أنتم حاسين با الوضع ولا لأ ..؟؟ (( ياليت الكل يدخل )) .

[عنوود]

السلام عليكم ورحمة الله وبركاتة ..
سؤال للإدارة ..
الحين انتم من صدزكم :eek: ؟؟؟؟ .. لا والله خربت الدعوة ..
وش ها النكات المخيسة اللي ما لأم أم أمها داعي اللي مرتزة ..

مير كل يوم والثاني جاك نك أردى وأردى من اللي قبله ..؟؟


قسم با الله يعني .. تحوم تسبدك يا اللي تقراهن .. وش ذا ؟؟ قطع ..


قسم با الله قمة الإنحطاط مير خاف ربك واتق الله يا اللي تحطهن .. انت ماتستحي على خشتك .. فيه غيرك با المنتدى مهوب بس أنت اللي مرتز لحالك .. ياخي ترا حنا مسلمين وانت مسلم ..
((والمسلم من سلم المسلمون من لسانة ويده )) .. يرحم والدينك أتق الله ..



مير من اول وش زينكم .. الحين مدري وش جاكم .. اللي عقل .. واللي راح ماندري وينه .. واللي هج ..
وانواع الزلايب .. قسم با الله ترا حركة الزلايب هذي مالأم أمها داعي .. ياالله حسن الخاتمة ..

[صمونه]

أضم صوتي لصوتك يا عنوود وأنا معاك في كل كلمه قلتيها وكلامك صحيح 100\100

والساكت عن الحق شيطان أخرس وحنا لازم مانسكت ونكون ضد هذي المهزله ...

والرأي الأول والأخير لأدارة المنتدى اللي هم أكيد شايفين وحاسين باللي يجري بالمنتدى هالأياام

[سكون]

استغفر الله

وانا مع عنود

[abud3d]

وانا معكم جميع

والله هالشي اللي يصير عيب ومن اشخاص كنا نتوقعهم ارقى من هالتفاهات التي نشوفها

وهالامور التي كتبت لم تكتب من فراغ انما كتبت لتنفير الاعضاء من المنتدى او

تنفير اعضاء محددين واخراجهم من المنتدى

لكن ما اقول الا حسبي الله ونعم الوكل

لكن بتوكلنا على الله ثم بتوكلنا على انفسنا سوف ننهض بالمنتدى الى الافضل

الان تم حل المشكلة وان شاء الله ما تشوفون اي نك سئ

اكرر اسفي نيابه عن ادارة المنتدى وعن اعضائه

فتقبلوا اعطر التحيا مني انا اخوكم شمالي

[سكون]

ما يستحون على انفسهم

و عقول صغيرة

ان شاء الله نشوف المنتدى يتطور والاعضاء يزدادون


ونزيل الاعضاء الحاقدين


بأذن الله

[غطاشان]

السلام عليكم ورحمة الله
الحقيقة انا معكم في كل شيء
والبارحه كدت ان انزل نوضوع في هذا الكلام
الذي وقفت عليه بنفسي واعرف المدعويين بالموضوع جيدا
وقد خرجوا عن الاخلاق وكل هذا كان واضح مع اسماء التسجيل
وبدأت بينهم بسيطه ثم دخلوا في كلام غير لائق واحتراما للقرايء لا يمكن انت اكتبة
وسبق وان وجه لي من اخي القدير شمالي توجيه خاص في مشكله ماضيه
وتقبلتها بكل صدر رحب لأن كلنا نخطي ويجب علينا الاعتراف بالخطأ
وكتبت موضوع بذلك واعترفت فيه بالخطأ والحمد لله
عموما انا اتيت اضم صوتي الى صوتكم
برغم من اني لست بذلك الكاتب الكبير او من يكون له ثقل بمنتداكم
لست اللا اسم بسيط استفيد من هذا المنتدى الذي هو مستفيد منكم
اخواني الاعزاء
لي طلب عندكم بأن ننسا ما حصل من كل شخص
وتتصافا القلوب ونبدأ صفحه جديدة
واول طلب لي عندكم انت
تعفو عن الكاتب مفتاح الصلصه
لكي يعود بيننا اخا عزيزا علينا

احبتي في الله
الشيطان حريص على كل ما يضر بالمسلم
يدخل علينا حتى في صلاتنا فكيف في نفوسنا
هيا نلملم الشمل وهذا ما عودتنا عليه إدارة خبزة نت


ولا انسيى ان اطلب من الاعضاء
الاكثار من الردود والمشاركات الفعالة
لأني ارى هناك ركود في المنتدى
وارى مواضيع تطرح وكثرة الزوار اكثيرة دون رد


ولي عودة معكم احبتي

مع تحيات
الكاتب الكبير الذي سوى وفعل وشال وحط
واخذ جوائز مدري من وين ومن وين ونال شهادة هذيك مدري اش اسمها
الكاتب الذي جفت منه المحابر وتكسرت لأجله الاقلام وغلق الدفاتر من المكتبات


غطاشان

[عنوود]

صمونة وسكون ..

بعدي والله قدها وقدود .. :cool:

إلا سكون وينتس انتي من زمان عنتس يا الدوبية ،،،545

[عنوود]

شمالي ..

يعطيك العافية .. بس كلمة تقال في حقك ..

والله أنك والنعم :cool:

[عنوود]

غطاشان ..

الله يعطيك العافية .. وازين مافيك رحابة صدرك ..
وبعدين وش ثقل ماثقل ..
تولموا بس اها بس اها .. :confused:

بعدين أنت يا انك عضو قديم .. أو قديم عضو .. :cool: ..خخ خ خ .. >>== خفة دم وملح زايد :D

معد ورا بس .. إن شاء الله تشوف اللي يسرك :cool:

[هنيدي]

عنووووووووود

تحية واحترام لشخصك الكريم

تشكرين على شعورك الطيب تجاه المنتدى والمتواجدين فيه

اعتذر عن سؤا ألسلوك اللي حصل من بعض الاعضاء نسئل الله لهم الهدايه المشكله

انهم كبار في السن ما هوب صغيرين لو صغاركان الواحد يقول ما عليه

وهذا شي يحزفي الخاطر

لكن ازمه وقدرنا نتجاوزها وكل المنتديات يصير فيها مثل ها الشرذمه الوقحه

والواحد يرجع لتربيته اذ كان تربيته صح يقدر ينتقي الفاظه ومسمياته

تم تعديل خاصية التسجيل

لكم كل الشكر على تفاعلكم واهتمامكم

[شـاهين]

بسم الله الرحمن الرحيم

السلام عليكم ورحمة الله و بركاته

امس و بالصدفه دخلت المنتدى و لقيت اسامي مسجله اعوذ بالله من ذكرها

و عذراً ( قفلت المنتدى و نظفت أكثر من 9 أسامي و رجعت و فتحته )

و اي خدمات تحت امركم

سلام

شاهين اخوكم

[abud3d]

نشكرك اخ شاهين على تواجد
وابشرك المشكلة تم حلها يوم 16/4/2005 وتم التحكم بالتسجيل وجعلة غير ممكن الا بموافقة الادارة
وتعبئة نموذج مرفق
وكما تلاحظ انه اخر عضو سجل بإسم غير لائق كان يوم 16/4/2005 الساعة 3:31م
وتم تغييره الى ( kajwal )

وان شاء الله الامور ممتازة بتواجد اخواني في الادارة وعلى رأسهم اخوي هنيدي

وكما قلت سابقاً



الان تم حل المشكلة وان شاء الله ما تشوفون اي نك سئ

اكرر اسفي نيابه عن ادارة المنتدى وعن اعضائه

فتقبلوا اعطر التحيا مني انا اخوكم شمالي

[شـاهين]

حتى لو تم التحكم بالتسجيل وجعلة غير ممكن الا بموافقة الادارة

وتعبئة نموذج مرفق

لو احد سجل باسم غير لائق راح يطلع قدام العالم

[دموع الورد]

كل هذا صار بغيبي ليه ما احد بلغني

مهما صار ومهما حاولوا يخربون خبزة نت

ما راح يقدرون لان خبزة معرووفه بتكاتف

اعضائها ومشرفينها والكل هنا معرووف

يكفي حرص الادراة واستجابتها لكل كبير وصغير هنا

الله يحميك يا خبزة وتضلي لنا على طوول

شكر لادرتنا الغاليه على حرصها


تحياااتي...دمووع

[غطاشان]

غطاشان ..

الله يعطيك العافية .. وازين مافيك رحابة صدرك ..
وبعدين وش ثقل ماثقل ..
تولموا بس اها بس اها .. :confused:

بعدين أنت يا انك عضو قديم .. أو قديم عضو .. :cool: ..خخ خ خ .. >>== خفة دم وملح زايد :D

معد ورا بس .. إن شاء الله تشوف اللي يسرك :cool:


الله يتممك بعقلك

[عنوود]

8
8
8
8
ههههههههههههههههههههههههههههه

الله يسلمك وينك عن ها الدعاوي من زمان :D ايه والله احد يعاف العقل عاد :p

المهم ماقصرت على المرور

[عنوود]

والله كلكم قدها وقدود ..

تسذا ولا تسذاك .. جبتوها الله يشرح صدوركم ..

ولا العضو تراو واضح من الأسلوب ..

بردتو قلبي بردودكم الله يبرد على قلوبكم دنيا وآخره :D ..
موية زمزم آمين ..

المهم الله يوفدزكم وجعل عيني ماتبتسيكم ابد :p يالاعضاء والعضوات كل ابوكم وبدون استثناء .

قضى الحتسي مار .. حشا ماصار رد .. لا احد يشرهه ..

وفمان الله

[غطاشان]

8
8
8
8
ههههههههههههههههههههههههههههه

الله يسلمك وينك عن ها الدعاوي من زمان :D ايه والله احد يعاف العقل عاد :p

المهم ماقصرت على المرور


انت قصمنجيه لاند هههههههههه
الله يكفينا شرك :العيار: