طلب واستفسار .. ولقافه .. !!

[][ سعد الرجه ][]

السلام عليكم ورحمة الله وبركاته

يالله إنك تحيي كلن باسمه .. من الإداره لآخر عضو فريش

أدري بعضكم .. غير الاداره طبعا .. موب داخلين إلا عشان آخر كلمه في العنوان ;)
واللي يشوف العنوان تسني داخلن بورقة مقاضي :p

الطلب .. ولا عليكم أمر يا إدارتنا العزيزه :

بالنسبه لذا الأفياش الخربانه اللي تحت أسامينا .. نحن أصحاب اللون المنيل .. وبعد اخوانا أهل اللون البرتكاني
متى بتزينونها؟
صاير اللقب والنجوم كلها إكسات :110:
تعقدت كل ما دخلت صفحتي تذكرت الاختبارات يومني ما أحل زين وأصقط :09:

على فكره .. أفياشي خربانه منذو مبطي .. من أيام الصيانه اللي قبل العام :confused:
مع إني مرسل للعيار الله يهديه قبل يسافر عن المشكله بس شكله وقتها لاهي يربط شناطه وجحدني :o والا رسالتي ما وصلت بسبب الشبكه << والله لو انها بطاقة سوا :052:

العيار لبى قلبك .. بتجي وتذب على صورتي وتقول لطمة أفغاني .. قسم لأفتح مخبز تميس عند باب المنتدى :D


الاستفسار
ليه المنتدى أحيانا يدقر؟ :D
صح محد يعرف وش معنى يدقر .. يدقر بتشديد القاف والتفحيط عليها :o .. يعني يهنق .. يعلق .. يكلج .. يغرس .. أي شي حول هذا القبيل

أحيانا والواحد متحمس يقرا موضوع والا بينتقل من متسان لمتسان الا وقفت الصفحه شوي .. ويتسبب في إن الاكسبلورر بكبره يعلق معه حتى لو فيه صفحات ثانيه غير الأماكن :confused:

بيقولي أحد المشكله من اتصالك والا متصفحك والا جهازك .. بقول ابدن موب صدز .. كم مره احذف المتصفح واثبته من جديد من كثر ما خلاني المنتدى أوسوس وأتهم المتصفح
ونفس المشكله تصير وتتكرر حتى لو استخدمت جهاز ثاني واتصال شركه ثانيه

بعدين وش قصة شريط الاهداءات؟
فيه شطحه وسرعه مب طبيعيه :110: .. يمرنا داعس بسرعة أمه وأبوه .. مدري وين نظام ساهر عنه :(
يالله يمدينا نصيد آخر اهداء ونقرا اللي فيه :f5218a5b37:

فشلنا مع خلق الله .. يرحبون بنا وحنا يا غافلين لكم الله ما ندري .. ويحسبونا ساحبين عليهم :confused:

اللقافه

الا متى بتخلصون من ذا الحفريات؟ .. قصدي الصيانه :o

أكيد الأمور أفضل من أول .. وندري إنكم تشتغلون على المشاكل اللي بالمنتدى

وإن شا الله ما انزعجتوا من ذا الهذره .. وأتمنى نلقى حل وتجاوب؟ << شكلك بتبطي عظم :p

عارفين عندكم حقكم من الغثا والمشاكل .. بس معليش تحملونا شوي :01001:


يسعدكم رب ويوفقنا وياكم في الدارين

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله

[كحيلان11]

حبيّبي الغاااالي ][ سعد الرجه ][

يالله تحييه وتسعده وتخليه وتوفقه لما يرضيه تسلم لي على جميل اسلوبك الشيق بصدق

ضحكتني كثير على كلماتك وكأنك تتكلم مع ناس اجانب او مع افغان يعني تدقق لي على كلمة

يدقر من اللي ما يفهمها يالغالي حبيّبي تعرف أن المنتدى له مدة وفيه بعض الأمور التي تحتاج

الى إصلاح كما تقول منها شريط الإهداء ومنها النجوم اللي تحت اسماء الأعضاء وانت

تعرف أن هالفترة فترة إجازات يعني الكل من حبايبنا العيار وشمالي منشغلين شوي يمكن

يكون عندهم ارتباطات ربي يعينهم ويقويهم بس ما يصير خاطرك الإ طيب يالغالي إن شاء الله

تشوف الأمور احسن مما هي عليه الأن واطمن ما ازعجتنا وبالعكس انت اتحفتنا واسعدتنا

بأهتمامك يالغالي وحرصك وتسلم لي ويحفظك ربي وننتظر رأي الغوالي العيار وشمالي وش

ممكن يفيدنا ولا ننسى أم فهد شمس الأماكن إن شاء الله يكون عندها إفادة لنا جميعآ

حبيّبي سعد شكلك اخذت مسكة الخط بدالي يعني ما شاء الله منطلق بس انته الى ساهر لا

يلقطك وانت حاط رجلك بس ابشر باللي يضمنك ويطلع إن وقفوك يالغالي

[¸.خَوْاطِر إِمَارَاتِيْه.¸]

السيد الفاضل سعد الرجه
وعليكم السلام ورحمة الله وبركاته
مساك الله بالخير
ويا هلا ومرحبا بك ملايين ولا يسدن
قبل ما اعلق على رمستك
حبيت اخبرك اني حدرت موضوعك
هب من لقافه فيني
بس حبيت اسلوبك اللي دوم يحمل
خفة الدم مع توصيل هدف وغايه مميزه
الله يخليك أخوي سعد ضيف على اللي ذكرته
اني انا اعاني من شي
ان شريط المواضيع ابدا ما يظهر
عندي ابدا
كنت بخبر الادارة بس استحيت
قلت هب مهم وايد
والحمد لله ان موضوعك اتاح لي الفرصه
اني اخبرهم
ان شاء الله تتحقق رغباتك اللي ذكرتها
وهذا توضيح لبعض المصطلحات الاماراتية البحته
مثل ما انا اتعلم رمستكم انتوا بعد لازم تتعلمون
لك كل الاحترام
أختك
خواطر إماراتية

رمستكم تعني كلامكم
رمستك تعني كلامك
هب تعني مب
حدرت تعني دخلت
يظهرتعني يطلع

[لــ ج ــيــن..||~]

http://www.al-amakn.net/up/uploads/images/al-amakn-98f8f33e12.gif


مشكوووووور ياخوي على اسلوبك هذا...
انا مالي شغل بالسالفه وقلت بطلع بس ماقدرت صراحه
تعبت من كثر ماضحكت عكلامك وترا حنا عرب حالنا حالك
يعني نفهم على بعض تحسسنا كان حنا مو مثلك..^ــ^..
اسلوب جدا رائع وصريح...واهنيك عشخصيتك الرائعه..
انا معك بسالفه المنتدى لانه جد يوقف ويااااااما اشتكيت من هالشي
بس مادري يقولون عطل........؟
مادري عطل بايش اتمنى ادخل واطلع من هالمنتدى بسلام يالعيار
ابي اطلع بهدوء مو كل شوي اعصب من كثر مايوقف..
وطبعا العطل مو من الجهاز اكيد من عندكم لان مو انا بس الكل
يشتكي...يارب تحلون هالشي وتخلصونا ...
ممكن تشوف لنا حل ياخوي...
ونكون كلنا شاكرين لك ...
][ سعد الرجه ][ ...
اشكرك لانك فتحت لي مجال لجل اعيد
اقول هالشي اللي راح صوتي وانا اقوله من وقت
ماسجلت..^ــ^..
دمت كماا نت بهذا التالق والرقي...
تحياتي...

[شيطونه ½]

وعليكم السلام ورحمته الله وبركاته

مشالله تبارك الرحمن وانا معاك ف مشكله الاهداء حتي انا اعاني منها

بس الي محيرني من هو تميس دا مشرف سابق هههههههههههه

انا اعرف شي قريب منه يتأكل ويسموه تميز ههههههههه

بس حبينا نعقب ع الكلمات الي يبغالها ترجمه ههههه http://www.al-amakn.net/up/uploads/images/al-amakn-816ddd8e9d.gif (http://www.al-amakn.net/up/uploads/images/al-amakn-816ddd8e9d.gif)

ربي يخليك

،،شيطونه،،

[& نهرُ الأملـ &]

وعَلِيكُمْ الْسَلآمْ ورَحمَةَ اللهْ وبرَكَآتِهـْ..~

الله يِحَيِيِكــْ خَيــِ كِثِرْ مَآ زَآدْ غِيآبِكــْ عَنْ فِتْنَة ضُوءْ وأكْثَرْ :o
<< أقُولْ يـ بِنتْ خَلِيكــِ عَنْ الْشِسمَهـ :العيار:

الْطَلَبِ: وأنَآ أقُوولْ وشْبلآهآ نِجُوومْ الْنَآسْ :confused:

الاسْتِفْسَآرْ: شِسْمَهـ مِيــ 2 .. لآزِمْ كِلمَآ أدْخَلْ يِعْلَقْ..،
وكِثِيرْ مَرآتْ ، أنْقِهِرْ.. حَتَى مَآ أسَجِلْ خُرُوجِيــ..، أسَكْرهـ :095:
<< تَمَ إضآفَة كَلِمَة جَدِيدَة فِيـ قَآمُوسْ الْلُغَة الْسُعُودِيَة :D
<< تِتْعَلَمْ ،، الْبِنتْ .. اشْفِيكُمْ .. هُو قَآصِدْ يِعِلِمْنِيــ مَعْنَآهَآ :p
وشسمَهـ شَرِيطْ الإهْدآءآتْ أممم هُو سَرِيعْ..، لَكِنْ يِمَشيــ :j12:

الْلِقَآفَة: إيهْـ والله ،، مِتَى بِ صَرآحَة نِمِلْ مِنْ سَآلْفَة الْشِسمَهـ
بَسْ َبَعَدْ لآزِمْ نَعْذِرْ الإدَآرَة مِثلْ مَآ تَعْذِرْنَآ ،،
مَآ شَآء الله عَلِيهُمْ قَآيْمِينْ بِ الْوَآجِب، كِلْهَآ كَمْ يُومْ وكِلْ شَيـ بْ خِير ْ:)

تِسْلَمْ ع الْضُوءْ ..، ونتْرَيآ الإدآرَة تَلْقِيــ عَلِيهآ لَمَسَآتْ أخِيرة :D
لـِيــ سآلْفَة مَعَآكــْ خَيُووو ،، هَعْ ..
<< تِحِسْ كِتِبَتْ أكْثَرْ مِنْكــْ :D

.. الْقَفْـــْ :soso: ..

[][ سعد الرجه ][]

حبيّبي الغاااالي ][ سعد الرجه ][

يالله تحييه وتسعده وتخليه وتوفقه لما يرضيه تسلم لي على جميل اسلوبك الشيق بصدق

ضحكتني كثير على كلماتك وكأنك تتكلم مع ناس اجانب او مع افغان يعني تدقق لي على كلمة

يدقر من اللي ما يفهمها يالغالي حبيّبي تعرف أن المنتدى له مدة وفيه بعض الأمور التي تحتاج

الى إصلاح كما تقول منها شريط الإهداء ومنها النجوم اللي تحت اسماء الأعضاء وانت

تعرف أن هالفترة فترة إجازات يعني الكل من حبايبنا العيار وشمالي منشغلين شوي يمكن

يكون عندهم ارتباطات ربي يعينهم ويقويهم بس ما يصير خاطرك الإ طيب يالغالي إن شاء الله

تشوف الأمور احسن مما هي عليه الأن واطمن ما ازعجتنا وبالعكس انت اتحفتنا واسعدتنا

بأهتمامك يالغالي وحرصك وتسلم لي ويحفظك ربي وننتظر رأي الغوالي العيار وشمالي وش

ممكن يفيدنا ولا ننسى أم فهد شمس الأماكن إن شاء الله يكون عندها إفادة لنا جميعآ

حبيّبي سعد شكلك اخذت مسكة الخط بدالي يعني ما شاء الله منطلق بس انته الى ساهر لا

يلقطك وانت حاط رجلك بس ابشر باللي يضمنك ويطلع إن وقفوك يالغالي




هلا وغلا بأخوي وحبيبي كحيل العين ;)


الله مير يسلمك ويبدزيك ويحفظك لعينن ترجيك .. ويجعل لك من دعواتك نصيب

خخخخخخخخ لا والله ما أقصد إنكم أجانب .. لا تشك في نفسك وأنا أخوك :D
والله إن فيه سعوديين ما يعرفون ذا المصطلحات .. ومواعدهم بقاموس ولين الحين ما لقينا معقـّب يراجع فيه عشان نطبعه عند أقرب خدمات طالب والا أبو ريالين :p

انت فاهم يدقر .. غيرك يحسبها قلينزي وش على بالك قاعدين نترجم عبث يعني :o

والله يا غالي أدري إننا في فترة إجازات ويكفي إن الحر صافقن وجيهنا لين غدت لساتك .. الله يرحمنا برحمته وينجينا من عذاب النار
وأكيد إن العيار وشمالي وأم فهد كلهم ناشبين بأشياء كثيره ومشاغل وإلتزامات وما يقصرون باللي يقدرون عليه
ولأني أدري إن المشكله مب عندي أنا بس .. قلت أحط ذا الموضوع لأن فيه ناس متأكد مترددين يقولون شي وتقدر تشوف من الردود
لو المشكله عندي أنا كان أرسلت لهم بالخاص وما أزعجتكم بذا الموضوع .. لكن إعتبروه فضفضه لأي أحد عنده مشاكل فنيه في المنتدى :052:

وفي الأخير الهدف هو إظهار المنتدى بشكل أفضل

هين مسكات الخط بدري علي آخذها منك ;) .. لكن كفو اذا بتكفلني عندهم خلاص إزهله بمسك خطوط وأسرع بعد :D << ما صدق

مشكور يا غالي على تشريفي بهالطله وتفاعلك الجميل


يوفقك ربي وييسر دروبك





http://www.al-amakn.net/vb/uploaded/127_1238960884.gif


™ تشاوو .. يرحمكم الله

[admin]

<<< جاك الموت ياتارك الصلاة :العيار:

حرام عليك احد يكتب موضوع طويل في هالحر .. درجة الحراره 52 :( تسان صبرتا الين يدخل البرد علشان الواحد يعرف يفكر ويرد :8b48593a21: << صايرن زول هالايا م

أدري بعضكم .. غير الاداره طبعا .. موب داخلين إلا عشان آخر كلمه في العنوان ;)
ياحظهم هالملاقيف بيقرون ويطلعون ليتني واحدن منهم :( الا مير انت للحين ماغيرت صورتك الرمزيه :157:

الا متى بتخلصون من ذا الحفريات؟ .. قصدي الصيانه
حنا عقدنا مربوط مع طريق الملك عبدالله متى ماشفتا طريق الملك عبدالله خلص اعرف ان حنا خلصنا << مت يا ...... الين يجيك الربيع ..!


بعدين وش قصة شريط الاهداءات؟
فيه شطحه وسرعه مب طبيعيه .. يمرنا داعس بسرعة أمه وأبوه .. مدري وين نظام ساهر عنه
يالله يمدينا نصيد آخر اهداء ونقرا اللي فيه

اول شي احترم نفسك لاتقول فيه شطحه :العيار:
شريط الاهداءات وناخوك لازم يكون سريع شوي ولا بتمل الين تقراء الاهداء الي بعده
بعدين المشكله وناخوك مهيب فالشريط المشكله فعيونك وانت خابر الكبر شين :p
ماشفتنا عام 2005 في صالات الاسهم الشريط حق الاسعار يمر من عندك يمشي الفين
لو تشوف وجيهنا تقل مساحات سياره :(


بخصوص مشكلة التصفح بعد دراسه وبحث وتقصي استنتجنا مايلي :
اولن // المشكله اما في بعض الهاكات المضروبه وراح نشيك عليها هاك هاك ونلغى الهاك المضروب
لكن المشكله راح نسكر المنتدى على الاقل 48 ساعات .


ثانين // او المشكله في الاستايل لاننا بعد الترقيه رقينا الاستايل وحولنا صيغته الى css وكتشفنا ان الاستايل لم يحول بالكامل الى css يعني لازال موجود فيه جداول html علشان تسذا فيه تعارض وتضارب قد تكون مسببه لهذه المشاكل الي تواجهونها .

قبل رمضان ان شالله ان كنا من الحيين بحوله وقوته راح يكون فيه استايل جديد بصيغة css بالكامل خالي من المشاكل التصميميه شغال على متصفح ( الاكسبلولر و الفايرفوكس و الاوبرا ) .. وراح نوقف المنتدى يومين لفحص جميع الهاكات المضروبه .. وان شالله راح تنتهى هالمشاكل .. ولو استمرت لاقدر الله الله معناته ان المشكله من الشركه المسضيفه وهالشي استبعده .



يخليكم ربي :)

[][ سعد الرجه ][]

السيد الفاضل سعد الرجه
وعليكم السلام ورحمة الله وبركاته
مساك الله بالخير
ويا هلا ومرحبا بك ملايين ولا يسدن
قبل ما اعلق على رمستك
حبيت اخبرك اني حدرت موضوعك
هب من لقافه فيني
بس حبيت اسلوبك اللي دوم يحمل
خفة الدم مع توصيل هدف وغايه مميزه
الله يخليك أخوي سعد ضيف على اللي ذكرته
اني انا اعاني من شي
ان شريط المواضيع ابدا ما يظهر
عندي ابدا
كنت بخبر الادارة بس استحيت
قلت هب مهم وايد
والحمد لله ان موضوعك اتاح لي الفرصه
اني اخبرهم
ان شاء الله تتحقق رغباتك اللي ذكرتها
وهذا توضيح لبعض المصطلحات الاماراتية البحته
مثل ما انا اتعلم رمستكم انتوا بعد لازم تتعلمون
لك كل الاحترام
أختك
خواطر إماراتية

رمستكم تعني كلامكم
رمستك تعني كلامك
هب تعني مب
حدرت تعني دخلت
يظهرتعني يطلع



هلا بش :D .. أختي خواطر

ومساتس الله بالنور والسرور .. والمهلي ما يولي
ما قصرتي يا بنت الأكارم

بس اصبري قبل تحدرين :p .. تراني أعرف أطقطق إماراتي :o
عاد انتي ما لقيتي إلا ( رمسه ) عشان تشرحينها
هذي أقوى أبو كلمه أعرفها من سوالفكم الذربه

كنت في سنه من السنوات أدرس برا << بدا يقص قصة حياته :052:
برا يعني خارج المملكه .. عشان محد يحسب إني أقصد برا في الشارع والا الملحق خخخخخخخ
المهم تعرفت على أخ إماراتي الله يذكره بالخير << طبعا موب الفنان :p
وكنا اذا تقابلنا يقولي تعال تريا شوي خلنا نترمس
في البدايه طلعت القاموس أدور معنى نترمس .. قلت يمكن هو متعلم كلمه جديده وبيشخص عليّ :8b48593a21:
وفي الأخير صار قصده خلنا نسولف :110:

عاد واستفدت منه في مخزوني للكلمات .. وصرت أعرف :
أحينه = دلوئتي :D
ما شي = ما هناش / ما فيه شي
يستوي = يصير
مع إن يستوي عندنا يعني ينضي ;) .. قصدي ينضج سواء الأكل أو الثمر
يخبّر عليتس = يعلم أو يفتن عليتس .. يعني ينكب عفشتس عند أحد :09:
يراويني = يوريني

إلى هنا بأكتفي .. أخاف أطلع باقي الكلمات اللي أعرفها ويصكني أحد بعين :052:
اي وش ع بالتس انتي .. ترى أخوتس بلبل لغات .. بس أحيانا بلبل أصقه :D تمر من عنده الكلمه ما لقطها

نرجع لمحور الارتكاز :p .. قصدي حديثنا << بدري

الله يحييتس أختي .. وبالعكس مب لقافه منتس ولا شي
بالعكس مشاركه مطلوبه لكل أحد عنده مشكله يوضحها
عشان في النهايه الهدف ظهور المنتدى بشكل جميل وبأقل المشاكل الفنيه

وإن شا الله وضحت المشكله اللي تواجهينها للاخوان في الاداره وما راح يقصرون

شاكر لتس هالحضور يا طيبه .. لا حرمناتس وأخوتس وطلتس الراقيه

أسعد الله قلبتس .. ويسر دروبتس

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله

[][ سعد الرجه ][]

http://www.al-amakn.net/up/uploads/images/al-amakn-98f8f33e12.gif


مشكوووووور ياخوي على اسلوبك هذا...
انا مالي شغل بالسالفه وقلت بطلع بس ماقدرت صراحه
تعبت من كثر ماضحكت عكلامك وترا حنا عرب حالنا حالك
يعني نفهم على بعض تحسسنا كان حنا مو مثلك..^ــ^..
اسلوب جدا رائع وصريح...واهنيك عشخصيتك الرائعه..
انا معك بسالفه المنتدى لانه جد يوقف ويااااااما اشتكيت من هالشي
بس مادري يقولون عطل........؟
مادري عطل بايش اتمنى ادخل واطلع من هالمنتدى بسلام يالعيار
ابي اطلع بهدوء مو كل شوي اعصب من كثر مايوقف..
وطبعا العطل مو من الجهاز اكيد من عندكم لان مو انا بس الكل
يشتكي...يارب تحلون هالشي وتخلصونا ...
ممكن تشوف لنا حل ياخوي...
ونكون كلنا شاكرين لك ...
][ سعد الرجه ][ ...
اشكرك لانك فتحت لي مجال لجل اعيد
اقول هالشي اللي راح صوتي وانا اقوله من وقت
ماسجلت..^ــ^..
دمت كماا نت بهذا التالق والرقي...
تحياتي...




العفوووووو أختي لجين

حتى لو ما لتس شغل .. الساعه اللي أكبر من بيغ بن إذا شاركتي

ههههههههههههه داري إنكم عرب .. أحد قال عنكم خواجات؟

بس صدقيني فيه ناس أعرفهم ما يفهمون ذا الحتسي :confused:
عشان تسذا .. لازم شرح في بعض الشطحات

تسلمين يا غاليه .. كلتس ذوق .. وأهم شي فهمتي السالفه والسوالف وشي عنه

وأكيد أخونا العيار شاف كلامتس وعرف المشكله اللي تعانين منها
وبيحطونها في بالهم إن شا الله وتتعدل الأوضاع للأفضل زي ما نتمنى .. ونتوقع منهم

وأهم شي بعد .. لا تعصبين ولا يروح صوتس
وفرضاً مثلاً .. عصبتي مره عشان المنتدى ساعتها وين بتلقين العيار فيه عشان تنفخين عليه؟ :p << بيشبها بينهم ;)


مشكوره أختي على التوقف بدون تلقف :o .. ومشاركتنا بمشكلتس
لا حرمناتس وطلتس البهيه


يسعدتس ربي .. وييسر دروبتس

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله

[][ سعد الرجه ][]

وعليكم السلام ورحمته الله وبركاته

مشالله تبارك الرحمن وانا معاك ف مشكله الاهداء حتي انا اعاني منها

بس الي محيرني من هو تميس دا مشرف سابق هههههههههههه

انا اعرف شي قريب منه يتأكل ويسموه تميز ههههههههه

بس حبينا نعقب ع الكلمات الي يبغالها ترجمه ههههه http://www.al-amakn.net/up/uploads/images/al-amakn-816ddd8e9d.gif (http://www.al-amakn.net/up/uploads/images/al-amakn-816ddd8e9d.gif)

ربي يخليك

،،شيطونه،،



أهلين زئيمه هانم :D

إني داري يا كونداليزه .. أجل ترجمه هاه؟
من كثر ما لعب في راستس الفول والقلابه والمعصوب .. صرتي تسمين التميس تميز :confused:

شكلتس متأثره بجائزة التميز لهذا الشهر خخخخخخخ

يالله شفت يا كحيلان انت ولجين تقولون من تشرح له :akn55:

هذي الزئيمه .. إسألوها من جديد عن يدقر وطقتها .. وإفلقوني تسان عرفت :p
إذا دايم قلت لها وشلونتس؟ وإلا الله يوفقتس .. قالت تكلم عربي لا تتكلم معي فرنسي :09:

ما تدير أم التستسه :o

بالنسبه لشريط الإهداء أتوقع في الاكسبلورر مشكلته أكبر من متصفح الفايرفوكس
لكن عند الإداره الخبر اليقين .. والحل إن شا الله

شكرا يا غاليه على الطله العذبه .. والمشاركه الفعاله :p


أسعد الله هذا المحيا .. ويسر له دروبه

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله

[][ سعد الرجه ][]

وعَلِيكُمْ الْسَلآمْ ورَحمَةَ اللهْ وبرَكَآتِهـْ..~

الله يِحَيِيِكــْ خَيــِ كِثِرْ مَآ زَآدْ غِيآبِكــْ عَنْ فِتْنَة ضُوءْ وأكْثَرْ :o
<< أقُولْ يـ بِنتْ خَلِيكــِ عَنْ الْشِسمَهـ :العيار:

الْطَلَبِ: وأنَآ أقُوولْ وشْبلآهآ نِجُوومْ الْنَآسْ :confused:

الاسْتِفْسَآرْ: شِسْمَهـ مِيــ 2 .. لآزِمْ كِلمَآ أدْخَلْ يِعْلَقْ..،
وكِثِيرْ مَرآتْ ، أنْقِهِرْ.. حَتَى مَآ أسَجِلْ خُرُوجِيــ..، أسَكْرهـ :095:
<< تَمَ إضآفَة كَلِمَة جَدِيدَة فِيـ قَآمُوسْ الْلُغَة الْسُعُودِيَة :D
<< تِتْعَلَمْ ،، الْبِنتْ .. اشْفِيكُمْ .. هُو قَآصِدْ يِعِلِمْنِيــ مَعْنَآهَآ :p
وشسمَهـ شَرِيطْ الإهْدآءآتْ أممم هُو سَرِيعْ..، لَكِنْ يِمَشيــ :j12:

الْلِقَآفَة: إيهْـ والله ،، مِتَى بِ صَرآحَة نِمِلْ مِنْ سَآلْفَة الْشِسمَهـ
بَسْ َبَعَدْ لآزِمْ نَعْذِرْ الإدَآرَة مِثلْ مَآ تَعْذِرْنَآ ،،
مَآ شَآء الله عَلِيهُمْ قَآيْمِينْ بِ الْوَآجِب، كِلْهَآ كَمْ يُومْ وكِلْ شَيـ بْ خِير ْ:)

تِسْلَمْ ع الْضُوءْ ..، ونتْرَيآ الإدآرَة تَلْقِيــ عَلِيهآ لَمَسَآتْ أخِيرة :D
لـِيــ سآلْفَة مَعَآكــْ خَيُووو ،، هَعْ ..
<< تِحِسْ كِتِبَتْ أكْثَرْ مِنْكــْ :D

.. الْقَفْـــْ :soso: ..




هلا بتس أكثر خيتو نهرو لال :D


خلينا من فتنة الضوء الحين وخلينا في شسمه :p

هههههههههههههه وانتي على بالتس متعلمه كلمه سعوديه لها معنى واحد بس
أسكره !!
أحد المعاني .. يعني أقفله وإلا أصكه .. بس مو على جبهته
وفي مصطلح الدشير والهايتين .. يسكره .. بتشديد الكاف .. أي يُشربه المسكر والعياذ بالله .. ويخليه يسطّل :( << انت ودك ما تشرح أبد أشوى إنك منتب مدرس :052:
عشان كذا انتبهي :D

بالنسبه لشريط الإهداء ما قصدت إنه واضح وسريع .. لا
ما يظهر منه إلا آخر إهداء .. وطبعا شي غريب

أكيد كلنا عاذرين الإداره وما ندري وش يلحقون عليه
لكن أتوقع هذا شي مهم للمنتدى .. وهم ما يحتاج عارفين هالشي
المشاكل الفنيه إذا كثرت .. والتوقفات والتعليق المستمر يمكن ينفر البعض من الدخول أو يتسبب في قلة التواجد لكثيرين
وهذا أكيد أحد أسباب الركود في المنتدى في بعض الفترات
لكن الوضع واضح إنه أفضل من السابق .. والكمال لله سبحانه

لا هنتي يا غاليه على هيك طله .. ومشاركه داعمه :)


يسعدتس ربي .. ويوفقنا وياتس

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله

[فاقد الحنان]

ههههههههههههههههههههههههه لا تعليق

[][ سعد الرجه ][]

<<< جاك الموت ياتارك الصلاة :العيار:

حرام عليك احد يكتب موضوع طويل في هالحر .. درجة الحراره 52 :( تسان صبرتا الين يدخل البرد علشان الواحد يعرف يفكر ويرد :8b48593a21: << صايرن زول هالايا م

أدري بعضكم .. غير الاداره طبعا .. موب داخلين إلا عشان آخر كلمه في العنوان ;)
ياحظهم هالملاقيف بيقرون ويطلعون ليتني واحدن منهم :( الا مير انت للحين ماغيرت صورتك الرمزيه :157:

الا متى بتخلصون من ذا الحفريات؟ .. قصدي الصيانه
حنا عقدنا مربوط مع طريق الملك عبدالله متى ماشفتا طريق الملك عبدالله خلص اعرف ان حنا خلصنا << مت يا ...... الين يجيك الربيع ..!


بعدين وش قصة شريط الاهداءات؟
فيه شطحه وسرعه مب طبيعيه .. يمرنا داعس بسرعة أمه وأبوه .. مدري وين نظام ساهر عنه
يالله يمدينا نصيد آخر اهداء ونقرا اللي فيه

اول شي احترم نفسك لاتقول فيه شطحه :العيار:
شريط الاهداءات وناخوك لازم يكون سريع شوي ولا بتمل الين تقراء الاهداء الي بعده
بعدين المشكله وناخوك مهيب فالشريط المشكله فعيونك وانت خابر الكبر شين :p
ماشفتنا عام 2005 في صالات الاسهم الشريط حق الاسعار يمر من عندك يمشي الفين
لو تشوف وجيهنا تقل مساحات سياره :(


بخصوص مشكلة التصفح بعد دراسه وبحث وتقصي استنتجنا مايلي :
اولن // المشكله اما في بعض الهاكات المضروبه وراح نشيك عليها هاك هاك ونلغى الهاك المضروب
لكن المشكله راح نسكر المنتدى على الاقل 48 ساعات .


ثانين // او المشكله في الاستايل لاننا بعد الترقيه رقينا الاستايل وحولنا صيغته الى css وكتشفنا ان الاستايل لم يحول بالكامل الى css يعني لازال موجود فيه جداول html علشان تسذا فيه تعارض وتضارب قد تكون مسببه لهذه المشاكل الي تواجهونها .

قبل رمضان ان شالله ان كنا من الحيين بحوله وقوته راح يكون فيه استايل جديد بصيغة css بالكامل خالي من المشاكل التصميميه شغال على متصفح ( الاكسبلولر و الفايرفوكس و الاوبرا ) .. وراح نوقف المنتدى يومين لفحص جميع الهاكات المضروبه .. وان شالله راح تنتهى هالمشاكل .. ولو استمرت لاقدر الله الله معناته ان المشكله من الشركه المسضيفه وهالشي استبعده .



يخليكم ربي :)



هلا بالأطخم ;)

جاك الموت ياتارك الصلاة :العيار: << وين مشتغل هيئه؟ :D


حرام عليك احد يكتب موضوع طويل في هالحر .. درجة الحراره 52 :( تسان صبرتا الين يدخل البرد علشان الواحد يعرف يفكر ويرد :8b48593a21: << صايرن زول هالايام
إيه هين .. يعني يقالك بترد في البرد .. انت من يوم تغمغم في فروتك ما يطلعونك إلا بشروخ ;)
بعدين انت قلتها .. موضوع في ذا الحر .. يعني من الحره اللي في الواحد والزهق
بدل ما يطلع في ذا الشموس ويغمق لونه البني ويصير تسنه قهوه تركيه زد بردت .. فأهون له يفش خلئه في موضوع زي تسذا :(

ياحظهم هالملاقيف بيقرون ويطلعون ليتني واحدن منهم :( الا مير انت للحين ماغيرت صورتك الرمزيه :157:

خخخخخخخخخ قايلك يا تعبان لا تحش في الصوره الرمزيه
تدري إنها مسيومتن مني بذيتس القيمه .. سايمها أفغاني راعي مطبق .. بيحطها بدال صورته في الشهاده الصحيه .. يقول ذي أوجه شوي وتجمل :p
لا ومغريني بعد .. يقول لك زودن على الدراهم مطبق مجاني لمدة شهر .. لين تتاغر بيض وكراث :09:

وإلا ناوي تصير واحد منهم؟ .. يعني تتلقف تطل وتطلع؟
تسان أشره عليك صدز :confused:
هذا الموضوع موجه أساساً لكم يالإداره .. فلازم تفاعل خل عنك الزواله شوي

اول شي احترم نفسك لاتقول فيه شطحه :العيار:
شريط الاهداءات وناخوك لازم يكون سريع شوي ولا بتمل الين تقراء الاهداء الي بعده
بعدين المشكله وناخوك مهيب فالشريط المشكله فعيونك وانت خابر الكبر شين :p
ماشفتنا عام 2005 في صالات الاسهم الشريط حق الاسعار يمر من عندك يمشي الفين
لو تشوف وجيهنا تقل مساحات سياره

هههههههههههههههه طيب ما فيه شطحه .. فيه سبيكه رايحه :o
أما من ناحية العيون .. فإنت صادز .. الشوف شجر وأنا أخوك
هين انتم وجيهكم تسنها مساحات سياره .. محاتسيك تسنه يتفرج في مباراة تنس أرضي بين عليميه << ما يمديه يلحق من كثر ما يتهجا الكلمات :052:

بخصوص مشكلة التصفح بعد دراسه وبحث وتقصي استنتجنا مايلي :
اولن // المشكله اما في بعض الهاكات المضروبه وراح نشيك عليها هاك هاك ونلغى الهاك المضروب
لكن المشكله راح نسكر المنتدى على الاقل 48 ساعات

دام الدعوى هاكات .. أجل هاك العلم :p
تدري إني اكتشفت مشكله ثانيه بعد ما حطيت الموضوع .. عشان تسذا ما رديت إلا لين اتأكد تسمن يوم

شريط الإهداء في الفايرفوكس ماشي زي الحلاوه وسرعته طبيعيه زي أول ونشوف الإهداءات من أولها لآخرها

لكنه في الإكسبلورر .. إنس الموضوع .. ما يطلع لنا إلا آخر إهداء .. وكل ما تنتظر يعيده عليك نفسه ويمكن كلمتين ثلاث من الإهداء اللي قبل الأخير
والتدقير والتعليق بعد نفس الشي يصير في الإكسبلورر .. أدخل من الفايرفوكس وأكتب وأشارك وأحمل ما تصير نفس التهنيقه اللي في الاكسبلورر

وإذا على تقفيلة المنتدى .. قفلوه 48 ساعه .. بس أهم شي يضبط إن شا الله
يا ما تقفل وما تغير شي .. فما أتوقع إنه بتوقف على هالمره ;)

ثانين // او المشكله في الاستايل لاننا بعد الترقيه رقينا الاستايل وحولنا صيغته الى css وكتشفنا ان الاستايل لم يحول بالكامل الى css يعني لازال موجود فيه جداول html علشان تسذا فيه تعارض وتضارب قد تكون مسببه لهذه المشاكل الي تواجهونها

يعني أفهم من كلامك إننا راح نكلم بلاش؟ :052: << يحسب ccs شركة اتصالات جديده :o
شف وأنا أخوك .. أكثرنا ما يعرفون في هالحتسي .. وما يبون إلا ولدن يقرا
وانتم طبعا أبخص في ذا الأمور .. وشدوا حيلكم الله يعينكم

قبل رمضان ان شالله ان كنا من الحيين بحوله وقوته راح يكون فيه استايل جديد بصيغة css بالكامل خالي من المشاكل التصميميه شغال على متصفح ( الاكسبلولر و الفايرفوكس و الاوبرا ) .. وراح نوقف المنتدى يومين لفحص جميع الهاكات المضروبه .. وان شالله راح تنتهى هالمشاكل .. ولو استمرت لاقدر الله الله معناته ان المشكله من الشركه المسضيفه وهالشي استبعده

إن شا الله .. والله يبلغنا وياكم صيامه وقيامه ويلحقنا خير
وعلى الله ما تكون من الشركه المستضيفه لأنكم من أيام ما غيرتوا الظاهر وهي كاثره المشاكل .. لكن نقول عسى ما يكون هذا السبب

ما قصرت يا غالي في التعقيب والتوضيح .. وهذا الظن فيك وفي الباقين بدون قصور فيهم

لكن تعال يا حلو .. فيه شي ما جاوبت عليه .. الاستفسار !!

لقب كبار الشخصيات والنجوم اللي تحته .. في متصفح الاكسبلورر تطلع كلها إكسات

في الفايرفوكس ما تطلع أبد :confused:


أسعد الله هالطخمه .. ويسلم عمرك وقلبك .. ويوفقنا وياكم في الدارين

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله

[نقـآء}~]

سعد}~
هههههههههههههههههههه <<<بسسم الله علي من كثر مــآ ضحكت ^^
عجبتني ترجمة الكلمــآت
يعني يدقر معنــآتها يعلق والله كلمة غريبه بالنسبه لي
وتبينا نشدد ع القاف شكثر يعني >>>متاثره بالتجويد^^

اولــآ يسسلمك ربي ع الموضوع الخطنطر
اللي صدق كنت محتااجته
لــآن عندي نفسس المشااكل اللي ذكرتها الله يجزااك خير
بسس شكيت في جهــآزي وقلت اكيد بسس أأنــآ اللي عندي المشأكل هذي
بسس اطلعت عند الكل
واللي خلـآني اسكت اني اجووف شريط الاهدآءات مــآآشي والكل يقوم بارسال الاهدآت بسس ما يبين لي غير
اخر اهداء .. كل يوم .. اهداء غير
جــآن اقوم وادز ذيك الاهداء قلت يمكن يطلع عندي الشريط كاامل<<<مسويه اني ذكذك:)
الـآ ما جوف غير اخر اهداء وموب مــآلي وياليت كاامل نصه بعد ..~
وفي شي انا لاحظته اللي هو الخطووط مــآفي خط Tahoma
هذا الخط حبيب ألبي إلــآ ابيه يـآ ليت لو تجيبونه >>>حلوه تجيبونه
مششكور مره ثانيه
مــودتي

[عآبر]

سآلخير http://www.7ala-ksa.com/vb/images/smilies/2/315.gif

يً السعد شحآلك يً عزوتي http://www.7ala-ksa.com/vb/images/smilies/biggrin.gif

كل ذآ طعزتن فيذآ...إحآول إرد’ إكون مآشّ.. موش مروق بتآتن البتهّ http://www.7ala-ksa.com/vb/images/smilies/biggrin.gif

هالمره شفتن فآضي وشآرب توفيّ موكآ :العيار: قلت خنن إرد وإضيف مشكله يمكن نآسيهآ إو يمكن عندنآ يً البردقآني لحآلنآ :العيار:

ف من هذآ المنبر حبيت إقلك ثكراً :D لآنك فتحت المجآل لي ولغيري :D

والمشكله هيَ إن التقييم مآيتغشل عندنآ :o / يإخي مدري وش حيثنآ عن الآخرين المشرفين والمشرفآت :( / الفرق ’السمعه مثلاً’ :D / ترآنن حتىآ نحن سمعتنآ طيبه ولله الحمد والمنْهّ :D / وإن تسآن الللون مثلاً :o "ترآ قسم بالله لوننآ حلو بالمره " < تذكر’ يالبرتقآله عذبتي حآله هههههههههههههه :D

ومن هذآ المنبر حبيت إوصل صوتي نيآبتن عني وعن زملآئي ف العمل :العيار:

وإقولكم تكفون شغلو لنآ ذآ اللي يسمونه التقييم :( / ترآنن مآحنآ مثل بعض هالعرب كل مشآركتن يطعزه ويقيمهآ :( / لآ والله مآحنآ بمثلهم ونكرهّ المجآملة كرهن جمآ :D حتىآ قآنونآ مآهوب بعيدن عن قآنون نيوتن التفآحه ههههههههه :D
قآنونآ ( لآ وإلف لآ للمجآمله , ف المجآمله تقتل الآبدآع) <ترآنن حتىآ إنآ عآلم مثل نيوتن ههههههههههههه :p

ويً السعد :)
الله يطول بعمرك ويسعدك يً حيي :)

ف إقولك من هذآ المنبر < ترآوه مآيعرف الآ هالكلمه هههههههه :D

كل مشكلتن توآجهن بجيك إقلك عشآن توصل المعلومه بشتىآ اللهجآت :p < ترآوه مآيذب خخخخ :D

لك مآبدي دفش لوه بس هو دفشني / :p

فتكو بعآفيه :122:

[][ سعد الرجه ][]

تصحيح لآخر شي قلته لأخوي الأطخم العيار << مب قردنه بس رفع معنويات ;)

لكن تعال يا حلو .. فيه شي ما جاوبت عليه .. الاستفسار !!

لقب كبار الشخصيات والنجوم اللي تحته .. في متصفح الاكسبلورر تطلع كلها إكسات

في الفايرفوكس ما تطلع أبد

والصحيح هو .. ان هذا كان الطلب موب الاستفسار
فمعليش .. أخوك انصمخ من كثر الشطحات .. وتشقلبت عنده الأمور :052:


وعلى فكره .. الحين فيه مشكلتن اخرى
استخدم الفايرفوكس .. والألوان مجيّمه ما تفتح << تحس إنه راعي ورشه :p

أظلل الحتسي وأختار أي لون من الصندوق كلها تعاند ما تطلع :confused:
ما فيه إلا الخال الأسود هو اللي متجاوب :o

وحتى ذا الاقتباس شوفة عينك .. عيا يزين .. صاير فيه حذفه وناشب في اليمين مع إني معطيه توسيط

يالله الخيره بس .. عسى موب صندوق المعاميل بدا يخبط؟! :110:






http://www.al-amakn.net/vb/uploaded/127_1238960884.gif


™ تشاوو .. يرحمكم الله

[][ سعد الرجه ][]

ههههههههههههههههههههههههه لا تعليق



خخخخخخخخ فاقدوووه
لين الحين وانت مضيع يومك داخلن تضحك الله يقطع ذا الكشره؟ :o

على كذا نفهم منك إنك ما عندك تعليق يعني ما فيه حتسي تقوله؟

وإلا لا تعليق يعني ما عندك مشاكل فى المنتدى؟! << وانت ناقص ذا الفاقد عشان يقلب راسك :09:


شكراً يا دب على الكركره وفقة الثم :D << ترجم




http://www.al-amakn.net/vb/uploaded/127_1238960884.gif


™ تشاوو .. يرحمكم الله

[صمت الجروح]

والله من خشيت الموضوع

نسيت وش انا داخلن له

من الضحك ع سواليفكم

ماصارت استفسار وحل مشاكا صارت استراحة للعزاب

خخخخخخخخخخخخخخخخخخخخخ

والله انكم توسعون الصدر حتى في سواليفكم لحل المشاكل

اما تعليقاتك يابو

<<سعد

نو كومنت

حدث ولا حرج

الله يبلغكم رمضان جميعا وانتم بأتم الصحه والعافيه


والمنتدى كله فيروسااات حسب علمي

والله يعينكم ويوفقكم


من خشت المنتدى وانا ابي اغير النك تبعي ماحد معطيني فيس

يمكن الاقي هنا واااسطه

ههههههههههههههههههههههههههههههههه


دمتم بود

[][ سعد الرجه ][]

سعد}~
هههههههههههههههههههه <<<بسسم الله علي من كثر مــآ ضحكت ^^
عجبتني ترجمة الكلمــآت
يعني يدقر معنــآتها يعلق والله كلمة غريبه بالنسبه لي
وتبينا نشدد ع القاف شكثر يعني >>>متاثره بالتجويد^^

اولــآ يسسلمك ربي ع الموضوع الخطنطر
اللي صدق كنت محتااجته
لــآن عندي نفسس المشااكل اللي ذكرتها الله يجزااك خير
بسس شكيت في جهــآزي وقلت اكيد بسس أأنــآ اللي عندي المشأكل هذي
بسس اطلعت عند الكل
واللي خلـآني اسكت اني اجووف شريط الاهدآءات مــآآشي والكل يقوم بارسال الاهدآت بسس ما يبين لي غير
اخر اهداء .. كل يوم .. اهداء غير
جــآن اقوم وادز ذيك الاهداء قلت يمكن يطلع عندي الشريط كاامل<<<مسويه اني ذكذك:)
الـآ ما جوف غير اخر اهداء وموب مــآلي وياليت كاامل نصه بعد ..~
وفي شي انا لاحظته اللي هو الخطووط مــآفي خط Tahoma
هذا الخط حبيب ألبي إلــآ ابيه يـآ ليت لو تجيبونه >>>حلوه تجيبونه
مششكور مره ثانيه
مــودتي




هلا بتس أختي نقاء


الله يديم الضحكه بقلبتس

وبسم الله عليتس صدز .. ايه انتبهي وأنا أخوتس ترى موب زين للواحد يضحك بلحاله :D

ويلومني كحيلان ولجين يوم يقولون فيه أحد ما يعرف يدقر :akn55: .. يالله سجلوا عندكم نقاء خخخخخ

ههههههههههه بالنسبه للتفحيط .. قصدي التشديد على القاف هو بكل ما أوتيتي من قوه لين تحسين لسانتس لزق في لهاتس ذيتس الحزه إطلدزيه وكملي :p

لا شكر على واجب يا نقيه .. والموضوع في النهايه يهم الجميع ولصالح المنتدى

كل ما تكثر الملاحظات .. كل ما عرفنا وين المشكله بالضبط
وكل ما يحلون المشاكل .. كل ما يستانسون الأعضاء لأنهم تخلصوا من التدقيرات وصاروا يشاركون زين
وكل يوم تعالوا :D

هههههههههههه أجل قلبتيها تجارب على شريط الاهداءات
شكله انتي اللي خليتيه يدقر صدز من كثر ما جربتي :o << بيشوشوهم عليها :052:

وإن شا الله تنحل مشكلة الخطوط وصندوق المعاميل بأكمله
الاخوان في الاداره شادين حيلهم الله يعطيهم العافيه عشان المنتدى يكون بشكل أفضل
وإن شا الله كلها مسألة وقت

مشكوره أختي على المشاركه الجميله ودعم الموضوع بالمشاكل اللي تواجهينها


يسعدتس ربي ويوفقنا وياكم في الدارين

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله

[][ سعد الرجه ][]

سآلخير http://www.7ala-ksa.com/vb/images/smilies/2/315.gif

يً السعد شحآلك يً عزوتي http://www.7ala-ksa.com/vb/images/smilies/biggrin.gif

كل ذآ طعزتن فيذآ...إحآول إرد’ إكون مآشّ.. موش مروق بتآتن البتهّ http://www.7ala-ksa.com/vb/images/smilies/biggrin.gif

هالمره شفتن فآضي وشآرب توفيّ موكآ :العيار: قلت خنن إرد وإضيف مشكله يمكن نآسيهآ إو يمكن عندنآ يً البردقآني لحآلنآ :العيار:

ف من هذآ المنبر حبيت إقلك ثكراً :D لآنك فتحت المجآل لي ولغيري :D

والمشكله هيَ إن التقييم مآيتغشل عندنآ :o / يإخي مدري وش حيثنآ عن الآخرين المشرفين والمشرفآت :( / الفرق ’السمعه مثلاً’ :D / ترآنن حتىآ نحن سمعتنآ طيبه ولله الحمد والمنْهّ :D / وإن تسآن الللون مثلاً :o "ترآ قسم بالله لوننآ حلو بالمره " < تذكر’ يالبرتقآله عذبتي حآله هههههههههههههه :D

ومن هذآ المنبر حبيت إوصل صوتي نيآبتن عني وعن زملآئي ف العمل :العيار:

وإقولكم تكفون شغلو لنآ ذآ اللي يسمونه التقييم :( / ترآنن مآحنآ مثل بعض هالعرب كل مشآركتن يطعزه ويقيمهآ :( / لآ والله مآحنآ بمثلهم ونكرهّ المجآملة كرهن جمآ :D حتىآ قآنونآ مآهوب بعيدن عن قآنون نيوتن التفآحه ههههههههه :D
قآنونآ ( لآ وإلف لآ للمجآمله , ف المجآمله تقتل الآبدآع) <ترآنن حتىآ إنآ عآلم مثل نيوتن ههههههههههههه :p

ويً السعد :)
الله يطول بعمرك ويسعدك يً حيي :)

ف إقولك من هذآ المنبر < ترآوه مآيعرف الآ هالكلمه هههههههه :D

كل مشكلتن توآجهن بجيك إقلك عشآن توصل المعلومه بشتىآ اللهجآت :p < ترآوه مآيذب خخخخ :D

لك مآبدي دفش لوه بس هو دفشني / :p

فتكو بعآفيه :122:




يالله إنك تحيي أخوي جرح عابر :D << ما وده يقول قلبت روسنا بتغيير اسمك :052:


أنا بخير عساك بخير يا بعدي

تصدق إنك ذكرتني بفيلم المتسول لعادل إمام يوم سيد زيان ينـتـّع في حرف السين :p
أجل وش اللي سالخير .. وفوتكو بعافيه :110:

وإلا هذي :

لك مآبدي دفش لوه بس هو دفشني

ما ودك أروح ألبس بنطلون غوار .. وأجي وأقول خلووووها لك العمى :dtj: << يحسبها قصيدة دبكه بيمسك الصف :8b48593a21:

انت وش نوحك يا رجل؟ .. تشربكت أمورك مابين حتسي عيال النيل .. وأهل الشام .. لا وطايح في الموكا التوفي
الله يالدنيا بعد البقل موكا :p

نرجع لمحور موضوعنا .. الله يلخبط عدوينك خليتنا نشطح برا المنتدى بكبره مو الموضوع بس

والمشكله هيَ إن التقييم مآيتغشل عندنآ :o / يإخي مدري وش حيثنآ عن الآخرين المشرفين والمشرفآت :( / الفرق ’السمعه مثلاً’ :D / ترآنن حتىآ نحن سمعتنآ طيبه ولله الحمد والمنْهّ :D / وإن تسآن الللون مثلاً :o "ترآ قسم بالله لوننآ حلو بالمره " < تذكر’ يالبرتقآله عذبتي حآله هههههههههههههه

ههههههههههههههه لا الفرق مب السمعه بس .. الفرق حتى في الامكانيات والطخمه لها دور

وش دخل السمعه .. بتخطب انت؟ :110:

شف وأنا أخوك .. المسعله وما فيها .. إنكم إنتم يا أهل البردقانه حالتكم حاله .. مثلنا يعني .. ألوان زبرقه بس :D

عارف المهايطيين اللي يجون مشخصين ببشوت جنب المسئولين ويزاحمون خلق الله في أي اجتماع والا افتتاح .. ولا يدرون وش الطبخه
ترانا زيهم .. مشخصين بس ما عندنا الا الدجه .. لا صلاحيات ولا استشاره ولا حل ولا ربط

لو تقترح اقتراح محد جاب خبرك .. لين ياخذ اقتراحك عضو إداري ويملحه ويبهره .. همن يقبلونه تسان اقتنعوا

ذكرتني ببعض المدراء .. لين كتب موظف عنده تقرير قوي وإلا جاب اقتراحات جديده .. قال تحفظ .. ويروح من وراه ويحطها بإسمه :confused:

عشان تسذا .. حدنا بس نحط الحره فيهم .. وندور أي شي فيه ملاحظات وننتقده :157:

وأتوقع والله العالم .. إن التقييم صار مقنن ومحصور في المنتسبين للطاقم الإداري
عقب ما تناثرت ذا النجوم يمين ويسار تسنها فصفص في مخبا مشقوق .. تلقاه بكل متسان :p


وإقولكم تكفون شغلو لنآ ذآ اللي يسمونه التقييم :( / ترآنن مآحنآ مثل بعض هالعرب كل مشآركتن يطعزه ويقيمهآ :( / لآ والله مآحنآ بمثلهم ونكرهّ المجآملة كرهن جمآ :D حتىآ قآنونآ مآهوب بعيدن عن قآنون نيوتن التفآحه ههههههههه
قآنونآ ( لآ وإلف لآ للمجآمله , ف المجآمله تقتل الآبدآع) <ترآنن حتىآ إنآ عآلم مثل نيوتن ههههههههههههه

أول شي اكتب حتسيك هذا في معروض وحطه في ملف علاقي وإمسك سرا :D

تصدق رحمتك .. ولو تسان عندي خاصية تقييم تبرعت بها لك ;)

المجامله موجوده .. وإذا مو عندك عند غيرك .. ويا ما قلناها ورددناها .. لكن ما بوه فايده :confused:


الله لا يهينك يا غالي .. على سدح مشكلتك بهذه الروح ومن القلب للقلب :157: .. والحين تقدر تنزل من هذا المنبر :p
على الأقل مؤقتا لين تجيب مشكلتن اخرى .. والله يحييك بكل حزه .. ولا تنسى تجيب معك الموكا بشرط تعطينن مزه ;)



يسعدك ربي ويوفق خطاك يا قميل :)

تحاياي ودعواتي



http://www.al-amakn.net/vb/uploaded/127_1238960884.gif


™ تشاوو .. يرحمكم الله