المساعد الشخصي الرقمي

مشاهدة النسخة كاملة : .."{وجه المواني .."..!


هزت شعوري
04-05-2010, 12:44 AM
ياحزينه !
دوريني في زوايا الياس... في ياس المدينة !
دوريني في ملامح وجهك الدافي وقولي .. :
قولي : وينه !؟
شاعر ٍ ماحبّته بنت وبكى !
شاعر ٍ مانسّته بنت وشكى !
شاعر ٍ يركض ورى الأحلام والأحلام تهرب من يدينه !
دوري عنّه دخيلك فـ المرايا ..
في وجيه أحلى الصبايا !
في النوايا !
في الزوايا !
في الهدايا !
فالزهور اللي تحبّك .. فلها مع ياسمينه !
دوري عنّه دخيلك في صباحك !
في دموعك .. وانشراحك ..!
وسط حزنك !
وارتياحك ..
وسط دفتر مل من نزفه ومن دمعات عينه !
دوريه ..!
فالوجيه اللي تنادي فالغيابات الوجيه !
فالحنين اللي أبيه وفالأنين اللي يبيه !
ولابكى حزنه عليه !
ولابكيتي تذكرينه
... دوريه !
في عيون أطفال مرّوا ... وابتسامه !
وسط صمته ..
لاجفا صوته كلامه ..!
وسط دفترك الحزين ..
يوم كنتي تكتبينه .. يوم صرتي تشطبينه !
دوريه ..
لاغفى سمعك على صوته ونام !
فـ السكوت
وفـ الكلام !
فـ الحمام اللي بصدره يوم طيّر لك حمام !
في ملامح صبح بارد
كان بيدك تشعلينه !
أسألي عنه .. يدّينك !
واسألي بينك وبينك !
كيف مرّ فـ يوم عينك لين مات احساس عينك !
وانتي عينه !!
ياحزينه .. !؟





و... آتنفّس رغم هذا الضيق في صدر المدينة ..!
..................... وآتبسّم حتى لو مابه ..... عصافير وأغاني !
وانتي أنتي .. مثل ماأنتي ..ولكنّك حزينة !
..................... تربكين الدمع ويل الدمع من ضيق المحاني !
صح أنا مااخترت اكون إنسان يمكن تعشقينه !
..................... بس انا ماخترت أكون إلا معاك انسان ثاني !
كنت اقول البحر ماينشد عن هموم السفينه !
..................... صرت أقول اللحين دلوني على وجه المواني !
آه .. واللي خالق ٍ بي صوت يصعب تسمعينه !
..................... ماقطفتك ( لحظة ٍ حلوة ) من أغصان الثواني !
أشبه احساسي ولاأشبه هذاك اللي ... تبينه !
..................... شاعر ٍ من ضعت عندك ضاع يوم إنه لقاني !
أشبه اللي مرّ في صدري وانا مدري حنينه
..................... مثل هذا الفرح ..... هذا الجرح لامنّه بكاني !
أنسكب لك شي مثل المي ! يمكن تشربينه !
..................... وارتوي بك شعر.. مثل الشعر لامنّه .. دعاني !
مثل هذا الحزن هذا الحزن لامرّ بـ سكينه !
..................... مثل هذا النور مثل شعور من يدّي .. خذاني !
مثل هذا اللي يدوّر في يدينك .. عن يدينه !
..................... مثل هذا اللي يمرّ اللحين كل اللي .. قراني !!
مثل هذا اللي يحث خطاه ماتلحق .. سنينه !
..................... مثل هذا اللي تشوفي كيف لو شفتيه جاني !؟
شاعرك لو ماتنفّس ضاق به صدر المدينة
..................... شاعرك لو ماتبسّم .... كان مارفّت أغاني !
أفتحي قلبك وشوفي وش ورى دمعات عينه
..................... يمكن تحسيّن باللي ماقوى ... ينطق لساني !
لايمر ّ الحزن مثل اللي يمرّ .. وفي يمينه !
..................... قلب ماتنبض سنينه مثل .. نبضات الأماني !
من يقول الصبح هذا صبح ! واشياءه حزينه !
..................... من يقول الناس مثل الناس ماحس ّ بحناني !
الحزن ماهو مثل ماشعر واحسّك .. تشعرينه !
..................... الحزن لاجيت ادور لك وانا اجهل مكاني !




ياحزنها !
رتّل معي تنهيدتي لاجف ّ فوقي مزنها !

شتآت
04-05-2010, 09:45 AM
آه .. واللي خالق ٍ بي صوت يصعب تسمعينه !
..................... ماقطفتك ( لحظة ٍ حلوة ) من أغصان الثواني !
,,
صح لسان قايلها
وسلم بنان ناقلها,,
يعطيك العافيه

العـطــشان
04-05-2010, 10:00 AM
هزت شعوري

كلمات بقمة الروووعه والجمال


يعطيك العافيه على نقل هالذائقه العذبه


يسعدك ربي



العطشان

ღ.بنـ Ĉűťė ــوته.ღ
04-05-2010, 04:37 PM
هزت شعوري

الله يعطيك العافيه على رؤعه الاختيار

ولاعدمنا لجديدك المميز

ودي

http://www.al-amakn.net/up/uploads/images/al-amakn-5585ee5773.gif

أنثى بدلــــع طفلة
06-05-2010, 01:50 PM










.






هــــزت شعـــوري

ماروعها من كلمات تغزو القلب
تصــلب حبري في قلمـــي
وتهــاوت كل الحروف تحت عرش فخامه الكلمات
كـ عادتك تبحـــرين بنا حيث الجمال
دمــتِ آنيقه ودام قلمك براقآ وذائقتك مختلفه

لـ عمقك جليل التقــدير


آرق تحيه لقلبك















http://www.lialiq.com/up/uploads/ade89a2c96.jpg



.









.






صادق وعد
06-05-2010, 01:59 PM
آه .. واللي خالق ٍ بي صوت يصعب تسمعينه !
..................... ماقطفتك ( لحظة ٍ حلوة ) من أغصان الثواني !
أشبه احساسي ولاأشبه هذاك اللي ... تبينه !
..................... شاعر ٍ من ضعت عندك ضاع يوم إنه لقاني !
أشبه اللي مرّ في صدري وانا مدري حنينه
..................... مثل هذا الفرح ..... هذا الجرح لامنّه بكاني !

وربي قصيده في قمة الروعه
سلمت اناملك على نقلها
واحساسك على اختيارها
اتمتعت كثيراً بها
دمت بخير

صادق وعد

هزت شعوري
10-05-2010, 12:47 AM
شتات همسه..}~
قلم ينبض بالجمال ..!
مصافحة اكثر من جميله منك ِ ياعظيمه..؛
اعشقُ المزيد من رحيق قلمك ..؛..!
بين دفء الشمس ووقت المغيب وبعمق الصحاري..؛
روتني غيومك بعذب المطر..؛

هزت شعوري
10-05-2010, 12:51 AM
العطشان..}~
افتخر بعطر حرفك ِ هنا..!
انا بانتظار اشراقتك دوماً..؛
شكراً لمرورك الباذخ..!

هزت شعوري
10-05-2010, 12:54 AM
بنوته..}~
مروركِ يسلب الانفاس ياغاليه..؛
الروعه انسكابك هنا..!

هزت شعوري
10-05-2010, 12:56 AM
انثى بدلع طفله..}~
اعشق جمال روحك ياغاليه..!
حضوركِ مذهل. بقدر جمال روحك..!

هزت شعوري
10-05-2010, 12:57 AM
صادق الوعد ..}~
تدفق حبرك هنا عذب..!
لاحرمنا الله سخاء قلبك أخي..!

الفراشه الزرقاء
12-05-2010, 01:45 AM
ذائقة مفعمهـ بالروعة والابداع ..

صح لسان قايلها ولاهان ناقلها..

كل التحايا . .

والاحترام .. يالغلاhttp://www.gulfup.com/lives/12736161334.gif (http://www.gulfup.com/info.htm)