كــرّهتونا با الزواج !

[عنوود]

السلام عليكم ورحمة الله وبركاتة ..

الحلم والطموح .. طريق الللانهايه ..

عندما تحقق النجاح .. في بدايه الطريق .. تتفتح الأبواب .. وتصبح الدنيا ورديه اللون .. ويتزين ذلك الحلم .. الذي لطالما اجتهدت لأجله .. منادياً .. ها أنا فهلّم إلي ..
ولكن شيء ما يعرقل مسيرك .. وماتلبث أن تصبح في قفص يمنعك من المضي في الطريق ............................

المجتمع والناس .. اصبح شغلنا الشاغل .. رغم إقتناعنا التام .. أن (( رضا الناس غاية لاتدرك )) ..
فقبل المضي في أي شيء .. يسيطر على تفكيرنا .. قول فلان من الناس .. أو تفكير أم فلانه وام علانه ..
للأسف هذا الواقع ولو حاولنا إنكاره ..

مشـــــهد ..
البنت : يمه وش رايك ادخل طب ..
الأم : ليه خبله أنتي ناويه تبورين ..


وقفه .... تبورين ؟؟

لا انكر أن وظيفه المرأة الأساسيه هي الزواج والإنجاب والتربيه .. ولكن وش فرق الطبيبه عن المدرسة عن العامله في بنك مثلا ؟؟

اليسو جميعا عاملات .. افي وظائفهم مايخالف الشريعة .. قال الله تعالى (( وقل اعملوا فسيرى الله عملكم ورسوله والمؤمنون ))

لمـــــــاذا .. تكون نظرتنا للطبيبات الأجنبيات في مستشفياتنا نظرة إحترام وتقدير .. بينما ننظر للطبيبه السعودية نظرة شفقه .. (( مسيكينه عانس )) ..؟؟

أليس الأجدر بنا ان نوجه نظرة الإحترام تلك إلى بناتنا أيضا ؟؟
أو ان ((سعودتنا )) ترفض ذلك ؟؟أم أننا ننتظر عقولنا أن تعود من رحله ((أوه يامال )) ..

للأسف مفهوم التطور عندنا ينحصر في المباني وناطحات السحاب ..؟؟ أوليس التطور يشمل العقول أيضا ؟؟

فعلا أن زمن الرسول صلى الله عليه وسلم أكثر تطورا من الآن ..
صحابيات يذهبن مع الصحابه إلى المعارك ليطببن الجرحى والمرضى .. وهن متزوجات .. بل ويحظين با التقدير والإحترام .. والأهم أن الرسول لم ينكر عليهن ذلك ؟؟

فكيف نسمح لأنفسنا الآن أن نغير هذا النظام ؟

ما العيب في كون الفتاة طبيبة ..

ااقترفت منكراً ..؟

أرجو منكم التفاعل وإبداء وجهات نظركم حول الموضوع ..

[بنت السعودية]

عاااااااااااااااااااااااااااااااااااااااادي جداااااا مافيها شي ان المراه السعوديه تصبح طبيبه وانا ايدك الراي عنووووود وموضوعك جداااااااااا حلووووووو موضوع نقاش

[إم راس]

كرهتونا با الزواج

على بالك زينب العسكري انتتي ووجهك :D :D :D :D

اشوف العرسان صافين طابور عند بيتكم
تركدي بس ترا الركاده زينه :D :D

وبعدين أنا أشوف الدكتورة إنسان طبيعي خخخخخخخ مقدر مقدر الله يرجك

أقول خذي ها القلب مع فله ،،،56669

[فنووونه]

،،32
عنود....عارفه ان حلمي انه يجي اليوم اللي اشوف نفسي خريجه ثانويه عامه....
امنيتيى اني اكون طبيبة اسنان
واهلي كانو يتمنون هذي اللحظه بشغف...

الحين انا صرت خريجة ثانويه
لكن ماراح اكون طبيبة اسنان،،32

عارفه ليـــــــــــــه؟؟؟
عشان الناس ....
حتى اهلي معد صارو في صفي يوم صار الامر واقع.....

وكلنــــــــــــــــــــــــــــــا لازم نرضى بالواقع غصب عنا،،32

[abud3d]

العنود تبين تصرين تختوره منتي هينه يا شلبيه

اقول خلصي المتوسطه اول وبعدين تعالي

الا على طاري الطب وبورت البنات اشوف ان الطب ما يوقف في طريق الزواج

والدليل على كلامي ان جدتي تكوي وتعالج وتصرف مره وحلتيت للمصاخين

ومع ذلك تزوجت وهي في سن الزهوووور 13سنه

فإذا تبين تتخصصين وتصيرين استشارية كوي فروحي لها في فصل

اولى /ب في نفس المتوسطه الليله اللي انتي فيها

بالماريه تراها قاصه شعرها شلال وفي علباها مكوى

شمالي

[عنوود]

بنت السعودية ..

والله انتس بعدي ..:D

[عنوود]

إم راس >>== وش تبي الهمزة اللي تحت :p لا يكون خوالتس شاميين :D

منيب راده عليتس وإن شفتس في موضوعن من مواضيعي إني اللي افش راستس ها اللي وش كبره :p

وبعدين تقلعي مانبي فلتس ولا قلبتس :D
ولا تجين بيتنا مرة ثانية :p

[عنوود]

فنوننننننننننننه ..

لو انتي سجلتي ملفاتس ماعليتس من أحد تمسكي برايتس .. واهلتس إذا شافوتس صامله بيوقفون بصفتس .. يا الله يارب يافنونة يابنت أم فنونة تحققين اللي تبينه ..

أنا مدري وش دخل الناس .. وش يبوون يمكن اهلتس كانوا عاادي بس اكيد جاهم أحد ونفخ راسهم .. >>== ها النوعية ودي اصفهم على جدار واثور فيهم :mad:

فنونة يابعدي الله يحقق اللي تبينه والله يكتب اللي فيه الخير .. ولا تضيقين صدرتس على خمبقة المجتمع :cool:


حومتوا تسبودنااا :mad:

[عنوود]

شمالي تطنز :D
الله يرجك :D


العنود تبين تصرين تختوره منتي هينه يا شلبيه

إن ماجيت وبشرتك أني صرت تختورة إن شاء الله ما أكون انا عنوود :العيار: ..


وبعدين أنا طرحت الموضوع لمجرد الطرح فقط .. يعني مهوب استشيركم :p ..

لأني والحمد لله إذا بغيت شي أكون واثقه بإذن الله اني أقدر احققه بغض النظر عن خزعبلات المجتمع :D


شمالي .. شكرا :D

ردك خلاني أتأكد أن الناس لازم يكون آخر شي أفكر فيه :p

شكرا ماقصرت :cool:

[خواطر]

والله معاك حق اختي عنووود


للاسف المجتمع يرفض الشئ الصح


ويسلموو حبوبتي على طرح كذا مواضيع

[عنوود]

خواطر .. أسمحي لي اسميتس خطوره :D >>== يا الله لا تصخط بنا ..

بس انتي من الناس اللي تفكر صح :cool: .. وتفهم صح .. وترد صح ;) ..

يعطيتس العافية .. ولا تقطعين ;)

[سكون]

(( رضا الناس غاية لاتدرك )) ..



لكن بعض الناس ما يتقبلون ان اختهم او بنتهم تكون طبيبة ....


فما ينبغي لنا ان نستهزاء بعمل الاخرين


لو انك مزارع واختك طبيبة فانك لا تستهزء باختك لانك ما ودك تاخذ بخاطرك



طيب واذا طارت دكتورة وانت وش محرق رزك ,...




من قال ما لا ينبغي سمع مالم يشتهي ....

[صمونه]

أختي عنوود: موضوعك فعلا مهم جدا ويجب أن يأخذ بمحمل الجد بقولك شي تخيلي لو ماكان في حريم توظفن دكتورات من بيكشف على الحريم المصاخين أجل ولا أظن أنه في رياجيل عندهم غاريه ونوماس يرضون أنه دكتور يكشف على حريمهم يعني لو هذي رفضت تصير دكتوره وهذيك وهذيك أجل من بيبقى بعدين الدكتوره هي أيضا مدرسه ومهندسه أو عامله ببنك يختي البنت اللي تحترم نفسها في لبسها ونفسها ومشيها راح تفرض أحترمها على الجميع وغصبن عليهم يحترمونها بعد

[عنوود]

اشكر كل اللي ردو علي

[@فروحه الحلوه@]

السلام عليكم كل ابوكم وامكم


تسلم يدينتس ياعنود على هيك موضوع



ااحم احم بدينا بالجد



شوفي الله يسلمتس

المعلمه امرأه والدكتوه امرأه ايضا

لكن الدكتوره تفرق عن المعلمه وعن الموظفه في اي مجال ثاني

في الوسط اللي هي موظفه فيه

يعني انتي شوفي الدكتورات في المستشفيات واحتكاكهم بالدكاتره من الرجال وايضا المرضى من الرجال


شيء يقهر لما تشوفين سعوديه تضحك مع دكتور

ولا دكتوره تكلم دكتور والأنسان يألف بطبعه


يعني رفضت اليوم انها تسولف بكره بتسولف

وبتتعود على احتكاكها بالرجال

ويصير عادي انها تضحك مع هذا او تمزح وتعلق مع ثاني


ولا تقولين بتتوظف في قسم نسائي ومحد بيشوفها

روحي لمستشفى الملك خالد او عبد العزيز وشوفي طالبات وطلاب الامتياز هناك يطبقون


واغلبهم على فكره سعوديات ونادر ماتشوفين اجنبيه


وشوفي كيف يتصرفون ويشتغلون هناك


انا يمكن راحت علي كون اني اكون دكتوره او اتخيل نفسي

انا خلاص على ابواب التخرج ان شاء الله

لكن قطعا لو اختي او حتى بنتي مستقبلا تقول ابصير دكتوره ابقول لها اقعدي في البيت


لاتدرسين ابد ولا تصيرين دكتوره


طحينياتي لك


بايووووووووووووووووووووووووووووووووووو :)

[عنوود]

فروحة الحلوة يابعدي اشرقت الصفحة مير بقدوممتس ..


شوفي الله يسلمتس

المعلمه امرأه والدكتوه امرأه ايضا

لكن الدكتوره تفرق عن المعلمه وعن الموظفه في اي مجال ثاني

في الوسط اللي هي موظفه فيه

يعني انتي شوفي الدكتورات في المستشفيات واحتكاكهم بالدكاتره من الرجال وايضا المرضى من الرجال


شيء يقهر لما تشوفين سعوديه تضحك مع دكتور

ولا دكتوره تكلم دكتور والأنسان يألف بطبعه


يعني رفضت اليوم انها تسولف بكره بتسولف

وبتتعود على احتكاكها بالرجال

ويصير عادي انها تضحك مع هذا او تمزح وتعلق مع ثاني


ولا تقولين بتتوظف في قسم نسائي ومحد بيشوفها

روحي لمستشفى الملك خالد او عبد العزيز وشوفي طالبات وطلاب الامتياز هناك يطبقون


واغلبهم على فكره سعوديات ونادر ماتشوفين اجنبيه


وشوفي كيف يتصرفون ويشتغلون هناك


انا يمكن راحت علي كون اني اكون دكتوره او اتخيل نفسي

انا خلاص على ابواب التخرج ان شاء الله

أول شي : الله يوفقتس وتتخرجين ثمن تتوظفين ذيك الوظيفه السنعه ..


أنتي الحين تقولين أن الإختلاط هو اللي يمنع الوحده انها تتخصص في المجال هذا ..

بس ليه تقيسين على فئة قليله .. يعني معقوله كل البنات اللي داخلات المجال هذا يتميلحون كذا ..

انا اعرف لتس ناااس تدخل المستشفى بعباتها وغطاها ولاهيب تستملح عند أحد .. هي جايه للمستشفى لغرض معين بتسويه وبتمشي ..


يعني كل واحد عارف نفسه .. سواء دخل ها المجال او أي مجال ثاني ..

الإنسان الصح .. عنده مبدىء ودين وأخلاقيات يمشي عليها .. وبتكون كل تعاملاته معقوله وبحدود .. لأن دينه وتربيته ما تسمح له ينحدر ..

اما الإنسان الغلط .. يبي يتعامل غلط .. أي كان مجال تخصصه ..


وأكبر دليل على كلامي .. لو كان كل الناس والله ماخذينها لعبه وضحك ومسخره .. كان الإسلام ما اجاز للمرأه انها تعمل في هذا المجال ..


بإختصار ..

كل واحد ينظر لنفسه ويشوف كان هو قدها صحيح ولا لأ