بدر عليان
03-08-2010, 04:59 PM
يسعد مساكم ..
هذي أبيات عن موقف حصلي لي وأنا مسافر وطبعآ كل شي موضّح من خلال الأبيات ..
الله وأكبر يبو متعب وسبحان=سبحان من سوّى العيون الحزينه
البارحه سايح ونا في بلودان=وشد إنتباهي منظرن بالمدينه
شارع به الشّعب الخليجي ومليان=حفلات مع وضع إنعدام السّكينه
ومقهى به العالم من اشكال وألوان=بناتن إتشيّش وأغاني حزينه
كلّن معا خلّه سعيدن وفرحان=ناسن تعبّر عن مشاعر كنينه
دخلت للمقهى على ساس خرمان=في شارعن ياخوك ياقل طينه
طلبت لي شيشه معا كوب رمّان=وراسن تجيب الراس تفّاحتينه
جلست أشيّش وآتأمّل وطربان=وأبطيت أقلّب بالجروح الدفينه
فجأه ونا ببحور الأحزان غرقان=صدفه قبال العين مرّت سفينه
شفت الغنوج اللي تلفّت بالأعيان=ولا دريت إلاّ وعيني بعينه
خذيتلي ساعه ونا آخوك حيران=هذي بشر ولاّ القمر جايبينه ..!
إسمه على شكله ولاني بغلطان=زينه ونا اشهد ياعرب حيل زينه
وهرجه مع إخته علّمن بأي الأوطان= من اهل الكويت الغاليه والأمينه
حلوه ولكن سلك الإحساس عطلان=وماهي بتدري بالخفوق وونينه
لاهي خذتني من محيطات الأحزان=ولاهي بردّت عن يديني يدينه
خلّتني إمعلّق ونا حيل شفقان=تلّت إعروق القلب وأرخت عرينه
راحت ولاهي علّمتني بعنوان=وحال القدر والبعد بيني وبينه
طلعت تايه وإمتضايق وطفشان=وقلبي غدى هم المفارق قرينه
ماشفت مثله [ بالعلاوي وبرزان ]= والشام كلّه لاشمال ويمينه
صارت لي الزينه على مر الأزمان=ذكرى ترد الرّوح ياحان حينه
شفته يبو متعب على حد لبنان=وضيّعتها يامير وسط المدينه
عساك يابلودان في غر الأمزان=وسقى الله أيامن قضت في سنينه
وسلامتكم ..
*العلاوي=سوق في مدينة رفحاء
برزان=سوق في مدينة حائل ..
هذي أبيات عن موقف حصلي لي وأنا مسافر وطبعآ كل شي موضّح من خلال الأبيات ..
الله وأكبر يبو متعب وسبحان=سبحان من سوّى العيون الحزينه
البارحه سايح ونا في بلودان=وشد إنتباهي منظرن بالمدينه
شارع به الشّعب الخليجي ومليان=حفلات مع وضع إنعدام السّكينه
ومقهى به العالم من اشكال وألوان=بناتن إتشيّش وأغاني حزينه
كلّن معا خلّه سعيدن وفرحان=ناسن تعبّر عن مشاعر كنينه
دخلت للمقهى على ساس خرمان=في شارعن ياخوك ياقل طينه
طلبت لي شيشه معا كوب رمّان=وراسن تجيب الراس تفّاحتينه
جلست أشيّش وآتأمّل وطربان=وأبطيت أقلّب بالجروح الدفينه
فجأه ونا ببحور الأحزان غرقان=صدفه قبال العين مرّت سفينه
شفت الغنوج اللي تلفّت بالأعيان=ولا دريت إلاّ وعيني بعينه
خذيتلي ساعه ونا آخوك حيران=هذي بشر ولاّ القمر جايبينه ..!
إسمه على شكله ولاني بغلطان=زينه ونا اشهد ياعرب حيل زينه
وهرجه مع إخته علّمن بأي الأوطان= من اهل الكويت الغاليه والأمينه
حلوه ولكن سلك الإحساس عطلان=وماهي بتدري بالخفوق وونينه
لاهي خذتني من محيطات الأحزان=ولاهي بردّت عن يديني يدينه
خلّتني إمعلّق ونا حيل شفقان=تلّت إعروق القلب وأرخت عرينه
راحت ولاهي علّمتني بعنوان=وحال القدر والبعد بيني وبينه
طلعت تايه وإمتضايق وطفشان=وقلبي غدى هم المفارق قرينه
ماشفت مثله [ بالعلاوي وبرزان ]= والشام كلّه لاشمال ويمينه
صارت لي الزينه على مر الأزمان=ذكرى ترد الرّوح ياحان حينه
شفته يبو متعب على حد لبنان=وضيّعتها يامير وسط المدينه
عساك يابلودان في غر الأمزان=وسقى الله أيامن قضت في سنينه
وسلامتكم ..
*العلاوي=سوق في مدينة رفحاء
برزان=سوق في مدينة حائل ..