منتديات الأماكن - حصّه خفيفه .. مع مبسوطه !! (التاء المفتوحة والمربوطه) !

منتديات الأماكن (https://www.al-amakn.com/vb//index.php)

- ●{ الِمُنًتَدَيَاتْ الِأِكادَيَميَة (https://www.al-amakn.com/vb//forumdisplay.php?f=46)

حصّه خفيفه .. مع مبسوطه !! (التاء المفتوحة والمربوطه) !

بسم الله الرحمن الرحيم

يسعد مساكم جميعا ً

بصراحه مدري ليه حاطه هالموضوع وعندي احساس ان محد بيرد علي .. بس مو مشكله .. انا لا اريد منكم جزاءً ولا شكورا
أهم شي أعطيكم الدرس .. وتصلحون اخطائكم .. وابرئ ذمتي امام الله !

ندخل فالموضوع ..

رح نتكلم عن التاء المربوطه .. والتاء المفتوحه .. و شلون نفرّق بينهم !

طبعا ً رح تسألوني ليش يامبسوطه اخترتي هالنقطه بالذات عشان تشرحينها لنا ؟!!

بصراحه انا ماتعمدّت اني اختار هالدرس فقط بعينه .. كان ودّي احطلكم كل الدروس واطلّع فضايحكم كلها

لكن بما إن أخطائكم لا تعد ولا تحصى ومستواكم الإملائي ماودي اتكلم عنه .. فكان لازم علي اختار خطأ واحد الآن ونركز عليه مع بعض

وبعدين نتطرق للنقاط الثانيه اذا الله احيانا .. في حصص اخرى !

ذاك اليوم أبشّر وحده فالمسن : باركيلي نجحت !!

تقول : مبرووووك .. وربي فرحة لك من قلب :D

فرحة لك ؟؟!! وش تطلع هذي :052:

ولا الثانيه اسألها : كيف الدوام معك ؟!!

تقول : والله اتعبتني قومت الصبح !!

والله انا اللي اتعبتني هالقومت !! :09:

ياجمااعة الخير .. لازم فالبدايه نعرف ان فيه نوعين من التاء

التاء المفتوحه (ت) : وهي اللي تجي نهاية الأفعال .. مثل :

( أمست - اصبحت - أمسيت - راحت - جات - صليت )

والتاء المربوطه(ة) : وهي اللي تجي نهاية الأسمااء .. مثل :

( كورة - سارة - حديقة - جمانة - سيارة )

التاء المفتوحه تنطق دائما ً (تاء) سواء ً في حالة الوصل أو الوقف

أما التاء المربوطه تنطق (هاء) في حالة الوقف .. أو إذا كانت الكلمه لحالها و ماحولها احد مثل (حديقة)

أما في حالة الوصل فتنطق (تاء) .. مثل (حديقة البط)

وهذا هو الاشكال عندكم .. مشكلتكم انكم تكتبون الحرف على حسب النطق
يعني الحين لو أقولكم اكتبوا جملة ( شامة الخد ) .. بكل ذكااء الدنياا رح تكتبولي (شامت الخد)

غلللللللللللط:mad:

لازم ننتبه إن كلمة (شامة) إسم .. ماهي فعل !!

أعطيكم مثال .. جملة ( راحت الكورنيش ) .. وجملة ( راحة البال )

نلاحظ أن الكلمة الأولى في الجملين .. لهم نفس النطق .. لكن اختلفوا بالكتابه
طيب ليش كتبنا الأولى مفتوحه .. والثانيه مربوطه ؟!!

لأن (راحت) الاولى .. فعل .. فكتبناها مفتوحه
و (راحة) الثانيه .. اسم .. فكتبناها مربوطه

اعطيكم مثال ثاني .. جملة (حبة خال) .. وجملة (حبت ولد جيرانهم)

ليش اختلفت كتابتهم مع ان لهم نفس النطق ؟؟!!

ايواااه .. صح عليكم .. الحين بديتوا تفهمون

لأن (حبة) الأولى هي اسم .. بمعنى : النقطه الغامقه اللي تجي على وجيهكم ولا اي مكان !
و(حبت) الثانيه هي فعل .. بمعنى : البنت خاقه على ولد جيرانهم !

وفيه طريقه ثانيه تفرقون فيها بين التائين .. اللي هي :

انكم تفصلون الجمله وتقرؤون الكلمه الاولى لحاله .. فإذا قدرتوا انكم تنطقون الكلمه بالهاء .. فتكتبونها تاء مربوطه(ة)
وإذا ماقدرتوا تنطقونها بالهاء .. فتكتبونها تاء مفتوحه(ت)

مثل كلمة (حبت) هذي لو تفحط مافيه امل تنطق بالهاء
أما كلمة (حبّة) قدرنا ننطقها بالهاء .. كما في :

ياكلك .. حبه حبه !!

وبس

خلاااص ؟؟!! .. فااهمين ؟؟!!

يلا مالكم اعذار تلخبطون الحين .. شرح واضح وبسيط وحلو زي كذا مابتحصلوون
فلا عاد اشوف واحد يقول .. أنا فهمة الدرس !!

يعني لو يحلفلي من اليوم لبكره ماني مصدقته !

ويعطيم العافيه على الحضور .. وحسن الإنصاات
كانت معكم .. المبسوطه :)