قصة البيت المشهور ( الولد وان طـاب طيبـه مـن خوالـه ) [الأرشيف]

abud3d

16-04-2013, 01:24 PM

السلام عليكم ورحمة الله وبركاته
الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..
وقيل انه توفي عام 1986م ..
راشد بن حسن .. كان يشتغل في شركة ارامكوا السعوديه .. ويعمل سائقا على سيارات الكنورث الكبيره لنقل
المعدات وماشابهها من سيارات . وكان كل ما شاف له رجلي والا طرقي كان يقف لايصاله رغم تعميم الشركه بعدم
حمل الطرقيه (outostope) الواقفين على الطرقات البريه وخاصه البدو ! ..
وقد اشتهر ابن خر الذيب عند البدوعند ووصل به الامر انه يشدد البدو من مكان الى مكان (مقيض/ ربيع ) .. وكان
الطرقي يمسك الطرق منتظرا من يحمله وكانت بعض النساء والاطفال يقفون على الطرقات
لكي يجدوا من يحملهم الى اماكنهم .
.. وقد اشتهر ابن خر الذيب لدرجة ان الناس يتحدثون عنه بدون ا يروه !؟
جاء يوم من الايام الا عجوز وعندها معزا تعد على الاصابع .. و ( راشد بن حسن ) ..
كان مشغول ومتأخر على الدوام شوي .. ويعلم بتعميم الشركه الصادر حديثا .
وشاف العجوز وشاف معها غنم تعداها وهملها .. عقب حزت في خاطره واستحى
وراعي الطيب ما يجوز عن طيبه وقف الموتر ورجع للعجوز !!
يوم جاها قالها يا مره انا ابشيلك وبوديك المحل اللي تبينه لكن بدون غنمك ..
انا متأخر على الدوام واخاف غنمك تأخرني زياده ..
قالت له العجوز .. خلاص رح الله يستر عليك يا ولدي .. بيجيني راشد وبيشلني ؟
هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه ..
ولا تدري انه ( ابن خرالذيب ) .. هو نفسه اللي هي تكلمه .
يوم انصدم ( راشد بن حسن ) بقولها .. وتعجب !!
قال اركبي يا خاله انا ( ابن خرالذيب ) وابشري بعزك ..
ابوصلك انتي وغنمك ..
وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟
حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..
وصل العجوز إلى منصاها والمكان اللي تبيه ..
وقال هذى القصيده .

قالهـا ابـن الذيـب مـن هاجـوس بالـه = كلـمـةٍ يـلـعـب بـهــا والـبــال زيـنـي

قـالـهــا يــومــه طــرالــه مـاطــرالــه = مـن هواجـيـسٍ تشـيـب المرضعيـنـي

حـالـفٍ مـاخـذ عـلـى الطـرقـي ريـالـه = وبـالـثـلاث مـحــرم أنــــه مايـجـيـنـي

لالقيـت اللـي علـى ( السكـه ) لحالـه = يلـتـفـت ويـقــول ويـــن المستحـيـنـي

أوقـف المـوتـر حـيـا وأبــي الجمـالـه = يــوم ولــد الــلاش وجـهــه مايلـيـنـي

الطـمـع فــي كــروة الرجـلـي رذالـــة = خـص وان جـابـه مـجـال الغانميـنـي

والــردي فــي حـالـةٍ مـاهــي بـحـالـه = ياعـويـنــه مــــن كــــلام الطيـبـيـنـي

الـــردي لـــو بـــان مـايـذكـر عـمـالـه = مـايـعـد الـــلاش مـقـصـور اليمـيـنـي

أركـبــه لـعـيـون مـــن زيـــنٍ دلالــــه = ماتـحـاكـوا فـــي قـفــاه الرامـسـيـنـي

مابـغـى غـيـري وانــا مابـغـى بـدالـه = قـاعــدٍ لـــي بـالـرجـا مـــدة سنـيـنـي

الولد وان طـاب طيبـه مـن خوالـه = بـالـخـوال يــســال قــبــل الـوالـديـنـي

أشـــرب الفـنـجـال واكــــب الـبـيـالـة = تــابــعٍ سـلـمــي ســلــوم الأولـيــنــي

ولاقـعـدنــا بـالـعـمـل بــنــا الــرزالـــة = .نـاخــذ العـلـيـا طــريــق الفـايـزيـنـي

غـرنـي بـعـض الـرجـال بكـثـر مـالــه = مادرى ان المـوت فـي حبـل الوتينـي

كيـف ينفعنـي وبعض الناس خـالـه = مايـقـوم البـيـت دام الـسـاس طـيـنـي

مـاش ويــن الـلـي عـوايـده الجمـالـة = مثـل ابـن ظافـر حـمـد ليـتـه يجيـنـي

الـثـنـا والـجــود دايـــم فـــي خـيـالــه = عـلـمــه ظــافــر ســلــوم الطـيـبـيـنـي

جـــــوّد الـعـلـيــا ولـزمّــهــا عـيــالــه = وادركــوا مــن علمـتـه دنـيـا وديـنـي

واهنـي مـن بـاع حظـه واشتـرى لــه = وسار في درب النبي وأخزى اللعيني

مـوقــفــه مــاكـــل رجــــــال يــنــالــه = مــن بـغـى مـمـشـاه يـقـعـد مرتـيـنـي

كـم ذبـح مـن حـايـلٍ مــن حــر مـالـه = وعـادتـه لـطـمـة خـشــوم العايلـيـنـي