العـطــشان
14-05-2012, 07:51 AM
والله انه مايحدك على الرجم الطويل
غير هرج يوجع القلب ويبيح خفاه
استباح الوقت صدري وعيّن له مقيل
ياحسافه ذيك الايام مجحود ٍ جزاه
السحابه وبلها ديم والقاع الحصيل
والصباخي تكتم الخير كفي ياسماه
ماكسبنا غير الاحلام من راس الهبيل
ومالقينا مدة الكف يا كم العباه
السلامه بعض الاحيان مطلب والدليل
لابذلت الطيب نوب ٍ تدور للنجاه
خص عاد اليا بذلته مع الشخص الذليل
والبشر مابه علامات والنيه وراه
ياعميلي وصلت الزور واسمع ياعميل
مسرج ٍ لك حامي الافكار مطروق ٍعصاه
الجمايل دربها عسر والمسرى طويل
ينقطع به حيل الاجواد والطرقي شعاه
والمصيبه كلمة الحق طاحت بالشليل
وان نفضته ردو الخلق ياحيٍ رواه
والصدور ان حده الغيض ماتعرف دخيل
علم اللي تقطع الظن وتزيد بعماه
ان سكتنا مالفانا سوى الهرج الهزيل
وان حكينا ماكسبنا من الدنيا طراه
والقريب اللي يجازيك بالجرح ويكيل
مايرده لو توده ولا رده حياه
ياقريب ٍ غره الوقت وانساه الجميل
يقطع الله هرجة النقص ثم يقطع نباه
منقوله للشاعر ( عمر الهمزاني )
اتمنى ان تنال على اعجابكم
العطشان
غير هرج يوجع القلب ويبيح خفاه
استباح الوقت صدري وعيّن له مقيل
ياحسافه ذيك الايام مجحود ٍ جزاه
السحابه وبلها ديم والقاع الحصيل
والصباخي تكتم الخير كفي ياسماه
ماكسبنا غير الاحلام من راس الهبيل
ومالقينا مدة الكف يا كم العباه
السلامه بعض الاحيان مطلب والدليل
لابذلت الطيب نوب ٍ تدور للنجاه
خص عاد اليا بذلته مع الشخص الذليل
والبشر مابه علامات والنيه وراه
ياعميلي وصلت الزور واسمع ياعميل
مسرج ٍ لك حامي الافكار مطروق ٍعصاه
الجمايل دربها عسر والمسرى طويل
ينقطع به حيل الاجواد والطرقي شعاه
والمصيبه كلمة الحق طاحت بالشليل
وان نفضته ردو الخلق ياحيٍ رواه
والصدور ان حده الغيض ماتعرف دخيل
علم اللي تقطع الظن وتزيد بعماه
ان سكتنا مالفانا سوى الهرج الهزيل
وان حكينا ماكسبنا من الدنيا طراه
والقريب اللي يجازيك بالجرح ويكيل
مايرده لو توده ولا رده حياه
ياقريب ٍ غره الوقت وانساه الجميل
يقطع الله هرجة النقص ثم يقطع نباه
منقوله للشاعر ( عمر الهمزاني )
اتمنى ان تنال على اعجابكم
العطشان