|
تـ شـ و يـ هـ .. !!
قال شاعر لا يحضرني اسمه : رمى الوشـاة بـداء الحــقد روحـاتي وزوّرا قـصـة عـــوراء عـن ذاتـــي وأسرفوا في ضروب الزيّف وابتذلوا حتى خطـيائـتهم .. قـالـوا خطيـئاتي http://www.al-amakn.net/vb/uploaded/127_01281019641.gif الوشاية .. اسم مشتق من وشى .. يشي .. وشاية ويقال : وشى به عند فلان .. أي نمّ به والوشاة .. أو محترفي النميمة : كما هم بيننا في واقع الحياة .. نجدهم أيضاً في المنتديات .. لا يختلفون شخصيات بها من الضعف ما يخلق فيها ازدواجية .. في القناعة .. وربما في السلوك لا هم لهم .. إلا تشويه صور الآخرين .. بافتراءاتهم وحقد يملأ صدورهم يبذلون ما في وسعهم لخلق هزات .. في العلاقات ولا يهنأ لهم بال في تقارب الناس وتوادهم مثلهم يأتونك بوجه .. ويذهبون بوجه آخر تارة تجدهم يذمون العباد .. وأخرى يكيلون المديح والثناء أمامهم سحقاً لهكذا نفوس يأسرها الانفصام !! همسة / من قال لك .. سيقول عنك رأي / أن تسمع قولاً من أحدهم وتصدقه في شخص تثق به فذلك يعني أنك لم تثق بذلك الشخص أصلاً |
راعي النيميل وتلفزيونه .. !!
ضحكت على خويي راعي النيميل ورحمته في نفس الوقت مره يسولف عن تلفزيون جديد اشتراه .. وراح وطي بسبب زيارة واحد يقرب له .. بقولكم وشلون :p يقول عندي ولد اخت .. اسمه عزيّـز <<بالتفحيط على الياء ;)>> كان قبل سنه أو سنه وشوي .. وش حليله ووش زين جسمه .. مدحدحن فيذا ما ودك الا تمقـّل في طخمته وتسولف معه .. وكل ما شفناه نسمي عليه نخاف عليه من العين المهم كان ذا العزيّز .. دايم يروح ويجي مع ابوه .. وإذا جت امه تزورني بحكم اني اخوها التسبير .. ما اخليه يروح مع ابوه اذا حطهم .. ألزّم على الولد يجلس معي عشان سوالفه توسع الصدر يقول مدري وش صاب ذا الولد ووش ذا النعمه اللي طاح فيها وما عرفناها زيه .. خلال سنه مغط جسمه وصار جثه يالله يدخل مع الباب .. مدري هو من كثر ما ياكل همبرقل :8b48593a21: والا راضعن من مصريه !! :p مع اني أخبر امه ما فطمته الا عمره أربع سنين بعد ما شفط أم الحليب اللي في جسمها .. وصرنا نسميه جبنه من زود الصحه :D نعنبو بليس ولد ذا الاخت .. صار من كبر جسمه اذا ركب سيارته الأكسنت تميل من جهة السواق تسن الكفر مبنشر :09: .. وصرنا نتعزز للأكسنت ونعرف إنه هو جاي بموتره من بعيد عشان مايل على جنب من ثقله الثور :110: حتى ابوه صار يخاف منه .. أول هو يركب مع ابوه في مشاويره .. الحين ابوه هو اللي يخاويه :o وقبل يركب يعطيه المفتاح ويقول وهو يناظر فوق تسنه واقف تحت عماره :p <<الابو صار قزم عند ولده>> سق انت وانا ابوك .. انا اللي بركب معك أخاويك :052: حتى صوت ذا العزيّز صار خشن بقوه .. لين حتسى يا دافع البلا تسنه كنداسة ددسن منشقه موب آدمي يحتسي :09: << لازال مغرز في مرحلة البلوغ :p المهم ولد ذا الاخت .. شان طبعه وتغير .. صار نضول :110: ويبندّق على أي شي يلفت نظره .. يعني يسدح الطير من السماء :confused: عاد انا يا محاتسيكم .. قلت له من باب المشاكسه والاستفزاز : أكيد ذا الولد طالع على خاله! :o ما عجبته ذا الذبه مني .. وناظرني بعين :( وهو يكمل السالفه .. زي اللي يقول اعقل وإلفدزها لا ألتفت لك :052: يقول المشكله عيالي زد حذروني منه .. قالوا لي ترى تسمن جهاز بليستيشن راحت وطي خربت علينا بسبته من كثر ما يبقق عيونه وينق .. وتسم واحدن بعد من عيال جماعتنا رسبوا عشان قالهم يا دوافير :akn55: وهم ما نجحوا إلا في اختبارات شهريه بس .. يعني تحثلوها في آخر السنه :mad: وأنا يا غافلين لكم الله يقالي أوجههم .. أقول عيب عليكم هذا ولد عمتكم .. ما يصير تقولون عنه تسذا .. هذا زي اخوكم .. بس آااه طلع أمحق اخو :09: وانا عاد ميت ضحك واقول ليه وش صدر من عزوز الدحدوح؟! :D قال .. قدر الله عليّ مره واشتريت تلفزيون بلازما 50 بوصه بذيتس القيمه كان عليه عرض .. غالي يعني .. وكنت بشخص به عند الربع اذا سيّروا عليّ .. حاطه في بيت الشعر في مقدمة البيت وتوني مشتريه لي تسمن يوم قبل كاس العالم ما بعد حتى تهنيت فيه .. ولا بعد شافوه خوياي .. أزعجتهم بمواصفات ذا التلفزيون من كثر ما أمدح فيه .. وأقوم ذاك اليوم وألزم على بعضهم يجون يتفرجون عندي على مباراة المهم ولا يطري على اختي الله يسامحها تسيّر علينا الا ذيتس الليله :09: .. وما دريت إن ذا الصتيمه ولدها هو اللي بيجيبها .. على بالي زوجها زي اول شوي الا البزارين يركضون يفتحون الباب .. ويصايحون عمتي جت .. عمتي جت :022: يقول .. انا قرصني قلبي .. وكنت منجضع <<الانجضاع حركه بين الانسداح والانبطاح وهي عادة على أحد الجنبين ومعها فهاوه :D>> أتفرج وأسمع التحليل قبل المباراة ومستانس ومجهز القهوه والشاهي عشان خوياي جايين في الطريدز يقول وأقحص وأستقعد على حيلي تسني مقروص .. وحاس ان فيه شي بيصير :115: واختي اول ما دخلت البيت .. سألت عيالي عني ويوم قالولها اني في بيت الشعر لحالي جت تسلم علي قبل تدخل للأهل وقبل يجون ربعي كانت بلحالها.. قلت وين رجلتس وانا اخوتس ما قلط؟! .. بس تسذا يحطتس ويروح؟! :( قالت .. ما جا .. اللي جايبني ولدي عزوز .. تدلعه مالت عليه :( .. وهذا هو يوقف سيارته وبيدخل يجي يسلم عليك يقول .. وأختبص وأكتم صوت التلفزيون على طول وما لقيت شي أغطيه بغيت ألحفه بشماغي :052: .. وقلت في نفسي .. يالله مقسوم خير .. الله لا يحيي العدو .. وش جاب ذا التفخ الحين؟! :000: المهم .. اول ما جا ووقف عند باب بيت الشعر .. سده من كبر جسمه .. وغطى علينا النور .. نحسب أحد مطفي علينا الكهرب :0010: ويدخل اللوح .. وتتجه عيونه وكل أبو أنظاره وتركيزه على طول جهة التلفزيون :4b0f0bc628: .. ومن زود الطفاقه درعم في امه وصدمها :aae78bc678: .. لأنه النذل ملتفت على التلفزيون وما شاف امه ورجفها بركبته بغت تخمع على خشتها وما امداه يسلم ويحب راسي .. الله لا يحييه وسعابيله وخشته :006: .. الا ويشوف صورة واحد من المحللين بكبر الشاشه .. والمخرج الله يقلع العدو ما طرى عليه يسوي زوووم لذا المحلل ويقرب وجهه الا في ذيك اللحظه اللي إلتفت فيها عزيّـز النكبه :09: قال .. يووووه يا خالي .. يا كبر وجه الرجااااااااال كبرااااااه !! :56: هو ما امداه يكمل المد في كلمة الرجال .. حسبي الله عليه .. الا يوم تشقلبت الصوره وصار راس المذيع تحت وكرشته فوق وتبعثرت الألوان وخربت وصار المحلل تسن في وجهه مشق من شين الصوره وقلبت الشاشه كلها شوشره زي اللي في مركبات الفضاء يعني اختبص التلفزيون بكبره :047: يقول .. وأزعق عليه اهب يا وجهك .. نعنبو بليسك انت ما تعرف تقول ماشا الله يامال الماحي؟! :19: لا عادها الله من جيه .. ويا قرادة حظي اني خالك وتخرب ذيك الليله وأتصل على الشباب قلت جا عندي ظرف ومضطر أطلع .. ما لي وجه أقول ولد اختي نحت أم التلفزيون خفت يجون وينحت واحدن منهم بعد ونبلش به وأنا ميت ضحك :D عاد أجمل مقطع في السالفه .. يقول : من الحره بغيت أمردغه بحكم اني خاله قلت أستغل ذا النقطه وأبرد تسبدي فيه :18: يقول .. فكرت هو انا أكوفنه :035: وامسح به الأرض لين يعرف ان الله حق ويذكره كل ما شاف شي؟! :016: لكن يوم شفت وش كبر علباه :09: << العلبا هي الرقبه وليست علبة تونه :p>> وتذكرت موتره وشلون يعاني منه هونت قلت في نفسي ابلع العافيه بس واتركك منه .. بلا خال بلا هم .. مب نافعك ذا اللقب وصلة القرابه ان جرحت شعور ذا الهايمه وهاج عليك ولو تماديت الحين في هواشي عليه ذا البعير وحس اني ذليته بمسمى خاله همن طاش صدز ونسى لحظتها أي تقدير واحترام وفارق سن وكل أبو شي وش بيرده الجلف؟! أكيد بتكون العوادزب وخيمه وبكون انا الضحيه وفي وضع محرج :09c671a7d1: .. وربما تهتز صورتي بين أفراد العائله فرداً فرداً ودلخاً دلخاً :o قبل أن تهتز أمام المجتمع بأكمله .. أكثر من اهتزاز الصوره نفسها في تلفزيوني :24: يقول استخرت على طول وشرت على نفسي اني أحمد ربي على العافيه .. والتلفزيون بداله تلفزيون .. لكن العمر مش بعزئه أقوم أغامر وأتلابش مع ذا المصك :c1bad6df50: وعزيت نفسي في تلفزيون اللي ما فرحت به وراحت ضحيت بنادق ولد اختي :051: .. وقلت توبه أخليه يدخل بيتنا مره ثانيه قبل نصك على أي شي جديد عندنا اللي تعب منكم وهو يقرا .. ينسى تعب المشوار كانه انبسط من السالفه ;) واللي ما انبسط يقولنا .. عشان نعلم عليه عزيّز الدب يتفاهم معه :157: |
بين الواقع والخيال ..!!
http://www.al-amakn.net/vb/uploaded/127_01281798421.jpg الواقع .. مكان جميل أحياناً لكنني .. أرفض العيش فيه باستمرار فـ خيالي يجذبني أكثر ولا ينفك يدهورني يدهورني يدهورني يدهورني |
دقيزه .. للضحتس !!
[COLOR="RoyalBlue"] يوم بدون ضحك هو يوم ضائع !![/COLOR] شارلي شابلن هذا كلامك انت يا شارلي ابو شنب تسنه شنب زول زد درسني قواعد :p طيب الحين دورنا بنضحك حتى لو بسماجه شوي وغبار :052: واحد يسأل زوجته : وين تحبين نروح في ذكرى زواجنا؟! قالت : نفسي أروح لمكان ما زد رحت له أبد !! قال زوجها : وش رايتس تروحين للمطبخ؟! :D << ذا الفاهيه شكلها رفلاء ما سبق لها دخلته دايم الأكل من برا :( تعريف الرفلاء: هي من يديها تتراقل عند الشغل وما تسوي شي بركاده يعني فاهيه ومختبصه وتحوس الدنيا ويقال في لغة التشبيه عند الحريّم : هذا أكلتس يالرفلاء وإكليه :o يعني على نفسها جنت براقش << ما ودك تسري قبل تحوس اللغه :052: لحد يضحك بليز .. اللي بيكح مسموح ;) |
أنا وبرنامج ( منتديات ) .. !!
الأحد 5 رمضان 1431هـ المناسبة : برنامج ( منتديات ) تقديم المذيع الراقي / تركي سليمان .. يسلط الضوء على منتديات الأماكن سعد .. يجي يستقعد قدام شاشة التلفاز .. فاغراً فاه .. كونه بزكوباً :09: .. يعني مفلوز .. وتفاجأ إنه يشوف الأماكن على الهواء :110: يبدأ المقدم باستعراض بعض صفحات ومواضيع المنتدى بشكل عشوائي .. لكنها تبقى الأماكن الجميلة اتصال من الأخ شمالي أبو يزيد .. يستقعد سعد عشان يركز في كلام المدير الأطخم ويدور حوار راقي بين المذيع وشمالي .. ويتكلم بإسهاب وبمعلومات عن المنتدى والمشاكل اللي واجهته وإجابات وافيه وذكر بعض الأشخاص اللي لهم دور في تطور الأماكن وكانت بعض المعلومات جديده علينا والإجابات يمكن أشفت غليل البعض وردت على تساؤلاتهم في بعض الجوانب ويتحمس سعد أكثر مع البرنامج وينشد من ثوبه ودمجته وكل شي ينتهي شمالي .. ويجي اتصال من الأخت الراقيه هي الأخرى سوزان .. قصدي شيزون وفعلا كانت من خيرة من يمثل أخواتنا في المنتدى خصوصاً والعنصر النسائي بشكل عام هدوء وثقه وردود متزنه وإجابات مباشره في حدود المعلومات اللي عندها عن بعض الأشياء لكن غصب عني ضحكت عليها في بعض الأشياء اللي جت منها عفويه :) هو أصلا يوم قدمها على انها سوزان .. قلت في نفسي وش ذا الاسم؟ :110: .. تو شمالي جايب اسمها ويغلطون فيه !! أكيد انه يقصد أختنا شيزون المهم وأسمع حوارها مع المذيع .. وضحكت يوم غلطت وقالت الاستاذ عبدالرحمن الفطين .. وهي قصدها الطفيل طبعا :D قلت في نفسي وش فيتس وأنا أخوتس اختبصتي .. تو شمالي قايله قبل شوي .. أمداتس تنسين؟! :o << من الربشه ويوم حجر لها المذيع .. وسألهاوش تسوون لو أحد دخل بيوزر نسائي للأقسام النسائيه وهو رجال؟ :akn55: قالت : كل واحد وذمته ! :p هههههههههههههههه الله يسعدتس .. ندري إن كل واحد وذمته .. بس فيه ناس ذمتهم وسيعه .. وبعضهم مشقوقه :o استغفر الله ويستلج سعد أكثر .. وتبدا يديه تاكله إلا يدق عليهم :052: .. هذي الأماكن .. تسن ذا الاسم حرك شي بداخلي ولا إرادياً .. من الاختراشه .. قمت أدقدق عليهم ويعطي مشغول :( .. وأقول يا ربي وش ذا الزحمه على الخط ما لنا حظ ومواصل أعيد الرقم .. ومتى مسك؟ يوم خلص الأخ اللي اسمه ابو باسل خخخخخخخخخخخخخ من الفهاوه أثاريني قاعد أدق عليهم والرجال يكلمهم .. الله لا يبلانا بس وعلى بالي زحمة اتصالات :confused: مدري وش قردني ذاك اليوم اتصل .. وإلا وقتها أنا مزكوم والصوت رايح والخشم مقفل والأذاني متسدده يالله أسمع لين أحد زعق عليّ ويوم مسك الخط .. ويرد الكنترول .. شكله مصري قال مين معايه؟ :mad: وأرتبش .. حسيته صعيدي عند ترعه يقول ميييييين هنااااااااااااااااك؟ :09: بغيت أسكر الخط على بالي غلطان ومتصل على شقة مصاريه :052: قلت برنامج منتديات؟ قال : أيوه؟ قلت ممكن أكلم الأخ تركي؟ قال : مين انته؟ قلت معك سعد عضو في الأماكن !! قال لحظه .. ويبعد صوته .. تسنه ينادي المذيع من بعيد يقول سعد مدري ايش الا يلخمني المذيع الله يهديه .. ويقول معنا اتصال الأخ سعد :09: هو قالها .. حسيت إنه يعلم عليّ موب يقدمني خخخخخخخ المشكله فيه صدى في الصوت يعني لين حتسيت ما يسمعني الا بعد شوي .. وهو صوته يالله أسمعه وفيه ناس توقعوا مرتب للاتصال .. لكن وربي كان جاي تسذا .. كل شي ارتجالي وبدون ترتيب أو تخطيط صح إني مسكت خط في بعض الاشياء .. لكن كل شي الحمد لله جا طبيعي << وين ولاده؟ :o بس والله ابن الحلال المذيع الله يوفقه .. التحاور معه كان مريح وراحت الرهبه .. مع انه أول اتصال بأي برنامج قسم بالله والا أخوكم والله لا هو راعي برامج ولا اتصالات .. بس كله من الأماكن .. احساسي إن لها حق على سعد خلاني أتحمس أتصل المذيع بغيت أحجر له .. يوم سألني عن اسمي وقلت الرجه .. وضحك :110: بغيت أقول اعترف انت مشارك معنا في الاماكن؟ :akn55: الصراحه كان ودي أوجه رسايل لبعض الأخوه والأخوات الغايبين من زمان وكذلك ناس زي أختنا أم فهد وبقية الطاقم الاداري والناس المميزين بأقلامهم .. والأقلام الواعده .. وتسذا لكن الوقت .. وكل شوي ماسكين خط في جهه .. عشان تسذا ما أمداني أذكر أحد غير الثنائي المدهش :122: طبعا لأني بديت وهم فيه ولازالوا ما شاء الله تبارك الله .. الله يعطيهم طول العمر .. ويستحقون بدون قصور في الباقين وبغيت أذب على أختنا شيزون على الهواء .. بس خفت تزعل قلت الأخت شيزون مدري سوزان .. وبغيت أكعها وأقول سوزان مبارك والا سوزان تميم :p <<< اااوووووووووووت :052: أما تشبيه الأماكن بالاستراحه والأكلات خخخخخخخخخخ .. مدري وش يبي ذا التشبيه وقتها من الزكمه ما أفطرت زين .. وكنت جايع .. وجا ذا التشبيه على بالي :D والأكيد إن الأماكن سوت دعايه للبرنامج .. زي ما البرنامج سلط الضوء على الأماكن يعني خدمه مشتركه :01001: أشين شي .. إني سمعت صوتي بعدها .. وتصدقون إني ارتعت مني :09: صرت أتعزز للي يسمعوني كل يوم ;) هذي كانت هذره ملخصه لما تم .. وإن ذكرت شي رجعت لكم :) |
لمن يستحقون أكثر من الكلمات .. !!
يقول ألدوس هكسلي : الكلمات كأشعة إكس ، أحسن استخدامها تخترق كل شيء ! ~ ~ ~ ويقول الضعيف إلى الله .. لكم أنتم .. يا من غمرتموني بحبكم الأخوي .. وتؤنسون الروح بقربكم مني وأحرفي : كلماتكم الأخوية .. وتسجيل إعجابكم بحروف يغلفها الود والرقي .. ما هي إلا ذات مفعول كالسحر .. تخترق القلب وتسعده .. وتبتهج بها الروح وتنتعش وقبل هذا وذاك .. هي بالنسبة لأخيكم نياشين يعتز بها من أخوة له وأخوات .. يطيب لي المقام معهم في نفس الدار .. الأماكن http://www.al-amakn.net/vb/uploaded/127_01283178077.gif أخوي / أختي (ويذاوت نيم :D) / ووجهك أبيض .. ورايتك دايما بيضاء :122:الله يسعد هالوجه والروح .. ويرزقك خير الدارين أخوي / أختي (نو نيم بعد ;)) / الله يديم الضحكه الجنان بقلبك قبل بريطماتك :Dوسلامة راسك من الشقلبه والصداع .. بس شكلك لك معرفه بنوعيات زي عزوز :09: .. عشان تسذا كان اختيار النحشه أقرب شي لك :157: من الأعماق أشكرك على منحي شي من وقتك وتسجيل تعليقك اللي أسعدني ربي يديم الفرح والسرور ويسعدك دنيا وآخره أختي شمعة الأماكن " شيزون " / ويسعدتس يا ربأبد راعي النيميل سوالفه كثيره :157: .. بس عشان التشويق :o <<والله لو إنه جاكي شان :p>> نبطي بها عشان ما تصير ممله أما الرقي .. فإذا له عناوين .. انتي من أبرزها وأنا أخوتس .. ما شا الله تبارك الله .. ربي لا يغير عليتس يكفي أخوتس هالتواجد الراقي والروح الطيبه بنقاءها وقربها من الجميع .. لا عدمناتس الله يحقق أمانيتس ويطمن قلبتس ويرزقتس على قد نيتس بنيتي التسبيره ( فروشه أم النوم :D) / تسلمين يا غاليه .. الروعه في مثل هالطله البهيه .. وتواجدتس وأمثالتس هو التقييم الحقيقي بالنسبه لي :oo9:وأكيد كلامي ما يوفيتس حقتس وأنا أبوتس :o وسلمي على وخيتس .. بنيتي الثانيه ريوحه آخر العنقود .. قولي باباتي وأهل الأماكن زعلانين عليتس ترى زودتيها وطولتي الغياب :( .. قضت الاختبارات وبتقضى العطله وهي ما بينت :akn55: ربي يسعدتس وياها ويعطيكم على قد النيه الطيبه كلمات بسيطه .. تستحقون أفضل منها :) لا حرمني الله أخوتكم .. وقربكم الداعم :) |
................؟؟ !!
نحن لا نخجل من التفكير في شيء دنس لكننا .. نخشى أن يظن الآخرون بأننا قادرون على فعله !! |
الله يسعد شمعة الأماكن .. !!
http://www.al-amakn.net/vb/uploaded/127_01283526375.jpg وأيامتس وأنا أخوتس الله يسعد هالوجه ويوفقه يعين؟! .. قصدتس يعني :D << ما صدق يلقى غلطه ثانيه :p لا يا طيبه .. وشلون أفوتها .. فرصه وكويس إني ما كعيتها على الهواء << والا عندك نيه؟ :052: خخخخخخخ أما السنه الجايه تسثري منها .. وين ريضين بالدنيا؟! :o لا السنه الجايه على خير إذا الله عطانا وياكم عمر .. بنخلي الفرصه لغيرنا << صدق ما ينعطون وجه :D |
ابتسموا .. !!
الورود حين تتساقط لا تستطيع التسلق مرة أخرى لذا .. لا تفكر في الماضي حب الحاضر وعش للمستقبل بإبتسامة رقيقة وجميلة !! :) |
همسة خاصة .. إلى ....... !!
http://www.al-amakn.net/vb/uploaded/127_01285451365.jpg كلما شعرت بنضوب مفرداتي وأوشك مداد يراعي على الجفاف غمست قلمي في قلبي المكتظ بحبك ليستمد من مشاعري فينغمر في الأحاسيس ويمتلئ بالأشواق وتنهمر الأقاصيص لتحتضنها الأوراق فأتغزل بكِ شعراً وأحكيكِ نثراً وأشيّدكِ قصراً وأقطفكِ زهراً وأرسمكِ طهراً لكِ .. وفيكِ ومن أعماقي تتدفق المفردات عذبة كعذوبة روحك وتتوالى النبضات رغبة فيكِ .. في هدوئكِ في جموحك وتعزفكِ الآهات كموسيقى حالمة لأنشودة فرح عنوانها أنتِ !! همسة خاصة جداً .. إلى ذلك القلب البعيد .. علها تعبر المسافات .. وتصل .. !! :confused: :confused: :confused: وأيضاً .. لا حلل الله اللاطشون !! |
مدرس نصاب .. !!
دخل المدرس الفصل ولقى اثنين من طلابه يتهاوشون وسألهم : ليه تتهاوشون؟ :mad: قال واحد منهم : لقينا عشره ريال .. واتفقنا نعطيها لأي واحد يقولنا أكبر نصبه !! قال المدرس : استحوا على وجيهكم انت وياه .. يوم كنت في عمركم ما كنت أعرف حتى الكذب وشلونه !! :110: قاموا الطلاب بسرعه عطوه العشره ريال:59: << ما هضموا نصبته من كبرها :c1bad6df50: اللي ما هضم الشطحه .. بليز أقرب بقاله ويخم له بيبسي أو سفن أب دايت يهضّم على طول :122: |
رد: صفحتي .. ثرثرة وضحكة وهمسة !!
التدوين الإلكتروني .. فكرة تراودني منذ فترة وأعكف حالياً .. على دراسة تنفيذها بشكل جدي ليس للتوثيق .. فالشبكة العنكبوتية ليست مكاناً آمناً للتوثيق ولكن ربما الرغبة في إيجاد ملاذ آخر .. تكون فيه مساحة الحرية أرحب .. للتنوع ولكن التردد .. وربما الكسل .. يعيد الفكرة إلى حيث بدأت !! ما أقول الا يا شين الواحد لا صار فيه عرق زول :p << ترى ما أقصدني ;) |
لا داعي للكدر .. !!
إلى أولئك الذين جرت الرياح بما لا تشتهي سفنهم : إن الضربات التي لا تقصم ظهرك تقويّك عمر المختار http://www.al-amakn.net/vb/uploaded/127_01289339693.gif كل شيء في الحياة .. يحل مؤقتاً .. ويرحل فـ ظلام الليل .. وضوء النهار شروق الشمس .. وغروبها كلها مؤقتة لذلك .. إن سارت الأمور بالشكل الذي تمنيت فاستمتع بلحظاتها .. لأنها لن تخلد للأبد وإن ساءت .. فلا داعي للكدر لأنها لن تستمر للأبد أيضاً فكل اللحظات تمر .. وتأتي غيرها وكل شؤون العباد .. بيد رب العزة جل في علاه فقط ابتسم للحياة واسأل الله أن يعوضك خيراً مما فقدت |
العيد هو الحب ..!!
http://www.al-amakn.net/vb/uploaded/127_01290731599.gif لو نبعت كلمة " أحبك " من قلب قائلها وهو يعنيها بالفعل ولو كانت القبل والأحضان صادقة بصدق مشاعر الحاضن والمحضون لأصبحت الدنيا " جنة حب " كل عام والقلوب المٌحِـبة بخير :050: بعد الزحمه وأكل اللحمه والتسبده والتسلاوي وكل أبو الزبايح :0190: |
على الطاير .. !!
آخر بيت شعر ضحكني :157: يقولون والله العالم إنه لمحشش يحاول يكتب قصيده : غمضت عيني بس ما شفت حاجه أثر العرب لا غمضوا ما يشوفون :110: أكيد يابو الشباب ما راح يشوفون أجل بيشوفون مع أذانيهم مثلا؟ :p .. والا عندك راي ثاني؟ :j11: |
| الساعة الآن 10:07 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.