جفوني مناديلك

[املاك]

عسى مازعلتك البارح وزودت الجراح جراح
عسى مامرت الدمعه على اهدابك من أسبابي
جرحتك من كثر شوقي وخليت الكلام رماح
ولادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوا بي
حرام تغيب من عمري وتعطيني الفراق وشاح
حرام الدمع في عيني مناديله هي أهدابي
تلفت للأمل دام الرجا في عمري الملواح
أناديلك ولو شرهة وصولك تقطع أعصابي
غيابك يشغل عيون الزوايا وأمتلي أشباح
وأنا أنثر صوتك بقلب المكان وأشعل أبوابي
أبيك الجاي من عمري أنا مابيك شي وراح
مدامك أول واجمل وآخر وأجمل أحبابي
أبي أرتاح ياعمري أنا ادري هم تبي ترتاح
تعال وقبل ما أفرح ترى تفرح بك ثيابي
أحبك يابعد عمر الحزن والجرح والأفراح
أحبك كثر ما نامت عيونك داخل أهدابي
_______
سالم سيار

[كل الحزن]

كلمات حزينة لكنها غاااااية في الجمال
أعجبني ذلك القلم الذي رسم هذا الحزن بكل دقة..
عظيم الشكر أقدمه لك أملاك
دمتي بعافية

[عاشق سراب...]

املاك
تصدقين القصيده هذي من جد انا معجب فيها
والدليل انها بجوالي وكنت دوووووم اسمعها
يعطيك العافيه يا املاك ع ذوقك الراقي
وتحياتي لك
عشوق

[admin]

الله يسلمتس اجل جفوني مانديل ؟
وش نوع جفوتس كلينكس ولا اسمايل لاني حساس واعاطس واجد :p

املاك
قصديه في غايه الجمال والروعه
وختيارتس لهذه القصيده يدل على ذوقتس الاجمل

تشاوز :)

[املاك]

شاكره لكم جميعا ماقصرتو للحضور المتألق