الفزعة نبي اللي يسوون بحوث

[معصوب]

السلام عليكم ورحمة الله وبركاته

اخواني الافاضل نبي فزعتكم من يعرف احسن مكتبة تسوي بحوث او اشخاص والبحث في موضوعات اسلامية ويكون في الرياض

بانتظاركم

[معصوب]

ايه اليوم وبكرة اجازة محدن فاضي للبحوث
مازلنا بالانتظار

[خيالك]

و عليكم السلام أخوي (معصوب)

أعرف مكتبه في طريق عثمان بن عفان مخرج 7 إسمها بلنسيه

فيها إن شاء الله مطلبك

موقعها بالضبط و انت جاي من مخرج سته إلى مخرج سبعه تتجه جنوب

في طريق عثمان بن عفان تجيك على يدك اليمين

خالص شكري و تقديري لك








أخوك خيالك (ابوعبدالرحمن)

[لــ ج ــيــن..||~]

لالالالالا جد ضحكت....وميته ضحك بعد...
اول شي اشكر خيالك عمحاوله مساعدته لك ومادري فهمت عليه....
ثانيا ...انا مو من الرياض لو منها اكيد كان ساعدتك مع اني بنيه بس ماعليك بفزع....الحال زي بعضه هذي البحوث وحالها كل شوي نبي شي بس عشان تمشي الحياه ونوصل للي نبي...الله يوفك ويساعدك للوصل في اللي تبي....عذرا...
تحياتي...كــــبــــريـــــاء الـــــــجـــــنـــــوبـــــ*

[خجل}~]

هلابك اخوي بحثك عن شنو .. :)

عطني الموضوع وابشر فيه بس تطبعه

تح ـيتي لك ..

[معصوب]

اخوي ابو عبدالرحمن مشكور يالغالي

لجين...مشكورين على عرض الفزعه ورد خيالك مفهوم وواضح بس انت اللي ردك مومفهوم ولا واضح شكرالك

خجل....ماتقصر يالشقردي بس ودي توضح انت بتجيبه من الانترنت ولا كيف؟

[خجل}~]

هلابك اخوي ..

ايه من النت , بس اقدر اجيب لك مصادر من كتب الكترونيه ,

يعني هذا شي راجع كيف تبغاه , والموضوع عن ايش

اشرحه لي اذا تبيني اخدمك

تح ـيتي لك ..

[معصوب]

اخوي خجل الله يجزاك الجنة لكن بحثي يطول ويبيله توثيق

[خجل}~]

ويجزاك يـآرب ..


انا حبيت اسآعدك , لكن شي راجع لك

تح ـيتي لك..

[معصوب]

انا منيب مضيع هالفرصة اجل
بس برسل الموضوع على الخاص ان لم يكن هناك مانع

[خجل}~]

ايه عادي ارسله ..

وان شـآءالله بسوي اللي اقدر عليه :)

[معصوب]

ماقدرت ارسله لازم عندي 100 مشاركة

[خجل}~]

طيب اكتب المطلوب بالموضوع هنــآ..~


:)

[معصوب]

اسفين على التأخير

المطلوب
ابي قصص توبة اباء او امهات على يد ابناءهم وتكون هالقصص مؤثقة من( كتاب)بكسر الكاف ..او من رابط في الانترنت على ان يكون واضع القصة من الموثوق فيهم مثل الدعاة والمشايخ او المفكرين المعروفين وتستبعد القصص التي بدون توثيق

[معصوب]

او قصص تدل على تسلط الاباء على ابنائهم اذا تمسكوا بالدين ووصفهم بالمتشددين