فنجال قهوة وضيفتنا ( عشق الليل ) [الأرشيف]

صاحب الإمتياز

05-10-2005, 03:11 AM

http://www.al-3reen.com/album/data/media/21/WomanLine.gif

السلام عليكم ورحمة الله وبركاته

بعد التحيه والسلام نعود لكم أعزائي لاستقبال ضيف جديد مع إطلالة

هذا الشهر الكريم .

وبالطبع احببنا ان نبدا باستقبال ضيفتنا بالازهار

http://www.hanaa.net/postcard/images/funflowers2.jpg

ضيفتنا متميزه رائعه بمعنى الكلمه اثبتت وجودها

خلال الاشهر القليله التى كانت معنا حتى وصلت الى مرتبه الاشراف

وكانت تستحقها عن جداره
تميزت هذه العضوه بالطيبه والرقه كما انها كانت ذات روح فكاهيه

في كل مكان في ارجاء منتدانا

قدمت للمنتدى الكثير من الموضوعات وخصوصًا في قسم المرأة

وللضيفة الحق في إجابة الأسئلة التي تريد فقط .

وأسئلتي هي :

س : ماذا يعني لكِ هذا الشهر الفضيل ؟

س : ماهو اول طبق رمضاني اعددتيه بنفسك ؟ و كم كان عمرك وقتها ؟ و كيف كانت النتيجة ؟

س : حقيقةً شاهدتُ لكِ بعض الردود على بعض الخواطر ,, هل أنتِ
ممن يكتب الخواطر ؟ وإذا كانت الإجابة بنعم لماذا لم نرى خاطرة
من خواطرك ؟

س: الحين ليه حاطه دوبك بدوبي يوم إنك ما ترتاحين لين تشوفيني
بالسجن ؟ ،،11

وفي الختام شاكر لكِ قبول هذه الدعوة

عنوود

05-10-2005, 09:16 AM

السلامو عليكم ورحمة الله وبركاته ..

الزير عبيد صراحة إستضافه في محالها وجهد متعوبن عليه الله لا يخلينا منكم ولا من الحكومه :)

طيب عشق الليل .. عشق الليل تكلمي عن نفستس في سطرين :)

1/ هل شخصيتس داخل النت مثل شخصيتس برا ؟

2/عندما ترين نفستس بمشكله هنا بالمنتدى لمن تلجأين ولماذا؟

3/وش يعني لتس المنتدى ؟

وببس :D

abud3d

05-10-2005, 05:06 PM

الزير مشكور على استضافتك للأخت / عشق الليل

وصراحة اختيار موفق لعضوه اثبتت وجودها بكل ثبات في المنتدى

وبالطبع احببنا ان نبدا باستقبال ضيفتنا بالازهار

http://www.al-3reen.com/album/data/media/21/WomanLine.gif

،،71

الزير عسى ما تكلفت

ما لقيت الا هالزهور اللي تذكرني بواسايد مال اول اللي مكتوب عليها صباح الخير ومطرز عليها طاؤوس

فشلتنا الله يهديك مع الاعضاء مهيب عاداتك

وينك يا دموووع :p

نرجع لضيفتنا

عشق الليل نأسف عن عدم تنسيق الزير لموضوع استضافتك لأني اظن

الزير يوم ينزل الموضوع كان يفكر في السحور وكم خبزة تميس يبي ياكل

مش مشكله فتواجدك ضيفه اليوم هو الذي ارتقى بالموضوع

ونجي للأسئلة :

س1 : كيف وصلتي لخبزة نت ؟

س2 : من من الاعضاء يعجبك في مواضيعه ؟

س3 : من من الاعضاء يعجبك في ردوده ؟

س4 : المنتدى الاقرب الى نفس عشق الليل ماهو ؟

س5 : مؤهلك الدراسي ؟ وطموحك العلمي الى اين ؟

وكل عام وانتي بخير والشهر مبارك عليك

اخوك
شمالي

صاحب الإمتياز

05-10-2005, 07:38 PM

سكون

05-10-2005, 11:19 PM

هههههههههههههه

المهم ما علينا

اذا بغيتوا تكاتلون تكاتلوا ببيوتكم

هذا اسئلة موجهه لعشق ....

اولا الشهر عليك مبارك ...

عشق عضوه مميزة في ردودك ومواضيعك ....

س / ما هو مؤهلاتك ...؟

س / ما انسب مكان تجلسين وتبحرين فيه ....؟

س / اذا كان ضايق خلقك (ان شاء الله برا وبعيد ..) من يحمل الهموم معاك ...؟

س / موقف مر عليك وماقدرتي تنسينه سواء كان محزن او مضحك ..قوليه لنا :العيار: ....؟

س / ما هو شعورتس والاعضاء يسألونك ...؟

شاكره لتس انصاتس

وصبرتس علي

عشق الليل

06-10-2005, 01:00 AM

:D :D

الزير

يسعدك ربي على هالاطراء....

ومشكووور على اختيارك لي ضيفه ....

واتمنى اكون ضيفه خفيفه عليكم.... :)

وان شاء الله راجعه للاجابه على اسئلتكم كل ابوكم ..... :D

تحياتي

تووووفى

06-10-2005, 01:34 AM

هلا اختى عشق الليل 00

ان شاء الله اسئلتى تكون خفيفه عليك00

1- اسمك 00 عشق الليل 00 ماذا يعنى لك وما سبب اختيارك له 00

2- اذا كنت تحبين القراءه اى الكتاب من العصر الحديث تحبين الابحار بكتبه 00

3- حدث بحياتك تعتبرينه غير مجرى حياتك00

وسلامتك 00

دموع الورد

06-10-2005, 02:17 AM

رووووووووعه يعطيك العافيه اخوي الزير على هذ الاختيار المميز

ضيفه من العيار الثقيل لها وزنها بالمنتدى

جيت اسلم واحجز لي كرسي

ولي رجعه باذنه تعالى

تحيااتي...دمووع

عسوووله

06-10-2005, 10:30 PM

السلام عليكم

مشكور يالزير علي اختيارك الممتاز...

اما اسلئتي لك ياعشق..

1. وش تكرهين تشوفين في هالدنيا ؟؟
2. وش كان شكلك ((تعابير وجهك)) يوم قالوا لك تبين تصرين مشرفه؟؟
3. وش سوتوا عالفطور اليوم؟؟؟

وشكرا..

عشق الليل

07-10-2005, 11:49 PM

سوري على التاخير....

بس حصلتلي شويه ظروووف :(

هلااا فيك اخوي... الزير

س1 : ماذا يعني لكِ هذا الشهر الفضيل ؟

الشهر الفضيل يعني لي ولغيري من المسلمين الكثير...

يكفي انه شهر العباده والتقرب الى الله اكثر...

جو يسوده الطمأنينة والراحه...فهو شهر نغسل به نفوسنا

من الذنوب والاحقاد...ونعلن الصفح والتسامح .......

س2 : ماهو اول طبق رمضاني اعددتيه بنفسك ؟ و كم كان عمرك وقتها ؟ و كيف كانت النتيجة ؟

امممممممممممم

اول شي سويته برمضاان ..........

سويت فــنتو ........==>> وطلع خانس :D

ههههههههههههه امزح

_عاد الصراحه اول شي سويته شوربه ....

وكنت بالمتوسط .... و طلعت كويسه :D

س 3: حقيقةً شاهدتُ لكِ بعض الردود على بعض الخواطر ,, هل أنتِ
ممن يكتب الخواطر ؟ وإذا كانت الإجابة بنعم لماذا لم نرى خاطرة
من خواطرك ؟

_نعم احب كتابه الخواطر ....وكذلك احب كتابه الشعر

_اما بالنسبه ليه ماأنزل خواطر بصراحه ماحب اعرض اللي اكتبه :)

عشان كذا اكون مقله بالحضور في القسم الادبي....

س4: الحين ليه حاطه دوبك بدوبي يوم إنك ما ترتاحين لين تشوفيني
بالسجن؟
ماأدري سبحان الله مارتااح لين اشوفك مسجون..... مشاعر فطريه ههههههههههههه

_وابشرك نزلت لكم (انت واللي مسجونين معك) مكرمه مني طبعا الله يحفظني :D

سمحت بالزيااره على مدااار الاسبوع كله ... بس في رمضااان ...:D

<<<< تحس مازن طاار من الفرحه هههههههههههههه

_برايفت (للكل) تراها كلها مزووح وماقصد اني اضايق احد :)

وفي الختام شاكر لكِ قبول هذه الدعوة

العفوووووو خيوووووو

وانا شاكره لك هالاسئله.....

تحياتي لك........

عشق الليل

08-10-2005, 12:12 AM

السلامو عليكم ورحمة الله وبركاته

وعليكم السلام ورحمه الله وبركاته

هلاا فيك يالغاليه....

1/عشق الليل تكلمي عن نفستس في سطرين

الانسان لايستطيع ان يرى نفسه بدقه... لكن من الممكن ان اصف نفسي
باني انسانه بسيطه..جديه وقت الجد ... مرحه وقت المرح..
احب الخير والسعاده للجميع....

2/هل شخصيتس داخل النت مثل شخصيتس برا ؟

نعم شخصيتي وحده سوا داخل النت او خارجه...

3/عندما ترين نفستس بمشكله هنا بالمنتدى لمن تلجأين ولماذا؟

_اذا المشكله تخص اعداداتي :D راح الجأ لاي واحد من الاداريين..
_اما اذا مشكله مع الاعضاء الحمد لله ماقد صارت لي
واذا شفت عضو يحاول يسبب لي مشكله سفهته <<< حلت المشكله :D

4/وش يعني لتس المنتدى ؟

يعني لي الكثير ... ولو مايعني لي مارجعتله بعد ماقطع ....
ويكفي اللي فيه مثلك وشروااك :)

وبس
وانا صن :D

مشكووره على تشريفك هالصفحه ...
و اسعدني تواجدك يالغلااا..

تحياتي لك...

عشق الليل

08-10-2005, 12:53 AM

الزير عسى ما تكلفت

ما لقيت الا هالزهور اللي تذكرني بواسايد مال اول اللي مكتوب عليها صباح الخير ومطرز عليها طاؤوس

فشلتنا الله يهديك مع الاعضاء مهيب عاداتك

وينك يا دموووع :p

نرجع لضيفتنا

عشق الليل نأسف عن عدم تنسيق الزير لموضوع استضافتك لأني اظن

الزير يوم ينزل الموضوع كان يفكر في السحور وكم خبزة تميس يبي ياكل

مش مشكله فتواجدك ضيفه اليوم هو الذي ارتقى بالموضوع

[/align]

شمالي

ههههههههههههههههههههههه
ههههههههههههه

اما وسايد الطاؤوس حركه صراحه....

ماعليه الزير يبي يميزني...
وقايلي جايبها من الجنادريه بس عشاني ههههههههههههههههه

ونجي للأسئلة :

س1 : كيف وصلتي لخبزة نت ؟

عن طريق صديقه .... وهي متواجده معاكم :D

س2 : من من الاعضاء يعجبك في مواضيعه ؟

بصراحه كل شخص يكتب موضوع كويس راح يعجبني
... بغض النظر عن صاحبه...

س3 : من من الاعضاء يعجبك في ردوده ؟

فيه كثير تعجبني ردودهم.... ومافيني احدد اخاف
انسى احد .....

س4 : المنتدى الاقرب الى نفس عشق الليل ماهو ؟

_مافهمت المقصد ...
_بس اذا تقصد على قسم من المنتدى فهو قسم الديكورات & العام....
_واذا تقصد منتدى بشكل عام==> اكيد خبزه...

وكل عام وانتي بخير والشهر مبارك عليك

وانت بصحه وسلااامه... والله يبارك بعمرك اخوي...

ومشكووور على تشريفك ....

تحياتي لك....

عشق الليل

08-10-2005, 01:48 AM

الحين هالباقة ما ملت عينك

http://www.hanaa.net/postcard/images/funflowers2.jpg

شفت الصغيرة وما شفت هالكبيرة شكلك انت اللي تفكر بالفطوووور

ومعذرة ياعشق الظاهر يوم يكتب الرد فاصخ نظاراته .

الزير

ههههههههههههههههههههه

يسلمك ربي على هالورد...

وماعليه لو تجيب نخله .... مقبوله :D

تحياتي لك...

صاحب الإمتياز

08-10-2005, 01:55 AM

^
^

علميهم ياعشق الا على طاري النخلة

مرة من المراريت العيار وشمالي بيزورون واحد في المستشفى

الناس تاخذ باقة ورد هم ما خذين عسيب نخلة لا ومسوين فيها شباب

ويسلموووووو على كلامك

دموع الورد

08-10-2005, 02:15 AM

انا جيت وين الكرسي حقي ابييييييه من خذاها يا ويله مني

احيااك عيووني عشووقه نورتي يا قلبي واسعدني حوارك مع الاخوان والاخوات الي سبقوني

نجي لورقه الاسئله استعدي واقري الدعاء هههههههه

<=== تذكرت اسئلة الاختبارات

السؤال الاول ...ما هي طموحااتك المستقبليه

السؤال الثاني...ما هي الاوقات التي تجدين نفسك فيها يعني تحسين باسترخاء
وتبدين بكتابه الشعر او الخواطر
السؤال الثالث ...ما هي اكلتك المفضله برمضان

ارجوا اني اسئلتي تكون سهله ومريحه لك يا الغاليه

واسعدنا لقاك الغالي

تحيااتي...دمووع

ابونواف

08-10-2005, 02:34 AM

السلام عليكم ورحمة الله وبركاته

<< جااكم الشاايب يبي يشاارك من الفضاوه بس ما فهمت الحين انتم تلعبون ولا تسولفون على العموم احس اني طالعن على الهوا مباشره ..

تحية طيبة للقائمين على هذه المقطورة الراائعه بحق
والمتناغمه بحرفها وشكلها ومضمونها
ونسأل الله العلي القدير لنا ولكم التوفيق

شهر مبارك ابتتدي بها مداخلتي
للجميع ولكل من قرأ هذه الاحرف من اخوان واخوات

دعوه تتمنيها في هذا الشهر الفضيل ؟

حكمه تتغنى بها مسامعك ليل نهار ؟

حرف لاتنساه اناملك ؟

الديكور وما يحمله من فنون هل هي موهبه في مخيلتك ام هي مهنه تركها لك الزمن ؟

اشياء تعني لك ؟

ماذا يعني لك ..

مذيعه في قناة اخباريه ؟

امرأه تقود سياره ؟

بالتوك ؟

بلوتوث ؟

اتمنى ان تكون اسئله تحمل في طياتها بعض الفائده

ودمتم ..,,

abud3d

08-10-2005, 04:31 PM

عشق الليل فيه سؤال طنشتيه ؟

ياخوفي اني احرجتك لأنك تدرسين محو اميه ؟

................

الا يا عالم هو فيه ورده ثانيه حاطها اخونا البراده عبيد

انا ما اشوف الا وحده

غيرها مافيه ؟

بعدين عشق يوم تقول لو تحط نخله مقبوله منك

تراها تذب عليك وتقصد انك دايم تمسك النخله مثل الورده

<<< ماصار زير صار ثلاجة 75 قدم

فنووونه

08-10-2005, 09:03 PM

^
^
ههههههههه
....

عشق الليل ..
وين فنجال القهوه خل ابل ريقي فبل لا اسالك..

طيب اتلسؤال:
وين بتعيدون فيه ..؟؟>> مستعجله عالعيــد..

عشق الليل

09-10-2005, 01:20 AM

اهلييين سكون

اولا الشهر عليك مبارك ...

الله يبارك بعمرك يالغلاااا

عشق عضوه مميزة في ردودك ومواضيعك ....

يسعد قلبك يارب

س1 / ما هو مؤهلاتك ...؟

ادرس بكالوريوس.... تخصص هندسه ديكور :)

س2 / ما انسب مكان تجلسين وتبحرين فيه ....؟

غرفتي الله لايحرمني منها :D

س3 / اذا كان ضايق خلقك (ان شاء الله برا وبعيد ..) من يحمل الهموم معاك ...؟

توأم روحي ..... الله يخليها لي ويسعدهااا يارب
صديقتي...

س4 / موقف مر عليك وماقدرتي تنسينه سواء كان محزن او مضحك ..قوليه لنا ....؟

خليني اقولك موقف مضحك ماله داعي احزنكم معاي ....

والمواقف كثيره بس ماجاء ببالي الا هذا...

مرره كنت بالمحاضره وكانت رسم ,,, والالوان اللي نتستخدمهاا كل علبه عليها اسفنجه
تحميها خاصه فيهاا...
وانا اللون لوحتي الا اشوف اسفنجه مرميه على الارض :cool: اخذتها وقطعت منها قطعه وضبط لوحتي فيها
الا البنت اللي جنبي تناظرني نظرااات عجيبه :rolleyes: .... قلتلها تبين واروح واقطع لها من هالاسفنجه :العيار:
واقولها خذي واكتشفت بالنهايه ان هالاسفنجه حقت الوانهاااا وكل ماقطع منها يتقطع قلبها..... ،،24
<<<< زادت الطين بله :D :D :D

س5 / ما هو شعورتس والاعضاء يسألونك ...؟

يعطيكم العافيه ياررب

شاكره لتس انصاتس

وصبرتس علي

وش دعوا يالغاليه....

اسعدتني بتشريفك....

تحياتي لك.........

عشق الليل

09-10-2005, 01:38 AM

توفي

هلا فيك يالغلاااا....

1_اسمك 00 عشق الليل 00 ماذا يعنى لك وما سبب اختيارك له 00

عشق الليل
احسه مرتبط فيني .... واخترته لاني بجد اعشق الليل...

\
/
\

اعشق الليل ومشاهد انجومه &&& واعشقه بـزود لخيم سكونـه

2_ اذا كنت تحبين القراءه اى الكتاب من العصر الحديث تحبين الابحار بكتبه 00

يستهوني الشعر اكثر شي... فالذلك احب اقراء لكثير من الشعراء منهم خالد الفيصل ,, والعشماوي

وعبد الرحمن بن مساعد و السامر ..........الخ

3_حدث بحياتك تعتبرينه غير مجرى حياتك00

_كثير احداث مريت فيها واثرت علي وبسبهاا غيرت اشياء كثير في حياتي...
لكن مو مهم الحدث نفسه...
المهم التغير يكون للافضل ونصحح من خلاله اخطائنااا....

وسلامتك 00

الله يسلمك يالغلاا...

ومشكوووره على تواجدك الرائع....

تحياتي لك .....

عشق الليل

09-10-2005, 02:03 AM

رووووووووعه يعطيك العافيه اخوي الزير على هذ الاختيار المميز

ضيفه من العيار الثقيل لها وزنها بالمنتدى

جيت اسلم واحجز لي كرسي

ولي رجعه باذنه تعالى

تحيااتي...دمووع

يسعد قلبك ياااااااارب....

ومشكووره على هالكلام الحلوووو واكيد مايجي الا من

انساانه ذوووق...

تحياتي لك...

عشق الليل

10-10-2005, 02:36 AM

عسوله..

اهليييين يالغلااااااا....

اما اسلئتي لك ياعشق..

1. وش تكرهين تشوفين في هالدنيا ؟؟

الحقد والكراهيه والكذب والنفااااق وجميع الصفاات الذميمه................

2. وش كان شكلك ((تعابير وجهك)) يوم قالوا لك تبين تصرين مشرفه؟؟

مثل تعابير وجهك يوم قالوا لك :D

3. وش سوتوا عالفطور اليوم؟؟؟

اخااف ابد اقولك وش افطرنا يجي الفطور ماخلصت :D

وشكرا..

عفوووووا

ومنوووووره يالغلاااااا بتواجدك....

تحياتي لك......

عشق الليل

10-10-2005, 02:48 AM

^
^

علميهم ياعشق الا على طاري النخلة

مرة من المراريت العيار وشمالي بيزورون واحد في المستشفى

الناس تاخذ باقة ورد هم ما خذين عسيب نخلة لا ومسوين فيها شباب

ويسلموووووو على كلامك

وانا اقووول ليه النخل بلا عسبااااان هلاياااام هههههههههههههه

الله يسلمك.......

عشق الليل

10-10-2005, 03:10 AM

انا جيت وين الكرسي حقي ابييييييه من خذاها يا ويله مني

احيااك عيووني عشووقه نورتي يا قلبي واسعدني حوارك مع الاخوان والاخوات الي سبقوني

نجي لورقه الاسئله استعدي واقري الدعاء هههههههه

<=== تذكرت اسئلة الاختبارات

^
^

(اللهم اشرح صدري ويسرلي امري واحلل العقده من لساني يفقهو قولي)

الدعاء وقريته الله يستر :D

<<<<< http://www.w6w.net/album/30/thumbs/w6w200504111350386a583171c.gif

السؤال الاول ...ما هي طموحااتك المستقبليه

طموحاتي ماقدر اوجزهاا في كلمتين .... لكن اهم طموحاتي
رضى الله,, ورضى اهلي الله يحفظهم....

السؤال الثاني...ما هي الاوقات التي تجدين نفسك فيها يعني تحسين باسترخاء
وتبدين بكتابه الشعر او الخواطر

بصراحه انا ماكتب الشعر او الخواطر هي اللي تكتبني...
يعني الوقت اللي احس اني ابغى اكتب اكتب....مافي وقت محدد....

السؤال الثالث ...ما هي اكلتك المفضله برمضان

اللقيمات....:)

ارجوا اني اسئلتي تكون سهله ومريحه لك يا الغاليه

واسعدنا لقاك الغالي

شاكره لك حضورك الرائع...

ولك مني جميع زهور الارض ....

تحياتي لك.....

عشق الليل

11-10-2005, 03:26 AM

ابو نواف

وعليكم السلام ورحمه الله وبركاته

هلا فيك اخوي...

والله يبارك فيك.... ومشكووور على هالكلام....

دعوه تتمنيها في هذا الشهر الفضيل ؟

ان يكشف الله الغم عن الامه الاسلاميه...وان يعز الاسلام والمسلمين
ويذل المشركين ومن نصارهم....
وان يهدي جميع شباااااااااب المسلمين لطريق الصلااح....
وان يشااافي جميع مرضى المسلمييييييييييييييييييين....
وان يتحقق كل مايجول بداخلي .....

اللهم اميــــــــــــــــــــــــــن

حكمه تتغنى بها مسامعك ليل نهار ؟

ماكل مايتمناه المرء يدركه تجري الرياح بما لاتشتهي السفن <<< هذي حاليا :)

حرف لاتنساه اناملك ؟

مافيه حرف معين الكلمه اللي اخطها ... اخطها بحروفهاا...

الديكور وما يحمله من فنون هل هي موهبه في مخيلتك ام هي مهنه تركها لك الزمن ؟

الديكور هو تخصصي الدراسي ..... :)

اشياء تعني لك ؟

ماذا يعني لك ..

مذيعه في قناة اخباريه ؟

على حسب المذيعه....اذا بتقدم اخبار وهي محتشمه اوكي...
اماا تجي وحده تقدم اخبار وكأنها تقدم برنامج سهره
هذا اللي مو عاجبني ابداً.....

امرأه تقود سياره ؟

سبب لنتشاار المشااكل ......

بالتوك ؟

سبب لدماااااااااار الكثير من الشبااب .... لان الاغلب يستخدمه لغرض
لايحمد عقباهاا...

بلوتوث ؟

طبعا احنا تجينا التقنيه ونستخدمهااا على طوول للاسوء
البلوتوث
لو عرفنا نستخدمه صح بيكون صح....وهو مثل البالتوك تقنياات استخدمنهااا
غلط....
ونشرت بيننا الكثير من الفساد...

الله المستعان...

اتمنى ان تكون اسئله تحمل في طياتها بعض الفائده

ودمتم ..,,

مشكووور اخوي على حضورك....

وكم اسعدني تواجدك....

تحياتي لك........

عشق الليل

11-10-2005, 03:59 AM

عشق الليل فيه سؤال طنشتيه ؟

ياخوفي اني احرجتك لأنك تدرسين محو اميه ؟

^
^
وابشرك نجحت من محو الاميه بامتياز :D

وبصراحه.... سؤالك ماشفته ...

نجي لسؤال...

س5 : مؤهلك الدراسي ؟ وطموحك العلمي الى اين ؟

_ادرس بكالوريوس .....هندسه ديكور

_طموحي اممممممم

اكون مهندسه ااااااااااد الدنيـــــــا :D

الا يا عالم هو فيه ورده ثانيه حاطها اخونا البراده عبيد

انا ما اشوف الا وحده

غيرها مافيه

^
^

مشكله الكبر شمالي :cool: ههههههههههههه

بعدين عشق يوم تقول لو تحط نخله مقبوله منك

تراها تذب عليك وتقصد انك دايم تمسك النخله مثل الورده

<<< ماصار زير صار ثلاجة 75 قدم

^
^
ياشرك بس :D

تحياتي لك...

ملكة الليل

11-10-2005, 07:30 AM

السلام عليكم ورحمه الله وبركاته..

اختي عشق

احب ان اسجل اعجابي بقلمك

واتمنى لك التميز دائماً

تحياتي ...ملكة الليل

عشق الليل

12-10-2005, 03:32 AM

عشق الليل ..
وين فنجال القهوه خل ابل ريقي فبل لا اسالك..

طيب اتلسؤال:
وين بتعيدون فيه ..؟؟>> مستعجله عالعيــد..

الفنجال لي مو لك ....:D

_ اما وين نتعيد .... للان ماحددنا بس ماراح نروح بعيد

ياااا باريس يااا اسبانيا....

للحين محتارين :D

_فنونه :D

_الله يستر لابليتي ريقك ;)

منوره قلبوووووووو

تحياتي لك....