*كحيلان*
15-05-2006, 05:29 AM
آسف يا شباب على التاخير لكن والله اني كنت مزبط نفسي ان ما عندي شي وجتني زحمه بعد كتابتي الجزء الاول ما يطري على هقاويكم
<======= يا رجال ما احد جاب خبر سماجك
طيب انا اكلم عمري لك شي عندي===========>
<<<<<<< مهوب رايق لقرينه
خبدز>>>>>>>>>>>>>>>>>>>
المهم اللي ما شاف الجزء الاول دوكم رابطه ارعص هنيا وعلى قولة اهل سدير فيذا (http://www.al-amakn.net/vb/showthread.php?t=9423&page=1)
ايه اقولكم يوم انحن رحنا ثم جينا فيذا انت ما قد رحتا ولا جيتا
<===== وراه قلب على موجة السديراويه
لا ابد اوريهم اني متعدد اللغات=========>
<======== طيب خش موضوعك الناس وراهم اشغال
اقول انثبر ما لك دخل فيني انا وزملاي عيال الخمبدزة
<<<<< هالحين يصعد كحيلان المنبر ليلقي خطبته المفليه
يا قوووووووووووم الخمبدزة انكم لفي غفله من امركم الله يثيبكم اللي عنده شغل يندزلع يقضي شغله ابرك له من خراط كحيلان واللي ما عنده شغل ترا ما فرقت معه يجي ويشاركنا الخراط لان ما عنده الا الخراط ولا وشلون ما يصير عنده لا شغل ولا مشغله ولو خراط قيور سيارات بالمخرطه وقاعد يخرط معنا بخراطنا..فيا اهل الديال اب افصلوا اتصالكم ويا اهل الدي اس ال افصلوا اتصالكم كذلك شاركوا اخوانكم المساكين اهل الديال اب وحسوا بمعاناتهم واخشوشنوا فان النعم لا تدوم تعرفون عيون اهل الديال اب حاميه وتصيب فاقروا ورد اول النهار وتاليه والمعوذات ..علم من علم وجهل من جهل..
الجماهير الغفيره بذي اللحظه اجهشت بالبكاء من صلافة الخطيب ومن ماجاء بالخطبة من كلمات تلامس القلوب فتقطع انياطها..
<<<<<<<<< هالحين نزل كحيلان من المنبر وتربع قدام شاشة الكمبيوتر المحطوطه على مركى
<<<<<<<< في هذه اللحظة هم كحيلان بتكملة ما بدأ به قبل اسبوعين او اقل
ايه يا الربع وقفنا عند تلعين اليسا يوم انها تملى صدرها سليكون الين غدا كانك معلق يا الواحد كيستين بصل بصدرك..المهم و دريت اني ما بعد تاقلمت كفايه مع الوضع بس قلت لازم اجبر نفسي واغصبها بالرضوخ للوضع الجديد..فاول ما بديت رحت لتسريحتي وانا اللي انطل كل اللي عليها بكريتين من ضمن ذا الاغراض عطر ابو ريالين اهدتنياه دموع الورد وجه فقر تشوف الزحمه على ابو ريالين تحسبه من زينه ما درت ان الناس وجه فقر مثلها..
<<<<<<< بذي اللحظه يده مجبره وراسه فيه 7 غرز خبطته دموع الورد بالكعب
ايه اقولكم عقب ما ضفيت التسريحه وارجع لدولاب الملابس واخمط الملابس اللي فيه كلها و واحطها بسلة الملابس يوم قضيت من ضف الملابس وانا اللي اعود للغرفه وارتب السرير اول مره بحياتي ثم ضفيت الملابس المنطله حول السرير و الاغراض المنطله على الكمدينه((كمدينه ولا كقريه)) المهم اني رتبت غرفتي فاقتنعت اني تاقلمت على الوضع لاني بالعاده اترك كلش محيوس ومنطل اصلاً بالعاده اذا لقيت غرفتي مرتبه احس اني داخل غرفة اخوي ما دخلت غرفتي يضيق صدري..وبالعاده اذا شفت غرفتي مرتبه يضيق صدري احبها محيوسه لا تسالوني ليش..لكن ابشركم من يوم طلعت كحيلانه وانا احس اني تغيرت وترتبت وصرت ارتبها لدرجه ودك انك تكب عشاك على ارضية غرفتي وتتعشاه من نظفها المهم ما ادري وش البس فتحت الدولاب لقيته فاضي اوه صح نسيت هماني ضفيتها ما تصلح لي اصلاً هالحين هماني غديت بنت يا والله البلشه
<<<<< لابسه بذا اللحظه روب الحمام الله يكرمكم
المشكله ما عندي خوات اقعدي بها يا كحيلانه وش اسوي وش ما اسوي واجيكم نازله والقى الوالده وهي اللي تصايح يا خزياه يا خزياه الله لايخسف بنا الارض استحي يا بنت قلت وش فيها لابسه روب وش قالوا لك متعريه وثاني شي اصلاً ما عندي ملابس قالت اصبري خلني اخذ لك شي عجل من بنت الجيران نستعيره لان ابوك يقول انه لقى لك واسطه تدخلك جامعة عليشه بيعادلون شهاداتك حقت العيال ويخلونها حقت بنات..قلت انا زين المهم شوي والملابس جايتني وانا اللي البسهن ويلقطني ابوي واروح انا وياه لجامعة عليشه وطول الطريق يعطينا وصايا وش اسوي وش اقول لهم المهم يوم وصلت وانا اللي ادخل رايحه للعماده ابي اسجل بكلية علوم اداريه المهم والقى @فروحة الحلوه@ عند التسليف تسوي مخالصه انها ما تسلفت منهم ابد الا على فكره فيه اختراع اسمه كمبيوتر ورى ما يحطون معلومات الطالبه والطالب كامله واي شي سواه بالجامعه من سكن من اي شي واذا جا يتخرج يطقون على الكمبيوتر ويقولون له السكن تراك ما سددته و هلم جره واللي ما للجامعه شي عنده يقول استلم شهادتك..
<===== اقول الشيوخ ابخص
اي والله انك صادق ادارة الجامعه يمكن تبي الخريج يسوي رياضه يعني يصخن مكينته يتولم للي بيقابله في الحياة الله يجزى الجامعه بالخير اللي تفكر فينا حتى وحنا متخرجين الله يجزاها خير اللي تخلي الواحد يمتر بذا الشموس تبيه يحفظ شكل الشمس علشان اللي يفكر يرسمها يتذكر شكلها الله يجزاها خير تبي تعودنا على العطش تحت وطأة حرارة الشمس علشان تعودنا للصيام شفتوا حتى امور دينا تهمهم ما قالوا لكم دينكم ولي دين عقب ذا الكلام اخي اختي خريج الجامعه المفروض وانت ما شي تعقب على المخالصه تحب راس كل واحد تمر عليه لان له معروف عليك هو مهوب قصده المماطله والبيروقراطيه في العمل لكن هذا كله يسونه لمصلحتك هم الشمعه اللي تحترق لتضيء دروب الاخرين
<========== اقول انثبر انت وتفكيرك وكمل الموضوع
ايه صح شطحت بعيد عن الموضوع
ايه اقولكم لقيت فروحه الحلوه المهم وسالتني مستدجه الاخت (( تقصد مستجده)) قلت سمي ما ادري وش قلتي يا اختي لكن انا ابي اسجل ولا ادري وشلون الطريقه قالت وريني شهادتك الثانويه خليني اشوف وش نسبتس واشوف وش يصلح لتس من الكليات قلت سمي هذي هي شهادتي قالت اقول انطلي شهادة اخوك على وجهه وقولي له شد حيلك بسوق الخضره ولا تنسين شهادتك المره الثانيه قلت لها هذي شهادتي بس قصه طويله عريضه واشرح لها القصه ثم ردت علي ببرود قالت والله ما ادري عنتس بس شوفي الاستعلامات بخشتس تقدرين تسالينهم..
وتقولون الجامعه اجراءاتهم بيروقراطيه الا شغل فروحه الحلوه هو البيروقراطي ان كان قالت من البداية دوتس الاستعلامات بيفتون لتس باللي تبين مهوب تطق حنتس معي ساعه وبالاخير شوفي الاستعلامات ابي فايده وحده من حتسيها معي وتنكيتها علي فايده وحده مهوب فوايد واجد زي اللي طلعناها من شغل الجامعه
<=== الفايده هي احتواء المستجده(( على قولتها المستدجه)) وتحسيسها انها بنت الجامعه وانها فرد من هذه المؤسسه وليست عاملة نظافه خارج اسوار الجامعه..
اي والله انك صادز اثر بيروقراطية فروحه الحلوه كان لها فايده========>
المهم ما علينا يوم رحت للاستعلامات نشدتهم عن مكتب عميدة كلية العلوم الاداريه لان ابوي قال على طول روحي لمكتبها لان عندها امر قبولتس عندها باسم كحيلانه بشهادات كحيلان
المهم ورونياه واانا اللي اقضي شغلي وقالت تقدرين تداومين من بكره وانا اللي اقعد احتري البنات يطلعون نركب بالباص ويجي امر الاركاب ونركب ويقعد يلف فينا الباص جزيرة العرب كلها مهوب بس الرياض وراسي لف بي من لفته ومن صجة البنات اظاهر ما تعودت على سماجاتهم المهم وصلت البيت الساعه 6 مدري 10 المهم ان الدنيا ظلما وارجع وملابس بنت الجيران ترطرط عردزان مع ان فيني النوم بس قلت لازم اشتري ملابس ولوازمي ولوازم الجامعه قبل ما انام المهم قلت لابوي ودني الله لايهينك للبراجون (( البراجون اسم مسيحي خخخخخخخخ)) المهم وهو اللي يهوش علي يقول ما عندنا بنات يروحون للبراجون تروحين ورجلي على رجلتس بسوق ادخله معتس قلت طيب وين قال يمدحون المعيدزليه قلت يا ابيي وش معيدزليته تبيني باتسر اداوم بخلقان عجوز تكفى افهم وضعي ونفسياتي بلا معيدزليه بلا حله.. المهم وافق بعد جهود حثيثه تخللها تفكير بالانتحار ونطلني بالبراجون وانا اللي اجمع ما قدرت من الملابس والعطورات والمكاييج وكلش اي شي يخطر على بالكم يخص حريم المهم وارجع للبيت وادخل المطبخ علشان تعطيني امي كورسات بالطبخ المهم وبعدها يدق علينا عمي يبي يجي هو ودحيم يخطبوني وانا اللي انشب بحلق ابوي قلت يبه يرحم والديك اجل الخطبه اقل شي لبعد الدراسه ومره ابوي ماسكه معه يزوجني دحيم اليوم قلت طيب اقل شي اجلها لبكره وراي بكره دوام وتعبانه اليوم من التقديم..ووافق انه ياجل الخطبه لبكره .. المهم وانا اللي انام وما دريت الا ذا البواري اللي بتالي الليل رجتني وقومة البيت كله يوم حولنا كلنا بلحظه وحده ويطلع ابوي يشوف اثره باص الجامعه قلت والله ان ما مشى ولد اللذينا والله لاطلع عليه واكسر رقبته روحه مع الباص نو وي((no way))
<=== يوم صار بنت تطور القروي شوي
المهم وانا اللي اسوي مظاهرات في البيت ضد فكرة الباص وعلى الطريق جنحنا على زواجي من دحيم بس ما جتني الا موافقه وحده اللي هي ان باص ما فيه بعد اليوم اما الزواج قال ان شاء الله بعد العشاء مهوب خاطبك بس ولد عمك الا بنملكه عليتس وانا اللي تقفل معي واروح اتولم للجامعه تخبرون يبيلنا مكاييج وتزبيط شوشه الله على العيال يجيك واحدهم يقوم من النوم وعلى طول يلبس ثوب ابيض يعني ما يتفلسف زي البنات ما تدري الوحده تلبس التنورة التركوازيه ولا البلوزه السكريه يعني مريحين اعمارهم بالثوب ثم يشخص بشماغه يغطي عرادته لا كد ولا هم زي البنات استشوار وزحمه وياكل له شي على الواقف ويشرب جيك مويه ويروح للجامعه وعيونه مغمصه ما فكر يغسل وجهه لانه ناوي يكملها بالقاعه المهم وانا اللي اجيك مدرعمه وادخل القاعه المهم وكان في قرنة القاعه عنوود ومعها مفرعتن الشوشه ويا ملحي المهم يوم شافتني عنوود داخله وهي اللي تسوي فيها نكته تقول لخوياتها شوفوا ذا الشيفه اللي دخلت اظاهر بتعنس طول عمرها هي وخشتها تقل احد صاك الباب عليها ولا جايها ابو وجه اجل جهه في وجهها تتحرك والثانيه لا هذا من العمليات تلقونهم قاصين لها عصب وجهها ذا اللي ما يتحرك.. اثري توحيت للي قالت كله وانا قافله معي خلقه واجيها وهي عند خوياتها واقول متزاينه خشتك شوفي نفسك بالمرايه علشان تعرفين معنى كلمة قبح ولا متزاينه جسمك الا ورى ما تشاركين في برنامج الرابح الاكبر اللي يجي في الmbc مهوب اصرف لك..المهم ويضحكون عليها خوياتها وهي اللي تكرش فيهم وتقولهم انا اقدر اصير مثلها مسالة عملية تجميل وسيلكون مثلها(( والله انها جابتها))..
"شكل عنوود ارتفع ضغطها يوم قرت سماجتي عنود لايهمك يسد انك انتي قايد الريم(( قايد الريم هي البنت اللي تقود شلة من البنات لزين فيها والا لقوة شخصيه ولا لخفة دم فيها)) اظاهر ان الشاعر اللي قال(( قايد الريم تاخذني عليه الشفاقه...ليتني طول عمري خاتم(ن) فى يمينه)) كاتبها فيتس"
عنوود <<<<<< انبسطت وفردت كشرتها وطلعت جفيرات الملح اللي بزغودها من الوناسه
<<<<<<<<<<<< خاف تلفعه مثل دموع الورد
المهم اقولكم بعد المحاظره طلعنا للكافتيريا المهم والقى عنوود معه مصرقعه جايبتها من كلية الاداب علشان تقول لها بالله ذي بتعرس هي وخشتها انا سمعت كلمتها ولا ما سمعت جتني ام الهكي وقررت اتزوج دحيم بكل جوانحي
<=============== كوووووول داون لا يطق فيتس عرق من ذا الحماس
المهم يوم رجعت للبيت قررت ان اليوم مهوب بس ملكه الا باسوي العرس علشان اوري عنودوه منهي كحيلانه وان الخطاطيب مالين بابها وهي بس مالها الا يومين انثى اجل لوها سبع سنين وش سوت ان تسان ما يوفرها توم كروز ..المهم اقولكم ويجي دحيم ويملكنا المطوع ثم خلونا اهلي دقيقتين يقالهم انها خلوه علشان اصير مرته يقولون ايه مهوب ممديه يسوي شي ومن يوم صكوا الباب وهو الللي يطمر علي ابن اللذينا وانا اصايح تسني مسلسلات مصريه يستر على عرضك دحيم..ودحيم يقول اهجدي يا السلقه خلينا نقضي شغلنا وانا مغير اتقلب على جنبي اليمين مره ومره على جنبي اليسار ابي الفكه منه بس تيتني مضبوط وابي اصرخ وهو اللي يدعس غترته باثمي..شوي وافتح عيوني واثرني بغرفتي واقوم واثر علي شورت وفنيلة علاق اخبر يوم اني كحيلانه ارقد بثوب نوم وانا اللي اناظر ركبي رجعت للونها الطبيعي راح السواد اللي عليها وعلى طول رحت اشيك على المصباح السحري واشوا لقيته نابت((ابشرك يا عاشق سراب المصباح موجود)) واشيك على شعر وجهي الحمدلله كل شي فيني رجع طبيعي قلت اجل هو حلم يوم رحت للتسريحه علشان اطفي المكيف(( تخبرون التسريحه والمكيف بينهم نسب)) والقاه طافي والقى المكاييج و عطورات كحيلانه على التسريحه وانا اللي على طول انطلها بالزباله ابي انسى اللي صار سواء حلم ولا صدق ابي احذفه من ذاكرتي ابي اشق الصفحه من دفتر مذكراتي..انتهى
8
8
8
وش رايك يا الارهابي نكاية فيك ما استخدمت وجيه بذا الموضوعين(( وجه دالع لسانه))
----------------
ما يستفاد من القصه لا ترقد وانت مطفي المكيف والا بتجيك احلام تسنها وجهك(( وجه مفهي))
يعني تبي حلم خمس نجوم ارقد بالفريزر وما جاك علي (( وجه شيطاني))
<======= يا رجال ما احد جاب خبر سماجك
طيب انا اكلم عمري لك شي عندي===========>
<<<<<<< مهوب رايق لقرينه
خبدز>>>>>>>>>>>>>>>>>>>
المهم اللي ما شاف الجزء الاول دوكم رابطه ارعص هنيا وعلى قولة اهل سدير فيذا (http://www.al-amakn.net/vb/showthread.php?t=9423&page=1)
ايه اقولكم يوم انحن رحنا ثم جينا فيذا انت ما قد رحتا ولا جيتا
<===== وراه قلب على موجة السديراويه
لا ابد اوريهم اني متعدد اللغات=========>
<======== طيب خش موضوعك الناس وراهم اشغال
اقول انثبر ما لك دخل فيني انا وزملاي عيال الخمبدزة
<<<<< هالحين يصعد كحيلان المنبر ليلقي خطبته المفليه
يا قوووووووووووم الخمبدزة انكم لفي غفله من امركم الله يثيبكم اللي عنده شغل يندزلع يقضي شغله ابرك له من خراط كحيلان واللي ما عنده شغل ترا ما فرقت معه يجي ويشاركنا الخراط لان ما عنده الا الخراط ولا وشلون ما يصير عنده لا شغل ولا مشغله ولو خراط قيور سيارات بالمخرطه وقاعد يخرط معنا بخراطنا..فيا اهل الديال اب افصلوا اتصالكم ويا اهل الدي اس ال افصلوا اتصالكم كذلك شاركوا اخوانكم المساكين اهل الديال اب وحسوا بمعاناتهم واخشوشنوا فان النعم لا تدوم تعرفون عيون اهل الديال اب حاميه وتصيب فاقروا ورد اول النهار وتاليه والمعوذات ..علم من علم وجهل من جهل..
الجماهير الغفيره بذي اللحظه اجهشت بالبكاء من صلافة الخطيب ومن ماجاء بالخطبة من كلمات تلامس القلوب فتقطع انياطها..
<<<<<<<<< هالحين نزل كحيلان من المنبر وتربع قدام شاشة الكمبيوتر المحطوطه على مركى
<<<<<<<< في هذه اللحظة هم كحيلان بتكملة ما بدأ به قبل اسبوعين او اقل
ايه يا الربع وقفنا عند تلعين اليسا يوم انها تملى صدرها سليكون الين غدا كانك معلق يا الواحد كيستين بصل بصدرك..المهم و دريت اني ما بعد تاقلمت كفايه مع الوضع بس قلت لازم اجبر نفسي واغصبها بالرضوخ للوضع الجديد..فاول ما بديت رحت لتسريحتي وانا اللي انطل كل اللي عليها بكريتين من ضمن ذا الاغراض عطر ابو ريالين اهدتنياه دموع الورد وجه فقر تشوف الزحمه على ابو ريالين تحسبه من زينه ما درت ان الناس وجه فقر مثلها..
<<<<<<< بذي اللحظه يده مجبره وراسه فيه 7 غرز خبطته دموع الورد بالكعب
ايه اقولكم عقب ما ضفيت التسريحه وارجع لدولاب الملابس واخمط الملابس اللي فيه كلها و واحطها بسلة الملابس يوم قضيت من ضف الملابس وانا اللي اعود للغرفه وارتب السرير اول مره بحياتي ثم ضفيت الملابس المنطله حول السرير و الاغراض المنطله على الكمدينه((كمدينه ولا كقريه)) المهم اني رتبت غرفتي فاقتنعت اني تاقلمت على الوضع لاني بالعاده اترك كلش محيوس ومنطل اصلاً بالعاده اذا لقيت غرفتي مرتبه احس اني داخل غرفة اخوي ما دخلت غرفتي يضيق صدري..وبالعاده اذا شفت غرفتي مرتبه يضيق صدري احبها محيوسه لا تسالوني ليش..لكن ابشركم من يوم طلعت كحيلانه وانا احس اني تغيرت وترتبت وصرت ارتبها لدرجه ودك انك تكب عشاك على ارضية غرفتي وتتعشاه من نظفها المهم ما ادري وش البس فتحت الدولاب لقيته فاضي اوه صح نسيت هماني ضفيتها ما تصلح لي اصلاً هالحين هماني غديت بنت يا والله البلشه
<<<<< لابسه بذا اللحظه روب الحمام الله يكرمكم
المشكله ما عندي خوات اقعدي بها يا كحيلانه وش اسوي وش ما اسوي واجيكم نازله والقى الوالده وهي اللي تصايح يا خزياه يا خزياه الله لايخسف بنا الارض استحي يا بنت قلت وش فيها لابسه روب وش قالوا لك متعريه وثاني شي اصلاً ما عندي ملابس قالت اصبري خلني اخذ لك شي عجل من بنت الجيران نستعيره لان ابوك يقول انه لقى لك واسطه تدخلك جامعة عليشه بيعادلون شهاداتك حقت العيال ويخلونها حقت بنات..قلت انا زين المهم شوي والملابس جايتني وانا اللي البسهن ويلقطني ابوي واروح انا وياه لجامعة عليشه وطول الطريق يعطينا وصايا وش اسوي وش اقول لهم المهم يوم وصلت وانا اللي ادخل رايحه للعماده ابي اسجل بكلية علوم اداريه المهم والقى @فروحة الحلوه@ عند التسليف تسوي مخالصه انها ما تسلفت منهم ابد الا على فكره فيه اختراع اسمه كمبيوتر ورى ما يحطون معلومات الطالبه والطالب كامله واي شي سواه بالجامعه من سكن من اي شي واذا جا يتخرج يطقون على الكمبيوتر ويقولون له السكن تراك ما سددته و هلم جره واللي ما للجامعه شي عنده يقول استلم شهادتك..
<===== اقول الشيوخ ابخص
اي والله انك صادق ادارة الجامعه يمكن تبي الخريج يسوي رياضه يعني يصخن مكينته يتولم للي بيقابله في الحياة الله يجزى الجامعه بالخير اللي تفكر فينا حتى وحنا متخرجين الله يجزاها خير اللي تخلي الواحد يمتر بذا الشموس تبيه يحفظ شكل الشمس علشان اللي يفكر يرسمها يتذكر شكلها الله يجزاها خير تبي تعودنا على العطش تحت وطأة حرارة الشمس علشان تعودنا للصيام شفتوا حتى امور دينا تهمهم ما قالوا لكم دينكم ولي دين عقب ذا الكلام اخي اختي خريج الجامعه المفروض وانت ما شي تعقب على المخالصه تحب راس كل واحد تمر عليه لان له معروف عليك هو مهوب قصده المماطله والبيروقراطيه في العمل لكن هذا كله يسونه لمصلحتك هم الشمعه اللي تحترق لتضيء دروب الاخرين
<========== اقول انثبر انت وتفكيرك وكمل الموضوع
ايه صح شطحت بعيد عن الموضوع
ايه اقولكم لقيت فروحه الحلوه المهم وسالتني مستدجه الاخت (( تقصد مستجده)) قلت سمي ما ادري وش قلتي يا اختي لكن انا ابي اسجل ولا ادري وشلون الطريقه قالت وريني شهادتك الثانويه خليني اشوف وش نسبتس واشوف وش يصلح لتس من الكليات قلت سمي هذي هي شهادتي قالت اقول انطلي شهادة اخوك على وجهه وقولي له شد حيلك بسوق الخضره ولا تنسين شهادتك المره الثانيه قلت لها هذي شهادتي بس قصه طويله عريضه واشرح لها القصه ثم ردت علي ببرود قالت والله ما ادري عنتس بس شوفي الاستعلامات بخشتس تقدرين تسالينهم..
وتقولون الجامعه اجراءاتهم بيروقراطيه الا شغل فروحه الحلوه هو البيروقراطي ان كان قالت من البداية دوتس الاستعلامات بيفتون لتس باللي تبين مهوب تطق حنتس معي ساعه وبالاخير شوفي الاستعلامات ابي فايده وحده من حتسيها معي وتنكيتها علي فايده وحده مهوب فوايد واجد زي اللي طلعناها من شغل الجامعه
<=== الفايده هي احتواء المستجده(( على قولتها المستدجه)) وتحسيسها انها بنت الجامعه وانها فرد من هذه المؤسسه وليست عاملة نظافه خارج اسوار الجامعه..
اي والله انك صادز اثر بيروقراطية فروحه الحلوه كان لها فايده========>
المهم ما علينا يوم رحت للاستعلامات نشدتهم عن مكتب عميدة كلية العلوم الاداريه لان ابوي قال على طول روحي لمكتبها لان عندها امر قبولتس عندها باسم كحيلانه بشهادات كحيلان
المهم ورونياه واانا اللي اقضي شغلي وقالت تقدرين تداومين من بكره وانا اللي اقعد احتري البنات يطلعون نركب بالباص ويجي امر الاركاب ونركب ويقعد يلف فينا الباص جزيرة العرب كلها مهوب بس الرياض وراسي لف بي من لفته ومن صجة البنات اظاهر ما تعودت على سماجاتهم المهم وصلت البيت الساعه 6 مدري 10 المهم ان الدنيا ظلما وارجع وملابس بنت الجيران ترطرط عردزان مع ان فيني النوم بس قلت لازم اشتري ملابس ولوازمي ولوازم الجامعه قبل ما انام المهم قلت لابوي ودني الله لايهينك للبراجون (( البراجون اسم مسيحي خخخخخخخخ)) المهم وهو اللي يهوش علي يقول ما عندنا بنات يروحون للبراجون تروحين ورجلي على رجلتس بسوق ادخله معتس قلت طيب وين قال يمدحون المعيدزليه قلت يا ابيي وش معيدزليته تبيني باتسر اداوم بخلقان عجوز تكفى افهم وضعي ونفسياتي بلا معيدزليه بلا حله.. المهم وافق بعد جهود حثيثه تخللها تفكير بالانتحار ونطلني بالبراجون وانا اللي اجمع ما قدرت من الملابس والعطورات والمكاييج وكلش اي شي يخطر على بالكم يخص حريم المهم وارجع للبيت وادخل المطبخ علشان تعطيني امي كورسات بالطبخ المهم وبعدها يدق علينا عمي يبي يجي هو ودحيم يخطبوني وانا اللي انشب بحلق ابوي قلت يبه يرحم والديك اجل الخطبه اقل شي لبعد الدراسه ومره ابوي ماسكه معه يزوجني دحيم اليوم قلت طيب اقل شي اجلها لبكره وراي بكره دوام وتعبانه اليوم من التقديم..ووافق انه ياجل الخطبه لبكره .. المهم وانا اللي انام وما دريت الا ذا البواري اللي بتالي الليل رجتني وقومة البيت كله يوم حولنا كلنا بلحظه وحده ويطلع ابوي يشوف اثره باص الجامعه قلت والله ان ما مشى ولد اللذينا والله لاطلع عليه واكسر رقبته روحه مع الباص نو وي((no way))
<=== يوم صار بنت تطور القروي شوي
المهم وانا اللي اسوي مظاهرات في البيت ضد فكرة الباص وعلى الطريق جنحنا على زواجي من دحيم بس ما جتني الا موافقه وحده اللي هي ان باص ما فيه بعد اليوم اما الزواج قال ان شاء الله بعد العشاء مهوب خاطبك بس ولد عمك الا بنملكه عليتس وانا اللي تقفل معي واروح اتولم للجامعه تخبرون يبيلنا مكاييج وتزبيط شوشه الله على العيال يجيك واحدهم يقوم من النوم وعلى طول يلبس ثوب ابيض يعني ما يتفلسف زي البنات ما تدري الوحده تلبس التنورة التركوازيه ولا البلوزه السكريه يعني مريحين اعمارهم بالثوب ثم يشخص بشماغه يغطي عرادته لا كد ولا هم زي البنات استشوار وزحمه وياكل له شي على الواقف ويشرب جيك مويه ويروح للجامعه وعيونه مغمصه ما فكر يغسل وجهه لانه ناوي يكملها بالقاعه المهم وانا اللي اجيك مدرعمه وادخل القاعه المهم وكان في قرنة القاعه عنوود ومعها مفرعتن الشوشه ويا ملحي المهم يوم شافتني عنوود داخله وهي اللي تسوي فيها نكته تقول لخوياتها شوفوا ذا الشيفه اللي دخلت اظاهر بتعنس طول عمرها هي وخشتها تقل احد صاك الباب عليها ولا جايها ابو وجه اجل جهه في وجهها تتحرك والثانيه لا هذا من العمليات تلقونهم قاصين لها عصب وجهها ذا اللي ما يتحرك.. اثري توحيت للي قالت كله وانا قافله معي خلقه واجيها وهي عند خوياتها واقول متزاينه خشتك شوفي نفسك بالمرايه علشان تعرفين معنى كلمة قبح ولا متزاينه جسمك الا ورى ما تشاركين في برنامج الرابح الاكبر اللي يجي في الmbc مهوب اصرف لك..المهم ويضحكون عليها خوياتها وهي اللي تكرش فيهم وتقولهم انا اقدر اصير مثلها مسالة عملية تجميل وسيلكون مثلها(( والله انها جابتها))..
"شكل عنوود ارتفع ضغطها يوم قرت سماجتي عنود لايهمك يسد انك انتي قايد الريم(( قايد الريم هي البنت اللي تقود شلة من البنات لزين فيها والا لقوة شخصيه ولا لخفة دم فيها)) اظاهر ان الشاعر اللي قال(( قايد الريم تاخذني عليه الشفاقه...ليتني طول عمري خاتم(ن) فى يمينه)) كاتبها فيتس"
عنوود <<<<<< انبسطت وفردت كشرتها وطلعت جفيرات الملح اللي بزغودها من الوناسه
<<<<<<<<<<<< خاف تلفعه مثل دموع الورد
المهم اقولكم بعد المحاظره طلعنا للكافتيريا المهم والقى عنوود معه مصرقعه جايبتها من كلية الاداب علشان تقول لها بالله ذي بتعرس هي وخشتها انا سمعت كلمتها ولا ما سمعت جتني ام الهكي وقررت اتزوج دحيم بكل جوانحي
<=============== كوووووول داون لا يطق فيتس عرق من ذا الحماس
المهم يوم رجعت للبيت قررت ان اليوم مهوب بس ملكه الا باسوي العرس علشان اوري عنودوه منهي كحيلانه وان الخطاطيب مالين بابها وهي بس مالها الا يومين انثى اجل لوها سبع سنين وش سوت ان تسان ما يوفرها توم كروز ..المهم اقولكم ويجي دحيم ويملكنا المطوع ثم خلونا اهلي دقيقتين يقالهم انها خلوه علشان اصير مرته يقولون ايه مهوب ممديه يسوي شي ومن يوم صكوا الباب وهو الللي يطمر علي ابن اللذينا وانا اصايح تسني مسلسلات مصريه يستر على عرضك دحيم..ودحيم يقول اهجدي يا السلقه خلينا نقضي شغلنا وانا مغير اتقلب على جنبي اليمين مره ومره على جنبي اليسار ابي الفكه منه بس تيتني مضبوط وابي اصرخ وهو اللي يدعس غترته باثمي..شوي وافتح عيوني واثرني بغرفتي واقوم واثر علي شورت وفنيلة علاق اخبر يوم اني كحيلانه ارقد بثوب نوم وانا اللي اناظر ركبي رجعت للونها الطبيعي راح السواد اللي عليها وعلى طول رحت اشيك على المصباح السحري واشوا لقيته نابت((ابشرك يا عاشق سراب المصباح موجود)) واشيك على شعر وجهي الحمدلله كل شي فيني رجع طبيعي قلت اجل هو حلم يوم رحت للتسريحه علشان اطفي المكيف(( تخبرون التسريحه والمكيف بينهم نسب)) والقاه طافي والقى المكاييج و عطورات كحيلانه على التسريحه وانا اللي على طول انطلها بالزباله ابي انسى اللي صار سواء حلم ولا صدق ابي احذفه من ذاكرتي ابي اشق الصفحه من دفتر مذكراتي..انتهى
8
8
8
وش رايك يا الارهابي نكاية فيك ما استخدمت وجيه بذا الموضوعين(( وجه دالع لسانه))
----------------
ما يستفاد من القصه لا ترقد وانت مطفي المكيف والا بتجيك احلام تسنها وجهك(( وجه مفهي))
يعني تبي حلم خمس نجوم ارقد بالفريزر وما جاك علي (( وجه شيطاني))