لندن وبيروت الشاعر عبدالعزيز ال سيف

[لسان غامد]

لندن وبيروت


نـاسٍ ســرا لـنــدن ونــاسٍ بـبـيـروت
كــلٍ يدور فـالمـحبـه مـراده
و انــا وخـلـي كــن مـا بـيـنــنا قــوت
يجمع لغيري ما بقى من وداده
ارحـل مـعـه لـو كـان قافيني الـمـوت
وانا ادري انـه غـارقٍ في عناده
وادور اخباره والاحق ورى الصوت
واحـيط بـاشعاري سكنه وبلاده
وش حـيـلتـي في شي بالقلب منحوت
يعـجز به الرسام وان جاه زاده
هـنـي مـن يـلـقـى لـسره كـما الكوت
و هني من يرتاح فوق الوساده
وهني من صدره وسيعٍ كما الحـوت
يـسامح اللي خذ من الظلم عاده
يا صـاحـبـي مـا دام قـد فـاتنا الفوت
وش عاد ينفع لو قطعت القلاده
خلوني بهمي ولو عشت بسكوت
ورديت عن ثمي شرابه وزاده
والخاتمه صلوا عدد مابه بييوت
عـلـى نـبـيٍ دلـنـا لـلـعـبـاده

بقلمي
#عبدالعزيز_ال_سيف