مــذكـرآت طـآلب زآحف ..بس فــآهم ...!!!
بسم الله الرحمن الرحيم ,, السلام عليكم ورحمة الله وبركاته ,, . . بإذن الله , وبإذن الواحد الأحد إني هالصيفيه بغادر الجامعه للأبد ( ولا أستغني عن دعائكم , تراي مسلم ) مدري ليش محد مستوعب إني بصير معلم صعوبات تعلم ( الطموح كان عسكريه , بس تأكدت إني ممنوع منها حتى عام 1431 هـ ) يعني اشيل النجمه من راسي للأبد قبل مهنة المعلم , وإن مقامي من مقام الرسل لأني شخص أحمل رساله http://www.cksu.com/vb/images/smilies/q1.gif محد كان مستوعب ومصدق إني أكون طالب جامعي رغم إني تعودت على النجاح بدرجة ممتاز (( هذي نسبتي في ثالث ثانوي )) 7 7 7 96,20 بذكر لكم مواقف لي يوم كنت طالب في المدارس http://www.cksu.com/vb/images/smilies/mo13.gif ( والله حقيقه ولو غلفتها بالخيال لتمشي عالكل لكن مشكلتي أحب الماضي كثير وأعتز فيه ) أيام ثالث متوسط كنا في مدرسه مستأجره ونقلونا لمبني حكومي بعد فتره من الدراسه جانا ظابط من الدفاع المدني ومعه كم جندي عشان يشرحون لنا طريقة الإخلاء وقت نشوب الحريق شرحو لنا الطريقه وكيف نطلع بإنتظام من الفصول بقيادة المعلمين جاء وقت التنفيذ ..! رحنا للفصول ودق جرس الإنذار وطلعو كل الطلاب إلا أنا وطالب اسمه ناصر محمد ( الله يذكره بالخير كنا مع بعض دايم ) انتظرنا لين طلعو كل الطلاب من الدور الثالث ونزلو تحت طلعنا من الفصل وفتحت الصندوق اللي فيه الخرطوم حق المويه http://www.cksu.com/vb/images/smilies/q1.gif وسحبته لين وصلت للجدار اللي يطل عالساحه وقلت: فك المويه يبو محمد وفتح المويه وكنت ماسك الخرطوم وارش المويه على الساحه ( غرقت الطلاب والمدرسين والظابط ) وناصر يزيد فتح المويه والخرطوم مره يحذفني يمين ومره يسار لين طار من يدي وجلس يرش في الدور الثالث http://www.cksu.com/vb/images/smilies/s/ck-00.gif المهم إنهم مسكونا ودخلونا مكتب المدير قال : وش تبي انت وياه بخرطوم المويه ليش مانفذتو اللي قالوه لكم قلت : يبن الحلال حنا عتابه لاشبت النار نطفيها ما ننحاش http://www.cksu.com/vb/images/smilies/mo13.gif ( من يومي وأنا مهايطي) لا تسئلون وش صار فينا ..؟ تعهد , إستدعاء ولي أمر , توقيف اسبوع عند مكتب المدير , جلد بعد الطابور قدام كل الطلاب (( الموقف الثاني )) كنت موقف عند مكتب الوكيل ( اليوم الدراسي كله يروح وانا موقف برا بالكثير ادرس 3 حصص باليوم ) وكان فيه سوداني طالب اسمه معتز جالس عند مكتب المرشد ورحت له http://www.cksu.com/vb/images/smilies/q1.gif واللي فهمته منه إن بطنه يعوره ويبي يستأذن عشان يطلع والمرشد قال له : أنتظر برا شوي أنا جلست أسولف مع السوداني كان جالس على الكراسي وأنا واقف وحاط رجلي على الكرسي ومثبت يدي من فوقه على الجدار >> واقف وقفت عربجي وأنا أتكلم معه جت يدي على طفاية الحريق قلت: تتحداني ارش عليك البودره http://www.cksu.com/vb/images/smilies/s/rrr.gif قال : لا أنا مريض http://www.cksu.com/vb/images/smilies/157.gif ( أنا أستهبل وعلى بالي إن الطفايه صمام الأمان فيها) يوم ضغطت عليها وهي ترش على الزول !!! أنا إنكتمت وجلست أكحكح والزول طاح عالكراسي وإنصرع والمرشد والمدير يهفون بشماغهم عالزول وأنا مطنشيني محد معبرني http://www.cksu.com/vb/images/smilies/cry1.gif وشالوه للمستوصف ودقو عالشرطه ورحت للقسم ( كبرو السالفه وهي صغيره ) وجاء أبوي وبحب خشوم مع أبو الزول سامحوني وتنازلو عني ورحت لبيتنا في اليوم الثاني حضرت بالطابور وطلعوني على طول لمكتب المدير ..؟ وماكان مصدق اني طلعت يبيني انسجن ويفتك مني ( والله العظيم هالمدير ماينسى اسمي لين يموت) اللي قهرني ... إنهم ماصدقوني يوم قلت: إني طفاية الحريق خربانه وصمامها مسحوب ولا توقعت انها بترش علي أنا والزول والزول النذل قال: إني هددته قبل ارش عليه http://www.cksu.com/vb/images/smilies/cry1.gif وصارت التهمه لابستني وجاب ابوي للمدرسه طفايه جديده بدل اللي يقولون : إني أتلفتها http://www.cksu.com/vb/images/smilies/gap.gif (( الموقف الثالث )) تذكرون شركة المراعي أول مانزلو عصيرات المراعي كانو يسوون محاضرات بالمدارس ذاك اليوم كانو عندنا بالمدرسه وحاطينا بالساحه وجالسين على الفرشات وحقين المراعي يلقون علينا محاضره كنت في أخر صف مطنش المحاضره وجالس اسولف واستهبل ومسكني واحد من المدرسين وحطني بالصف الأول قدام الطاوله والكرسي اللي جالسين عليها حقين المراعي والمدير ( وتندمو ذاك اليوم إنهم جابوني من الصف الأخير ) المهم خلصو حقين المراعي من المحاضره وفتحو باب الأسئله ولا أحد من الطلاب تكرم وسئلهم سؤال قالو : تعال وتكلم بالميكرفون عشان الجميع يسمع سؤالك المدير وقسم بالله إني مانسيت شكله عيونه طايره كنه داري إني بجيب فضيحه جديده له http://www.cksu.com/vb/images/smilies/q1.gif أخذت الميكرفون ماكان في راسي أي سؤال , ولا لي أي نيه أستهبل....! ( بس جني اللكاعه جاني, وخربتها ) قلت فيما معناه ( مااذكر كلامي بالظبط ) قلت: الحين أنتم شركه كل اللي عندكم بقر شلون هالبقر تحلبونها , وتجيب عصير برتقال وفراوله , بقر جديده ذي ماعمري سمعت فيها http://www.cksu.com/vb/images/smilies/q1.gif أقسم بالله بعدها ماسمعت غير الضحك في كل مكان بالساحه طبعاً كانت هي القشه اللي قصمت ظهر البعير وكانت أخر أيامي في متوسطة الغزالي لأني طردت من المدرسه مع أوسع أبوابها وكملت ثالث متوسط في حي النسيم مرحلة الثانوي أجبرتني الظروف أكون بالقصيم صح إني سربوت ودايم بايعها بس فيني حس المسئوليه http://www.cksu.com/vb/images/smilies/n/e.gif ماكان عندي ولي أمر بالقصيم وإنجبرت ما أسبب مشاكل عشان مايجي أبوي أو أخوي ويمشون 360 كيلو من الرياض للقصيم عشان يوقعون تعهد كنت مؤدب http://www.cksu.com/vb/uploaded/9520/1178895328.gif وشخص ثاني ( مع مشاكل ومضاربات خفيفه) المواقف كثيره لي بالمدارس وبالذات داخل الفصول أختصرها / يومي كله واقف عند مكتب المدير , كل اسبوع أوقع تعهد , لازم بالأسبوع أنجلد قدام كل الطلاب ( صار عندي مناعه من الضرب ومتعود عليها http://www.cksu.com/vb/images/smilies/q1.gif ) ومستحيل أقابل أي طالب يذكرني أيام المتوسط ويدري إني دخلت الجامعه بدون مايستغرب ويذكرني بالماضي مع ذلك مازلت أقول / لو كانت جميع الدرجات على الإختبارات فقط , بدون مشاركه وواجبات ماراح أكتفي بنجاح بدرجة ممتاز راح أجيب 100 من 100 بس دايم المشاركه والمواظبه والسلوك تحرمني منها (( المرحله الجامعيه )) حياتي بالجامعه تختلف 180 درجه عن المدارس شخصيتي بالجامعه تختلف عن البيت والشارع سبحان الله ماهضمت الجامعه من أول يوم دخلتها أدخل القاعه بمذكره , وعلبة مويه دايم مكاني بأخر صف يمين رجل على رجل , متكتف راسي عالجدار , مشخص ملكي . ومرجع العقال ورى ( كني شخص في عزاء موب جامعه) في الجامعه إعتبارات كثيره / الإختبار مايكفي للنجاح ولا يوصلك لأفضل المعدلات..؟!؟ عروض البويربوينت , مشاركه , حضور , معرفة الدكتور كلها أهم من الإختبار عشان كذا شي طبيعي إني معدلي مايكون 5 من 5 وشي طبيعي إن دفعتي صارو مدرسين وأنا مازلت طالب جامعي ( خلوها إختبارات بس وأتخرج بإمتياز ) بقول لكم سر لأحد يدري عنه http://www.cksu.com/vb/images/smilies/q1.gif / مسموح لكل طالب غياب بنسبة 25% أنا أول شهر مستحيل أدرس الغياب أخلص عليه ثم أحضر ( من جد إنسان ماهضمت الجامعه http://www.cksu.com/vb/images/smilies/gap.gif ) بطرح لكم معدلي ولا راح أخاف من حسد ولا عين >> بالله بيحسدونك على وش http://www.cksu.com/vb/images/smilies/q1.gif ماراح أخجل من معدلي وحذف الأترام , وحمل المواد ( حملت 5 مواد وحذفت ترمين ) لأنها / لو كانت إختبارات بس والله محد يسيقني 2,73 يالله لك الحمد الأهم إنها شهاده سؤال للفائده / وش بستفيد من مقررات السلم ؟ وش بتفيدني فيه تقسيم الغنائم والطلاق والبينونه الصغرى والكبرى وش بتفيدني فيه مقررات النجم ؟ معقوله بتكلم انقليزي مع طلاب ثالث وثاني ابتدائي..؟ وش بتفيدني فيه الأجهزه التعويضيه؟ مقررات ورب البيت مالها اي فايده لي كمعلم صعوبات تعلم مستقبلاً ليش ماتكون مقررات إختياريه بدل ما إنجبر كل يوم امشي عالسياره 100 كيلو رايح جاي في زحمة الرياض ؟ ليش ماتبدل ساعات مواد التخصص وتحذف هالمواد اللي مالها فايده ؟ فايده عامه بس لأقل ولا أكثر اليوم اللي يعلن فيه قرار تعييني كمعلم ياتعس حظ مدير المدرسه اللي بجيه http://www.cksu.com/vb/images/smilies/q1.gif راح أموت وأنا أشوف إستغراب الكل من حولي بأني مدرس مشكلتي فضيخ قلب وكل اللي همني رايي في نفسي ومعرفتي لذاتي >> يقولون مغرور بس ماني مصدق http://www.cksu.com/vb/images/smilies/q1.gif وياحظ كل طالب بيكون بمدرسه أنا فيها ( أحس إني بجيب مصيبه ولا راح أتخرج من الجامعه إحساسي يقول كذا مدري ليش http://www.cksu.com/vb/images/smilies/q1.gif ) تعرفون البرز يوم يقررون أهله يشترون له بلايستيشن يكون متحمس ومبسوط أنا مثله بس أنتظر اليوم اللي أدخله فيه عى مدير المدرسه وأقول / المعلم مـقـرن العـتـيـبـي قدم إليكم من ربوع نجد بمعدل 2,73 وحب الفلسفه والذبات أنت ووجهك اللي كنه ركبة شحاد http://www.cksu.com/vb/images/smilies/q1.gif عندي فلسفه تقول / المتعه , والحب , واللكاعه تصنع النجاح كطالب جامعي انا مثال سيئ http://www.cksu.com/vb/images/smilies/q1.gif لأني ماهضمت الطريقه الجامعيه كلها لكن / سنه بالميدان فائدتها تساوي 20 سنه بدراسة مقررات الجامعه الإحتكاك يجلب الخبره والخبره تغني عن النجم والسلم ... إلخ http://www.cksu.com/vb/images/smilies/gap.gif (1) التعليم حب طالب أمه ميته طالب أمه مطلقه وعايش مع زوجة أبوه كيف هالطالبين يطلب منهم قراءة قطعه نصيه تتكلم عن حنان الأم ؟ http://www.cksu.com/vb/images/smilies/n/dry.gif منهج وقصص خاصه لكل طالب راح أكون مسئول عنه طالب يحب الهلال / تكتب له قصص عن نادي الهلال طالب يحب البر / تكتب له قصص عن البر والأبل http://www.cksu.com/vb/images/smilies/q1.gif طالب يحب السيارات / تكتب له قصص عن الكامري واللكزس http://www.cksu.com/vb/images/smilies/q1.gif طالب أمه ميته / تكتب قصص عن قدر الأخ والأخت http://www.cksu.com/vb/images/smilies/s/rrr.gif إذا الطالب حب شي راح يبذل كل جهده عشان يوصل له شي طبيعي إنه بيمر بسلاسه في درس القراءه عشان يجيد قراءة قصه لشي يحبه وعشان يفتخر عند زملائه http://www.cksu.com/vb/images/smilies/s/rrr.gif بعطيكم مثال عن نادي الهلال ياسر القحطاني مهاجم نادي الهلال , يحمل الرقم 20 , وهو من مواليد مدينة الخبر طالب ثاني ابتدائي وش بيستفيد من هالثلاث جمل ؟ 1 ـ عشقه للهلال وياسر راح يدفعه لحب التعلم لأن فيه فائده بيوصل لها من هالنص اللي بيقراءه 2ـ راح يجيد ويعرف قراءة وكتابة الرقم 20 لأنه رقم لاعبه المفضل ولاراح ينسى الرقم ابد 3 ـ مفردة كلمة الخبر = مدينه من مدن المملكه ( وهنا الطالب حفظ إسم مدينه , لأن ياسر ولد فيها http://www.cksu.com/vb/images/smilies/s/rrr.gif ) التعليم شي بسيط وسهل بس من يفهم وزارة التربيه والتعليم بشي اسمه / الحب (2) التعليم متعه عزيزي المعلم منت مجبور تجلس بغرفة المدرسين وتفطر معهم لأنهم / بيتكلمون في الرواتب , والطالب فلان سيئ وحش في الوزاره , وأمور تجيب الهم http://www.cksu.com/vb/images/smilies/q1.gif لا تصير إمعه معهم http://www.cksu.com/vb/images/smilies/s/ck-35.gif أفطر في مكتبك والا بغرفة المصادر والطالب اللي عندك بالحصه الأولى يفطر معك فول وتميس أنت تستفيد حاجتين ؟ إنك تمخمخ بعد الفول ,http://www.cksu.com/vb/images/smilies/q1.gif تكسر حاجز الرهبه بينك وبين الطالب ( كل طالب يشوف المعلم شي لازم نحترمه ونخاف منه http://www.cksu.com/vb/images/smilies/q1.gif ) عندك وقت فراغ البس رياضه ورح للمعلب وسحب في المبزره اللي بحصة الرياضه ضحك عليهم وإنبسط وإستمتع http://www.cksu.com/vb/images/smilies/q1.gif لأنك وقتها وأنت تمشي بالمدرسه راح تسمع الطلاب يقولون جملة / إستاذ فلان ودامهم تجرؤ هالصغار ونادوك فأنت جلبتهم لصفك وصار تعليمهم شي سهل http://www.cksu.com/vb/images/smilies/s/rrr.gif إنس الراتب , إنس النقل , وإنس العزوبيه والشقه اللي تبي تنظيف http://www.cksu.com/vb/images/smilies/q1.gif تمتع بالمدرسه ياعزيزي http://www.cksu.com/vb/images/smilies/s/rrr.gif وإستمتع بالخبث في كسب هالطلاب http://www.cksu.com/vb/images/smilies/s/rrr.gif (3) التعليم لكاعه http://www.cksu.com/vb/images/smilies/gap.gif المدير طنشه وخله يعرف إنك شخص منت معبره ولا مهتم فيه عشان مايغثك ولا يعبرك http://www.cksu.com/vb/images/smilies/s/rrr.gif حسسه إنك مريض نفسي وأخر همك كيف تنقل من هالمدرسه خله يوم يشوفك يتجنبك ويندس عشان ماتذب عليه قدام المدرسين http://www.cksu.com/vb/images/smilies/q1.gif مهمتك كمعلم كيف تدرس الطلاب موب تفرض إحترامك عالمدير http://www.cksu.com/vb/images/smilies/s/rrr.gif طالب بدوي وطعس وحنوسه ؟ لا تقوله 5 + 1 = كم ..؟ قل له / عندك 5 نياق وابوك عطاك ناقه كم يبي يصير عدد نياقك http://www.cksu.com/vb/images/smilies/s/rrr.gif ؟ صدقوني بيعد لين يقول 6 ( الغبي مايدري انه يتعلم الحساب ) ( إستهبل وأضحك وتلكع , بس اعتبرها بوابة وطريقة للوصول لهدف ) فلسفه جديده بالحياه التعليم = حب , متعه , لكاعه http://www.cksu.com/vb/images/smilies/q1.gif . . 8 8 8 هذي قصة وآحد كآتب مذكرآته يوم هو بالمتوسط والثآنوي ,, << مــآهوب أنــآ أبد ..http://www.albar7h.com/vb/images/smilies/Swaffff.gif |
رد: مــذكـرآت طـآلب زآحف ..بس فــآهم ...!!!
تــــــ ع ـــــــــــبة وآنا آقرآ اللي كاتـــبهـ راح آكمـــــــل البقيهـ في الحـلقه القادمــــــــهـ هههههههههههههههههههههههههههههااااااااااااي هههههههههههههههههههههههههههههههههههههههااااااااااا ااي آنا راح آقول لكـ شي تــذكــــــــر القبـ الجــــديد وهو آيش دنــــــبوشي لالا تــظن آني نـسيتهــ لا والف لا مستحــيلـ آنساكـ وآنسى لقبكـ يادنــــــبوشي تــ صدق لعاد مناسب لكـ وآثبتـ على نــفسكـ هذا آشي خخخخخخخخخخخخخخخخخخخخخ والله حدي مــستـانــسهـ يالتمساح دنبوشي هع هع يـــ ع ـــافــيكـ الرحمـــــــــــــن ع المدبلـــــــج اللي يقطــــــــ ع الظهر هع هع مــــــــــــــ لكـ ـــــــودتــــــــــــي |
رد: مــذكـرآت طـآلب زآحف ..بس فــآهم ...!!!
ههههههاااااااااااااي
http://www.srqa3h.com/vb/images/smilies/a5.gif خخخخخخخااااااااااااااااااااااي http://www.srqa3h.com/vb/images/smilies/a5.gif هلا والله نورت القسم بلاااه فرحانhttp://www.al-amakn.net/vb/uploaded/...1243790159.gif وانا احسبها لك واقرا واقر واقول الادمي دا الي قصته مكتوبه مستحيل يكون منشستراوي الهادي ف المنتدي هع هعhttp://www.al-amakn.net/vb/uploaded/...1246401581.gif هههههههههههه يعني انت مو مدرس خخخخخخخااااااااااااااااااي http://www.srqa3h.com/vb/images/smilies/a5.gif يسلمووو ع الوناسه ولا تحرمنا جديد |
رد: مــذكـرآت طـآلب زآحف ..بس فــآهم ...!!!
ههههههههههههههاااااااااااي
قول قول ماحد يمك قول ان هذي مذكراتك خخخخخ مشكوره اخوووي على هالموضوووع يتعب بس يووونص:060: |
رد: مــذكـرآت طـآلب زآحف ..بس فــآهم ...!!!
ههههههههههههههههههههههه اول شى الله يعطيك العافيه وعلى قوله ريميه تعبتنا واحنا نقراء بمذكرات لوؤولز وعجبني الموقف مع السوداني ههههههههه يوؤوما منك مو باين عليك الشطانه بث مودري يعشتنا وايد اجواء حزن فرح تشويق لوول يسلموؤوؤ المانشوؤو تقبل تح ــيـأتــي ،، |
رد: مــذكـرآت طـآلب زآحف ..بس فــآهم ...!!!
اقتباس:
يـآفــتـآح يـآعليم ..يـآرزآق ياكريم :052: هالحين وين أنتي رآيحة يـآسحلية الربع الخـآلي..:p مــآعنتس وعن التنسيم اللي معشعش بطـآستس اللي كنها غضـآره معَدن:p المـسـألة مــذكرآت موب ( تذكيرآت ) :p كل شوي طالعة لي بهالدنبوشي :( بس ولوووو ...تكفيني طلتس هــنــآ لآعدمتس يخليتس ربي |
رد: مــذكـرآت طـآلب زآحف ..بس فــآهم ...!!!
اقتباس:
هــلآ هــلآ أم أربع وأربعين :p القسم منور بتس وبـ بستس اللي كل مـآشفت بسه بشوآرع الرياض ..ذكرتني فيتس:p وبعدين وش هو له التصفيق هـذا:110:.....وش مسوي لتس..؟:( دايم طرآقآت طرآقات على اللي يسوى واللي وش اسمه ذاك..:p يخليتس ربي يالبسة أم أربع وأربعين :p<<مـآتجي كذا..؟:p برب <<اللي بعدوووو:p |
رد: مــذكـرآت طـآلب زآحف ..بس فــآهم ...!!!
هههههههههههههههههههههههه مشكور على مواقفك ذكرتني بالمواقف اللي اسويها للمعلمات وعلى طول الاداره خخخخخخخخخ يسلمو انك ضحكتني عليك |
رد: مــذكـرآت طـآلب زآحف ..بس فــآهم ...!!!
اقتباس:
:p أجــل تــعـبتي وأنتي تـقرين :oo9: عــآد مــآلها دآعي الفضايح :p خليها مستورهـ وأنا أخوتس ;) لآهنتي على مرورتس يخليتس ربي |
رد: مــذكـرآت طـآلب زآحف ..بس فــآهم ...!!!
والله ما توقعت انك خفيف دم ههههههههههههههههههههههههههههههههههههههههههههههههه
صحيح ان الموضوع طووويل بس الصرآحه استمتعت بالقرآءه وبالتوفيق..,, |
رد: مــذكـرآت طـآلب زآحف ..بس فــآهم ...!!!
ههههههههههههههههههههههههههههه هههههههههههههههههههههههههههههههههههههههههههه روووعــــه الا ليت الزمان يعودو يوما كان والله ما اخلي احد بحاله ما استانست ولا مره بالمدرسه تسذا الحياة تمشي مب هدوء <<< خربت البنت يسعد قلبه كاتب الموضوع والله ينور دربه ويعطيك العافيه .. سندووره .. |
رد: مــذكـرآت طـآلب زآحف ..بس فــآهم ...!!!
هههههههههههههههههه
والله الموووضع من جد فله يسلمووو |
رد: مــذكـرآت طـآلب زآحف ..بس فــآهم ...!!!
هههههههههههههههههههههههههه
حلوووووووووه منك:d تسلم الايادي على الطرح الحلووووووو:157: عواااااااافي |
رد: مــذكـرآت طـآلب زآحف ..بس فــآهم ...!!!
ليش ماتبدل ساعات مواد التخصص وتحذف هالمواد اللي مالها فايده ؟ فايده عامه بس لأقل ولا أكثر والله انك صادق مانها فايده والمشكله مانحمل الا هاللمواد الله يعين بس ----- قلبت الموضوع جد :p:p:p المانشسترواي مذاكرات خطيره وخصووصا الي مع المراعي ضحكني بقووه ماننحرم منك خيوو:):) |
رد: مــذكـرآت طـآلب زآحف ..بس فــآهم ...!!!
هاااااااااااااااااااااع
والله انه مرجوج يسلمك ربي ..... |
رد: مــذكـرآت طـآلب زآحف ..بس فــآهم ...!!!
هههههههههههههههههههههههههههههه
وني اقول ماشاء الله عليك هههههههههه وبعدين واحد ثاني بس ماشاء الله موضوووع قمة في الروووووعة <ههههههههه يسسسسسسسسسسسلموو |
رد: مــذكـرآت طـآلب زآحف ..بس فــآهم ...!!!
هههههههههههههههآي^^ آكووس ^مذآكرآتـ’ قثمـ،’ بآين آن الموضوعـ،’ قديمـ شووي بس مدري كيفـ’ طبيتـ’ فيهـ’^ وآعجبتني _(حنآ عتآآآآبه لاشبت النار نطفيها ما ننحاشـ’^) والنعمـ’ واللهـ^ آحدآثـ’ ونقلآآآتـ’ مررهـ’ رهيبهـ’ بين هبآآآآآآل وهدووء^ وتمشيتـ’ حآل وآخر شي مدرس^>>مو رآضيهـ’ تدخل رآسهآ هعـ’^ المآنشسترآوي^ موووضعـ’ جوونآنـ’ وروعهـ’ ويكفيـ’ آنهـ آبدآعـ’ شخصي^ خ’ـآلص ودي^ |
رد: مــذكـرآت طـآلب زآحف ..بس فــآهم ...!!!
هههههههههاي
أحلى شي بجد الدجه والصرقعه بالمدرسه بجد سوالفك رهيبهـ حيييل المانشست تسلم ايدك |
رد: مــذكـرآت طـآلب زآحف ..بس فــآهم ...!!!
ههههههههههههااااااااااااااي
الله ياليت المدرسين والمدرسات كذاا واااو فلله وكللش >>مايمديني ع التعبير ..:157: والله زاااااااااااحف يالله الله يوفقه مشكووور اخووي ع الطرح لك ودي .. |
رد: مــذكـرآت طـآلب زآحف ..بس فــآهم ...!!!
هههههههههههههههههههههههههاي
يسلمـــــو هههههههههههههههههههههههههه |
الساعة الآن 09:42 AM. |
Powered by vBulletin® Version 3.8.4
Copyright ©2000 - 2024, Jelsoft Enterprises Ltd.