سؤال للجميع ؟

[قمر]

بصراحه ودي أتكلم في موضوع جدا يزعجني وابيكم تشاركوني فيه

الموضوع جدا يهمني ويهم كل انسان :

الموضوع هو : الزحمة الغير معقوله في الاسواق خصوصا في

العشر الخيرة في رمضان

رماضان هو شهر الخير والبركة شهر يغفر الله تعالى فيه الذنوب

رمضان شهر العتق من النار

قال صلى الله عليه وسلم (ولله عتقاء من النار وذالك في كل ليلة )

صحيح نحتاج لسوق لشراء ملابس العيد وبعض الهدايا فهذه فرحة

الصائم ومكافأة الله لعباده بعد الصيام والقيام

لآكن الي صاير في السواق شىء مبالغ فيه

الناس يتسوقون الى الثلث الأخير من الليل !!

اين هم من صلاة القيام اين هم من ليلة القدر التي هي خير من الف

شهر , اين هم من الخير كله؟
لاكن فية حل ( ليش ما اتسوق في أول رمضان أوفي شعبان )

[abud3d]

والله ياقمر موضوعك رائع

لكن انا اشوف انك تأخرتي بطرحه كثير

ليت هذا الموضوع طرح قبل العشر الاواخر

لكي يأخذ نصيبه من التفاعل

ويطرح الفائده للجميع ويحثهم على انهاء تسوقهم قبل العشر الاواخر

تحيتي لك اخيتي

شمالي

[عنوود]

السلاااام عليكم ..

مساتس الله با الخير قمر .

والله ها الموضوع مزعجتس ومزعجني ومزعج الجميع .
ولا أحد يعاف الخير والبركه .
يعني بذمتس شهر فضيل مثل رمضان مهوب المفروض يصير إجازه كله , الواحد يتعبد ربه ويقضي للعيد وعلى العشر الآواخر مايصير عنده شي , مهوب يقطعونه علينا حتى من النص مافيه

يعني أغلب الحريم السعوديات مدرسات ماشاء الله متى يمديهم يشترون للعيد إلا في الإجازه , الوحده تجي هلكانه من المدرسه ثمن تروح تطبخ وتنفخ لرجبها والدقرش اللي عندها ثمن تصلي التراويح :confused: متى يمديها ؟ والطالبات , ناهيتس عن مواعيد الرواتب والمكافآت , يعني مثل الحين الإجازه والرواتب والمكافآت كلها جت مع 23 .

والله منيب اقول ها الحتسي حباً با السوق بس اتمنى يصير رمضان كله إجازه
هذا أول رمضان .

العشر الآواخر .
فيه ناس تعتدل با الوقت يعني من بعد صلاه التراويح إلى الساعه 12 مثلا او 1 با الكثيره يمديها تصلي التروايح تروح المحلات اللي ببالها , بس بعض الحريم تقل مخدرين تنسى نفسها با السوق ولا زي ماقتلتس محد يعاف الخير والبركه

شعبان..
انا أعرف لتس ناس ماشاء الله عليهم يشترون للعيد قبل 6 شهور يمكن , بس والله مقدر لاشريت شي جديد ماااش يوجعني قلبي لازم ألبسه :D
بس هذا هو الحل وزبده الحتسي , يعني إذا ماخلوا رمضان إجازه السنه الجايه <(انواع الطموح انتي ووجهتس :D ) ماعندنا إلا شعبان حبيبنا نخلص امورنا

قمر طولت عليتس وهرجي مايخلص , الله يعطيتس الف عافيه على ها الطرح , أحييك بشده ..11

[قمر]

اولآ : كل الشكر لك يالشمالي على تفاعلك المثمر

كان ودي اني طارحه هاه الموضوع من أول رمضان أو قبل العشر

الأواخر لاكن منظر الزحمه الي شفتها كان من يومين بس فعلآ

تفاجأت فيها .

ثانيآ :تسلمين ياخت عبير على الرد الحلو

تحليلك منطقي بس مهما كانت الظروف الوحدة منا تقدر تتأقلم

وتنسق وقتهتا.

وياليت رمضان يصير كله إجازة. ،،33

[@فروحه الحلوه@]

مانيب مادحه نفسي بس انا شريته قبل رمضان بثلاث اسابيع




مع دخول المدرسه يعني



رحت اشتري للجامعه والعيد مرره وحده




بس عندي ناسن مايشترون الا في رمضان


ولا زم اروح معهم


بس انا قلت لهم اول رمضان تشترون


ولا والله مافيه روحه


والحمد لله العشر الاولى خلصنا



بس باقي بكلات ودحاويس وشكلنا محنب شارين خلاص بنتعبر باللي عندنا