه منها وللعموووووووووم جزيل الشكر . بعد شكر الله طبعا

[s3oodi]

الصراحــــــه زميلك مكبر الموضوع عادي مافــــــــــيها شي لو فتشت اغراضه اهم شي ماكانت تفتش من وراه
اخواتي وهي اختي تشوف جوالي ومحفظتي فما بالك زوجتي خليها تاخذ راحتها يعني ايش بتلقى مافيه شي يزعل ..

[دنيا العنا]

أخي ... الفاضل

نيرسيسو
الله يعين ...بصراحه المحفظة تفتيشها ماله داعي

أما الجوال يمكن....

الله يوفق الجميع ويستر علينا

من أبسط حقوقها أنها تفتش بصراحه لانهما زوجين بس بعد أذنة لشى معين

[أم بدر بدوري]

مساء الخير



بصراحه هوه مكبر الموضوع شوي


ياجماعة الخير عادي يمكن مو التفتيش الي بتمسك عليه زله لا بس كذا لقافه


وبعدين هو ليش خايف ومتضايق اذا ما عنده شي داسه عنها

[جنتل الرياض]

● ● ●●



أول شي أشكرك اخوي على الطرح الذي خلق روح النقاش بين الاعضاء

رح اقوالك وجهة نظري بثلاث نقاط ....؟

النقطه الاولى
اذا كان بين الزوجين حب رااائع رح ينظر الزوج لهذا الموقف بفرح وانبساط لان وبكل بساطه رح يعرف ان الشي هذا من زود المحبه بينهم وحب المعرفه بكل شي عن الزوج


النقطه الثانيه...؟
والعكس صحيح........؟


النقطه الثالثه بعض الازواج يكذب على زوجه بأنه لايملك المال فتجد التصرف هذا يحدث بينهم

تقبل فائق ودي
جنتل الرياض




● ● ●●

http://www.al-amakn.net/vb/uploaded/23091_1263981272.gif

[هاجــر]

في البدايه موضوع مهم
للمناقشه

كثير من الازواج والزوجات تحصل لهم مايسمى بالجمركه الزوجيه برضى او بعدمه
في الحقيقه ارى انه امر في شيء من عدم التقدير للاخر او الثقه
فلا داعي للتفتيش مادام الزوج لايثير الريبه ابدا
اما في حاله ان الزوجة ثارت شكوكها او العكس
فمن باب التاكد والاطمئنان
ان يبحث ( يفتش ) حتى يجد ما يريح شكوكه
ويجليها


دمـــــــــــت بخير

[admin]

انا اشوف ان الوضع عادي جدن من حقها تاخذ محفظة زوجها او جواله والعكس
لانهم اثنينهم ملك بعض , والمفروض حياتهم مكشوفه لبعض مافيها اي اسرار
وكل واحد منهم يصير لثاني زوج وحبيب وصديق ولا يخبون عن بعض اي شي

لكن اذا انت تقصد ان الزوجه بطبعها شكاكه وعلى الصغيره والكبيره هات المحفظه
او هات الجوال وماده بوزها كيلو وكل يوم على هالحال .. الافضل انك في حاله هدوء
بينكم تناقشها وتوضح لها ان اسلوبها خطاء وان الحياة صعب تستمر بينكم اذا كانت الثقه معدومه
وتبين لها لو انت الي مكانها كل يوم تفتش جوالها وشنطتها وش بيكون موقفها !!
صدقني بالاسلوب الحلو مع الوقت راح يتغير اسلوبها بس يبيلك صبر .

وسلامتك

يخليكم ربي :)

[( سمو ذاتي )]

سيدتي موضوعك مهم جدا بذات في وقتنا الحالي مما نسمع عن كثرة الطلاق


وسبابها كما يظن البعض الغيرة وهي في الحقيقة ليست بغيرة وإنما شك من طرف الزوج


وأما عن تفتيشة اغراض زوجتة ليس له الحق إلا إذا كان بحدود حق الزوج مثال هل ترضى أن تقوم


زوجتك بتفتيش أغراضك الخاصة أو جوالك الخاص بك مثال أنا إنسان متزوج أحيان يكون جوالها

أمامي ويدق ماحب ارد علية حتى لوكان رقم بدون اسم لابد تكون الثقة بين الطرفين متبادلة



ملاحظة هامة


المرأة بيدها تحافظ على بيتها وأن تخرب بيتها بيدها إيظن


كذلك الرجل بيدة





مشكورة على الطرح الراقي ( سمو ذاتي )

[عاشق بقيق]

ان اشوف انالموضوع غير عادى ليحق لها تفتيش المحفظه او الجوال وهذا راى الشخصى

[لــ ج ــيــن..||~]

انا راح اقول وجهه نظري في الموضوع مع ان ماعندي خبره لان بعدني بنوته صغيرونه ولا اسمع ولااشوف احد يتكلم من هالناحيه...اعتقد فرق انها تفتش في اغراضه بغرض الفضول او تبي تحسسه ان مافي شي يمنعها ان كل واحد يحق له يشوف الثاني شعنده واعتقد هالشي حلو بس انها تفتش او اهوا لغرض انه شاك فيها او تبي تشوف شوراه هذي مالها حق الصراحه وانا عن نفسي اكيد راح اخليه يشوف اللي يبي بس لاكتشفت انه يشك او يبي يدور من وراي هذي عاد يبيلها قعده... ومثل ماقال احد الاعضاء لا الثقه والحب بينهم موجود راح ينحل كل شيييييييي والحب والاحترام اساس كل علاقه زوجيه ناجحه هذا اللي عندي وقلته واتمنى مافيه شي مخالف او دخلت في شي مشكور اخوي عطرحك للمواضيع المهمه دايم...
كــــــبـــــــــريـــــــــا الـــــــــــجـــــــــنـــــــوبـــــــــ*

[نفحة العود]

مراحب

بالنسبه للزوجه : لا تسئلوا عن اشياء ان تبدوا لكم تسؤكم
وش لها بوجع الراس والغثا !
اذا كان تصرفها من باب الشك .. طيب اكتشفت شي بتقدر تمنعه ؟
وشرعا ما يجوز لانه من باب التجسس وسوء الظن
واذا كان من باب الفضول لربما تعودت على ها الشي مع اخوانها فكان من باب اولى لما شافت انزعاج زوجها تقدر رغبته وتمتنع عن ها التصرف

بالنسبه للزوج : لا تسوي من الحبه قبه !
اذا انتي واثق من نفسك خلها مره مرتين ثلاث اربع عشر اخرتها بتمل وما راح تلاقي شي وبتبطل من نفسها
وتذكر دائما (( كل ممنوع مرغوب ))

يعطيكم العافيه

[¸.خَوْاطِر إِمَارَاتِيْه.¸]

نيرسيسو
السلام عليكم ورحمة الله وبركاته
اسعد الله مساؤك
وبارك الله في يومك
وجعله عامر بكل خيرات الدنيا
قبل البوح برأيي
وودت القول ان ما اذكره هو معبر
عن وجهة نظر كاتبتها
اي انني لا الزم اي شخص بها
وليس بالضرورة ان اكون زوجه
حتى اعبر عن رأيي في هذا الطرح
وعلى الله توكلت
بمنطق العقل والتصرف الحكيم
تصرف الزوجه وان كان يراه
البعض منا امرا مبسط اجد
فيه نوع من الشك وقتل الثقه
عندم يكون هناك رابط زواج
يعني لي هذا الامر انني
وهبة قلبي وروحي وكل
امر يخصني لشريك العمر
من اجل تاسيس اسره اساسها
الحب وعمادها الثقه وهذا ما قام
بفعله ايضا الزوج
الغيره مطلوب ولكن لا اشجع
على زيادتها عن الحد المعقول
حتى لا يكون هنا منفذ لدخول الشك
بالنسبة لي امر محبب لي ان يرى
زوج المستقبل كل امر يتعلق بي
والعكس بشرط
ان يكون هذا
من الامور المتعارف بيننا اي
نعتبر انفسنا كشخص واحد
من حقه يعلم كل امر خاص بي
وان اعلم عنه
لكن ما يأثر في النفس عندما
يقوم احد الطرفين بفعل هذا الامر خلسه
لابد لكلا الزوجين ان يكون
كالكتاب المفتوح
للطرف الآخر
وما اروع الحياه عندما يخالطها المزج
الروحي والوجداني بين كلا الزوجين
اشكرك حضرة الفاضل
على المشكله المطروحه
لك مني نسائم من عبير فياض
اختك
راقيه في حضورها