بيسان
06-10-2010, 09:41 PM
الفقر: عرش الحزن، والجوع: تاجه
والليل عرشي والقصايد رعاياي
يا كثر ما تقصر ثيابي - لحاجه -
ويا كثر ما تثري الحيارى عطاياي!!
وجذع النخل محد يعيب اعوجاجه
وانا بعد ما عابني ضيق مخباي
والصبح - لا فض الظلام انبلاجه
يفتح شبابيك الأمل، في زواياي
واتعلّم من الريح معنى المواجه
واستلهم رماحك بصدري: يا ذكراي
والحزن: ينبت في عروقي خراجه
يجثم على صدري.. ويكسب محيّاي
والهم يعلن في عيوني رواجه
والاآآآه: تحرق كل غصن بحناياي
والضيق لو طوّل علي انفراجه
لازلت اشيل احلامي لـ / عمري الجاي
لعيون: صالح / ودلعه / واختلاجه
وخدوده اللي - طهرها - في شفاياي
لا قال : (بابا - وهو يأشر لحاجه -
أمانه اشترها لي) تضييق دنياي
ولا قال - والحسره تكدّر مزاجه -
كم عيد مر،، ولا فرحت بهداياي)؟
وارخي تعب رمشٍ لظى الهم هاجه
وتسولف العبره بجفني - تقل ناي..
.. كنّه يفضفض للجفون انزعاجه
يسرد تفاصيلي،، ويعزف حكاياي
لبيه ياللي قطر فمّه مجاجه
لا من نفخ في كاستي يْبردّ الشاي
في لثغته سكّر / ودبس / ولزاجه
لا تمتم لسانه - وهو يسكب نداي -
وعلّمني ابكي بس لـ / اجل ابتهاجه
وعلّمني اضحك بس لا صار وياي
علّمني ان الحزن: طيش وسذاجه
لا نام باحضاني، وصحّى بقاياي
وعلّمته ان قصرت ثيابي - لحاجه
كيف اثري عيون الحيارى بعطاياي!!
خالص ودي لـــــــــــكم.."
والليل عرشي والقصايد رعاياي
يا كثر ما تقصر ثيابي - لحاجه -
ويا كثر ما تثري الحيارى عطاياي!!
وجذع النخل محد يعيب اعوجاجه
وانا بعد ما عابني ضيق مخباي
والصبح - لا فض الظلام انبلاجه
يفتح شبابيك الأمل، في زواياي
واتعلّم من الريح معنى المواجه
واستلهم رماحك بصدري: يا ذكراي
والحزن: ينبت في عروقي خراجه
يجثم على صدري.. ويكسب محيّاي
والهم يعلن في عيوني رواجه
والاآآآه: تحرق كل غصن بحناياي
والضيق لو طوّل علي انفراجه
لازلت اشيل احلامي لـ / عمري الجاي
لعيون: صالح / ودلعه / واختلاجه
وخدوده اللي - طهرها - في شفاياي
لا قال : (بابا - وهو يأشر لحاجه -
أمانه اشترها لي) تضييق دنياي
ولا قال - والحسره تكدّر مزاجه -
كم عيد مر،، ولا فرحت بهداياي)؟
وارخي تعب رمشٍ لظى الهم هاجه
وتسولف العبره بجفني - تقل ناي..
.. كنّه يفضفض للجفون انزعاجه
يسرد تفاصيلي،، ويعزف حكاياي
لبيه ياللي قطر فمّه مجاجه
لا من نفخ في كاستي يْبردّ الشاي
في لثغته سكّر / ودبس / ولزاجه
لا تمتم لسانه - وهو يسكب نداي -
وعلّمني ابكي بس لـ / اجل ابتهاجه
وعلّمني اضحك بس لا صار وياي
علّمني ان الحزن: طيش وسذاجه
لا نام باحضاني، وصحّى بقاياي
وعلّمته ان قصرت ثيابي - لحاجه
كيف اثري عيون الحيارى بعطاياي!!
خالص ودي لـــــــــــكم.."