الـعـفو مـنت بـ كـفـو ( فـي الصـميـم ) [الأرشيف]

فقدتك

20-11-2010, 11:03 PM

السلام عليكم ورحمة الله وبركاته

اسعد الله صباحكم باليسر والمسرات

كيف الحال ع الجميع وكل عام وانتم بخير يارب

بدون اي مقدمات ولا تنميق في الكلام ابي ادخل في صلب الموضوع مباشرة

واتمنى من كل شخص يدخل هنا وفي خاطره يناقش لابد يكون كلامه واقعي وصريح

بعيد كل البعد عن المجاملات او الحياديه لفلان او الاخر ..

هذا شي .. والشي الثاني موضوعي اليوم ختلف عن كل مواضيعي السابقه

باختصار موضوعي يتكلم عن ( وضع الشي في غير موضعه )

تقولون وشلون .. مافهمنا علييييك

اقول لكم :
وش يذبح الرجال غير انه يشوف .. اخس خلق الله ياخذ مكانه

يعني .. في عالم النت < وتحديدا المنتديات وقلـة المنتديات لانها مكان راقي

اكثر من الشات او المدونه او المواقع الفرعيه الاخرى ..

بحيث ان المنتدى يجمع اكبر شرائح الشعب من جميع الفئات والاعمار

ويكون نظام تواجد العضو بالمنتدى تواجد شبه رسمي < بغض النظر عن الظروف

الظروف اللي تجبر بعض الاشخاص عن الابتعاد عن < المنتدى لاسباب خاصه ..

فبعض الاشخاص ذولا < يترك المنتدى عشان ظروفه العائليه ..

والبعض يترك المنتدى بسبب < عدم ارتيـاحه للاعضاء .. بسبب الميول والمجاملات

واخطر شي لما تلقى شخص < مبــٌدع بالفطره وكل يوم يـبـي يـثـبـت تواجده ..

ينصدم في < تراكمات احقاد من قبل ( مسؤول ) الموقع الفلاني عليه شخصيـاً !!

يسال نفسه ليييه الاخ في الله يكرهني < رغم انـي احاول ارضي الاعضاء بالطرح ..

ليييه يحاول تطفيشي بـتصرفاته < كنقل مواضيعي لاقسام اخرى ..

ليييه يـنرفـزني بــ إهدآء أشخـاص معـيـنيـن ويـسفهـني ..!

ليييه يـرد على أغلـب الـموآضيـع ويـتـرك مـجمـل موآضـيـعي وكـ أنـي الـمقـصـود ..؟

ليييه يحاول يثبت لي انه الصح في كل شي ،، بينما انا شخص مخلوق عشان اخطي فقط !!

اسئلة كثير تدور في بال ،، العضو المتهالك < الذي يحاول المسؤول الفلاني ( سلب خواص إبداعه )

وانا اتحدى لو كان < المسؤول يقدر يسلب حقوق الابداع داخل روح هذا العضو بـالنقاش !!

لايمكن له سلب حقوق الاعضاء الراقين < الا من باب ( انا وبس ) والمكان مكاني !!

وانتم مجررد اعضاء .. لاتهشون ولاتنشون ؟
طيب ياخي ليش تسوي كذا < وتـحط نفسك في مواقـف بايخه جدا !!

ماتلاحظ اني بين يوم وليله اقدر اسوي لي موقع < خصوصا ان المواقع الحين يابلالالالاش

صاروا البزران كل شوي اسمع بزر مسوي له موقع دامها صارت ماتتجاوز < 300 ريال ؟؟

شي غريب .. ان الانسان لما ربي يرزقه بالاعضاء الراقين والمبدعين ؟

مايحاول انه يتعامل معهم بالتي هي احسسسسسن ؟

ويقول ربي لك الحمد انك وهبتني اعضاء راقين وناس كلهم ذرابه وذوووق ؟

لابد ينكد عليهم < ويخليهم يكرهون ويسبون اليوم اللي عرفوا فيه النت كله ..

شعور غريب .. والاغرب حكايه ودي افهمهــااا ؟

ليش < مايكون فيه نظــام صارم .. زي مايصير في ( الانتخابات البرلمانيه )

وهو نظام التصويت < التصويت للشخص المناسب لتولي المهمه والمسؤوليه ..

طالما ان الشخص الموجود حاليا على كرسي الرئاسه ليس / كفـوووو للمهمه .. يبدل بغيره

<~ طبعـاً أنـآ أتكلم عن المنـتـديـآت كـ كـل ..)

شي حلو يطبق هذا النظام في النت .. وخاصه بالمنتديات العامه ..

بغض النظر عن حكاية ان فلان .. هو اللي :
تعب في الموقع الين وصله للمكان هذا ..

ولو رجعنا للاصل < وجووووده وعدمه واحد ..

بينما الفضل في وصول المنتدى للقمة .. هو وجود اعضضاء راقين ..

جُـل هـمـهم رفعـة وسـمـو شعـار الـمـنـتـدى ..

والا انت وش سويت < عشانك تدفع ( لشركة الاستضافه ) كل سنه 200 ريال

تبي تسوي للخلق ازعـاج وعلى الروحه والـجـيـه ..!؟

حلالي وحلالي وانا راعي المكاااان وانتم ولاشي ؟

نرجـع لـ سـالـفـة .. الانـتـخـابـات ..

تخيلوا لو نسوي موضوع عام .. فكرة الموضوع ان كل فتره مدتها 6 اشهر على الارجح ..

طوال الست الاشهر ذي .. يكون فيها مدير للمنتدى < ومعه طاقم الاداره

يعني انا ارشح فلان وغيري يرشح فلان .. بشرط تكون الترشيحات مغلقـه ..

يكون الموضوع في قسم خاص للترشيح < كقسم الشكاوي محد يشوف الموضوع الا كاتبه ..)

والاداره تشكل لجنة خاصه عشان التصويت لمدير المنتدى في الفتره الجايه وطاقم الاداره ..

واللي يحصل على اكثر نقاط تصويت يستلم ادارة الموقع خلال الست الاشهر الجايه ..

شرط ان الترشيح مايكون الا من الناس اللي لهم بصمة واضحه في المنتدى

يعني مايجي عضو من الشارع ويقول ارشح فلان < كذا نبي ندخل في منعطف اخرر ؟

لابد من شروط التـرشيح ان العضو لابد يكون سبق وثبت نفسه واسمه في المنتدى بكافه الاقسام

ويكون عضو مشهود له من قبل كل الاعضاء انه انسان صريح وصادق مع الكل وطيب المعامله ..

وبكذا احس ان كل منـتـدى يـطبـق هـ الـنـظـام :

{ رح يـصـيـر مـنـتـدى رآقـي وديـمـقـرآطـي }

وليس منتدى فاضي بادارة شخص < مهــاايطي ..

يطول الكلام .. ويقصر والموضوع قلته بـ " صـريــح الـعـبـارة "

واتمنى من كل شخص يدخل لـ الـمـوضوع انـه يـنـاقـش بـ أسـلـوب حـضـاري ..

وبـكل شفافيه ووضوح بعيد عن المهاترات الزائده

والـكـلآم الـمـحـشـو بـ الـمـجـامـلـه والـنـفـاق ..!

..