بنت الطنايا
17-04-2010, 03:26 AM
يالله ياللي فوق سبع السماوات . . . . تفرج لحال اللي عصته الليالي
سايرتها بسكات بسكات بسكات . . . . واقول بكره يصلح الله حالي
ماودي اشكي عند عاذل وشمات . . . . ولابي علي الناس تلقى مجالي
اقضي طوال الليل نوح ٍوونات . . . . والناس ماتدري عن اللي جرالي
صبرت واستبدلت قولي تنهات . . . . وتسابقن دمعات عيني توالي
عليك ياحلم ٍاشوفه ولا مات . . . . رغم الحظوظ النادرات القلالي
لك الذي ما تختلف فيه هقوات . . . . ماتختلف هقوة رفيق ٍعنالي
لا والله اثبت والحق القول باثبات . . . . والقول ما يثبت عزوم الرجالي
لا والله الا الفعل والفعل بالذات . . . . محد ٍيقول المر ياناس حالي
للطيب درب وللرخامه متاهات . . . . ويالي بغيت الطيب اسمع مقالي
صل الصلاة وأد كل العبادات . . . . واسجد لوجه الله عزيز الجلالي
وللوالدين حقوق ذكرت بالآيات . . . . ياجب عليك اصغاااء ثم امتثالي
ثم عقبها لاتلحق الناس نمات . . . . اوزن كلامك يرفعك فوق عالي
ترى لسان الشخص للشخص مرآة . . . . ان اعتدل عدلت وان ملت مالي
واحرص على وقتك ترى الوقت لافات . . . . تندم على فوته ليال ٍطوالي
لاصار ما شيد شبابك بنايات . . . . لاصرت شايب ما بنيت العوالي
شيدلك من الطيب قصر وعمارات . . . . تذكربها لاصرت تحت الرمالي
اسمع كلام الناس وانظر للاموات . . . . واختر لنفسك ما تريده يقالي
واحذر ترى للنفس رغبه وشهوات . . . . ان طعتها راحت عليك المعالي
طرد الهوى ذله ولافيه شكات . . . . ياما تنزل من (سبايبَه) عالي
ولا تلحقك من قلة الحال ضيقات . . . . خلك على ماقال( صدرك شمالي)
اضربها واحذر تطيح بمغبات . . . . ولا تنفتن نفسك بطرد الريالي
واعرف ترى غال الكنوز القناعات . . . . من فاز فيها فاز والفوز غالي
ولا تخوَف من نهاية بدايات . . . . خلك على كل الامور ارتجالي
الخوف يرمي صاحبه فالهزيلات . . . . ويثنيه عن كسب الامور الجزالي
الموت مره لكن ان خفت مرات . . . . والله ما تمشي حياتك عدالي
خالط جميع الناس كوّن علاقات . . . . لا تجلس لحالك تصير انعزالي
لكن بنفس الوقت ياصاح هيهات . . . . تمشي بهواك الناس في كل حالي
فالناس طيب واكثر الناس عيَات . . . . رافق هل الطولات خل الثعالي
والجار كثر جيته والزيارات . . . . سيَر ترى الدنيا سريعة زوالي
فنجال بن وعود ٍ ازرق وضحكات . . . . تشيل هم اللي همومه ثقالي
مافات فات وماهو اتي ٍ آت . . . . اسمع كلامي وافهمه للتوالي
رتب حياتك حط الك اولويات . . . . وخطوط حمرا واضحات ٍ جلالي
الدين لا ترضى على الدين خملات . . . . هاك الكلام اللي يهز الجبالي
والله ما ترضى عليك الولايااااات . . . . الين تتبع درب ذيك الملالي
جاهد عدو الله في كل الاوقات . . . . بالحال ولا المال ولا العيالي
ثم الوطن احيان تاتيه حزات . . . . تبي رجال(ن) يحملون الحمالي
وقف بعزة نفس قله سلامات . . . . يالمعتدي فالعقل جاك اختلالي؟؟
ثم اقطع الرجعه وقل جيت موات . . . . والله ما تفرح بيوم احتلالي
هذي لأهل الطيب مثل العلامات . . . . نضمت فيها كل كار ٍ طرالي
وللطيب درب وللرخامه متاهات . . . . ويالي بغيت الطيب طبق مقالي
لـ نايف العتيبي
سايرتها بسكات بسكات بسكات . . . . واقول بكره يصلح الله حالي
ماودي اشكي عند عاذل وشمات . . . . ولابي علي الناس تلقى مجالي
اقضي طوال الليل نوح ٍوونات . . . . والناس ماتدري عن اللي جرالي
صبرت واستبدلت قولي تنهات . . . . وتسابقن دمعات عيني توالي
عليك ياحلم ٍاشوفه ولا مات . . . . رغم الحظوظ النادرات القلالي
لك الذي ما تختلف فيه هقوات . . . . ماتختلف هقوة رفيق ٍعنالي
لا والله اثبت والحق القول باثبات . . . . والقول ما يثبت عزوم الرجالي
لا والله الا الفعل والفعل بالذات . . . . محد ٍيقول المر ياناس حالي
للطيب درب وللرخامه متاهات . . . . ويالي بغيت الطيب اسمع مقالي
صل الصلاة وأد كل العبادات . . . . واسجد لوجه الله عزيز الجلالي
وللوالدين حقوق ذكرت بالآيات . . . . ياجب عليك اصغاااء ثم امتثالي
ثم عقبها لاتلحق الناس نمات . . . . اوزن كلامك يرفعك فوق عالي
ترى لسان الشخص للشخص مرآة . . . . ان اعتدل عدلت وان ملت مالي
واحرص على وقتك ترى الوقت لافات . . . . تندم على فوته ليال ٍطوالي
لاصار ما شيد شبابك بنايات . . . . لاصرت شايب ما بنيت العوالي
شيدلك من الطيب قصر وعمارات . . . . تذكربها لاصرت تحت الرمالي
اسمع كلام الناس وانظر للاموات . . . . واختر لنفسك ما تريده يقالي
واحذر ترى للنفس رغبه وشهوات . . . . ان طعتها راحت عليك المعالي
طرد الهوى ذله ولافيه شكات . . . . ياما تنزل من (سبايبَه) عالي
ولا تلحقك من قلة الحال ضيقات . . . . خلك على ماقال( صدرك شمالي)
اضربها واحذر تطيح بمغبات . . . . ولا تنفتن نفسك بطرد الريالي
واعرف ترى غال الكنوز القناعات . . . . من فاز فيها فاز والفوز غالي
ولا تخوَف من نهاية بدايات . . . . خلك على كل الامور ارتجالي
الخوف يرمي صاحبه فالهزيلات . . . . ويثنيه عن كسب الامور الجزالي
الموت مره لكن ان خفت مرات . . . . والله ما تمشي حياتك عدالي
خالط جميع الناس كوّن علاقات . . . . لا تجلس لحالك تصير انعزالي
لكن بنفس الوقت ياصاح هيهات . . . . تمشي بهواك الناس في كل حالي
فالناس طيب واكثر الناس عيَات . . . . رافق هل الطولات خل الثعالي
والجار كثر جيته والزيارات . . . . سيَر ترى الدنيا سريعة زوالي
فنجال بن وعود ٍ ازرق وضحكات . . . . تشيل هم اللي همومه ثقالي
مافات فات وماهو اتي ٍ آت . . . . اسمع كلامي وافهمه للتوالي
رتب حياتك حط الك اولويات . . . . وخطوط حمرا واضحات ٍ جلالي
الدين لا ترضى على الدين خملات . . . . هاك الكلام اللي يهز الجبالي
والله ما ترضى عليك الولايااااات . . . . الين تتبع درب ذيك الملالي
جاهد عدو الله في كل الاوقات . . . . بالحال ولا المال ولا العيالي
ثم الوطن احيان تاتيه حزات . . . . تبي رجال(ن) يحملون الحمالي
وقف بعزة نفس قله سلامات . . . . يالمعتدي فالعقل جاك اختلالي؟؟
ثم اقطع الرجعه وقل جيت موات . . . . والله ما تفرح بيوم احتلالي
هذي لأهل الطيب مثل العلامات . . . . نضمت فيها كل كار ٍ طرالي
وللطيب درب وللرخامه متاهات . . . . ويالي بغيت الطيب طبق مقالي
لـ نايف العتيبي