جاني يصيح يقول يايمه اذبحوها..... !!

[الورده الخجوله.)]

جاني يصيح يقول يايمه اذبحوها..... حبيبتي راحت يايمه من ايدي
والله أدرى انهم اغصوبها..... عليّه والدمعات تذرف خفيّه
يايمه راحت اللي له حيروها..... راحت حبيبة قلبي يمه الوفيّه

يايمه ثوب العرس له لبسوها..... يايمه هذا خاتمها ببكي عليّه
يايمه شوفي وش قساوة أبوها..... يدفنها بيده وهي بعدها حيّه
يايمه من شوفها لي احرموها..... عيو تودعني ليه البنيه
يارب يبليهم مثل مابلوها ..... ويارب تسعد هالادميّه



ياوليدي لاتشكي وتلعن أبوها..... هذي ترى العادات وهي ابدويه
ياوليدي من شانك عيوني بكوها..... مدري شسوي شلي طالع بديّه
ياوليدي لغيرك تدري عطوها..... انسى خلاص الدنيا ماهي خليه
ياوليدي خلق الله مايعذروها..... راحت وصارت للعوايد ضحيه
ياوليدي لاتصرخ خلاص اذبحوها..... خلاص راحت منك هالأدميّه




مما راق لي:(

[جووود]

أبيات رائعة
راقت لي
اهلا بك عزيزتي من جديد بيننا
شكرا لجمال اختياراتك
دمتي بود
جووود

[عـذبـه الاطـبــآع]

انتقآء يشهد لكِ بـ الذآئقه العذَبه| ~

جَميله بـ إنتقائك وذائقتك المُترفه

سسْلم آحسآسك

ولآ عدمنآ جديدك ../

[جنتل الرياض]

!
!

كلمات في قمة الروعه
سيدتي الف شكر على الانتقاء المميز
تحياتي لجهودك
جنتل الرياض
!
!

[فتى حائل]

الوردة الخجولة

يايمه ثوب العرس له لبسوها..... يايمه هذا خاتمها ببكي عليّه
يايمه شوفي وش قساوة أبوها..... يدفنها بيده وهي بعدها حيّه

يعطيك العافية على هذا الابداع وعلى النقل الرائع احساسك جميل

واهنيك على اختيارك المميز .. مع تحياتي ,, فـتـى حائل ,,,

[الورده الخجوله.)]

ألف شكر لكم على الحضور الممتع

لا عدمناااه

,,,

[عيون طفله.]

قصيده رائعه
تسلم يمناكـ ع الانتقاء
ولاتحرمينا من شووفتكـ هنا
يسعدكـ ربي