![]() |
|
رد: بالصراحة أحلى مع سعد الرجــة .
{ 1- رأيكم فيهـ ؟ إِنسان راقي ب كُل مَعنى ل الْرقي 2- (( 3 )) صفات ايجابيهـ فيهـ ؟ صَراحتِه أَساسُ نَجاحه ف كُل حَرف يَكتُبه 3- (( 3 )) صفات سلبيهـ فيهـ ؟ لا أَعرفه شَخصياً حتى أَعرف سَلبياتِه 4- تقييمك لهـ ... من 1 الى 10.. ؟ 9 5- اجمل موضوع تمنيت تكون انت صاحبـهـ.. ؟ لَم أَتمنى أَي مَوضوع ف كُل حَرف كَتبِه يَعكس روح سعد لا أَحد غَيره 6- الشيء الجذاب فيه .. ؟ روحِه الْمَرحةْ 7- هل يقوم هذا العضو بالرد على المواضيع التي تكتبها ؟ نَعم 8- حركه / كلمه / اسلوب .. تلاحظه دوما بردود ؟ خِتام ردودِه لا يَتغير 9- ((مساحه حره للعضوه/ مجال حر للعضو .. لكي يكتب كلمه او اطراء او نقد للعضو المختار)) ؟! كُن سَعدًا دائِماً لا أَحد آخر : : العطشـان باقات مِنْ الْتوليبِ تَحرسِك يا فاضِل دُمت مُبدعاً http://7bna.com/up/uploads/c285e90e60.gif } |
رد: بالصراحة أحلى مع سعد الرجــة .
أخي الغاااالي / العطشان
تسلم على هذا الطرح الجميل والذي يتيح لنا التعبير عن الأعضاء وأجده متنفس لإراحة النفس من الرسميات والمثاليات وبهذا نبتعد قليلآ عن ذلك وأيضآ به تقييم لمن يقع عليهم حسن إختيارك ودعواتي لك بالتوفيق والشكر المتواصل بين يديك واستأذنك في البدء عن الأسئلة وسوف تكون إجابات بعيدة كل البعد عن المجاملة وسيحيط بها الصراحة والصدق ويكفي أنها عن أخ غالي كثيرآ على الجميع وهو سعد الرجه وفقه الله 1- رأيكم فيهـ ؟ أخ فاضل ومحترم وذو أخلاق جميلة مع عدم إحتكاكي به كثيرآ 2- (( 3 )) صفات ايجابيهـ فيهـ ؟ صراحته , روحه المرحة , الإبتعاد عن الرسمية 3- (( 3 )) صفات سلبيهـ فيهـ ؟ بعده عن الكتابة بالفصحى وإستبداله لها بالعامية قلة تواجده ختامه بإستعمال كلمة تشاو يرحمكم الله 4- تقييمك لهـ ... من 1 الى 10.. ؟ يصعب علي تقييمه لأني مقل في متابعة ما يطرحه أما بالنسبة له شخصيآ وأخلاقه وطيبته 9 5- اجمل موضوع تمنيت تكون انت صاحبـهـ.. ؟ كل إنسان أحق بما طرح فهو من عمله ومجهوده 6- الشيء الجذاب فيه .. ؟ صراحته وروحه المرحه 7- هل يقوم هذا العضو بالرد على المواضيع التي تكتبها ؟ احيانآ فكل إنسان له إهتمامات ومواضيع يحب أن يبدي وجهة نظره بها 8- حركه / كلمه / اسلوب .. تلاحظه دوما بردود ؟ إستعماله كلمة تشاو ويعقبها يرحمكم الله وهنا أحب أن أبين وجهة نظري حول ذلك فمن المعلوم أن كلمة يرحمكم الله قد نص عليها حديث في إستعمالها وهو عندما يعطس المسلم فمن حق أخيه عليه أن يشمته بقوله يرحمكم الله فأرى وأفضّل عدم إستعمال هذه الكلمة لأن إستعماله لها ليس في مكانها 9- ((مساحه حره للعضوه/ مجال حر للعضو .. لكي يكتب كلمه او اطراء او نقد للعضو المختار)) ؟! بالطبع شهادتي في أخي سعد الرجه مجروحه بما يتصف به من أخلاق وطيبة ونقدي عليه في ما ذكرت حول إستعماله كلمة تشاو يرحمكم الله وأتمنى أن يتقبلها مني بصدر رحب كما عودنا على ذلك ووفقه ربي لمرضاته وأكرمه بمغفرته وجناته أخي العطشان وأخي سعد كم اسعدني أن التقيت بكم من خلال هذه الصفحة والتي يحيط بها لكما مني التقدير والإحترام وصادق الدعاء لكما ووووووووووودي وباقاااات ووووووووووردي وخااااالص شكري |
رد: بالصراحة أحلى مع سعد الرجــة .
|
رد: بالصراحة أحلى مع سعد الرجــة .
اقتباس:
هلا والله بأختي المتلألأه ربي يجعل أيامتس كلها وناسه وفرح .. والذوق ما يتعداكم كلمات مختصره نعم .. اللي تفضلتي بها في حق أخوتس لكن صدقيني لها معاني كبيره عندي وشهاده أعتز فيها والقيمه الحقيقيه بالنسبه لي هي أخوتكم والتواجد بينكم وأبهجتيني بهاللقب الجميل ( محبوب الأماكن ) اللي أتمنى أكون أستحقه وأكون مقبول ومحبوب عند الجميع زي ما أحبهم في الله وأسعد بتواجدي بينهم عاجز عن التعبير قدام هالشعور الأخوي الجميل .. ومنحي هالكلمات الراقية ممنون لتس أختي على هالإطلاله المضيئة .. الله لا يحرمنا أخوتس وتواجدتس بيننا يسعدتس ربي باللي تتمنين ويوفقنا وياكم في الدارين دمتي بود وألف خير |
رد: بالصراحة أحلى مع سعد الرجــة .
اقتباس:
يا مرحبا والله أخوي اتقهوى عذابك ولا عليك زود أخوي .. والطيبين أمثالك بعد .. ذكرهم بالخير سابقهم قبل نتشرف بهم وأنا بعد ما حصل لي الشرف بمعرفتك يا طيب .. لكن الجواب واضح من عنوانه ويكفي راي كثير من الأخوان والأخوات فيك ورقيك هههههههههههههه الله يسعدك .. أما كل شي جديد وحصري .. صرت قناه فضائيه موب سعد :p صادق .. يمكن ما نتصادف بالتواجد في نفس الأقسام أو حتى المواضيع وقسم الرياضه ما أدخله أبد .. أول شي ما معي تذاكر :D أمزح .. أدري أخوي إنساني فديته بيقول خذ بطاقة منصه وإدخل .. ما يقصر لكن أنا متعمد أبتعد عن قسم الرياضه عشان التعصب والخلافات والشيل والحط ومحد جاب خبرهم من ذا الأنديه اللي يتهاوشون عشانها :confused: لبى قلبك يا شيخ .. أما كله على بعضه حلو ;) .. ما ودك نسوي فيديو كليب؟ :o << متشقق الله يحلي أيامك كلها وأنا بعد يشرفني التواجد مع اخوان راقين مثلك وشرواك .. الله لا يحرمني منكم وأخوتكم ألف شكر يا جميل الروح .. على شعورك الأخوي وكلماتك الطيبه عن سعد .. من كرم أخلاقك لك خالص ودي واحترامي يسعدك ربي ويوفقنا وياكم في الدارين دمت بود وألف خير |
رد: اهلن وسهلن بـ بابا سعد :)
اقتباس:
هلا والله بأختي سندوره الأموره :D وانتي بعد بت قدعه أوي .. وست بنت ست :157: الله يخليتس لعينن ترجيتس << قلبوها عجايز خليطي :p والله وأنا أخوتس أدري دخلاتي قليله ومقصر معتس ومع الجميع ومواضيعكم .. حتى مواضيعي أغلبها غبرت .. وبعضها تصدقين إني نسيتها :09: بس غصب .. وشكل قرار الاعتزال يطبخ على نار هاديه :) << شكلك حاطه على دفايه موب نار ربي يسعدتس .. انتم المميزين بتواجدكم وإذا على موضوع المدونات إنه منرفزتس .. انتي أشوى من غيرتس غيرتس من بعد ذاك الموضوع ما عاد حاتسوني :p أمزح .. وتعجبني صراحتس .. وترى الدعوى وأنا أخوتس نقاش وآراء موب موجه لأحد مخصوص لا تكونين بس من اللي ينسخون ويلزقون عشان كذا تـنـفرزتي؟ :D عادي تقدرين تنسخين مره .. وتهذرين عن ضروستس اللي ما بعد انقلعت مره ثانيه :p أهم شي التنويع .. والترقيع :o خلاص قابل تقييمتس <<تقبله غصب :052:>> .. ومتبرع بالنص لمتضرري المدونات :D والله دايما وأبدا .. التقييم الحقيقي عندي .. هي أنتم وأخوتكم الطيبة .. وإعجابكم ببعض اللي يقدرني الله عليه وأجتهد في طرحه من مواضيع بس خلاص ابشري بحاول أخفف صرف الكيلووااااات في الحتسي وأنقص الهذره شوي :akn55: ويشرفني أكون بمثابة أخوكم الكبير :) << بيصدق ويبدا يهاوشهم :p >> ربي يرفع قدرتس يالغلا ويجبر بخاطرتس وصدقيني التعبير عندتس ما كان صفر << اللي يشوفك يقول معلمة المادة :052: ومصحح لها>> يكفي كتبتي بعفويه .. ووصل كلامتس للقلب .. ربي يسعد قلبتس مشكوره أوي أوي مرتن بالحيل وقداً قداً أختي .. على صراحتس وكلماتس الطيبه بحق أخوتس التسبير :D لا حرمناتس وتواجدتس الخفيف على النفس الله يسعدتس بكل ما تتمنين ويوفقنا وياكم في الدارين دمتي بود وألف خير |
رد: بالصراحة أحلى مع سعد الرجــة .
اقتباس:
الله يحييتس أختي نفحة العود هههههههههههههههههههه على طاري ال ((تس)) في مخاطبة المؤنث .. يعني إذا جيت أحتسي معتس وغيرتس :D فيه أخت لنا .. إذا كتبت لها زي تسذا في الردود .. تقول تكفى لا تتكلم فرنسي :p .. عشانها حجازيه وما عندها أحد يترجم لها :o عاد أنا مواعدهم بقاموس فيه مصطلحاتي كلها .. ولين الحين ما لقينا خدمات طالب يتبرعون بطباعته :confused: << بتبطي عظم انت ودفتر حتسيك :052: وش أسوي طيب .. أحب لهجتي .. وما أعرف أرتاح في السوالف إلا هيتس :p نرجع لمحور كلامتس أولاً .. أأيدتس على كلامتس .. بعدم المجامله .. وكل واحد يقول رايه بصراحه ومصداقيه فما فيه أحد منا كامل أو يدّعي الكمال .. الكمال لله سبحانه ويحتاج كل واحد منا يعرف سلبياته في نظر الآخرين .. من باب : ( خيركم من أهدى إليّ عيوبي ) كما ورد عن قول عمر بن الخطاب رضي الله عنه رايتس في أخوتس شهادة اعتزاز .. وأتشرف بها منتس وأمثالتس يا جميله لكن ودي أوضح شي .. يخصني .. بالنسبه للملاحظه أو الصفه السلبيه اللي تشوفينها : اقتباس:
هنا يا أختي ما قصدت عملية النقل بحد ذاتها .. بالعكس .. الواحد يتشرف إن حروفه ومواضيعه تنتقل لأكثر من موقع ويطلع عليها أكبر عدد ممكن من الناس لكن اعتراضي .. وهي قناعه شخصيه .. مسألة اللطش .. يعني السرق عيني عينتس الناس اللي تاخذ الخاطره أو الموضوع .. ويروح الواحد منهم يحطه في منتدى أو مدونه خاصه ويسدح اسمه تحت ويكتب بكل جرأه (بقلمي) والمسأله ما كلفته إلا تحريك فاره وتحديد ونسخ ولصق .. وطقتين على الكيبورد وكتب بقلمي هذا اللي أقصده اللطش وإدعاء إنهم أصحاب المواضيع لو كتب الواحد منهم .. منقول .. أو مما راق لي .. ومو شرط يحط اسم سعد أو يذكر رابط الأماكن .. بس لا يحطه باسمه .. لأني اعتبره إفلاس .. وأنا أكره الملفسين << موب من الدراهم :D هههههههههههههههههههههه ضحكت يوم ذكرتيني بموضوع المدونات والصراحه فيه تصدقين عاد .. بعد ذاك الموضوع شفت العجب .. أول شي فيه ناس صاروا يتجنبون سعد ومواضيعه .. بالضبط نفس اللي صار بموضوع (قروبات أم شلل؟) .. على بالهم أقصدهم وناس ثانيه صاروا يعاندون أكثر .. وزادوا المنسوخ والملصوق :p .. وناس ما كفاهم مدونه وحده حطوا على ثنتين :110: يالله وش تقولين .. كلن بعقله راضي :) وبالنسبه لردي على مواضيعتس وبقية الأخوان والأخوات .. أعترف وأنا مغمض :09: .. مقصر مع الجميع بسبب قلة تواجدي في الفتره الأخيره .. وعسى الله يقدرني أعطي كل منكم حقه وواجبه على أخوه ألف شكر أختي الغاليه على تشريف أخوتس بهالكلمات الوسام .. وصراحتس الجميله .. وتقييمي الحقيقي هو تواجدتس وأمثالتس ومنحي شي من وقتكم وحبكم الأخوي النقي الله يسعدتس بكل ما تتمنين ويوفقنا وياكم في الدارين دمتي بود وألف خير |
رد: بالصراحة أحلى مع سعد الرجــة .
العطشان .. دائماً متميزاً بطرحك .. 1- رأيكم فيهـ ؟ سعد حالة من الإبداع تفوق الوصف 2- (( 3 )) صفات ايجابيهـ فيهـ ؟ متنوع في كتاباته .. حيوي .. يرضي جميع الأذواق 3- (( 3 )) صفات سلبيهـ فيهـ ؟ لايوجد سلبيات .. ولم الاحظها 4- تقييمك لهـ ... من 1 الى 10.. ؟ برأي المتواضع 10 / 10 5- اجمل موضوع تمنيت تكون انت صاحبـهـ.. جميع مواضيعه رائعة .. وشدني موضوع ( ثرثرة فقر .. جذابة ) .. شيء مختلف ورائع .. 6- الشيء الجذاب فيه .. ؟ خفة روحه .. مع إبداع قلمه .. والقفشات الحلوة بين السطور 7- هل يقوم هذا العضو بالرد على المواضيع التي تكتبها ؟ نعم .. وله أعمق الشكر 8- حركه / كلمه / اسلوب .. تلاحظه دوما بردود ؟ أسلوب سعد مميز .. تجد فيه موسيقى السجع .. والتلاعب الجميل بالكلمات .. ويختم بمسك الدعاء 9- ((مساحه حره للعضوه/ مجال حر للعضو .. لكي يكتب كلمه او اطراء او نقد للعضو المختار)) ؟! في ردوده على المواضيع سعد يقرأ نفسية الكاتب يحللها .. ويبدي النصيحة بدون مجاملة .. إبداع + خفة دم + جمال روح + قلم راقي + فكر مستنير + تنوع في العطاء = ســـــــــعد الرجة ماشاء الله .. لا قوة إلا بالله .. تبارك الله .. |
رد: بالصراحة أحلى مع سعد الرجــة .
شخصية تستحق الوقوف للرد رغم قله التواجد مع قلة معرفة الشخصية ب شكل كبير - رأيكم فيهـ ؟ شخصية رائعة يمتلك حس الفكاهة ب إبداعية وهم ب قله من ل ديهم الإزدواجية الجميلة 2- (( 3 )) صفات ايجابيهـ فيهـ ؟ صريح و متواضع و محبوب كما أستشعر ذلك من ال صدى المتردد من زوايا الأماكن. 3- (( 3 )) صفات سلبيهـ فيهـ ؟ لامست الصراحة المطلقة وهي ليست سلبية لكن في وقتنا الحالي تعد الصراحة عارية لابد من أن نلبسها و نزينها ثم نكتبها. 4- تقييمك لهـ ... من 1 الى 10.. ؟ لا أجد نفسي منصفا أن وضعت أي تقييم في ظل عدم ولوجي ل شخصيتة ب عمق 5- اجمل موضوع تمنيت تكون انت صاحبـهـ.. أجمل موضوع هو سعد الرجة 6- الشيء الجذاب فيه .. ؟ قلمه و ردوده التي تحمل طابع الفكاهة و الود. 7- هل يقوم هذا العضو بالرد على المواضيع التي تكتبها ؟ لا اذكر و أنا مقصر أكثر منه في التواجد ب مواضيعه ل قله تواجدي. 8- حركه / كلمه / اسلوب .. تلاحظه دوما بردود ؟ لا أذكر ولا تسعفني الذاكرة. 9- ((مساحه حره للعضوه/ مجال حر للعضو .. لكي يكتب كلمه او اطراء او نقد للعضو المختار)) ؟! سبق وأن ذكرها أحد قبلي وهو الكلام في توقيعة . الذي يدل على أنه شخصية ينجذب لها الآخرون من خلال ما يطرح في أقتباس ما يكتب ومنحها ل أنفسهم. و الشبكة العنكبوتية لا يحكمها قانون كلنا نعلم ب ذلك ونعلم مهما كتبنا من جمل لن يتوقفوا عن النقل و النسب يكفي ان تكون الجملة الكافية سعد الرجة يكتب في الاماكن فقط و أستمر على صراحتك مهما كثرت البلبله حولك ف الحقيقة تأتي عارية إن جملناها خالفت معنى الحقيقة. |
رد: بالصراحة أحلى مع سعد الرجــة .
وفي ختام لقائنا مع ضيفنا الكريم
سعد الرجه اشكره علي موافقته لتلبية الدعوة ومشاركته لنا واجابتة علي اسئله الأعضاء بكل روح مرحه وخفة دم ... وكل الشكر لمن شارك وسأل ضيفنا العزيز .... وانتظرونا في لقاء جديد العطشان |
الساعة الآن 01:45 PM. |
|
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.