خمبدزة × خمبدزة

[*كحيلان*]

حيا الله الأعضاء كلن باسمه ،،24
الصراحه ما براسي فكره معينه بس قريت موضوع الزير عبيد
وهيضني على الخمبدزة ...55485
خصوصاً مقطع الطيار يوم يقول اقلطوا على عشاكم ،،34 ،،34
ذكرني بسالفة شايب "اسمه الحركي قعود" في الديرة يشلخ شلخ من هالنمونه ،،13 ،،13
السالفه وما فيها ان قعود مر جدي العصر :::54632 :::54632 ذاك اليوم لان الشبه عنده
"الشبه: دورية قهوه" :rolleyes:
المهم ان الشياب ينبسطون على قعود :العيار: :العيار: يلعبون عليه ويشغل مجلسهم بتسذبه ،،13
ساله احد الشياب قال يا قعود لك اسبوع ما شفناك وين الغيبات؟
قال قعود (( يا رجال كنت مسرح الحلال ،،53 ،،53 يم الاثله اللي عن الديرة جنوب المهم والقى هليكوبتر فاتحن كبوته وعنده خواجات ،،5340 ،،5340 و وصلتهم وقلت حي الخواجات وهم اللي يقولون ابقه ،،5340 " خواجات ذولا ولا بدو :D " قلت لهم عسى ما شر قالوا الشر ما يجيك ابد هليكوبترنا ما ندري وش جاه ما عاد طاع يشتغل قال خلوني اشوف يقول وانا اللي اشوف ولا لقيت فيه شي :confused: قلت عطوني المفتاح قالوا سم وانا اللي اجرب دعسته بس مهنا عزم وانا اللي اشيك على المكينه والبواجي بس ما لقيت شي :confused: المهم واعود للشكمان والقى هكا الحصاة اللي كبر راسك يا ابن فهره ،،71 "الا كبر التنكه اللي براسك ،،39 " ساده الشكمان وانا اللي انخجها بسكروب واعود وادعس على بنزين الهليكوبتر"قلهم يعبون من الدريس :العيار: " وهي اللي تنطلدز الحصاة من الشكمان واخذ لفه بالجو ،،5340 ولاهنا باحسن من سياقتها وارجع لهم واقول سموا هليكوبتركم المهم قالوا اصبر نبي نسالك انت مهندس فطرة ولا دراسه قلت لا انا الهندسه عندي فراسه :العيار: :العيار: قالوا زين خلك عند ذا الصفاة نبي نمرك عقب يومين يمكن ناخذك معنا علشان نوظفك عندنا بامريكا تزين طياراتنا قلت ابشروا والا يومك ما شفت احد منهم :D :D ))
المهم سالوه الشياب وشلون جو ذولا" منسجمين بسالفته :العيار: "
قال قعود (( مهوب عندهم حرب في العراق اهقيهم ضيعوا ووصلونا هنيا :العيار: ))
قال ابن فهره طيب يا قعود يذكرونك رايح لامريكا سنة من السنين :العيار:
قال قعود (( ايه يوم اروح انا ومحيميد اخوي اعالج ،،11 ))
قال ابن فهره طيب نبي نشوف تعلمت لغتهم ولا :العيار: .. تعرف تقرا المكتوب على باب حوض موتري؟ :confused:
قال قعود (( ايه مكتوب هااااااااااااايلووووووكس ،،5340 "قاعد يتهجي يقاله :D "))
قالوا ابن فهره لا باللله الا تعرف" مصدق انه مكتوب هايلكس ،،35 "

على طاري السفر علشان العلاج قبل 30 سنه تقريباً راح ابوي وجدتي الله يحفظهم لمدينة لندن علشان تسوي جدتي عملية فتاق مالكم بالطويلة
قبل العملية بيوم عند جدتي موعد مع الدختور اللي يبي يسوي العمليه
المهم راحت هي وابوي له و طلب الدختور من ابوي انه يطلع ،،11 قال ابوي انها ما تعرف انقليزي ابقعد علشان اترجم 2،، 2،، قال الدختور معليش المريضه يمكن عندها اشياء ما تبي تقولها قدامك ومن ناحية المترجم بيجي معي مترجم
المهم وسالها الدختور وش اسمك وهي اللي تعلمه وكم عمرك قالت جدتي والله ما اعلم يا وليدي بس يقولون ان اختي نوير جايه سنة السبله وعقبها بسنه وضحى وانا عقب وضحى بسنه :العيار: " جدتي تحسبه قاعد بمشراق :D "
تقول عاد جدتي ان الدكتور قال للمترجم رح تقول راح المترجم ورجع و معه كتاب اكبر من حوض الونيت :العيار: تقول انه حق تواريخ وتقول وهو اللي يهجه الدختور على صفحة سنة السبله1347هـ وقال لي الدختور انتي عام 1350 هـ احفظيه ((اتحداكم كم مره قلت دختور :العيار: ))
يلعن ام العلم اللي عندهم ذا الغرب ما خلوا شي لنا 222..

على طاري العلاج وما العلاج ابقولكم قصتي الواقعية لابعد الحدود :cool:
قدر الله علي وقلت ابعالج سنوني و ضريساتي :D واحط تقويم
يوم ركبته و المواقف الغبيه واقفه سرا واحد ورا الثاني :العيار:
اول موقف هو اني اول ما ركبته ما تعودت عليه فاذا نمت زعابيلي قامت تقوطر ،،623 والحتسي ماش ماعادنيب"ان تسان العندليب :D " خويكم الاول تقل هندي متسعود ،،51 احتسي حتسي مكسر ،،51
لا وازيدكم من التبسي صحن :العيار:
في اول صيف لي بالتقويم كان فيه زواج واحد من بني عمي
واجيك مدرعم قالط على الرجاجيل بالمجلس :العيار:
وابدا اسلم من على اليمين واول شخص سلمت عليه
اول ما تعديته والاه يصايح يقول شماغي ،،51 وهو يلحقني والتفت عليه :confused: :confused:
والا شماغه ناشب بالتقويم اثرني جاره من على راسه :العيار: :العيار:
ونحاول نفكه نحاول الين قطعه راعيه بسنونه بعد ما نتف ما يقارب
متر من الخيط الاحمر يعني بالعربي قلبته من شماغ لغتره :العيار: :العيار:
واجيك اكمل السلام وكل من سلمت عليه قام يذب علي
اللي يقول الله يكفينا من شرك يا دراكولا ...55485 واللي يقول وشلون تسلم انت ورى ما تصك اثمك 2،، وانت تسلم قلت وشلون تبيني اسلم سلام طرمان لازم الواحد اذا سلم يحتسي ،،13 ،،13 يقول تسيفك تسيف حالك((اتحداكم كم مره قلت اول :العيار: ))..
برضو ازيدكم من الفله ملحق :العيار: :العيار: مرة قاعد العب كوره وما دريت الا والكوره بخشتي 222..
والبرطم " وفي رواية الشفايف :D " ناشبه بالتقويم ،،51 ،،51
احاول اطلع برطمي احاول احاول ماش التقويم متيت البرطم ؛:1
ويجي واحد من الشباب الله يجزاه خير يقول انا اعرف اعالجك قلت يالله
وهل اللي يتل برطمي والى دماني طشاش ،،11 قلت له خوش عرف..
لا وازيدكم من العماره شقه :D
جيتك مره رايح للمطار وانا اللي ادخل الجهاز اللي يصيح على الحديد
وهو اللي يصيح علي :confused: :confused: وانا اللي افصخ ساعتي وكنادري واطلع بوكي وادخل برضو يصيح علي :confused: :confused:
والعسكري يقول ماش شكلك ارهابي :mad: مخزن في بطنك قنبله وهو اللي يقشعني لسجن الارهابين :mad:
وانا اللي اشوف صديدزي "الارهابي" هناك بس هو ارهابي صحيح وانا اشتباه :D
وهذي اول مره اشوف فيها خشة الارهابي ،،52
فنستفيد من هالسالفه ان التقويم هو ورا انتسابي لمنتديات خبزة نت :العيار:
وان احداث سبتمبر مالي دخل فيها لاني وقتها كنت بالزواج آنف الذكر :D
وانكم حلوين وطيبين وبنحبكم :العيار:
اوه نسيت اقول للملحطين ويشتغلون بالنت عن طريق ديال اب يفصلون اتصالهم ثم يقرون خرابيطي :cool:
انتهى
وش رايك يا الارهابي كثرت من الوجيه زي ما قلت لي ،،25

[الارهابي]

هههههههههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههه

<<<<<< http://smilies.sofrayt.com/%5E/c0/rofl.gif

الله يرجك انت وتقويمك ,, عاقبت خلق الله http://smilies.sofrayt.com/%5E/c0/skullgrin.gif

وسعت صدري الله يوسع صدرك ,,:)

بس ياخي انا قلت لك حط وجيه ,,
بس الوجيه اللي انت حاطها أكثر من كلامك http://smilies.sofrayt.com/%5E/h0/crazy3.gifخخخخخخخ

يسلمووووووووو يا صديدزي العزيز :العيار:

[*كحيلان*]

هلا والله بالصديدز..
هههههههههههههههههههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههه

هذي ضحك ولا راسم وزارة الداخلية

الله يرجك انت وتقويمك ,, عاقبت خلق الله

ومعاناتي ما اعجبتك

بس ياخي انا قلت لك حط وجيه ,,
بس الوجيه اللي انت حاطها أكثر من كلامك

ما ينعرف لك يوم ما حطيت قلت حط ويوم حطيت قلت ليش كذا..

على العموم تسلم يا صديدزي على الرد اذا الموضوع صورة ردك بروازها..

[سكون]

والقى هليكوبتر فاتحن كبوته



ههههههههههههه


ههههههههههههههههه



مشكور .,,


والله يوسع صدرك

[همسات الليل]

كحيلان الله يرج شيطانك اموت واعرف سر الالهام هذا لو اجلس مليون سنه افكر ما جبت نص كلامك
وربي انك ونااااااااااااااااااااااااااااسة من جد, وتعرف كيف توسع الصدر والله انت كلك حركات
يعطيك ربي الف عافيه
تحياتى الرائعه لك
اختك هموسه

[@فروحه الحلوه@]

قال ابن فهره طيب نبي نشوف تعلمت لغتهم ولا .. تعرف تقرا المكتوب على باب حوض موتري؟
قال قعود (( ايه مكتوب هااااااااااااايلووووووكس "قاعد يتهجي يقاله "))
قالوا ابن فهره لا باللله الا تعرف" مصدق انه مكتوب هايلكس "
8
8
8
8
ههههههههههههههههههههههههههههههههههههه
ههههههههههههههههههههههههههههههه
هههههههههههههههههههههههه



هذا زي اللي توه متعلم يقرا ويقول
ب
ب
بق

بقا

بقاله

وهي اساسا مكتوبه سوبر ماركت





وابدا اسلم من على اليمين واول شخص سلمت عليه
اول ما تعديته والاه يصايح يقول شماغي وهو يلحقني والتفت عليه
والا شماغه ناشب بالتقويم اثرني جاره من على راسه
ونحاول نفكه نحاول الين قطعه راعيه بسنونه بعد ما نتف ما يقارب
متر من الخيط الاحمر يعني بالعربي قلبته من شماغ لغتره
واجيك اكمل السلام وكل من سلمت عليه قام يذب علي
8
8
8
قالوا لك سلم مو كل شماغه الله يرجك


الا وشلون دخل الشماغ في التقويم

الا ان كان سلامك حار يااخي





برضو ازيدكم من الفله ملحق مرة قاعد العب كوره وما دريت الا والكوره بخشتي
والبرطم " وفي رواية الشفايف " ناشبه بالتقويم
احاول اطلع برطمي احاول احاول ماش التقويم متيت البرطم
ويجي واحد من الشباب الله يجزاه خير يقول انا اعرف اعالجك قلت يالله
وهل اللي يتل برطمي والى دماني طشاش قلت له خوش عرف
8
8
8
8
ههههههههههههههههههههههههههه



هذي كثر منها دوم تصير

حتى البنات كل مره وحده تقول آآي


ندري ان برطمها دخل في التقويم

حتى وهم مايلعبون كوره


بس شكله من مضغ اللبان والله اعلم





يسلمووووو على موضوعك المخمبدز الحلو


ننتظر جديدك ..

[*كحيلان*]

هلا والله باللي ردوا علي ،،33

<=======داق تحية عسكرية :العيار:

يالله نبدا بالتعقيب واحد واحد..

سكون :
شاكر ومقدر الرد..

همسات الليل :
كحيلان الله يرج شيطانك اموت واعرف سر الالهام هذا لو اجلس مليون سنه افكر ما جبت نص كلامك
الالهام استمده من غضارة لبينه بارده احطها عند الشاشه قبل ما اكتب :العيار:

والله انت كلك حركات
باللله :confused:
<======= قاعد يدور الضمة فوق راسه :D

مشكورة على الرد اختي هموسه..

@فروحه الحلوه@ :
ههههههههههههههههههههههههههههههههههههه
ههههههههههههههههههههههههههههههه
هههههههههههههههههههههههه
الارهابي رسم وزارة الداخلية وانتي وش راسمه :confused: زلف درجتكم مقلوبه :العيار:

قالوا لك سلم مو كل شماغه الله يرجك

الا وشلون دخل الشماغ في التقويم

الا ان كان سلامك حار يااخي
تعرفين الجوع له دور :D
وثاني شي اندري عنه تارك شماغه متهدل يحسب نفسه طويل العمر ،،64
والله حنا عيال نعمه عندي الثنين سلام حار وبارد :D

<======= اشوا ان السبيليت حقك بارد بس :العيار:

حتى البنات كل مره وحده تقول آآي

ندري ان برطمها دخل في التقويم
ولا يهون اللسان 222.. العن من البرطم ،،11

مشكوره على الرد اختي فروحه الحلوه
------------------
اقول لكل اللي ردوا اذا الموضوع شماغ فردكم عقاله :D

[صاحب الإمتياز]

المهم واعود للشكمان والقى هكا الحصاة اللي كبر راسك يا ابن فهره "الا كبر التنكه اللي براسك " ساده الشكمان وانا اللي انخجها بسكروب واعود وادعس على بنزين

هههههههههههههههههههه
ههههههههههههههه

أجل نخجتها حشا ما صارت حصاة صايرة جحه ( بطيخة ) :العيار:

يقولون ان اختي نوير جايه سنة السبله وعقبها بسنه وضحى وانا عقب وضحى بسنه " جدتي تحسبه قاعد بمشراق

^
^
والشيبان وهالعجز ما عندهم عمر الا سنة السبلة تقل

إنهم مولودين بهالك السنة وبعدها ما ولدت الحريم

اوه نسيت اقول للملحطين ويشتغلون بالنت عن طريق ديال اب يفصلون اتصالهم ثم يقرون خرابيطي

أقول وش عقبه الله لا يهينك بتجيك الفاتورة على ايميلك ،،11


ومشكور اخوي والله يوسع صدرك بالعافية

تحياتي

[عنوود]

السللام عليكم ..


مسااا الخيررر

هيا بنا ياكحيلان ..لـ مواضيعن تروي العطشان.. وماتحوم تسبد الطفشان .. وهيه هيه هيييييييييييييه .. هيا بنا ياكحيلان فأنت أنت من الشجعان .. والنظافه من الإيمان .. والوساخه من الشيطااان :العيار:
<- با الله عطوها رضعتها وخلوها تنام http://kbzh.net/vb/images/smilies/throwup.gifالمهم ان الشياب ينبسطون على قعود

قعود ولا وقووف :العيار:
<- ياخف دمتس بس :p


والقى هليكوبتر فاتحن كبوته وعنده خواجات و وصلتهم وقلت حي الخواجات وهم اللي يقولون ابقه " ههههههههههههههههههههههههههههه
ياشين اللي فاهمن الهليكوبتر غلط :D
أما ابقه شين ثاني :العيار:

سؤال طيب الهليكوبتر كان معبّث ولا لأ :D خخخخخخخخخخخخخخخخخ

واعود للشكمان والقى هكا الحصاة

أجل هكا:D إيييه الله يحلل ربعنا التوانسه ابعذر بن فهره لاصارت كبر راسه

ولاهنا باحسن من سياقتها
كرسيدا مهيب طياره ابد :confused:

قال قعود (( ايه مكتوب هااااااااااااايلووووووكس "قاعد يتهجي يقاله "))
قالوا ابن فهره لا باللله الا تعرف" مصدق انه مكتوب هايلكس "

هههههههههههههههههههههههههه الله يرجك







فنستفيد من هالسالفه ان التقويم هو ورا انتسابي لمنتديات خبزة نت

ياخاااااااااااااااال ابوي حك اظهري :D


اول موقف هو اني اول ما ركبته ما تعودت عليه فاذا نمت زعابيلي قامت تقوطر والحتسي ماش ماعادنيب"ان تسان العندليب " خويكم الاول تقل هندي متسعود احتسي حتسي مكسر

ههههههههههههههههههههههههه طيب قل سمبوسه تحب البسوسه خمس مرات :العيار: <- تبي تستاثم فيك (وجهه بريء ) :rolleyes:

اوه نسيت اقول للملحطين ويشتغلون بالنت عن طريق ديال اب يفصلون اتصالهم ثم يقرون خرابيطي
تو الناس ،،11 خخخخخخخخخخخخخخخ


*كحيلان* الله مير يسلمك تسانك وسعت صديري :cool:

نتحرى جديدك :cool:

[*كحيلان*]

عنوود :
وعليكم السلام ومساء الخيرات والمسرات..

هيا بنا ياكحيلان ..لـ مواضيعن تروي العطشان.. وماتحوم تسبد الطفشان .. وهيه هيه هيييييييييييييه .. هيا بنا ياكحيلان فأنت أنت من الشجعان .. والنظافه من الإيمان .. والوساخه من الشيطااان
وين سامع ذا المقطع وين :confused: ايه صح بمسلسل الزير سالم بين الشوطين اللي يلقيه صوت ذاك العود:العيار:

سؤال طيب الهليكوبتر كان معبّث ولا لأ
معبث <======= اسم مسيحي :العيار:

أجل هكا إيييه الله يحلل ربعنا التوانسه ابعذر بن فهره لاصارت كبر راسه
هههههههههههههههههههههههههه ،،25
اجل ((هكا)) والله اني فطست من الضحك يوم قريتها بالتونسي ،،35
اقريها بالنجدي يعني كذا ((هاكا)) ،،33

كرسيدا مهيب طياره ابد
يلعن ام الغبار اللي طلع منتس اجل كرسيدا :العيار:

ههههههههههههههههههههههههه طيب قل سمبوسه تحب البسوسه خمس مرات <- تبي تستاثم فيك (وجهه بريء )
سمبوسه تحب البسوسه سمبوسه تحب البسوسه سمبوسه تحب البسوسه سمبوسه تحب البسوسه سمبوسه تحب البسوسه
<======== شايل التقويم من سنة السبله :D
طيب انتي قولي architecture ،،11

اوه نسيت اقول للملحطين ويشتغلون بالنت عن طريق ديال اب يفصلون اتصالهم ثم يقرون خرابيطي
تو الناس خخخخخخخخخخخخخخخ
ههههههههههههههههههههههههه
<====== يبي يغبنكم بس عنده dsl :العيار:
------------------
مشكوره اخت عنوود على الرد اذا الموضوع شارع ترا ردك لمبات الشارع الصفر :العيار:
معليش فيه سؤال يقرقع بصدري ليش حاطه واوين باسمك :confused:
مشكوره من جديد على الرد وآسفين على التأخير..

[*كحيلان*]

رد خاص جداً للأخ الزير عبيد :
الصراحه ما براسي فكره معينه بس قريت موضوع الزير عبيد
وهيضني على الخمبدزة
معليش يا قلبي تأخرنا عليك بالرد لكن العتب على الذاكرة اللي تقل طاقيه مشوخله ما عاد تجمع..
لكن ابشر باللي يرضيك..

هههههههههههههههههههه
ههههههههههههههه

أجل نخجتها حشا ما صارت حصاة صايرة جحه ( بطيخة )
قالت العرب نخج ينخج تنخيجاً وتقال لطعن كل ما هو كبير نسبياً للحجم مثال ذلك نخج زيد عبيد اي طعنه او وجه له ضربات طاعنه اي حاده بألمها..


والشيبان وهالعجز ما عندهم عمر الا سنة السبلة تقل

إنهم مولودين بهالك السنة وبعدها ما ولدت الحريم

ذكرتني بعمان "عاصمة الأردن" ما ادل فيها انا واخوي الا دوار عبدون كل ما بغينا نروح لشي نمر عبدون قبل ثم نروح لمشوارنا يعني نطلع من الشقه نبي سينما نمر عبدون ومنه نروح للسينما وهلم جره..


اوه نسيت اقول للملحطين ويشتغلون بالنت عن طريق ديال اب يفصلون اتصالهم ثم يقرون خرابيطي
أقول وش عقبه الله لا يهينك بتجيك الفاتورة على ايميلك
هههههههههههههههههههههههههههههههههههههههههههههههه
والله ابشر بعزك ما طلبت شي يالزير عبيد ارسل فاتورتك على هالايميل : m39y@*******.com
اذا الموضوع بحر ردك يا الزير دانة البحر..
ومشكور من جديد على الرد..

[المصرقعة]

الله يحيك ويبقيك اقلط الغدا عندنا اليوم حلفت عليك >>>>>> صدق بس
سالخير على الناس الغير
تسيف حالك يا تسحيلان عساك بخير
والله يا زينها دوريه القهوة حتى احنا بالكليه لازم قهوة صراحه انت ضربت على الوتر الحساس من اشم قهوة اضيع دربي >>>>>>>>> بعيد الشر عنكم مدمنه قهوة تقل انها دوا
والقى هليكوبتر فاتحن كبوته وعنده خواجات >>>>>>>>>>> ما شفت هاكا اللي جالس يلعب مع غنمة قعود (( من الخواجات ))
المهم واعود للشكمان والقى هكا الحصاة اللي كبر راسك يا ابن فهره ،،71 "الا كبر التنكه اللي براسك ،،39 " ساده الشكمان وانا اللي انخجها بسكروب واعود وادعس على بنزين الهليكوبتر>>>>>>>>>>>>>> لا قعود صراحه ينفع دكتوراة مو بس مهندس >>>> هو فيه دكتوراة بالهندسه ؟؟؟؟؟؟؟؟؟
واخذ لفه بالجو>>>>>>>>>> يا حظه كان علمني عشان اخذ لفه معه
ولاهنا باحسن من سياقتها>>>>>>>>> ايه انه صادز (( مجربه الاخت ))
نبي نمرك عقب يومين يمكن ناخذك معنا >>>>>>>>>>> انا اشهد انهم بيورونه رقعة وجههم
ايه مكتوب هااااااااااااايلووووووكس ،،5340 "قاعد يتهجي يقاله >>>>>>>>>> من الفطانه الزايده والله
بس يقولون ان اختي نوير جايه سنة السبله وعقبها بسنه وضحى وانا عقب وضحى بسنه>>>>>>>>>>>>>>>> الظاهر ما فيه تاريخ عندهم الا ما قبل السبله وما بعدها الا على سيرة السبله ما حطوا سنه الكسر ولا ام الذر
يلعن ام العلم اللي عندهم ذا الغرب ما خلوا شي لنا >>>>>>>> لا تراهم سارقينه مننا واحنا لازم نرجعه
والا شماغه ناشب بالتقويم اثرني جاره من على راسه >>>>>>>>> الله يهديك ما لقيت انك تسحب الا شماغه كان سحبت شي زين
واجيك اكمل السلام وكل من سلمت عليه قام يذب علي >>>>>>>> ما ينلامون والله
مرة قاعد العب كوره وما دريت الا والكوره بخشتي >>>>>>>>> يا زين لعب الكورة تراك هيضت شجوني (( اخص على الشجون ))
وهل اللي يتل برطمي والى دماني طشاش >>>>>>>> ذكرتني بسالفه اللي يقاله بيحمي اخته من انها تلعب بالسكين وهي كانت ماسكه السكين مو مع اليد لا ماسكتها مع الجهه الحاده وانت الذهين رح واسحب منها السكين وقص يدها مسيكينه ما ادري كم غرزة بيدها (( ملاحظه : كانت هذه الاحداث وهم صغار ))
جيتك مره رايح للمطار وانا اللي ادخل الجهاز اللي يصيح على الحديد>>>>>>>> قد صاح علي واجد تدرون ليش (( عشان توكتي اللي بشعري )) صادوني كم مرة قلت اكيد بيشكون فيني

وانا اللي اشوف صديدزي "الارهابي" هناك بس هو ارهابي صحيح وانا اشتباه>>>>>>>> حرام عليك الارهابي مسالم مررررررررررررة
وان احداث سبتمبر مالي دخل فيها لاني وقتها كنت بالزواج آنف الذكر >>>>>> مو شرط تكون مو انت بعض الارهابيين يسون تفجيراتهم وهم جالسين بالقهوة بعد
اوه نسيت اقول للملحطين ويشتغلون بالنت عن طريق ديال اب يفصلون اتصالهم ثم يقرون خرابيطي >>>>>>>>>>> صاكته قبل لا تقول لاني داريه عن سوالفك
قالت العرب نخج ينخج تنخيجاً>>>>>>>>> لا انت غلطان بالتصريف هو اصلا نخج ينخج نخجا
الله يرجك صدز وسعت صدري وونستني بارانبك اللي تطامر وكثر من سباحينك هذي اللي تفرفش اللي متضايق وننتظر خمبدزة جديدة من سعادة الملازم تسحيلان
تقبل تحياتي تسحيلان
اختك صرقوعه الملقبه بالمصرقعة
واذا ردي كي بورد انت مفاتيحها >>>>>>>>>> متاثرة بالكمبيوطر واجد >>>>>>>> تموت عليه
>>>>>>>>>>>>>>> يا شين التقليد

[*كحيلان*]

حطيت اسفي واعتذاري في دزدر والدزدر نبزته على راسي تسني حريم منول..
ثم قرعت على باب المصرقعه وقلت ذلكم الاعتذار اللذي بالقدر لك خوذي منه ما شئتي ثم ارجعي القدر لي على عجاله وان غسلتموه فهو أفضل..
8
8
8
اتحداتس يا المصرقعه ان فهمتي شي..
لكن الزبده أنا آسف على التاخير بالرد والله كل ما دخلت المنتدى ولقيته ودي ارد بس اصير عجل
وردتس اطول من خط الحجاز يبيله وقت بعد..
يالله نبدا يالرد :

والله يا زينها دوريه القهوة حتى احنا بالكليه لازم قهوة صراحه انت ضربت على الوتر الحساس من اشم قهوة اضيع دربي >>>>>>>>> بعيد الشر عنكم مدمنه قهوة تقل انها دوا
اجل لو تشوفيني وش تقولين مدمن قهوه شويه علي..
انا يجوني ابوان البزارين ومعهم ورعانهم ويشرون علي ويقولون لورعانهم هذي تالية شرب القهوه..
لا وأحياناً أدخل المطبخ وهي في الدله على الضو افتح الغطاء واتنشدزها..
وذا التنشدز مسبب لي ازمه قبل ما اشرب القهوه لازم اتنشدز الفنجال ولا كوب الكوفي
تصدقين في ستار بوكس اول ما عطاني كوبي على طول قمت اتنشدز وقاموا الناس يناظروني وحامة تسبودهم وتركوا المحل..
الصراحه معاناة مع هالعاده..
اقول اذا تعرفين مطوع يمدحون قرايته علميني..

لا قعود صراحه ينفع دكتوراة مو بس مهندس >>>> هو فيه دكتوراة بالهندسه
فيه دكتوراه بالهندسة بس السؤال مهوب تسذا السؤال هو فيه دكتوراة بالبجد علشان نعطيها ابن فهره..

واخذ لفه بالجو>>>>>>>>>> يا حظه كان علمني عشان اخذ لفه معه
اذا تبين تجربين دقي على السفاره الامريكيه قولي انا عريبيا ودي الف بالطياره باجوائكم..ويجونتس ويشقلونتس من شوشتس ويورونتس اللفه بالجو على اصولها..

ولاهنا باحسن من سياقتها>>>>>>>>> ايه انه صادز (( مجربه الاخت ))
عز الله عقب ما تدقين على السفاره بتصيرين مجربتها..

نبي نمرك عقب يومين يمكن ناخذك معنا >>>>>>>>>>> انا اشهد انهم بيورونه رقعة وجههم
رقعة رقعة وين سامعها فيه ..ايه صح الشق اكبر من الرقعة..

ايه مكتوب هااااااااااااايلووووووكس ،،5340 "قاعد يتهجي يقاله >>>>>>>>>> من الفطانه الزايده والله
الا من ثوارة اللي قدامه..

بس يقولون ان اختي نوير جايه سنة السبله وعقبها بسنه وضحى وانا عقب وضحى بسنه>>>>>>>>>>>>>>>> الظاهر ما فيه تاريخ عندهم الا ما قبل السبله وما بعدها الا على سيرة السبله ما حطوا سنه الكسر ولا ام الذر

يا بنت الحلال فيه كلش تخيلي ان فيه سنة هفية رمضان هذي سنة ميلادي..
<===== احلى حتى القراوه صار لهم ميلاد

يا رجال ميلاد قراوه نحط مرقوق وعليه ند============>

معنى ند : شي اسود وعوده احمر يطيبون فيه القراوه البيت


يلعن ام العلم اللي عندهم ذا الغرب ما خلوا شي لنا >>>>>>>> لا تراهم سارقينه مننا واحنا لازم نرجعه
مأثره عليتس واجد ابلة التوحيد.. اقول لايكثر سارقين سارقين تراكم صجيتونا
ترا الاغريق قبل ما يجي رجال اسمه عرب..

والا شماغه ناشب بالتقويم اثرني جاره من على راسه >>>>>>>>> الله يهديك ما لقيت انك تسحب الا شماغه كان سحبت شي زين
وش قصدك يا الرأسماليه تبيني اسحب دراهمه
<===== فاهم غلط
هي بكيفي اسحب لو بكيفي كان ما سحبت شي..

مرة قاعد العب كوره وما دريت الا والكوره بخشتي >>>>>>>>> يا زين لعب الكورة تراك هيضت شجوني (( اخص على الشجون ))
جمعي لك بشكة حريم وتعالوا باروا بشكتي اللي انا مجمع والوعد ملعب الملز الخميس العصر..
<==== ملعب الملز استراحة شغالتكم وانا ما ادري
اقول انثبر تراك غثيتنا الملعب ملك الشعب=============>
<============الشعب ولا القاعات هع
القاعات ولا صالات الافراح هع==============>
اقول وعدك بعدين مهوب هالحين خل نرد على المصرقعه=======>
<======== لاتشرهون عنده انفصام شخصيه
الله لايقوله انت اللي مصاب بالشيزوفرينيا===========>
8
8
8
طلعت كانها لوحات ارشاديه في شوارع جده

وهل اللي يتل برطمي والى دماني طشاش >>>>>>>> ذكرتني بسالفه اللي يقاله بيحمي اخته من انها تلعب بالسكين وهي كانت ماسكه السكين مو مع اليد لا ماسكتها مع الجهه الحاده وانت الذهين رح واسحب منها السكين وقص يدها مسيكينه ما ادري كم غرزة بيدها (( ملاحظه : كانت هذه الاحداث وهم صغار ))
اتوقع الحق على ملاحظه لانه قاعد يقول هم صغار ولا سوى شي..
<===== فاهم غلط يحسب ملاحظه واحد يحتسي

جيتك مره رايح للمطار وانا اللي ادخل الجهاز اللي يصيح على الحديد>>>>>>>> قد صاح علي واجد تدرون ليش (( عشان توكتي اللي بشعري )) صادوني كم مرة قلت اكيد بيشكون فيني
اخص يا القرويه حاطه شباصه لا وتروحين بالطياره..
انا قايله انتي والعنود من حي سلطانه ما فيها كلام..

وانا اللي اشوف صديدزي "الارهابي" هناك بس هو ارهابي صحيح وانا اشتباه>>>>>>>> حرام عليك الارهابي مسالم مررررررررررررة
مسالم..انتي اللي والله مسالمه ترى كل واحد له من اسمه نصيب..
8
8
لا تزعل يا الارهابي تراي امزح
<===== خاف يشرك سيارته الارهابي

وان احداث سبتمبر مالي دخل فيها لاني وقتها كنت بالزواج آنف الذكر >>>>>> مو شرط تكون مو انت بعض الارهابيين يسون تفجيراتهم وهم جالسين بالقهوة بعد
مدري والله انتي ابخص..
<========== قلبها عليها هع

اوه نسيت اقول للملحطين ويشتغلون بالنت عن طريق ديال اب يفصلون اتصالهم ثم يقرون خرابيطي >>>>>>>>>>> صاكته قبل لا تقول لاني داريه عن سوالفك
طيب اتحداك حاطها طويله ولا سبعه
<==== يحسبها تقصد سوالف شعره

قالت العرب نخج ينخج تنخيجاً>>>>>>>>> لا انت غلطان بالتصريف هو اصلا نخج ينخج نخجا
قايل لتس ماثره عليتس ابلة التوحيد

------------------
هلا بك المصرقعه من جديد واتمنى تقبلين اعتذاري على التاخير بالرد..
واذا الموضوع كنافه فردك الشيره حقته..
مع تمنياتي لك بالتوفيق..

[عاشق سراب...]

موضوع راااااااااااايق بالحيل
يا كحيلان انت:157:

والف شكر على التهيض
اجل كل اسبوع تهيض
عشان تمتعنا
وتحياتي لك
عاشق سراب...

[*كحيلان*]

تصدقون اني ادور موضوعي ذا شهرين ما لقيته اخبره طافي وامر عليه والقاه منور قلت لا ذا مهوب موضوعي وكل يوم اتدحوس عنده بس اتعداه اقول لا مهوب موضوعي يا رجال المهم يوم تاكدت انه موضوعي وشفت ردك عرفت ليش منور الموضوع..
شاكر لك ردك يا عاشق سراب ومتاسف على التاخير بالرد لكن العذر والسموحه