بنت الطنايا
16-06-2010, 01:52 AM
بسم الله الرحمن الرحيم
قصيدة كتبها شاب عمل حادث سيارة ووالدته كانت معه وكان مسرعا ً،، نتيجة هذا الحادث
الوالدة توفت نتيجة الإصابات الخطيرة
و هو إصابته كانت خفيفه
و هذي الأبيات قالها للي يواسونه
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
أبي أصحى ولكني عجزت ألقى اللي يصحيني
فداك القلب يايمه ومهما قلت من كلمات
صغيرة في كبر حقك بس أتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم أكبر وهم أصحاب هالمأساة
وانا أتحدى إذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي أباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي أبجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
أبيك انتي ولا غيرك على موتك تعزيني
وضميني وداويني مثل ما كانت الهقوات
ما أبي أحدن يواسيني أبيك أنتي تواسيني
دخيلك بس لا تبكي إذا شفتي بي الدمعات
أنا مقوى أبكيك اذا انتي تبكيني
==
الحزن العميق اللي نقله لنا كاتب النص غطى على موسيقى القصيدة،،
اللهم اغفر لوالدته واسكنها فسيح جناتك
قصيدة كتبها شاب عمل حادث سيارة ووالدته كانت معه وكان مسرعا ً،، نتيجة هذا الحادث
الوالدة توفت نتيجة الإصابات الخطيرة
و هو إصابته كانت خفيفه
و هذي الأبيات قالها للي يواسونه
يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
أبي أصحى ولكني عجزت ألقى اللي يصحيني
فداك القلب يايمه ومهما قلت من كلمات
صغيرة في كبر حقك بس أتمنى تعذريني
نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني
تجول عيونهم فيني تفصل مني قياسات
وتشيح وجوههم عني وكني غيرت ديني
يظنوا حزنهم أكبر وهم أصحاب هالمأساة
وانا أتحدى إذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي أباكيه ويباكيني
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
يايمه ارجعي كافي أبجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واترك عادة التدخين وانفذ ما تبي بسكات
واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات
أبيك انتي ولا غيرك على موتك تعزيني
وضميني وداويني مثل ما كانت الهقوات
ما أبي أحدن يواسيني أبيك أنتي تواسيني
دخيلك بس لا تبكي إذا شفتي بي الدمعات
أنا مقوى أبكيك اذا انتي تبكيني
==
الحزن العميق اللي نقله لنا كاتب النص غطى على موسيقى القصيدة،،
اللهم اغفر لوالدته واسكنها فسيح جناتك