والله أحس إني من زمااااااااااان عنكم وجمعتكم الطيبه .. بس وش نسوي عاد .. الظروف <<ظروف والا رسايل كح كح<<يا قدمك يعني لازم ترجع بغبار :052:


أكيد تتذكرون يومكم صغار طبعا .. والشطانه أو الشيطنه اللي عند البعض .. إذا موب الأغلبيه منكم

حد الواحد منا .. بس يطامر من متسان لمتسان .. ما نركد أبد

مهما يصايحون علينا أهلنا .. اهجدوا .. امسكوا أرضكم .. خلوكم شاطرين <<ذيك الأيام ما ندري وش معناها>> ما فينا فايده .. ما نسمع الكلام ونستمر في المطامر .. وعدم الركود

يالله .. إذا هددونا .. بأشياء زي .. ترى بتجيكم عوافي الله :110: .. مع إني لين الحين ما بعد حصلت على شرف التعرف على ذا العوافي الله وشي من لحيه خخخخخخ

وأحيانا .. يقولون ترى بيجيكم السعلو :110: .. أول أحسبه شايب من العايله معه عصا وبيجينا زياره :p .. بس يوم لاحظت إنهم ما يقولونه إلا وهم زعلانين علينا .. قلت أكيد ذا شي يخوف .. خصوصا إن اسمه غريب ولا فيه أحد في العايله مسمي عليه خخخخخخخ <<بالله لا عاد تلاحظ مره ثانيه :052:


طبعا .. اسوأ شي كنا نسويه .. الركض بأقصى سرعه .. داخل البيت وبرا البيت .. المشكله كنا نركض بدون سبب في أغلب الأوقات
ودايما نجيب العيد <<تكلم عن نفسك>> خصوصا إذا كنا شايلين معنا شي .. سواء خفيف وإلا ثقيل


أكثر شي .. كان يصير لي إذا ركضت .. يا أصدم في جدار .. وإلا في حافة باب مسايف <<مفتوح نصه>> .. وإذا كان في الشارع يا مدرعم في حفره .. وإلا في سياره واقفه .. وقسم بالله إنها صادمتني سياره وأنا صغير .. والحمد لله انكتب لي عمر

والسبب في هذا كله .. إني أركض وأنا أناظر ورا <<ركب مرايات خخخخخخخ :p

لأجل تسذا .. الجبهة كانت ما تخلا من الصعارير :D <<ترجم لو سمحت>> صايره كلها مطبات صناعيه .. كنها شارع فيه مدرسه ومسجد وبيت واحد قوي <<يملا الشارع مطبات ولا همه أحد كنه شارع أبوه :(

وللإيضاح .. فالصعارير وهي جمع صعرور <<يختلف في حالتنا هذه عن الصعرور المتعارف عليه في مجتمع الحريم اللي يصرقعونه بين أسنانهم ويسمى أيضا لبان لامي>> تتشكل غالباً في الجبهه وأحيانا في أماكن متفرقه من الدمجه :o

والصعرور الذي نقصده هنا .. هو بروز أو ورم .. على شكل معمول قهوه مسويته وحده رفلاء :p .. يتشكل على سطح الجبهه عند الاصطدام بجسم صلب .. وأكثر شي يطلع من الحصى إذا رجمك أحد حاقد عليك .. يعني ببساطه فلقه :09:

والله من طاقيه كنت أطلع من أهلي لابسها على إنها بيضاء .. أرجع بها حمراء <<من الدم خخخخخخخ



عمومنز .. المقدمه اللي فوق .. هي .. لذا الولد اللي بتشوفونه في الصوره الحين .. ركزوا على خشمه .. وتوقعوا وش صاير له !!


http://www.al-amakn.net/vb/uploaded/127_1231525691.jpg


أحد بيقول .. محارشن له قطوه .. وقفلت معها .. وخطفت خشمه بمخالبها :110:


أحد ثاني بيفكر إنه مضيق صدر الزئيمه قامت خبطته بمكنستها اللي تطير عليها :p <<براااا


ناس بتتوقع إن ضحوكهنيشن عاضته بأسنانها اللي طلعت بها في شيخوخة السحالي .. ذيك اللي كنها خرامه :o <<برضه برااا


ويمكن ناس ثانيه .. يروح بهم تفكيرهم أبعد من كذا .. ويخمنون إنه مطفش أم دمجه وعطته هيد <<ضربه بالدمجه>> على فنسته .. وسببت له هالخساير من كبر الدمجه ;) <<هذي موب برااا وبس إلا تسفير


عاد .. كلن والاحتمال اللي جا في باله .. لكن تعالوا نشووف .. وش السبب اللي خلا خشمه تسذا :052:

7






7






7






7






7






7


اللي قلوبهم رهيـّـفه .. وبيسوون فيها عاطفيين ونعومين .. بلاشي ينزلون تحت :akn55:


7






7






7






7






7






7


اوكيه .. جاهزين؟ <<لا تفصيل كح كح :052:

7





7





7






7






7






7



http://www.al-amakn.net/vb/uploaded/127_1231525747.jpg


شفتوا .. هذي آخرة اللي قاعد يركض بشوكه في يده .. ومسوي فيها حريف تفحيط في البيت :p


بس ما لاحظتوا شي في الصوره الثانيه؟!! << يا كثر ملاحظاتك بعد :052:


أمه .. ذا السحليه :D .. قاعده تهديه ولا كأن صار شي حتى والشوكه ناشبه في خشمه :110:


لو هي وحدتن من ربعنا .. تسان قلبتها خبيتي وزيران ومناحه :09: .. وجمعت خلق الله كلهم بالصياح .. ويمكن تصفر <<تترنح مغمى عليها>> من شكل الولد قبل الولد نفسه خخخخخخخخ :D




يخليكم ربي

ههههههههههههههههههههههههههههههههههههه حرام عليتس

يعني أعتبر دعوتس هذي لصالحي؟ :D << ما ظنيت :052:


أجل مصادقه الصعرور؟ .. عاد تدرين هو الماركه المسجله في دمجة كل واحد منا .. هو والتسويه :09: <<ترجم :p


ههههههههههههههههههههههههههههههه ذكرتيني بالتشويت

شكلتس مبدّعه في قرشعة أي شي قدامتس خخخخخخخخ

ذكرتيني بواحد من أخواني .. على كبر عيونه .. عمره ما يستخدمها تحت .. يمشي ويناظر فوق

ما خلا لنا شي إلا شاته ظفر .. بيالة شاهي .. حاطين عشانا .. أحد نايم خخخخخخخ

المشكله .. بعدين يسأل من اللي كب الشاهي؟ :mad:


يسلم قلبتس .. ويسعده يا رب

أهم شي انبسطتي أوووي بالحيل :157:

لا هنتي على الطله اللذيذه .. ولا يحرمنا منتس


دمتي بود وألف خير

ههههههههههههههههههههههههه زئيمه


عاد وانتي تبغين تضحكين على طول .. لازم تكشيره شوي خخخخخخ <<يعني لازم تنكد على العالم :052:


وحاط الموضوع في قسمتس :D عشان هو أنسب شي <<وين ملابس خخخخخخخ


بالنسبه للأم .. شفتي وشلون .. لا وتقولون ما فيه سحالي قلوبهم قاسيه !! :(


يسعدتس ربي على هيك طله .. ولا يحرمنا منتس :157:


دمتي بود وألف خير

العفو أخوي .. وربي يديم الضحكه والوناسه


يسلمو على المرور العذب .. لا حرمناك

يخليك ربي

دمت بود وألف خير

معليش .. سلامات رسوم :o


عاد الله يهديتس ما لقيتي تفطرين إلا مع موضوعي ذا الداج :157:

بس عافيه على قلبتس .. الفطور طبعا :052:


يسعدتس ربي على هالطله .. لا حرمناتس

دمتي بود وألف خير

ههههههههههههه هلا بالراخي خخخخ .. قصدي الذيب خفخف


المهم .. لا تطول الرخيه :D .. بأعتبركم في فترة نقاهه <<وين مرضى>> وترجعون بشي على مستوى :157:

يخليك ربي على هالطله يا غالي .. ولا يحرمنا تواجدك


دمت بود وألف خير

هلا والله وغلا صبح صبح وأم حلاوه مصاص سابقاً :p


أنا بخير يا عساتس بألف خير .. بعدين من قال إني أتغلى <<من زينك عشان تسوي تسذا>> وإلا متكبر عليكم .. لكن لي فتره ما دخلت لأسباب خاصه

وبالنسبه للاند .. موب من كثر دخلاتي لها .. بس أتذكر مره رحت هناك بأكفل واحد الله يذكره بالخير .. وحبسوني خخخخخخخ
عقبها .. طلع لي قلب <<وأول ما عندك؟>> وصرت ما عاد أقبـّـل عليها .. شكلي تعقدت من بدايتها :D


نرجع لمحور حديثنا .. عوافي الله :09: .. الله يخلي والدتس لكم .. كل أمهاتنا الله يجزاهن الجنه يقولون تسذا .. تسنهم متفقات على هالشي

عاد تصدقين .. من كثر ما كنا نخاف منها ونحلم بشكلها .. كل مره كنت أشوفها غير <<موديلات خخخخخخ


وذا الأم التنكه على قولتس خخخخخخخ .. وشوي بحقها تنكه .. مسويه فيها نظاميه .. وتحتري التختور
نعنبوتس .. امكعيها من خشمه .. مكعوا خشتس :052:


لكن ما قلتينا عن طفولتس .. وش أنواع الأعياد اللي كنتي تجيبينها؟ :D


يسعد قلبتس يالغلا على طلتس الروعه .. لا حرمناتس


دمتي بود وألف خير

يا مرحبا والله بـ شيزونة الأماكن


ههههههههههههههههههههههههههههه أجل راح فيه الماوس الضعيّف


أولاً .. الله يجبر بخاطرتس .. ومشكوووووره يالغلا على التقييم .. هذا من ذوقتس وروعة عيونتس اللي شافت هالموضوع يستاهل التقييم


أنا متأكد انتس كنتي مؤدبه في صغرتس :157: .. بس كله من .. العبري .. الله يهديه :D
هو اللي كان يغريتس على المشاغبه خخخخخخخخخخ


بالنسبه للشوكه .. كان صعب نسدح الصوره على طول .. فكان لابد من هالمقدمه المغريه عشان نجذب السياح خخخخخخخخ :157:

هين الأم .. ما جابت خبر ذا المسكين وشوكته .. لو إنها في خشمها تسان تغيرت علومها .. لا زودن على إنها مخليتن الشوكه بمتسانها .. راعصتن الولد على صدرها يقالها لاعبتن فيها الحنّيه الحين .. يعني لا خيرتس ولا كفاية شرتس :confused:


يشرفني تواجدتس دائما في مواضيعي .. فلا تبخلين بالحضور


يسعد قلبتس على هالطله العذبه .. ولا يحرمنا منتس

دمتي بود وألف خير

هههههههههههههههههههههههه يالله إنك تحيي صديق روني :D


الله يوسع صدرك بالعافيه .. ويديم عليك التنسيم خخخخخخخخخ <<وين تيوبلس


بعدين احترم نفسك .. وش اللي تسميني موذي !! :mad: <<يسمع بموضي الطقاقه :052:


وانت الحين قاعد تتريق على جبهتي والمطبات اللي فيها :09: .. على الأقل أنا أعترفت لكن البلا في اللي جاحد التضاريس اللي فيه :D

تنكر إن علباك <<الرقبه من الخلف>> مليانه .. تسوايا <<جمع كويه>> وختوم ماركتنا المسجله Made in KSA صنع في السعوديه خخخخخخخ

إذا بغيتوا تعرفون الواحد سعودي صدز وإلا لا .. ناظروا في علباه :157: وشوفوا علامة الجوده :p


وشكلك انت يا أما إنك ما قريت الموضوع زين وتمقلت فيه .. وإلا إنك كالعاده من جنبها وما ركزت :D

أنا قايلن إني أكمخ في الجدران .. موب من زود الحوله .. لأني أدعس طبلوني كله وأنا ملتفت وراي .. لأجل تسذا ما يمديني أولع النور العالي وأناظر قدامي إلا مشمّع في باب وإلا في عاير .. هذا إذا ما دخلت دمجتي في بطن آدمي ناطحني :p


وانت الحين جاي تلوم ذا البزر الأبرص عشانه شال شوكه وجاب العيد وهو يركض بها

يعني نسيت نفسك .. أيام ما كنت تفرك بقوارير البرندا :o <<الميرندا>> وتلعب بالكباريت مسوي فيها نوير انت وذا الشروخ اللي ماليتن مخابيك :157:


وبعدين أمه ذي .. جلمه <<ابن أمه يترجمها>> وش ترجي منها .. يا دافع البلا تسنها بقره بس موب ضاحكه خخخخخخخخخ


الله يرجك .. خليتني أبطي وأنا أهذري :052: <<طيب ضف وش تنتظر؟


لا هنت على الطله يا ذيبان .. دايم تعال الله لا يهينك :157:


دمت بود وألف خير

هههههههههههههههههههههههه ليش سويت :D


هو باقي عألاتك .. عشان يخربون خخخخخخخ <<يعني معترف إنك رايح فيها :052:


كويس وافقتيني إن حريمنا ما يتحملون مواقف زي هذي .. يعني بدال ما يخففون على الواحد في مثل هالحاله .. يقلبونها دراما ويزيدون بلاه بلا :09:


يسلمو على كلامك الطيب .. شهاده أعتز فيها منك


يسعد هالقلب على هيك طله .. ولا يحرمناياك


دمتي بود وألف خير

ههههههههههههههههههههههههه المتلألأه


سلامتس من الأح :D .. طيب ليش ما غمضتي خخخخخخخ <<وشلون تشوف يا ذكي؟ :052:


يسلمتس ربي من كل شر يالغلا

ويسعد قلبتس على هالطله العذبه .. لا حرمناتس

دمتي بود وألف خير

ههههههههههههههههههههههه هلا أخوي العطشان


عارفين الشطانه تسوي أكثر من تسذا .. لكن انت ما ضحكت إلا متذكرن لك شي مسويه وانت صغير :D .. ولا قلت وشو :052:


أجل عجبتك حقت الحريم وسواياهن في هالحالات خخخخخخخخخ :157:


يخليك ربي على هالطله البهيه .. لا حرمناك وتواجدك الجميل


دمت بود وألف خير

ههههههههههههههههههههههههههه هلا وغلا دفى الأنفاس :D


بعد انتي ماره عليتس عوافي الله خخخخخخخخخخخ :157:

الله يخلي لتس أمتس .. شكلها لو ما استخدمت ذا التهديد ما هجدتي ومسكتي أرضتس :o <<برااااااا


ههههههههههههههههههههههههههههههه أما عورني شخمي :157:

أنا أول ما شفت الصوره .. تلطمت :052: <<على باله حمايه لخشمه :p


هين بالنسبه لأمه .. موب تنكه وبس .. إلا بقره وتخب .. أجل ذا وقت تسوي فيه نظاميه وتنتظر تدخل طبي <<أحلى يا مثقفين :p


الله يسعد قلبتس ويوفقتس على هالطله الروعه .. والدعوه الطيبه .. ولا يحرمنا منتس :oo9:


دمتي بود وألف خير

هههههههههههههههههههههههههههه ولا يهمك

أهم شي إنك ضحكت حتى لو في الأخير << يقالك شايفه الحين :052:


الله يعافيك من كل شر أخوي بدر هذا من ذوقك يا غالي

حضورك أسعدني .. وكلماتك أعتز فيها أكيد .. وإن شا الله تشوف أشياء تعجبك أكثر في الجايات :D


لا هنت على هالطله العذبه

يخليك ربي ويوفق خطاك


دمت بود وألف خير