* تبين رموشتس تغدى وش طوولها , اقلطي فيذا . (سر ن من اسراري )

[عنوود]

السلام عليكم


تقول اللي طرف عينك أنا مدري هدب أو عود "=" أحس اني من اللي صابهاماشوف قدامي

ضحكت .. وقلت لاتخافي على بحر العيون السود "=" على شط الكحل مريت .. وهذا موضع أقدامي *1


من اربع ليال ...
طيقك وقف ...
ما بين الرمش ... والرمش ...
ما غمضت لي عين ...
يا ابن الحلال ...
اما استرح ... والا امش ..*2.



كم لعيني راحت البسمه ضحيه "="وكم قتيلـن راح لرموشي ذهايب 3*






وارفع هدب عينك ترى الخد حساس"="خايف على الوجنه من رموش عينـك


ابد مادخلتوا الرومانسيه :D

الرموووش , تحمي العيييون وماشاء الله مافيه أطول من رموووش النوووق ليش انها تتعرض لغبار وعج , بعدين الرموش شي حلو وطيب وزيه زي البشره والشعر يغير في شكل الوحده .

الزبده الحين ابعطيكم طريقه تطول الرمووش وتكثرها ..


أول شي خذي نواة تمره , لين اكلتوا وخلصتوا , اغسليها وجففيها

ثمن حطيها على ناار الله يسلم الفران , ولو كان فرنكم كهربائي حطيها عليه لين تغدى سووده محرووقه .. ((يعني احرقيها ))

لين حرقتيها وقضيتي جيبي مهباااج وأطحنيها لين تغدي بوودره

ثمن جيبي البودره وتكحلي بها , حطيها على منابت الرموش يعني ..


إن ماغدت رمووشتس تهببل منيب عنوود :D عاد اللي يجوز لها تدعي لي :D


ملاحظــه .
ترا الطريقه آمنه ومضمونه ومافيها شي , حتى لو دخل با العين مايضر , انا اسويها ومابقى إلا شوي وأصير هيفاء حسين :العيار:


*1 بدر بن عبد المحسن

*2 بدر بن عبد المحسن

*3 الهنــوف العنجهيه

[همسات الليل]

عنود المقدمه حلوه والموضوع احلا
شكرا لك يا غاليتى
تحياتى الرائعه لك
اختك هموسه

[دموع الورد]

عنوود والله ما صرت اميز بين مزحك وجدك بصرااحه

بس احس ان النواه بتكون ملوثه والعين حساسه يمكن تتضرر

ما فيه اظمن من زيت الخروع جربووه وعلى مسؤليتي

يسلمووو عنوود والله يكثر من تجاربك حتى نستفيد منها ههههههههههه

تحيااتي...دمووع

[سكون]

:cool:

قالوا لكم فيران تجربون اي شيء


كل واحد تتغير على الثاني


:العيار:

ان شاء الله اجربها

[عنوود]

السلام عليكم ورحمة الله ..

همسات الليل .

أنتي وردتس اللي أحلى :)

[عنوود]

السلام عليكم ورحمة الله ..


دموع الورد .


عنوود والله ما صرت اميز بين مزحك وجدك بصرااحه

:) وش أسوي اسلوبي تسذا :rolleyes: تسلفيني اسلوبتس كم يوم :العيار: <- ملغتس

خلاص مره ثانيه بحط خشش معصبه عشان أصير جديه :p


بس احس ان النواه بتكون ملوثه والعين حساسه يمكن تتضرر

الحراره تقتل البكتيريا الموجوده وتعقم , وبعدين ترا منيب حاطه شي وأقولكم سووه وأنا ماجربته في نفسي قبل :) ترا منيب ناوية أشوه خلق الله :D

انا حاطه ها الموضوع فرحانه برموشي :D قلت أفيدكم وأفرحكم معي ،،11

يا الله براحتس يا الغاليه ;)

[@فروحه الحلوه@]

خلاص مره ثانيه بحط خشش معصبه عشان أصير جديه
8
8
8
ماتت ضحك اختنا في الله






المهم انا من رأيي انتس تاخذين نواة التمر
حقت العفيسه


عاد حنا بالبرد اللحين


لين صلحت امتس ذيك العفيسه في قدرن وش كبره


وقعدت تسخن فيها يومين كل يوم ياكلون شوي


بتلاقين اسفل القدر كله عبس تمر محترقات ومسودات


خذيهن اغسليهن واطحنيهن


وتكحلي بهن على قولة عنوود

ويسلموووو على هيك موضوع عنوده

[عشق الليل]

موضوعك من بدااايته اليييييييييييين

نهاااااااايته... مرررررررررره توووووب

ورووووووووووعه...

تسلمين يالغلااا...

وان شاء الله بنجربهااا.... لين تطق ارموشنااا السقف :D


تحياااتي ... عشق الليل

[عنوود]

السلام عليكم ..

سكوون

وش فيرانه :D اها بس ترا حلوه الطريقه

الله يعافيتس ،،24

@فروحه الحلوه @

هههههههههههههههههههههه

عفيسه وعبس رحت أسأل ماما يعني أيش ذولا :rolleyes: خخخخخخخخخخخخخخخخخخخخخخخ <<-- ماودتس تصفقينها :D

بس وانتي الصادزه عشان تتعقم زيين

ياحبي لتس بس ،،24 ،،24 ،،24 ،،24 ،،24 ،،24

الله يسلمتس مير


عشق الليل


انتي الروعه مير :cool: اما تطق السقف هههههههههههههههه :العيار: ايه

الله مير يعطيتس العافيه

والله يسلمكم على مروركم ،،11

[تووووفى]

هلا العنود 000

غريبه الوصفه 00

ان شاء الله نجربها 00

تحياتى

[a7la reem]

يسلمووو اختي عنود


ان شاء الله بجربه اليوم قبل بكره