الحلقه (36) من مسابقة من سبق لبق !

[زائره]

احم .. مساكم الله بالخير
ان شالله بقدم لكم اليوم المسابقه
وهالله هالله بالتفاعل اللي يبيض الوجه
ان شالله تكون أسئلتي خفيفه عليكم
وانتوا خفيفين علي :090:

الساعه عشره و45 دقيقه بطرح السؤال
الأول ... !

تذكير :
~ لما اطلب صوره اللي يحط رابط ما راح اقبل اجابته " تكون معروضه الصورة مو رآبط الصورة "
وطريقة اضافة الصور بسرعه مثل ما هو موضح في هالصورة من شرح الأخت мš. ấหốŭď



http://dc17.arabsh.com/i/02274/pxltwzhztv7b.jpg (http://dc17.arabsh.com/i/02274/pxltwzhztv7b.jpg)
ملاحظة :
~ الفائز بِ المسابقة بحلق34 و35 ما يشارك اليوم
~ الاعضاء اللي مشاركاتهم أقل من 100 ما يسمح لهم بالمشاركة ..

[مبسوطهـ !!]

ماشاءالله البريئه تقدم !

عسى يمديني اشارك معكم وماانشغل

[زائره]

. . .

السؤال الأول :

قال تعالى ( وقيل يا أرض ابلعي ماءك ويا سماء أقلعي )
في قصة من من الأنبياء ذُكرت هذه الأيه ؟ وفي أي سوره ؟

[مبسوطهـ !!]

نوح .. سورة هود

[اغلى حبيبه]

سوره هود قصه نبي الله نوح


<<<<السلام عليكم ياقماعه

[مبسوطهـ !!]

يازيني وانا اجاوب والساحه فاضيه

[اغلى حبيبه]

مبسوطه ياحبني لك بالله شوفي موضوع بقسمك مااحد رد عليه<<<<<<تصريفه!!


البريئه ياحبني لك انتى بعد بالراحه عليناااااا

[زائره]

مبسوطه : نقطه

اغلوه ... وينك فيه .. هذا وانا عازمتك من قبل !

.....


السؤال الثاني :

ماهي الأسماء الخمسه .. في اللغه العربيه ؟!

[اغلى حبيبه]

: أبٌ ،اخٌ ، حمٌ ، فو ، ذو .




مبسوطه بزنطك اذاااا جاوبتى قبل

[مبسوطهـ !!]

ايه اعرفها الاسماء الخمسه

أبٌ ،اخٌ ، حمٌ ، فو ، ذو.

[اغلى حبيبه]

بريئه وانااختك انا فيه بس حسبي الله على ابليس قوقل يلعب معي استغماايه

[مبسوطهـ !!]

اغلى حاسدتني عالفرحه :09:
يلا استانسي بطأت عشانك

وسارقه الاسماء من نفس الموقع حقي !!

[زائره]

ياجميله يا اغلوه وانتي تدخلين في التنافس بقوه !

مبسوطه ... لاعاد ينزل مستواك !

. ..

اغلوه : نقطه
مبسوطه : نقطه

. . .

السؤال الثالث :

أكمل المثل ... يداك أوكتــــا .......

[مبسوطهـ !!]

وفوك نفخ

[اغلى حبيبه]

يداك اوكتا وفو نفخ

[اغلى حبيبه]

مبسوطه ترى بتوحش عليك<<<<<ماتعشيت للحين وفينى عظه!!!!1 حبي العافيه

[زائره]

. . .


مبسوطه نقطتين
اغلى نقطه

بجيب لكم سؤال يحمق شوي
خلوني أطلع حرتي فيكم دامنا شويه

. . .

السؤال الرابع
جيبوا لي أسماء المشرفات الموجودين الأن!

[مبسوطهـ !!]

بسم الله فيه متوحشه هنا .. على طول عض!
ماعندها وقت !

[مبسوطهـ !!]

احلى احساس
اغلى حبيبه
مبسوطه
اماني

البريئه مراقبه مو مشرفه

[زائره]

مبسوطه ... تحسينها تمساح !

[اغلى حبيبه]

امانى احلى احساس مبسوطه اغلى حبيبه

[اغلى حبيبه]

مبسوطه وش نوع اتصالك يامال اللي منيب قاايله!!!!

[مبسوطهـ !!]

يازين اللي يتنافس مع اغلى حبيبه

هذا وجهازي كحيان واتصالي بطيء !

[مبسوطهـ !!]

لا التمساح ارحم !


اغلى ترى اتصالي ابطيء شي مايفيد فيه العين !

[اغلى حبيبه]

والله جهااازي انا اللي بقطه من السطح !!!!مفشلنى قدام الناس والعالم


مبسوطه لك معي عظه من اللي يحبها قلبك


بريئه ياااحبي لك كذا الاسئله <<ويلومونى فيك

[زائره]

مبسوطه اجابه نموذجيه ... اهم شي انا مراقبه
زين انك ما قللتي منصبي وخليته مع المشرفات ولاكانت علوم !

. . .

بسطويسي : متصدره ب 3 نقاط
واغلوه : نايمه في نقطه !

. . .


السؤال الخامس

وش أخر موضوع لي ؟!
ردوا عليه ونسقوه وخلفيات وكل شي !

تعالوا .. من جدهم راحوا ينسقون

لا بس وش اخر موضوع لي ؟

[اغلى حبيبه]

نفس اجابه مبسوطه بالحرف<<<<<<عجاازه

[مبسوطهـ !!]

ذي المسابقه

[زائره]

أغلى .... جاوبي عدل لأنقصك صفر اللحين !

[اغلى حبيبه]

الصور النسائيه المشكوك فيهااااااا

[مبسوطهـ !!]

ههههههههههه

اغلى !!!

لو انك مجاوبه هالمره يالزوله كان فزتي !

[اغلى حبيبه]

لااااااعاد انا تعبت في النقطه هذه <<<<هذا اللي طلعت به من الدنيااااا تقومى تاخذيهااااا

[زائره]

. . .

بسطويسي : 4 نقاط بالراحه
اغلى : نقطه وتخب http://www.al-amakn.net/vb/uploaded/17559_01297475226.gif




السؤال السادس :

مطلوب صورة فيها ... صحن مكرونه بالبشاميل
ومعاه ملعقه !

[مبسوطهـ !!]

يالبريئه ترى انا ماعطلني إلا الرخصه والاستماره
اللي في ملفك !

[زائره]

هههههه مبسوطه ... نظام ساهر وانا اختك !

[اغلى حبيبه]

http://www.m5znk.com/up3/uploads/images/m5znk-35759b71ff.jpg

[زائره]

أغلى ... ليش الصحن مأكول منه ؟!!

[مبسوطهـ !!]

http://t1.gstatic.com/images?q=tbn:ANd9GcTWsFnpUCNCToco3pYQ5nQazA6i7BYmZ rWyKO10M28pKAs17Vd7TYvT4g (http://www.google.com/imgres?imgurl=http://i.timeinc.net/recipes/i/recipes/sl/05/03/pasta-bake-sl-1033041-l.jpg&imgrefurl=http://www.14abb.com/forum/showthread.php%3Fp%3D74316&usg=__OeKGdUqrVP6SKqY2xPX3MrOkclM=&h=300&w=300&sz=25&hl=ar&start=1&zoom=1&tbnid=WEAnEo5KES_hNM:&tbnh=116&tbnw=116&ei=s7KkTY6LGoSo8APQ563SCA&prev=/images%3Fq%3D%25D8%25B5%25D8%25AD%25D9%2586%2B%25D 9%2585%25D9%2583%25D8%25B1%25D9%2588%25D9%2586%25D 9%2587%2B%25D8%25A8%25D8%25A7%25D9%2584%25D8%25A8% 25D8%25A7%25D8%25B4%25D9%2585%25D9%258A%25D9%2584% 2B%25D9%2585%25D8%25B9%2B%25D8%25A7%25D9%2584%25D9 %2585%25D9%2584%25D8%25B9%25D9%2582%25D9%2587%26hl %3Dar%26safe%3Dactive%26gbv%3D2%26tbm%3Disch&itbs=1)

[اغلى حبيبه]

اموت واعرف وش قصدك يالبريئه بالسؤال هذااا

ارحمي ضعفي قدام الباشميل <<<<<ياااويلي ترانى اشم الريحه!!

[مبسوطهـ !!]

انا مو مأكول توه طالع من الفرن

[زائره]

ياعيني يامبسوطه .. توه طالع من الفرن !!
طااااازه

[اغلى حبيبه]

عاد ماعلي منك انتى قلتى صحن مو صينيه <<<<اختك جاعت وقلت اخذ لقمه ههههه

[زائره]

اغلى .... قصدي اللي على راسه بطحا ....

. . .


اغلوه : نقطتين
بسطويسي : 4 نقاط ولازالت في الصداره !

اغلوه ... اذا انتي قدها ... إلحقيها

...

وين وصلنا .أي سؤال ؟!

اي ... السابع

مين مشرفين قسم ترانيم الجوال ؟!

[اغلى حبيبه]

انثى بدلع طفله

والعنود


شيطونه عاد بنيه مومشرفه

[مبسوطهـ !!]

شيطونه
انثى بدلع .. الخ
العنود

[زائره]

اغلى ... حلوه بنيه !!

[مبسوطهـ !!]

اغلى .. غيرتي اتصالك ؟!

ولا شكلك روقتي بعد البشاميل

[اغلى حبيبه]

مانى قدهااااا البسطويسي ومافينى حيل اطارد وراااها


بسطتي يابسطتي بالله خلينى اخذ النقطه الجايه ترانى احبك

[اغلى حبيبه]

ايه شفتى مبسوطه ريحه الباشميل فتحت المخيخ <<<<اناظر للشاحن وشكلي بقرضه!! اتخيله صحن باشميل

[زائره]

مبسوطه .. من العجازه ... مالها خلق تكمل اسم انثى !

يا انكم بنات ... تهبلون !


. . .

اغلوه ... اقعدي على نقطتين
وبسطويسي .. خمسه نقاط !



. .
السؤال الثامن :

من هو الصحابي الذي كانت شهادته بشهادتين ؟!

[مبسوطهـ !!]

يعني مصلحه عيني عينك !

من وين جا هالحب .. مدري من اللي يبي يعض من شوي!

[اغلى حبيبه]

خزيمه بن ثابت الانصاري

[مبسوطهـ !!]

خزيمه ثابت الانصاري

[مبسوطهـ !!]

مشغلتني بالسوالف واخذت مكاني !

[اغلى حبيبه]

حوووووووووووووووووووووووو<<<<<<<<<<<<<<<<<خايفه اطق المودم بعين يشب ههههههه

[زائره]

ياهووووه يا اغلى ... لا قالوا مين قدها ... قالوا أغلى
أجيبه يعني اجيبه !

عفوآ عفوآ

نرجع حق محور حديثنا


اغلى ... والنقطة الثالثه المستحقه !
وبسيوطيسي ... خيسي على خمس نقاط !


والسؤال التاسع ... قادم بقوه < كابتن ماجد

أشهر مطعم للبروستد .. في المنطقة الغربيه !!؟

[اغلى حبيبه]

البيك

[مبسوطهـ !!]

البيك ظني

[اغلى حبيبه]

مبسوطتي وينك يااااكايداهم احسك غفيتي


بالله من اي داهيه جبتى ذالسؤال !!!


ياااابنتى ارحمينى ترانى جوعانه<<<مدري ليه من افتح المنتتدى يجينى داء الفجاعه؟؟

من الاول باشميل والحين بروستد<<بعد اشوي شيز كيك!!

[مبسوطهـ !!]

ياشين الي يشارك والبزارين حوله !

يلا كل النقاط الجايه اهديها لأغلى حبيبه << هو في غيرها اصلا ً !

انبسطنا كتيير كتيير
يلا تصبحون على خير

[زائره]

اغلوووه .... يااااسلااام عليك
بطله !!

لا فاد فيك التشجيع ...
مبسوطه .. سنتري على الخمس نقاط
وأغلى النقطه الرابعه !
. . .

السؤال العاشر
من متصدر دوري زين الأن ؟
لحد يقول ما اعرف .. قوقل مايقصر !

[زائره]

مبسوطه ... باقي سؤالين ونخلص

صبري شوي !

[مبسوطهـ !!]

جورج

[زائره]

جورج قرادحي ولا جورج بوش مبسوطه ؟
حددي !

[مبسوطهـ !!]

جورج وسوف

[اغلى حبيبه]

ياربي على ذالسؤال ؟؟

الجهاز يعلق والمنتديات تقول ممنوع تشوف المحتوى الين نشترك في المنتدى؟؟؟





يمكن انه الهلال<<<<هذا اللي طلع معي

[مبسوطهـ !!]

يجي الاتحاد طيب ؟!

[اغلى حبيبه]

ههههههههههههههههههههههههههههههههههههههه


حسبي الله على شرك منك لهااااا قسم انكم فاصلات!!!

[مبسوطهـ !!]

الربئه مالقيتي تسألين هالسؤال الا لمبسوطه واغلى !

عطينا قصيده

[زائره]

اغلى ... مبسوطه ... تشوفين اجوبتها تفقع
يعني باين وحده ماتدري وش الطبخه !


اغلى : خمسه نقاط
بو بسيط : خمسه نقاط


السؤال الحادي عشر :

اسم ثلاثي ... اذا حذفت اوله .. صار اسم للقطط
واذا حذفت اخره .. صار اسكت !

[زائره]

مبسوطه ... أجيب القصايد واجيب ابوها

آمروا بس !

[اغلى حبيبه]

مبسوطتى انا عندى بزارين خالتي وحطينا لهم طيور الجنه اوووم الازعاج بس اناااا معكم اشارك <<<متعوده على الازعاج

اهبدي البزارين اللي معك بملعقه خشبيه الين يبكون ويناامون <<<<ختك حونينه على البزران

[مبسوطهـ !!]

صهر

[زائره]

اغلوه .... اقول جاوبي اول بعدين واسيها مع بزارينكم !

[مبسوطهـ !!]

اغلى انتي تبين تسولفين ؟!
اقول جاوبي خلصنا المسابقه وهذي تسولف عن بزارينهم

[اغلى حبيبه]

صهر

[زائره]

مسكينه أكلناها بقشورها !!

[مبسوطهـ !!]

البريئه .. انتي الصدا بس سابق الصوت

[زائره]

مبسوطه : سته نقاط
اغلى خمسه نقاط !


السؤال الثاني عشر :

بيت شعر فيه كلمة ( عجيب ) ؟!

[زائره]

مبسوطه ... يعني ياصدى من غير صوت ؟!!

[اغلى حبيبه]

وش جابنى لريا وسكينه اناااا<<<<هذا جزاتى انصحك ؟؟


واخذت النقطه على ؟؟

[مبسوطهـ !!]

فيك الجمال العجيب ... رهيب والله رهييييب

[زائره]

هههههه ياحبني لك ... تعالي تعالي يا اغلى
اجلسي جنبي

[اغلى حبيبه]

نفس اجابه مبسوطه بالضبط

[مبسوطهـ !!]

اغلى .. ياحبني لك
انصحيني يالبى نصايحك

بس انا عشان مصلحتك ماودي اخذ النقطه عليك !

[مبسوطهـ !!]

البريئه !

انتي كل اللي اقوله القاك قايلته قبلي !!

قلنا مراقبتي بس مو لهدرجه !!

[اغلى حبيبه]

مانى ناصحتك وربي فينى عظه <<<<<<بديت اعصب عليك

[مبسوطهـ !!]

ماكفاك الباشميل والبيك يم بطنين !!

[زائره]

. . .

ابو العجازه اللي فيكم ...

يالله ... مبروك مبسوطه
ألف شكر لكم ولتواجدكم
ولتفاعلكم ... وشكرآ لمتابعينا من خلف
الشاشه ... < هذا وجهي اذا فيه احد !


وحظآ اوفر أغلى حبيبه
لك زياده مشاركات ... جبر خاطر


حسيت اني توهقت بالأسئله
بغيت أخففها عليكم واجيب شي بسيط
دام مافي احد غيركم ... أشكركم
حاولتوا تسوون جو ... وانا استانست معاكم
وكان ودي يكون في احد << مطوله
اقول استنوا لين ما اخلص ... ابي افضفض
اي فأقولكم .. تمنيت انه يكون فيه احد
بس يالله اهم شي اني جربت التقديم
عليكم .......


وصراحه خوش متسابقين ... بيضتوا الوجه

[اغلى حبيبه]

هيه انتى البنيه مع الثانيه ام القصاايد


ماعلي منكم ابي عشاااااااا زي الناس والعالم<<<<<<قاعده انصح وهم يتسابقون وياخذون نقااط انا ياااغاافلين لكم الله


البريئه ياااحبي لك

ماقصرتى كفيتى ووفيتى والله احلى مسااابقه واحلى اسئله بس المره الجايه لاتحطي اكل <<<<كم نقطه بتزيدينى

ترانى احبك قسم




مبسوطتي يالغاااليه

شرف لي شاركتك المسابقه والله لو ان فيه احد معي كااان ولااانقطه لي هههههه






استرو على ماواجهتو

وساامحوونى اذاااغلطت ترى كله مزح في مزح



تصبحون على خير منك لهاااا

[مبسوطهـ !!]

احلى مقدمه واحلى منافِسه وربي !

تونسون بجد .. يا اني ضحكت لين قلت آمين !

انا بعد ابي زيادة مشاركات مو بس اغلى !



يعطيك العافيه البريئه
ماقصرتِ

[مبسوطهـ !!]

البريئه شوفي فيه واحد زائر .. استانسي !

[زائره]

يالبى لذا الزائر ... اللي مايبي يدخل بإسمه !

حياك الله يا الزاير ... كان شاركت دامك مستانس
معانا ... مسوي ثقل !!


مبسوطه ... تفاهمي مع شمالي قولي ليه مابي بطاقه
ابي زياده مشاركات ... ومايصير خاطرك الا طيب !


أغلوه ... يابعد قلبي
وانا استانست اكثر ... ودايم خليك متواجده !


سبحانك اللهم وبحمدك
أشهد ان لا اله الا أنت أستغفرك واتوب إليك !

[الولـهـانـ..]

ههههههههههههههههههههههههه

انا الفايز

خيرها بغيرها

يلاه يلاه يلاه

حولي نقاط زايد بطاقه زايد سياره

احتري الرساله تجي من عندك

مكتوب فيها تم اضافه رصيد ت اضافه نقاط

تم ارسال السياره با السطحه راح تجيك بعد يوم

وشكرأ

ههههههههههههههههههههههههههههههههههاي

وشكرآ

[حبيتــن]

مــــــــــــــــــــــــــــــره روعه الموضوع من جد تحمست قريت كل الصفحـآآت
جوكم رهيب المره الجـــآآيه أحسبوا حســــآآآآبي بس بليز لاحد يسرع لاني بطه
فديتكم بسطويسي وغلو والله أحلى ثنــآئي
أحمدوآ ربكم ماكنت موجوده بالبيت ولا كسسرت روسكم :d~>طيييري

مـــــآقصرتي بروئه يَ لبى عنونك
مســـآآآبقه روعه تعتمد عـ السرعه وانا عجــآزه
أبي وحده مثل غلووو عشــآن أفوووووووووز~> ماحد شـــآآف
ربي يسسسسسعدك :العاشق:

[♥¤سمو الأماكن¤♥]

أروع مانرسمه في وجوه غيرنا بلا عناء أو مشقه ((ابتسامة صادقة))..

<<من قمة الاستمتــاع قرأت هذا الطرح..

ولو كان اتصالي يخدمني لشاركتكم ولكن لن أكون بعيدة سأكون بالقرب في تلك القمة
أرقب أحداث هذا المتصفح الممتع ...
فشكرا لمن أوجده وشكرا لمن ساهم في جعله ممتعـــا...

[سنـ الفضه ـا]

والله حركات مسااااااااااابقه صبايا


البريئه وناسه معاك


بالله عطونا خبر عن المسابقه قبلها بكم ساعه

[ضيئ القمر]

البريئه تقديم رااااائع


مبسوطه الف مبروك لك يالغلا

اغلى حبيبه مبروك لك زياده التقاااط هع هع انا فزت بالمرركز الثاني مرتين بالمسااابقه والله ماشفت زياده لي ولا

نقطه هع هع ساحبين علي شكلك بتكوني مثلي مسحوب عليك من زياده النقاط

[| ▐الخلــود ▐|]

البريئه تقديم رااااائع


مبسوطه الف مبروك لك يالغلا

اغلى حبيبه مبروك لك زياده التقاااط هع هع انا فزت بالمرركز الثاني مرتين بالمسااابقه والله ماشفت زياده لي ولا

نقطه هع هع ساحبين علي شكلك بتكوني مثلي مسحوب عليك من زياده النقاط


مرحبا بالجميع

مبسوطهـ & آغلى حبيبه
مبروك وتستاهلون كل خير ..


البريئة ..
يعطيكِ العافية عَـ التقديم


ضي ..

اشلون ماشفتي زيادة .. ؟ :052:
اذا كنتِ مشاركة وآنا كنت أاقدم المسابقة ، شي أكيد اني منحت للجميع زيادة في المشاركات
مثل ماوعدتكم وكتبت كل الأسماء ..
وما اعتقد فيه زيادة إلا في تقديمي للمسابقة ..

مجرد توضيح ..



مودّتي

[سنـ الفضه ـا]

يعافيك ربي خلود ع مجهودك

والله ماعم تقصري

جزاك الله خير

خلوده عطونا خبرقبل بكم ساعه وقت المسابقه

علشان نلغي كل المواعيد>>> امحق بس اللي يشوفني يقول تفوز :d

بس ماعليه اهم شوي اكون موجوده

وشاكره لكم :122:

[ضيئ القمر]

هع هع الخلود

ابد ماجاتني زياده منك

[الحاااالمه]

مسابقه تجنن

بس يبي لي وقت عشان اقدر اشارك

تسلم دياتك يالغاليه على هالتميز ..