ماهوب كـــــــــــفو الوقت حبك يمحيه{{ بن فطيس

[عشقي عيونك]

http://www.up.qatarw.com/up/2010-11-13/qatarw.com_624998393.png








ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه
ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه
حبـك علـى رملـة خفوقـي مواطيـه
ورياح عذلني عنك مـا تمسـح خطـاه
واللي يعـذل القلـب عـن درب غاليـه
الله بمـا يـبـلا الموالـيـف يـبـلاه
اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه
مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه
شـرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه
وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه
لا تنزعـج هـذا خفـوقـي وباقـيـه
ولا تضايـق مـن تصـدع زوايــاه
قـد زلزلـه فرقـا وهـزت عراويـه
والله ستـر والحـظ عـانـه وعـافـاه
وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه
ابغيـك بـس مـن المفـارق تداريـه
وازهل من يـداري شعـورك ويـدراه
وحلـل وحـرم فيـه يابـرك بلاويـه
وحلّه وراع رضاي ورضاك ورضـاه
جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه
انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه
ولا انت ردك كل ما ادعيك.. (( لبيـه))
انشهـد ان منتـوا بفيعيـنـي اشـبـاه
منت بمع العالم ولا تقـول لـي.. ليـه
انت ادرى منـي وش جوابـي وفحـواه
كذيـه... ومـن الله يـازيـن والـيـه
واغلا طـروش القلـب ودواه مـن داه
الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه
اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه
واسمـك يروعنـي الـى مـر طاريـه
واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه
تبغي تلـف ويستحـي العقـل والجـاه
وصلك يخيط الصـدر والبعـد يفريـه
ويابري حالـي كـان صديـت بريـاه
ويلي علـى ادري حبنـا ويـش تاليـه
وويلي على ادري وش ورى الغيب ويلاه
عشـان اشـوف اذا محبتـك ..ترفيـه
والله لا اقفي عنّـك....... واستغفـر الله




http://dc233.4shared.com/img/3vZvowDD/s3/47_online.png

[آهـــآآآت]

عشقي لـعيونــك دلعها غير
ابداع منقطع النظير صنعته هنا لوحدك
وجدت هنا كلمات منارة بضوء الاناقة
كنتي موفقة في التعبير عن نصفك الاخر
هذا ان فهمنا ان الامك هي نصفك الاخر
ربي يعطيكي العافية لا عدمناكي
دمتي بود وكما تودين ودمتي بخير
تحياتي وسلامي لكي
سلاااااام

[admin]

انا اشهد انه شاعر بن فطيس
وهذي من اجمل القصائد الي سمعهتا

تسلم الايادي على هالاختيار الذوق

يخليتس ربي :)

[عشقي عيونك]

آهآت تسلم يالغالي ماقصرت
اسعدني مرورك كثير
لا تحرمني طلتكـــــــ

[عشقي عيونك]

العيآر
الله يسلمك يارب
ماقصرت
لا تحرمني طلتك

[بيسان]

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه
تسلمين لنا ويسلم ذوقك يالغلا..
خالص التحايا لروحـكـ

[•• мš. ấหốŭď | ▐|✿~]

][ عُشْقِي عُيُوْنِك..’
آخْتِيَار فَخْم ل شَآْعِر كَبِيْر
مِن أَرْوَع آَلَقَصَآئِد وَأَجَمّلِهَآ
يُعْطِيَك آَلِعَآفّيَه
بِشَغَف لِجَدِيْدِك
شَتْائل اليَآسِمين لكَ http://vb.eqla3.com/images/smilies/rose.gif

[عشقي عيونك]

سكرة عشق
اللهـ يسلم روحك يالغاليه
ماقصرتي

[عشقي عيونك]

عنووودهـ
لبى روحك
اسعدني تواجدك كثير
لا عدمناكــ يالغاليه

[فتى حائل]

عشقي عيونك

يعافيك ربي على الأختيار الرائع أبدعتي بأختيارك

لكي ودي دمتي بألف خير .

[ارجوان]

حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه

عشقي عيوونك

الله عليك اختيار رائع للمبدع ابن فطيس

يعافيك ربي
ودي

[عيون طفله.]

صح لسان بن فطيس
وتسلم يمينك
دمتي بشذى العطر
المميز الذي يرافقك
لقلبك كل السعاده.،

[الورده الخجوله.)]

عشقي عيونكـ
يعطيكـ العافيه على الذائقه العذبه
ننتظر جديدكـ بشغف
لاهنتي ولاهان فكركـ..

[الفراشه الزرقاء]

إنتقاء عذب
صح بوح شاعرها
وصح ذوقكـ في الإختيار

يالغلا