ابن معلا
17-12-2010, 02:05 AM
السلام عليكم ورحمة الله وبركاته
مساكم -صبحكم الله بالخير
قصيدة حلوة تلامس مشاعر راعين الوعول
ودي اسج البر وابعد عن الناس 00وابعد عن اجناس كثير خطاها
وادوج في قفرية مابها اوناس 00 محدن من الاجناس قبلي وطاها
من فوق جيب لا سرى البال واحتاس00اركب واطش غطاي عزبه وماها
وحديدة مطعومها يفقش الراس00زيتي ومحرق كلهن في حشاها
والف على ابو حمود يا شبه قرناس00نفسي ترا يالقرم تتبع هواها
يفهم معان الهرج ويقول لا باس00يابو راكان الرجل هذا دواها
نسري بليلن ماتجي العين بنعاس00سروى على ضو القمر ياحلاها
حتى نجي في تلعة توحش الراس00بين الهضيب اللي زما في سماها
ونسوي الفنجال نقعد بها الراس00وبراد معه حنينة ما وراها
والصبح نجدع مالبسنا من لباس00 ونلبس هذاريم تليق بخلاها
ونمشي وكلن مهتوي الصيد ياناس00واطياب كان انه يذعذع هواها
وليا صبينا فرعة مابها اوناس00 كود النواخس والاراوي وراها
نطلق عليها باشهب الملح بجاس00حتى تروح العنز و تترك ضناها
ونجدع لنا عرد طري للاضراس00عاداتنا للصيد نقصر خطاها
ونشب نار يوم غابوا الانجاس00ونشوي وناكل ما لجا في حشاها
ونضوي على المجداع ونكيف الراس00 هذا هوا نفسي وهذا دواها
الشاعر\ مجهول واللي يعرفه يكتب اسمه
مساكم -صبحكم الله بالخير
قصيدة حلوة تلامس مشاعر راعين الوعول
ودي اسج البر وابعد عن الناس 00وابعد عن اجناس كثير خطاها
وادوج في قفرية مابها اوناس 00 محدن من الاجناس قبلي وطاها
من فوق جيب لا سرى البال واحتاس00اركب واطش غطاي عزبه وماها
وحديدة مطعومها يفقش الراس00زيتي ومحرق كلهن في حشاها
والف على ابو حمود يا شبه قرناس00نفسي ترا يالقرم تتبع هواها
يفهم معان الهرج ويقول لا باس00يابو راكان الرجل هذا دواها
نسري بليلن ماتجي العين بنعاس00سروى على ضو القمر ياحلاها
حتى نجي في تلعة توحش الراس00بين الهضيب اللي زما في سماها
ونسوي الفنجال نقعد بها الراس00وبراد معه حنينة ما وراها
والصبح نجدع مالبسنا من لباس00 ونلبس هذاريم تليق بخلاها
ونمشي وكلن مهتوي الصيد ياناس00واطياب كان انه يذعذع هواها
وليا صبينا فرعة مابها اوناس00 كود النواخس والاراوي وراها
نطلق عليها باشهب الملح بجاس00حتى تروح العنز و تترك ضناها
ونجدع لنا عرد طري للاضراس00عاداتنا للصيد نقصر خطاها
ونشب نار يوم غابوا الانجاس00ونشوي وناكل ما لجا في حشاها
ونضوي على المجداع ونكيف الراس00 هذا هوا نفسي وهذا دواها
الشاعر\ مجهول واللي يعرفه يكتب اسمه