|
رد: يامقاولين أتركونا نسير في الطرقات بسلام!!!
اقتباس:
هلا بك أختي (سنا الفضه) ياليت والله توكل مهام هالشوارع للشركات الأجنبيه ربما نجد لها حلاً لديهم أفضل من ترسيت العقود على شركات و بالتالي إرساءها على شركات أخرى بعقود من الباطن و هلم جرا حتى يتم تنفيذ المشروع بأقل من الكُلفه المقرر صرفها عليه رغم أن الحكومه قامت بصرف المبالغ الضخمه على تلك المشاريع لاحول ولا قوة إلا بالله العظيم شاكر لمرورك أختي و ردك الجميل ربي يعطيك العافيه أخوك خيالك (ابوعبدالرحمن) |
رد: يامقاولين أتركونا نسير في الطرقات بسلام!!!
اقتباس:
هلا بك أخوي الغالي (كحيلان) كلماتك أخي أثرت الموضوع بجميل عباراتك التي بها رسمت أجمل اللوحات يكفيني فخراً أخي بأن يكون هذا رأيك في شخصي البسيط من شخص له بصمه رائعه في كل منتديات الأماكن بردوده الرائعه و المحفزه أخي مع الأسف أننا نرى كل تلك الأمور تحدث من حولنا و رغم ذلك لا تجد أحداً يتخذ أي إجراء حيال هذه المواضيع مما يجعلنا نتساءل عن أسبابه هل هو إهمال أم إختلاسات أم أنها أمور أخرى لا نفقهها نحن رغم وضوحها وضوح الشمس ولكن لمَ هذا السكوت و التجاهل أين هي ضمائر هؤلاء البشر و كيف يستسيغون اللقمه إن لم تكن حلالاً و كيف يستطيعون إطعام أهاليهم بمال حرام و في المقام الأول كيف لهم تجاهل العذاب الذي ينتظرهم في الآخره؟!!! لاحول ولاقوة إلا بالله العلي العظيم و حسبنا الله و نعم الوكيل فيهم أخوي الغالي تواجدك الرائع و طرحك القيم زاد من قيمة الموضوع بإثراءك له ربي يعطيك العافيه أخوي و لك مني خالص شكري و تقديري أخوك خيالك (ابوعبدالرحمن) |
رد: يامقاولين أتركونا نسير في الطرقات بسلام!!!
الواحد تعب يحرق دمه بسبب هالحفريات والله ,
الشركات اهم شي انها تقول حفريات لانها وسيله لكسب الملايين على حساب الشعب وياليت يكون فيه لوحات تنبه بوجود مطب او حفره او شي لا درعم وماتدري الا انت طاب فيها ,, يعني اقرب مثال طريق الملك عبدالله الحفريات الي فيه كم لها من رمضان او قبل ولين الحين وقالوا خلال 3 او 4 سنوات قادمه ويالله لان بغيت شي خذ لك فره على معالم الرياض عشان توصل للي تبيه بعد مايكون دمك احترق,, الجسر مادي النفق الي بالشفا ويمتد لشارع المعارض الزحمه هناك داميه بجد والا لاجتك سيارات وش كبرها تزاحم تبي تمر وتفتك من الزحمه ويالله حوادث ورعب وكل هذا ليه بسبب الحفريات ,, يعني قبل يفكرون يحفرون او يسون شي يفكرون بالمواطن وراحته وطبعا هذا شي مستحيل اخر من يفكرون فيه هو المتضرر ,, اذكر مره رايحين مشوار وماكنا مسرعين فجاءه الاطابين بحفره والله ان راسي ضرب واخرتها طلع لي صعرور يالله هالحكومه بتجي تروح هالصعرور والا تفكر فينا <<عصبت اخوي خيالك ,, طرح راااائع لامس واقعا نعايشه كل يوم في الذهاب والاياب ,, تسلم والله وتسلم يمناك على الابداع المتواصل والراقي اعذرني عالاسترسال باسلوب عامي ,, لاحرمنا جمال وروعة اطروحاتك ,, يسعدك ربي ..~ |
رد: يامقاولين أتركونا نسير في الطرقات بسلام!!!
اقتباس:
هلا بك أختي (الريم) والله حاله هالمطبات ماسبب لنا الخساير في مواترنا إلا هالمطبات الواحد مايمديه مبسوط بسيارته مطلعها وكاله و كاشخ بها إلا وهو طاب بحفره و رايح عليه العكس أو الهوب والله قبل فتره بسيطه جيب لكزس الجديد توه بقراطيسه طاب بحفره مسكين و واقف على جنب و الظاهر إن حصلت معاه مشكله لأن الحلوين حقين الحفريه حاطين مثل اللوح الحديد عشان السيارات تمر من فوق الحفريه و هالحديده كانت مع مرور السيارات تزحف الين جا صاحب الجيب و مر من فوقها و زحفت و صار نصها بوسط الحفريه و النص الثاني طاير فوق و الظاهر إنه ضرب له أسفل المكينه و على الله العوض المهم سلامة راسك أختي و قولي حسبنا الله و نعم الوكيل ما باليد حيله و الصعرور حاولي تحطين عليه كمادات الين يخف إن شاء الله و بعيد الشر عنك يخليك ربي و يحييك و بالعاميه توصل المعلومه حسبما أردنا غالباً خالص شكري و تحياتي و تقديري لكـِ أختي على مرورك الرائع و تفاعلك الأروع مع الموضوع أخوك خيالك (ابوعبدالرحمن) |
• • • εïз ،’ . |
رد: يامقاولين أتركونا نسير في الطرقات بسلام!!!
اقتباس:
أختي εïз..جَنْآئِنْ..εïз أهلاً بكـِ أختي و بكلماتك التي و إن دلت فإنها تدل على حرقه و ألم ظاهرين من هذه الظاهره التي انتشرت و بشده و الشيء بالشيء يذكر قبل أيام قرأت في الجريده عن حادث مؤلم نتج عنه وفاة زوجة السائق و إبنه و إصابة السائق و إبنه الآخر و إبنته بإصابات متفاوته و كل ذلك بسبب إهمال المقاولين و عدم و جود الرقابه المُفترضه من قِبل البلديه و مع الأسف أن كل جهه ترمي باللوم على الجهة الأخرى و المواطن بينهم ينتحب بحرقة على وفاة زوجته و إبنه و حسبنا الله و نعم الوكيل فيهم أختي الغاليه تواجدك أضفى على الموضوع الجمال بكلماتك الواقعيه ربي يعطيك العافيه أختي و لكـِ خالص شكري و تقديري أخوك خيالك (ابوعبدالرحمن) |
رد: يامقاولين أتركونا نسير في الطرقات بسلام!!!
ههههههههههههههههههههه لبى قلبك أخوي أبو دحيّم :D شكلك منقهر بقوه وكل يوم في الصناعيه .. من كثر ما تغير عكوس وجنوط وكل شوي محبّلن عندك كفر :( والله ما تنلام .. شي مخجل بصراحه اللي قاعدين نشوفه .. لا وفي شوارع العاصمة :mad: ياخي على بلاطه .. من أمن العقوبه أساء الأدب .. ومن اللي نشوفه شكل ما فيه غرامات ولا عقوبات على المقاولين المخالفين .. والمتابعه ضعيفه أو فيه تطنيش من بعض المسئولين لمصالح معينه يعني لا حسيب ولا رقيب .. حسبي الله على اللي ما يأدي عمله بذمه وضمير ومخافه من الله وإذا على المواقف عد واغلط .. وش نقول ووش نخلي .. الشق أكبر من الرقعه :akn55: هو انت تجي لشوارع صارت كنها بطن مريض ميؤس من حالته .. وقاموا يتعبثون فيه بالعمليات .. كل شوي شاقين وخايطين وإلا نجي لمطبات .. كلن يحطها على كيف اللي جابوه .. حتى المواطنين أنفسهم .. كل من طقت في راسه حط عند بيته مطب :( وتقلب عناد بين البلديه والمواطن .. هم يقشعون المطب .. وهو يرجعه :052: لا وطلعوا بقرار إن المطبات بس عند المساجد والمدارس .. وقاموا يشيلون اللي عند البيوت .. ويا ليتهم ما شالوها بعد ما كانت مطبات .. صارت حفر .. الله يعمي قلب اللي يشيله ذا العامل الكديش اللي مركبينه شيول مدري حفار .. يقشع المطب ويقشع مع اسفلت الشارع نفسه .. وإذا صار مركّز .. مشخ أبو الشارع .. المهم إنك ماكل المطب ماكله يا مرتفع يا نازل وإلا تجي لأرصفه ما تدري اللي حطها وش يبي وإلا وش كان يفكر فيه!! على طاري الأرصفه .. مره عندنا شارع مزدوج في حارتنا .. طويل شوي يعني يمكن يجي كيلو .. في حدوده أول كان بدون رصيف .. وطبعا أنواع الطلعات من السيارات .. عاد من زين السواقه والسواقين عندنا ما تدري إلا طالعن عليك واحد قاشع من شارع فرعي .. يبغى الجهه الثانيه من الحاره .. فيقطع الشارع تسنه لحاله يسوق في بر .. موب في مدينه .. خصوصا الصبح أوقات المدارس .. وخذ أنواع الحوادث بعد فتره .. تكرموا وقالوا بيحطون رصيف فاصل .. ويو تيرن (مديور) بعد كل مسافة ميه ميتين متر المهم ذا الشركه اللي من زين حظ الشارع والمواطنين اختاروها عشان تحط الرصيف .. شكل مشرفهم بنقالي .. وإلا واحدن والله ما تخليه يصلح لك شبك غنم موب رصيف وما أردى منه إلا مشرف البلديه اللي يخليه على كيفه !! ولين حط اليوتيرن .. خلوه كم يوم .. وجوا غيروا مكانه .. عشان اختياره غلط .. قريب من بقاله .. يا محلات .. يا قريب من مدخل للحاره بعشره عشرين متر فيعكسون العالم في الروحه والجيه .. ويصير الدوران من عنده صعب وعلى هالطريقه في الأخير .. سدوا المديورات كلها .. وصار الواحد يمغط من أول الشارع لآخره عشان يرجع .. هذا كان وده يصير نظامي والا يجبرونك تخالف النظام في الحاره .. والناس تعكس الشارع عشان أقرب .. ويالله نفس الشي خذ أنواع الحوادث أحيانا تشك .. وزي ما يقولون البعض .. إن فيه مصالح مشتركه بين ذا اللي ينفذون الشوارع أو يشرفون عليها وورش وقطع غيار السيارات وإلا الحفريات اللي تقعد شهور ودهور مكشوفه .. والا ما اكتمل الشغل فيها وقسم بالله مره .. بنفس الشارع .. حفرية صرف (كرمتوا) على امتداد الشارع يمكن ردموها وسفلتوها وعودوا حفروها من جديد أكثر من ثلاث مرات في كل مره يسفلتونها .. كم يوم إلا تنزل وتصير تسنها ساقي مويه .. يعني التربه اللي تحتها ميب مدكوكه بشكل صحيح لا ومتى طرى عليهم مشروع ذا الصرف .. بعد صيانة الطريق مباشرة .. يوم صار وش زينه يلق .. وما ودك تحول من سيارتك وإنت تسوق فيه .. إلا جوا حفروه وعلى هالطريقه ومره فيه واحد مسكين .. والله قهر .. سيارته صغيره جديده .. جاي يمشي في أمان الله بعد صلاة عشاء إلا فيه حفره كبيره .. حافرتها شركه ومخلينها بدون حواجز أو حتى لمبات توضح .. وطاح هو وسيارته فيها هو ربي سلمه .. والسياره انعدمت ويالله طلعوها بـ ونش .. طايحه على وجهها والمرور قعد يتصل بالشركه عشان يرسلون عامل يشبك أسلاك لمبات على الحفريه <<بدري؟>> وراعي السياره ضاع بينهم .. ما يدري من يشتكي هذا غير الصبات .. اللي صارت منتشره بكل مكان .. يعني يا مطبات .. يا صبات :09: تصدق فيه شارع كانوا مسمينه شارع الحب مدري العاشقين .. ولا يهمونك مسمينه كذا لأنهم عرابجه اللهم لك الحمد كل واحد مشخص له بورع الله لا يبلانا ويقولون حب :( << طلع من الموضوع رجعوه :052: الحين صار كل واحد متجودن له في صبه خخخخخخخخخخ ;) خربوه عليهم المشكله حتى الصبات ما فوتوها .. قعدوا يكتبون عليها .. ذكريات وكلام بذيء حتى الصبات تشتكي منه أخوي أبو دحيم موضوعك قوي وينقض المواجع .. وما ندري وش آخرتها مع هالمعاناه لكن ما نقول .. إلا حسبنا الله ونعم الوكيل على كل من يخون الأمانه وثقة المسئولين فيه .. وقبل هذا كله ما يخاف الله في تأدية عمله وواجبه واعذرني يا غالي على الإطاله .. ومسكة الخط .. التسبد منغثه وش نسوي تقبل مروري .. ودايما بانتظار مواضيعك الهادفه والراقيه برقيك يسعدك ربي ويوفقنا وياكم في الدارين دمت بود وألف خير |
رد: يامقاولين أتركونا نسير في الطرقات بسلام!!!
اقتباس:
هلا بالغالي (أبو سعيّد) يالبى فؤادك ياخي كفيت و وفيت والله و كل كلمه قلتها صدقت فيها بكل حرف فيها و الله شي يقهر ويخليك تغلي من داخلك و مع الأسف مافي فايده مهما الواحد تكلم مستحيل يتعدل الحال و الحفر والمطبات و زد عليهم الصبات كلها متقاوله مع كل من له مصلحه و أولهم البلديات اللي مخليه الحبل على الغارب لهالشركات تحوس في هالشوارع تقول يقلبون شاهي بملعقه قبل فتره زينوا شارع حولنا و توهم مخلصينه إلا تذكروا إنهم ماسلكوا و هاتك ياتحفير لبكره و توهم يردمون هالحفره إلا تذكروا مره ثانيه تسليك ثاني و والله مره حفروا حفره و رجعوا ردموها من غير مايكون فيه أي تنفيذ لأي مشروع و في الأول و الأخير حنا اللي رايحين فيها و سياراتنا خخخخخخخخخخخخخخخخخخخخ <<<<< تذكر موقف :157: مره و انا ماشي بسيارتي و قاعد ألف يمين و مره شمال في نفس الشارع أتحاشى الحفر و المطبات و فجأه أسمع سفتي دوريه و راي و وقفني على جنب و يوم رحت أشوف وش السالفه قالي و راك تروح يمين و شمال <<< على باله إني سكران أو محشش :d قلتله و الله من هالحفر و المطبات اللي في كل متر من الشارع خليها على الله و أنا أخوك و الله شر البليه مايضحك سرقه عيني عينك و لا حيا ولا حشمه أخوي الغالي (أبوسعيّد) شرفتني والله في هالموضوع و في هالصفحه ربي يسعدك و يسعد أيامك و أبد خذ راحتك كلامك ماينمل منه أسعدك ربي و وفقك كل شكري و تقديري و مودتي لك أخي العزيز أخوك خيالك (ابوعبدالرحمن) |
الساعة الآن 09:54 AM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.