هذه قصيده القيتها في حفل تكريم ابناء عمي احدهم حاز على شهادة الدكتوراه
في اللغه العربيه والاخر
تقلد رتبة رائد


ياقصايد نوري ليلة فرحنا بالورود
وعطري كل الحضور المستجيب لمن دعاه.
حفلنا تكريم ناس فعلها فعل الأسود
لاحكت الكل يسكت غصب والأ في رضاه.
والسبب يرجع لإنهم من بني عمي سعود
قمة المجد العريق المكتمل في محتواه.
ساسهم طيب وحموه من عريبين الاجدود
لوكتبت الشعر فيهم فاح عطره من شذاه.
لك يابو خالد معزه من محب بلاحدود
عقب ماحزت التميز مع شهادة دكتوراه.
رحلة كانت مابين الصرف والفاظ العقود
والادب ماغاب عنه البحتري واللي سواه.
نبع علمك مثك بحر بلاشواطي أوسدود
حوله العالم تجمع ترتوي من حلو ماه.
لو بحر غيرك تلاعبه أمواج وركود
صامدآ بحرك بيبقى زايدآ لك في عطاه.
منبرآ للعلم شاهق وكل من حولك شهود
إن فيك الفكر عالي فوق حتى مستواه.
ولك يابو أحمد تحيه وأحترام بلاقيود
تاجك اللي فوق متنك زاد عزك منتهاه.
قم تقدم فالمراتب واصل سنين الجهود
ثمرة الجهد العظيم المتضح فيمن جناه.
فيك روح للتفاني فيك عنوان الصمود
والله إنك رايدآ للمجد ياقمة ضياه.
ياعريب الساس وأنت اللي منوخ للفهود
ومايقف في وجهك الا شخص ربي قد بلاه.
مانبي نحلف عليها ولانبي فيها عهود
وكل من حولك يعرفك صرت له كل أصدقاه.
جعل أم جابت الاثنين جنات الخلود
تربية فكر ومبادئ نشئته منذ صباه.
ومايقصر من جمعنا شايب طبعه ودود
صار رمزآ في تقدم كل أولاده معاه.
أسال الله يعيذهم من شر حاسد أوحسود
ولاتجي عينه عليهم جعلها داخل حشاه.
وكل من جانا يرحب قلتله مافيك زود
يكفي إنك يارفيقي ضمن ربعه وقرباه.
وكلنا في قلب واحد بسمة أشفاه وخدود
والفرح نور سمانا وصار عنوان الحياه.
وجعل يومن مثل هذا دايمآ فينا يعود
والفرح يكمل علينا يابني صالح هواه.
مابقى الا شي واحد للقيام وللقعود
نذكر الله ومانتجاهل بالدعاء وقت الصلاه.
على النبي المبعوث فينا له صلاه بلاحدود
وشهدك ربي بحبك مع رسولك وأصدقاه.
والله اللي قد خلقنا من العدم الى الوجود
مايفرق هالجموع الا وكل دنبآ محاه.