المصرقعة
13-03-2006, 10:29 PM
سا الخير تسيف (كيف) حالكم ووش اخباركم اكيد بخير بطلتي عليكم >>>>>>> واثقه مووووووووووووووت
يعطيكم العافيه على اللوك الجديد ذكرتوني ب ( ما خلاص من بكره هأفك و هأروح واعمل نيولوك )
فعلا ما قصرتوا ابداع بالتصميم واحلى شي فيه انه زهري بناتي يعني
اما شيبتكم هذي شي ثاني دايم يخرشني و يحوس مريري وما يخلي شي ما يسويه لي
مرة وانا حاطة الهدفون على اذاني ومعليه على الصوت >>>>>>>> اجل وين يحطونها يا ناصحه
المهم و بعدها ما دريت الا شي قال تششششششششششششششششششششش والا اقمز وصرخت متروعة " يا عمري عمر نفسي ">>>>>>لو احد معي كان قال انهبلت لانها ما يدرون وش سمعت
المهم وبعد جهد جهيد لتهدئة نفسي اكتشفت انه الله يهديه "قولوا امين " هو الشيبه حقنا الله يصلحه ولا على قولة ابوي جعله الصلاح ولا الهلاك >>>>>>>> ابوي ما عنده وسط يا ابيض يا اسود ما عنده رمادي
الا على طاري الاباء >>>>>>. متاثرة بعد ما القيت بالمدرج
المهم يقولكم كان به واحد ما شاء الله عليه فيه صحه ما عليه >>>>>> يعني باختصار يلعب اثقال
المهم كان جالس بالحوش مدنق " مبوبز" وابوه يناديه وهو ما سمعه والابو الله يصلحه عصبي ويعصب بسرعه عاد ابو الشباب عصب من ولده ليش ما يرد عليه و قم يالابو وخذ النعال وصك الولد فيها من عند الباب الولد طاح من قوة الطيحه >>>>>>>> كسر خاطري
عشان كذا لا صار الاباء معصبين وخروا عن دربهم
الا على طاري الدرب كان فيه مره كبيرة وبنتها وبنت اخو بنتها كانوا بالحرم من جهة الصفا والمروى العجوز نزلت من الكرسي المتحرك عشان تصلي وبعد ما بدت جلست البنت على الكرسي وبنت الاخو تدف العمة وبدا هبالهم وتمشي بالمسعى منطلقة بنت الاخو وهي تدف العمة والعمه معها عصاة المرة الكبيرة وتقول درب درب درب وتحرك العصا تحركها يمين ويسار عشان تفضي الطريق وجاوا فاحطين بيلفون كان فيه واحد قدامهم جالس يصلي في امان الله وفي فحطتهم بغوا يطيرون الرجال بس الله ستر >>>>>>> زين ما قام وقطع صلاته وهج
ومرة بالحرم بالدور الثاني كان فيه وحدة مع اختها يصلون الفجر امها الامام قال تصافوا وسدوا الخلل المهم بدوا يصلون وبعدها قال الله اكبر عشان يركعون هو قال الله اكبر ووحدة من البنتين سجدت والثانيه غشت عليها من الضحك ورجعت الثانيه بالموت وقفت وبعد ما خلصوا صلاه اسالتها اختها وش فيك سجدتي قالت لها " تتوقعون وش فيها البنت" اثاريها البنت مسيكينه جاها شد عضلي بالصلاه يا قلبي والعباة داست عليها بالغلط وسجدت غصب عنها
ومرة كان فيه وحدة وامها و اختها و اخوها الصغير رايحين المسجد ويوم بدوا يصلون قام الولد الصغير يلعب ويدور بالمسجد وكب كاس مويه ورح يا ولد ابوك و خذ غطوة المرة >>>>>>> ماهيب امه ولا خواته وحده ما يعرفها
وامسح الموية اللي كبها من الارض >>>>>>>> يمون
وخذ الغطوة بعد ما مسحت الارض وقطها بالزباله>>>>>>> والله من النظافة الزايدة
ايه بمناسبه العباة فيه وحده يا حياتي ابوها عصبي وهي كانت متاخرة عليه الصباح عشان يوديها المدرسه ومن العجله بعد ما طلعت بالشارع عند الباب ابوها كان معصب وبعد ما طلعت فطس من الضحك والا هي منبهرة تقول بنفسها هذا اللي كان توه معصب وهي مستغربه والا تناظر نفسها لينها وش لابسه تتوقعون
تخيلوا لبست ثوب ابوها الاسود وطلعت فيه
ونفس البنت صار لها موقف ثاني انها كانت رايحه الصبح للمدرسة وحطت الشنطة بالصحن حق الونيت >>>>>>> اريح لها
المهم ويوم نزلت صكت على طرف عباتها وراحت تاخذ الشنطه الا ويمشي ابوها وتوهقت سحبها معه وقام واحد الله يجزاه خير ويزمر له وزين ان الابو كان ماشي بشويش ووقف وفكت الباب وطلعت عباتها وصكته وبعدها قالت والله ما عادني حاطه الشنطه بالصحن
ووحده ثانيه مستانسه راحت تاخذ الشهادة من المدرسه وطلعت من المدرسه وراحت تركب السيارة وشافت السيارة ماتحركت ليه والا تنتبه اللي يسوق معه جريده وتقول في نفسها ابوي ما كان معه جريده وتنتبه لشي ثاني اللي ماسك الجريدة لابس عمامه الا وتصرخ وااااااااااااااااااااااااااااااااااااااااااا وتطلع من السيارة لين السيارة طلعت مو سيارتها
ومرة وحده كانت بالمطار وتاخرت طيارتها وكانت جوعانه وراحت تشتري لها شي تاكله وما لقت شي يعجبها و شرت لها بسكوت ويوم رجعت لقت عند شنطتها جالس رجال وبينها وبينه طاوله صغيرة المهم بدت تاكل البسكوت وتناظر الا الرجال قام ياكل معها بالبسكوت وتقول بنفسها وش ذا اللي ما يستحي على وجهه وسبت فيه بنفسها الين ما قالت بس المهم وتاكل وهو ياكل هي بتشوف وش اخرة قلة الادب هذي المهم بقى اخر وحدة >>>>>>>>>>> يعني اخر بسكوته
ومدت يدها بتاخذها ومد يده ورجعت يدها قام هو اخذ البسكوته وقصها نصين واخذ نص وخلى لها نص وهي انقهرت بسكوتها ويتحكم فيه المهم اعلنوا وصول الطيارة والا كانت ناوية لها نيه المهم وراحت لم طيارتها وبعدها تذكرت ان عندها ذهب بالشنطه كانت تبي تتاكد منه فتحت الشنطه تخيلوا وش لقت
لقت البسكوت اللي اشترته تخيلوا الفشيله اللي صارت فيها شكله هو اللي بيقول وش هاللي ما تستحي
ادري طولت عليكم بسواليفي بس معليش العذر والسموحه انا اذا سولفت نسيت عمري
والى سواليف اخرى من سواليف اختكم صرقوعة
تقبلوا تحياتي
اختكم صرقوعة الملقبة بالمصرقعة
يعطيكم العافيه على اللوك الجديد ذكرتوني ب ( ما خلاص من بكره هأفك و هأروح واعمل نيولوك )
فعلا ما قصرتوا ابداع بالتصميم واحلى شي فيه انه زهري بناتي يعني
اما شيبتكم هذي شي ثاني دايم يخرشني و يحوس مريري وما يخلي شي ما يسويه لي
مرة وانا حاطة الهدفون على اذاني ومعليه على الصوت >>>>>>>> اجل وين يحطونها يا ناصحه
المهم و بعدها ما دريت الا شي قال تششششششششششششششششششششش والا اقمز وصرخت متروعة " يا عمري عمر نفسي ">>>>>>لو احد معي كان قال انهبلت لانها ما يدرون وش سمعت
المهم وبعد جهد جهيد لتهدئة نفسي اكتشفت انه الله يهديه "قولوا امين " هو الشيبه حقنا الله يصلحه ولا على قولة ابوي جعله الصلاح ولا الهلاك >>>>>>>> ابوي ما عنده وسط يا ابيض يا اسود ما عنده رمادي
الا على طاري الاباء >>>>>>. متاثرة بعد ما القيت بالمدرج
المهم يقولكم كان به واحد ما شاء الله عليه فيه صحه ما عليه >>>>>> يعني باختصار يلعب اثقال
المهم كان جالس بالحوش مدنق " مبوبز" وابوه يناديه وهو ما سمعه والابو الله يصلحه عصبي ويعصب بسرعه عاد ابو الشباب عصب من ولده ليش ما يرد عليه و قم يالابو وخذ النعال وصك الولد فيها من عند الباب الولد طاح من قوة الطيحه >>>>>>>> كسر خاطري
عشان كذا لا صار الاباء معصبين وخروا عن دربهم
الا على طاري الدرب كان فيه مره كبيرة وبنتها وبنت اخو بنتها كانوا بالحرم من جهة الصفا والمروى العجوز نزلت من الكرسي المتحرك عشان تصلي وبعد ما بدت جلست البنت على الكرسي وبنت الاخو تدف العمة وبدا هبالهم وتمشي بالمسعى منطلقة بنت الاخو وهي تدف العمة والعمه معها عصاة المرة الكبيرة وتقول درب درب درب وتحرك العصا تحركها يمين ويسار عشان تفضي الطريق وجاوا فاحطين بيلفون كان فيه واحد قدامهم جالس يصلي في امان الله وفي فحطتهم بغوا يطيرون الرجال بس الله ستر >>>>>>> زين ما قام وقطع صلاته وهج
ومرة بالحرم بالدور الثاني كان فيه وحدة مع اختها يصلون الفجر امها الامام قال تصافوا وسدوا الخلل المهم بدوا يصلون وبعدها قال الله اكبر عشان يركعون هو قال الله اكبر ووحدة من البنتين سجدت والثانيه غشت عليها من الضحك ورجعت الثانيه بالموت وقفت وبعد ما خلصوا صلاه اسالتها اختها وش فيك سجدتي قالت لها " تتوقعون وش فيها البنت" اثاريها البنت مسيكينه جاها شد عضلي بالصلاه يا قلبي والعباة داست عليها بالغلط وسجدت غصب عنها
ومرة كان فيه وحدة وامها و اختها و اخوها الصغير رايحين المسجد ويوم بدوا يصلون قام الولد الصغير يلعب ويدور بالمسجد وكب كاس مويه ورح يا ولد ابوك و خذ غطوة المرة >>>>>>> ماهيب امه ولا خواته وحده ما يعرفها
وامسح الموية اللي كبها من الارض >>>>>>>> يمون
وخذ الغطوة بعد ما مسحت الارض وقطها بالزباله>>>>>>> والله من النظافة الزايدة
ايه بمناسبه العباة فيه وحده يا حياتي ابوها عصبي وهي كانت متاخرة عليه الصباح عشان يوديها المدرسه ومن العجله بعد ما طلعت بالشارع عند الباب ابوها كان معصب وبعد ما طلعت فطس من الضحك والا هي منبهرة تقول بنفسها هذا اللي كان توه معصب وهي مستغربه والا تناظر نفسها لينها وش لابسه تتوقعون
تخيلوا لبست ثوب ابوها الاسود وطلعت فيه
ونفس البنت صار لها موقف ثاني انها كانت رايحه الصبح للمدرسة وحطت الشنطة بالصحن حق الونيت >>>>>>> اريح لها
المهم ويوم نزلت صكت على طرف عباتها وراحت تاخذ الشنطه الا ويمشي ابوها وتوهقت سحبها معه وقام واحد الله يجزاه خير ويزمر له وزين ان الابو كان ماشي بشويش ووقف وفكت الباب وطلعت عباتها وصكته وبعدها قالت والله ما عادني حاطه الشنطه بالصحن
ووحده ثانيه مستانسه راحت تاخذ الشهادة من المدرسه وطلعت من المدرسه وراحت تركب السيارة وشافت السيارة ماتحركت ليه والا تنتبه اللي يسوق معه جريده وتقول في نفسها ابوي ما كان معه جريده وتنتبه لشي ثاني اللي ماسك الجريدة لابس عمامه الا وتصرخ وااااااااااااااااااااااااااااااااااااااااااا وتطلع من السيارة لين السيارة طلعت مو سيارتها
ومرة وحده كانت بالمطار وتاخرت طيارتها وكانت جوعانه وراحت تشتري لها شي تاكله وما لقت شي يعجبها و شرت لها بسكوت ويوم رجعت لقت عند شنطتها جالس رجال وبينها وبينه طاوله صغيرة المهم بدت تاكل البسكوت وتناظر الا الرجال قام ياكل معها بالبسكوت وتقول بنفسها وش ذا اللي ما يستحي على وجهه وسبت فيه بنفسها الين ما قالت بس المهم وتاكل وهو ياكل هي بتشوف وش اخرة قلة الادب هذي المهم بقى اخر وحدة >>>>>>>>>>> يعني اخر بسكوته
ومدت يدها بتاخذها ومد يده ورجعت يدها قام هو اخذ البسكوته وقصها نصين واخذ نص وخلى لها نص وهي انقهرت بسكوتها ويتحكم فيه المهم اعلنوا وصول الطيارة والا كانت ناوية لها نيه المهم وراحت لم طيارتها وبعدها تذكرت ان عندها ذهب بالشنطه كانت تبي تتاكد منه فتحت الشنطه تخيلوا وش لقت
لقت البسكوت اللي اشترته تخيلوا الفشيله اللي صارت فيها شكله هو اللي بيقول وش هاللي ما تستحي
ادري طولت عليكم بسواليفي بس معليش العذر والسموحه انا اذا سولفت نسيت عمري
والى سواليف اخرى من سواليف اختكم صرقوعة
تقبلوا تحياتي
اختكم صرقوعة الملقبة بالمصرقعة